دي كانت رد فعل صحبتي "جنى" بعد ما قولتلها حاسه اني متراقبه وبكلمها من باب الفضفضه وصدمتني بردها : - عفكرة دي حاجه منتشرة اوي الفتره دي - مش انتِ بس اللي متراقبة - ده الموضوع منتشر اوي يعني! - مش عارفه وانا بكلمها جاني اتصال من زميلتي في الشغل ف قولت لجنى هتصل عليكِ شوية كده الو -سارة بقلق الو يا روكا عامله اي يا حبيبتي اا ..انا كويسة يا سارة انتِ كويسة ؟ قولتلها كده وانا مكنش في بالي اي حاجه وفجأه لقيتها بتقولي بكل خوف لا يا روكا انا حاسه ان في حد بيراقبني ومراقبته زادت اوي يا روكا .. اا.استني .. استني يا روكا في حد بيخبط هفتح وجايه سمعت فتحة الباب ومسمعتوش وهو بيتقفل والدنيا كانت هادية اوي مفيش ايي صوت وفجأه سمعت ابشع صرخه في حياتي .. سـ..سارة .. سارة انتِ فين ؟ .. انتِ كويسة يحبيبتي ؟ , كنت بتكلم وملقتش اي رد منها ف قلقت عليها ف كان لازم اروح اشوفها وكده كده الفرق بينا مش كتير اتصلت على المدير وقولتله اني هاخد اجازة النهارده واتحججت ب اي حجه عشان كان لازم اروح اشوف سارة !! المدير وافق فعلًا وقفلت معاه الفون ولبست و وانا نازلة افتكرت كلام جنى مش عارفه ليه بس انا افتكرته بدون سبب " مش انا وانتِ بس اللي متراقبين , ده الموضوع منتشر اوي " كملت نزول على السلم وانا بتصل على جنى الو - ايي يا بنتي التأخير ده كُنتِ بتعملي ايه سارة زميلتي في الشغل كانت بتتصل عليا - وعايزه منك ايه ؟ جنى ممكن اسألك سؤال ؟؟ - قولي يا بنتي وبعدين مالك كده انتِ كويسة ؟ انتِ عرفتي منين موضوع الناس اللي بتراقبنا ده ! - كـ .. كان حد منزله كده على الفيس عـ .. عادي يعني جنى انتِ كويسة ؟ - اا..اه ..اه المُهم مقولتليش سارة كانت عايزه منك ايه ؟ بعد ما حكيت لجنى الموضوع لقيتها بتقولي عادي ف قولتلها بإستغراب وانا كلي غل وعايزه اعرف سارة راحت فين عادي اي يا جنى انتِ بتقولي ايه ؟؟؟ .. - بقولك عادي يا روكا لان اي حد بعد ما بيحس ان اللي بيراقبه بقى بيزوره كتير وسمع 3 خبطات على الباب وقام فتح محدش بيعرف الشخص ده بيروح فين وانتِ عرفتي كل ده منين ومقولتليش ليه ؟؟ - ما انا جيت اقولك يا روكا اتصلت عليكِ سارة !!! طب تمام انا كده كده رايحه لسارة وقفلت وانا متضايقه من جنى اويي وانا بتمشى فتحت الفيس على أمل اني الاقي ايي بوست بيتكلم على الموضوع ده بس ملقتش ايي حاجه وفجأه حسيت اني شوفت خيال عدى من جمبي .. جيت أبص ملقتش ايي حد في الشارع غيري استغربت بس محطتش الموضوع في دماغي عشان عايزه اتطمن على سارة .. وصلت لبيت سارة وطلعت ولقيت الباب مفتوح !! ناديت عليها بكل خوف .. سـ .. سـاره .. سارهه .. انا جيت يحبيبتي بصيت ورايا لقيته , شوفته!! شوفت الخـ..الخيال !! وفجأه الباب قفل والباب خبط 3 خبطات !! #بقلم_رقية #اسكريبتات #الضيف_جنى #غير_مألوف