بصيت ورايا لقيته , شوفته!! شوفت الخـ..الخيال !! وفجأه الباب قفل والباب خبط 3 خبطات !! الباب كان فيه عين سحرية بصيت ملقتش حد ف جيت بلف لقيته في وشي تمامًا او لقيتها بمعنى اصح .. ايوة هي اللي في بالكم جنى؟؟ انتِ بتعملي ايه هنا ؟ وجيتي هنا ازاي اصلًا ؟؟ انتِ موجوده من امتـ.. .. - شششش رغاية اوي زي عادتك !! - بما انك م هتخرجي من هنا حية .. او بمعنى اصح مش هتخرجي اصلًا يا روكا ف هجاوبك على كل اسألتك جـ .. جنى انتِ بـ .. بتقولي اي يا حبيبتي اي جو الرعب ده لو بتهزري ياريت كفاية عشان بدأت أخاف !! - أهزر ؟؟ .. لا اتطمني .. مش هزار يا روكا.!! - بما انك كده كده ميتة ف اقدر اقولك اسراري عشان هتدفني بيها ومحدش هيعرف يا روكا .. محدش هيعرف يشوفك تاني كان الخوف اتملك مني ومقدرتش انطق او اصوت او اجري ما اصل هجري اروح فين ؟ د.. دي مستحيل تبقى بني آدمة طبيعية دي شـ .. شيطانه! - انتِ كُنتِ ساذجة اوي يا روكا .. طول معرفتنا وانا بخدعك .. و .. نفسي اموتك ت .. تموتي مين يا جنى انتِ مجنونة ؟؟ .. انتِ مستحيل تبقي بني آدمة انتِ شـ.. .. - بالظبط انا شيطانه وانتِ اغبى حد اتعاملت معاه .. كُنتِ مغفله اوي .. بس دا من مصلحتي اني قدرت اوهمك اني أوفى صديقه ليكِ وانتِ من طيبتك اللي بسببها خليتي الناس تحبك! .. صدقتيني .. ( عياط ) حرام عليكِ يا جنى انتِ ازاي قدرتي تمثلي عليا كل ده .. انتِ ازاي كده !! كنت بحاول اشغِلها على قد ما أقدر على ما أعرف ازاي هخرج من الورطه اللي انا فيها دي! انا واقفه في مكاني عند الباب من وقت ما شوفتها ومش عارفه اتحرك منها .. ايوه انا خايفه منها .. بس حط نفسك مكاني!! فجأه سمِعت صوت البواب بتاع عمارة سارة باين انه أخد باله اني طلعت وأخرت وانا وشي مش معروف في المكان .. وأول ما جنى سمعته اتلبخت ودخلت أوضه ضلمه .. او بصراحة حسيت انها اختفت قبل ما تدخل الأوضه بس ده م مهم .. مش هييجي اكتر من اللي شوفته .. وانا فتحت الباب ونزلت تحت جري قابلت البواب وحاول يستفسر مني نزولي وانا بجري او عياطي .. بس مردتش عليه .. اصل هقوله ايه ؟ انا نفسي لحد دلوقتي مش مصدقه انـ .. انا حاسه اني في كابوس روَّحت البيت وانا بعيط ومش مبطله عياط ومش قادرة اتخطى الموقف ولا اليوم ده وولا عُمري هنساه .. وجه الليل اللي بخاف منه خصوصًا اني لوحدي .. عشان انا في سكن ومضطرة ابقى فيه عشان شغلي والكلية .. شغلت قرآن وقعدت اعيط لحد ما نمت على نفسي من التعب .. صحيت على الساعة 34 : 4 بالظبط وده اللي عرفته من بعد ما مسكت الفون .. بس ثانية واحدة .. القرآن اتقفل ازاي ؟ .. انا متأكدة اني شغلته! قُمت أشغل القرآن وانا متأكده اني مشغلاه قبل ما انام بس شوفت خـ..خيال في المطبخ! .. لا لا مستحيل .. مستحيل اليوم ده أعيشه تاني .. اكيد انا بتخيل .. وفجأه نور المطبخ قفل .. و ..وفي كباية اتكسرت!! #بقلم_رقية #اسكريبتات #غير_مألوف