rawêjîsm | ڕاوێژیسم

“بۆ بەیتۆجان، بۆ یارێک کە وڵات بوو و زوو نەهات!”

نووسینی: #ئەمیر_سیراجەدین

Beytocan:
“Mirov ku bê welat bû, mirov nîne”

بەیتۆجان دەڵێ: “ئینسان کە بێ وڵات بوو، ئینسان نییە”.
یا بە قەوڵی “فەرید خان” کە لە شیعری “چیرۆکی سەگە برسییەکان”ـدا دەڵێت؛ “مرۆڤ کە بێ وڵات بوو، تەنانەت ناتوانێ سەگایەتی خۆشی بژیت..”.

شوناس گرنگە، خاک گرنگە، گرنگە تۆ لە شوێنێک ئارام بگری کە دەزانی هی ئەوێی، هی ئەو هەوا و ئاسمانەی و دڵنیا دەبی کە ئیدی لەوێ دەحەسێیتەوە. ئاوا مەرگ ئاسانترە و چاوەڕوانی مەرگ بێ ژانتر. بەیتۆجان بەردەوام ترسی ئەوەی هەبوو کە نەکا بمرێ و نەگات بە خاکی خۆی، نەگات بە نیشتمانی خۆی، نەشگەیشت! لەمە هەژێنەرتر هەیە؟ سوید و ستۆکۆڵم هیچکات نابن بە ماڵ و وڵات بۆ گیان و جەستەی بەیتۆجان. ئەو کوڕی ئامەد و فارقین بوو و تا دوا هەناسەش دڵی بۆ ئەوێ لێیدەدا. بەیتۆجان دەیزانی ڕۆحی ئارام ناگرێ لەوێ، بۆیەش قسەیەکی ئاوا جەوهەری دەکات؛ ئەوەی کە ئینسانێکی بێ وڵات بە ئینسان نابینێت. جوگرافیا بابەتێکی ئەوەندە هەستیار و ئاڵۆزە، دیدی مرۆڤێکی سەربەست و مرۆڤێکی ئاسمیلە بۆ شرۆڤەی ئەم پرسە زەوی تا ئاسمان دەگۆڕێت. بۆ ئێمەومانان کە لەوەتەی هەین ئەم پارچە زەوییە، ئەم جوگرافیا خوێنینە کە وڵاتی ناوە، بووە بە ئوقدەیەکی مێژووی؛ ئەستمە ئاوا ئاسان دەستبەرداری بین. ئێمە ئازادیمان نەچێشتووە، ئێمە تەژی لە گیانی وڵاتێک مەزن هەر مرۆڤمان قوربانی ئەم خاک و نیشتمانە کردووە، بۆیە ئاساییە بەبێ ئەو خۆمان بە هیچ بزانین. جا ئەمە بەتایبەت بۆ هونەرمەندێک کە قووڵتر نوقمی ئەم پرسە دەبێت هەستیارتر دەکات باسەکە. بەیتۆجان لە خاکی خۆیدا و بە زمانی خۆی بەیتۆجانە، ئەمە لەوانەیە بۆ هەر زاتێکی تریش دروست بێت، لێ بە دڵنیاییەوە بۆ بێ نیشتمانگەلێک کە ئێمەین، مانای قووڵتر هەڵدەگرێت لەچاو هەر مرۆڤێکی تری ئەم گۆکە شینە. دووری برینێکە بە جەستەی هەموو ئەوانەی لە غوربەتی نیشتماندان و لە هەر شتێک زیادتر، ترسی مەرگ لە دووری هەراسانیان دەکات. بەیتۆجان زیادتر لە مەرگ، لە دوورە وڵاتی و بێ نیشتمانی دەترسا. ئاه کە ئەستمە تێگەیشتنی ئەم خەمە بۆ کەسێک کە نازانێ نیشتمانی نەسەلمێنراو چییە، خاکێکی داگیرکراو چییە. ئاه کە مردن لە دووری، زۆر مەرگاویتر و بە ژانترە لە مەرگێک لە نێو دەستەکان و خاک و هەوایەک کە هی خۆتە. بەیتۆجان ڕاست دەکات، مرۆڤ بەبێ نیشتمان و وڵات، مرۆڤ نییە…


@rawezhism

ئارژەن ئاری - حەز
‎بە دەنگی: #ئەمیر_سیراجەدین
‎مۆسیقا: Mark Eliyahu - Through Me
‎ئامادەکردنی: ل.هـ.ئـ. #ڕاوێژیسم

Arjen Arî - Hez

Bi Dengê: Emîr Siracedîn
Mûzîk: #MarkEliyahu - Through Me
Amadekirin a: #Rawêjîsm

@rawezhism

#شیعر
#شێعر

#ئەمیر_سیراجەدین

دەتوانن لەم بەستەرە خوێنەری تەواوی دەقەکە بن:

https://hawcharkh.net/28/11/2021/2838/

#هاوچەرخ #وێژە #کوردستان #شێعر #شیعر #چیرۆک #ڕەخنە #وتار #هاوچەرخ #وتووێژ #چاوپێکەوتن #ڕانان #زمانی_کوردی #پێشڕەو

"دووماھیا بێ داوی"

ئێستا کە ئیتر تۆ تەواو
لە منا تۆ چیرۆکێکی ناتەواوی‌تری
ـ گوتم تر؟
لەوما کە من پردێکم
یا وێستگەیەک کە "چوون" ترەکان دێنێ و دەمەلێنێ و دەردەبازێنێ
لێرە منم کە دەخافڵم،
منم کە دەمرم.

ھەر چووینەک مرنەکە و
ئەز مرنا چووینێن بێ وەختم
ئەز، مرنا چووینێن بێ وەختم،
ئەز، مرنا چووینێن بێ وەختم...

ـ کا بێژە!
تو مرنا کیژان چیرۆکێی؟
ڤا ئەز ئو ڤا...
تو سویند خواریێ کیژان سۆزێی؟
- کا بێژە!
ئەڤ هەلبەست ئۆ ئەڤ گازی
ڤێ بکارە ئەڤینەک کو نەهات چێ کرن
ڕامووسانەک کو نەهات کرن،
همبێزەک کو نەهات گرتن وێنا بکەت؟

ئەز خوەزیمە؛
خۆزیا خوەزیێن خەییدی
مرادا من داویا "دووماھیا بێ‌داوی" بوو
ئو ئەڤینا مە؛
کۆرپەیەک بوو ساوا کە لە بار چوو...

شیعر و خوێندنەوە: #ئەمیر_سیراجەدین | #سۆرمانجی

@Rawezhism | #ڕاوێژیسم

"بەھار"

بەھار کە دەگەڕێتەوە
دەکرێ ئیتر لەسەر زەوی نەمدۆزێتەوە
چەندە پێم خۆش‌بوو باوەڕ بکەم کە بەھاریش مرۆڤێکە
بەو ھیوایە کە بێتەوە و بۆم فرمێسکێک بڕێژێ...
کاتێک دەبینێ تەنھا ھاوڕێی خۆی لە دەست داوە
بەڵام بەھار بوونی ڕاستەقینەی نییە
بەھار تەنھا دەستەواژەیەکە
تەنانەت گوڵەکان و گەڵاکانی سەوزیش دوبارە ناگەڕێنەوە
گوڵەکانی‌تر دێنەوە و گەڵاکانی سەوزی‌تریش
ھەروەھا ڕۆژە ئارامەکانی‌تریش
ھیچ‌شتێک دوبارە ناگەڕێتەوە و،
ھیچ‌شتێک دیسا دوبارە نابێتەوە
لەبەر ئەوەی ھەموو شتێک ڕاستەقینەیە.

✍🏻 : #فێرناندۆ_پێسەوا
▫️و: #ئەمیر_سیراجەدین

▫️فێرناندۆ ئانتۆنیو نگۆرا سیبرا پێسەوا (١٨٨٨، ١٩٣٥) ناسراو بە "فێرناندۆ پێسەوا (بە پرتوگالی: Fernando António Nogueira Pessoa) شاعیر، نووسەر و هەروەها وەرگێڕ و ڕەخنەگری پرتوگالییە. ڕەخنەگرەکان ئەو بە کاریگەرترین نووسەری پرتوگالی و بە یەکێ لە بنیاتنەرانی پۆست‌مۆدێڕنیسم دەزانن.

@rawezhism

"جیھانی ئەلیکتڕۆنی"

من تەزوویەکم سارد
داتایەکی بزر لەنێو جیھانێکی شاراوە
لە مەجازەوە بەدوامدا بگەڕێن
بوون و نەبوونم بە کلیکێکەوە بەستراوە و،
سووکتر لە جیھانێکم کە تێیدام.

عەشقی من چەند مێگابایتێک و چەند کیلۆبایتێک نابێ
بلۆک‌کراوی کام دڵ
ڕیپۆرت‌کراوی کام وڵاتم، نازانم
تەنیا دەزانم بزربوویەکم له‌نێو جیھانێکی ئەلیکتڕۆنی
جیھانێک کە ڕۆڕۆی بۆ مەرگ؛
چەند ھاشتاگێک و پۆستێکە.

ئەڤین سێکس‌چاتێکی درەنگە وەختە و
باوەڕ چەن وێنەیەکی ڕووتە لێرە.

مەرگ و خوێن
سەر بڕین و کوشتن،
برسێتی و گریان،
بە قامکی پەنجەیەک پاڵ پێوە دەنێردرێ بۆ سەرەوە و نابینرێ...
بەزەیی تەنیا وشەیەکە و
دەنووسرێ و ھەستی پێ ناکرێ..
مرۆڤایەتی ھاشتاگێکە ٧ میلیاردی
بە قەد وێنەی سمتێک بایەخی نییە لێرە.
ڕاستی درۆیەکی فەیسبووکی و
جوانی فلتەرێکی ئینستاگرامی...

مەرگ دەبینرێ، قوون لایک دەکرێ
سێدارە دەبینرێ، گان لایک دەکرێ
لایک و لایڤ و لایڤ و لایک و لایک و لایڤ و لایک و لایک‌ و لااااا...
زمان ھەڵناسووڕێ و،
پاڕادۆکس پێچاوتەوە نێو مێشکمان.

لایکم کە‌وه،
لایکم کەوە تا ڕزگاری
لایکێک بۆ سەربەخۆیی و
لایک بۆ یەکسانی و ناڕەزایەتی و خەمۆکی و
تەنیای و جیایی و بێزاری
لایک بۆ دوو یائی بێ کۆتایی...

ئەم شاشەیە بۆ ورووژاندنە و
ئەم تەختەکلیلە بۆ لووراندن
ئەگینا پێشکەوتن زەردەخەنەی باوکمە کاتێک کچێک لەو دیوی تەلەفۆن ماچی دەکا..
پێشکەوتن خۆکوژی بە دیار ڤیدیۆیەکی پۆڕنە و
دەسپەڕێکە خویناوی بۆ وێنا کردن.

ئەم دێڕانە دەبێ شین‌تر بن لە سەتەلایەتەکەت،
- شین‌ترن؟

بارگاوی‌تر لەم وشانە پەیڤ دەبینی؟
من حەقیقەتێکی ڕووتم و
ئەم وڕێنانە زەق‌ترین خاڵی هاوبەشمان...

دنیای ئێمە جیھانی ھێڵەکانە
ھەر پەیوەندییەک بە ھێڵێک و
ھەر ھاوڕێتیەک پاکێجێکی کاتی بە قەبارەیەکی دیاریکراو.

"بەشدار بووی بەڕێز قەبارەی پاکێجەکەتان بە قەد چەند دێڕی‌تر ماوە، تکایە بەر لە تەواو بوونی وڕێنەکانتان بلوورێنن!"

✍🏻 #ئەمیر_سیراجەدین

©️ @rawezhism
YouTube: http://rx.hu/TgGC

"جیھانی ئەلیکتڕۆنی"

شیعر و خوێندنەوەی: #ئەمیر_سیراجەدین

مۆنتاژ و ئامادەکردنی: لاپەڕەی هونەری و ئەدەبی #ڕاوێژیسم

وێنە: Naji Chalhoub
مۆسیقا: Hossein Alizâdeh
یوتیوب: http://rx.hu/TgGC

©️ @rawezhism

"جیھانی ئەلیکتڕۆنی"

شیعر و خوێندنەوەی: #ئەمیر_سیراجەدین

مۆنتاژ و ئامادەکردنی: لاپەڕەی هونەری و ئەدەبی #ڕاوێژیسم

وێنە: Naji Chalhoub
مۆسیقا: Hossein Alizâdeh
یوتیوب: http://rx.hu/TgGC

©️ @rawezhism

باران ئەگەر ببارێ؛
ئەم زەیتوونانە تێرمان دەکەن باوکە؟
درەختە گڕ گرتووەکان
گۆرانی‌مان بۆ دەڵێنەوە باوکە؟
ڕووناکی مانگ ئەم هەموو بەفرە دەتاوێنێتەوە باوکە؟
سێبەرە ترسناکەکانی شەو ئاگر دەگرنەوە باوکە؟

من هەزار پرسیارم هەیە باوکە
هەزار هەزار پرسیار و
لە چاوەکانتدا بێ‌دەنگی بەردەکان دەبینم
وەڵامی پرسیارەکەم بدەرەوە باوکە...

باوکی من تۆ بووی
نەکا باوکم جێگای لەگەڵ خاچی‌سوور گۆڕی بێ؟

✍🏻 #مەحموود_دەروێش
▫️ و: #ئەمیر_سیراجەدین

📷 وێنەگر: #شاھۆ_دەوڵەتی
▪️ #ڕاوێژیسم

@Rawezhism

"سۆرمانجێکی بێ‌کەس"

خۆمم وندا کردووە و
ئەز نادۆزرێتەوە
ئەز، خەڵکێ کیژان باژێرێیە؟
زەمان لێرە بە کاتی کام شار،
کام وڵات،
بە کاتی کام ھەسارەیە کە ھەر نابڕێت و ئەز ناگا بە مەقسەد!
ئەز بێ‌خودان و بێ‌کەسە...

شێوەزاری مێشکم سۆرمانج
ئەز زار زار دگریە!
چما دەستەک خویا ناکەت؟

وندا منم و بێ‌کەسی غوربەتێک تاڵ
بێ‌کەس منم ڕەبەنێکی عەوداڵ..
بێ‌کەسی ھەر ڕۆژ ئاوا دستڕێ لەبەر گوێما؛

* Li miné lé, Li miné lé, Li miné lé, Li miné lé, Li miné lé, Li miné lé, Li miné lé, Li miné lé, le Li min, Li min, Li min

ئەز کۆچەرێکە تەنیا،
لە گۆڕستانێک کە ناوی کوردستانە!
غوربەت ماڵی منە و
ئەز د ناڤ ماڵا خۆدا غەریبە!
خۆمم وندا، لە جیھانێک بێ‌ شوناس
مرۆڤەکان ھەر ڕۆژ ڕەنگێک دەگۆڕن،
ئەز بێ ڕەنگە و،
د ناڤ ڤی قاس ڕەنگادا پەیدا نابە!

گۆتنێن من ئالۆزن؛
مینا زمان،
مینا ژیان
مینا جیھانا من.

من تۆڵەی باوکمم لە ژیان!
باوکێک ونداتر لە خۆم
ئەز،
پاشماوەیی ڕشانەوەی باوکێکە یاخی
دڵۆپێک لە نەفرەت
دڵۆپێک لە ئارەق
دڵۆپێک لە حەسرەت
دڵۆپێک لە وەڕەزی و بێزاریی
ئەز دڵۆپێکە بێ ناو،
دڵۆپەک پیس و ڕەشە!

چما سوکنایی دەری ژ من ڤە ناکەت؟
گەلۆ عەمرێ بێ‌ کەسیێ چەندە؟
بێ‌کەسی، ھەر ڕۆژ ئاوا دستڕێ لەبەر گوێما؛

Li miné lé, Li miné lé, Li miné lé, Li miné lé, Li miné lé, Li miné lé, Li miné lé, Li miné lé, le Li min, Li min, Li min

* کورسی گۆرانی "Zînê"ی سترانبێژی ناودار "Nîzamettîn Arîç".

🖊 #ئەمیر_سیراجەدین
▫️ #ڕاوێژیسم

© @Rawezhism
YouTube: ‏http://rx.hu/JUL3

"سۆرمانجێکی بێکەس"

شیعر و خوێندنەوەی: #ئەمیر_سیراجەدین

مۆنتاژ و ئامادەکردنی: لاپەڕەی ھونەری و ئەدەبی #ڕاوێژیسم

وێنە: Łukasz Kowalczuk
یوتیوب: https://youtu.be/O9yKOo1sTQA?si=gymZx6NuIV7_gRCh

© @Rawezhism

"سۆرمانجێکی بێکەس"

شیعر و خوێندنەوەی: #ئەمیر_سیراجەدین

مۆنتاژ و ئامادەکردنی: لاپەڕەی ھونەری و ئەدەبی #ڕاوێژیسم

وێنە: Łukasz Kowalczuk
یوتیوب: https://youtu.be/O9yKOo1sTQA?si=gymZx6NuIV7_gRCh

© @Rawezhism

من کۆنە وێستگەیەکم ماندوو
گوێچکەکانم ئێستاش سڕن،
بە دەنگی فیکەی دوا شەمەندەفەرێک
کە تۆ تێدا بووی...

✍🏻 #ئەمیر_سیراجەدین
وێنە: John Crisanti

@Rawezhism | #ڕاوێژیسم

لە منا ژنێکی ئاشق مردووە
من بۆی ڕۆڕۆ دەکا و
بەھیچ "خۆشم دەوێت"ێک
ئۆقرە ناگرێ...
ــــــــــــــــــ
#ئەمیر_سیراجەدین

#ڕاوێژیسم @Rawezhism

دوا پەیکت بم
تاڵ و خێرا
بە یەک ھەناسە بمنۆشی
من، تۆ بکوژێ و
تۆ، من بمرێنێ لە ناخیدا.

✍🏻 #ئەمیر_سیراجەدین

@Rawezhism | #ڕاوێژیسم

‍ «خوا مرۆڤە و مرۆڤ تێکدەر!»

(١)
گەمژایەتیە. دەستەکانتان بێنە خوارەوە، نە زەوی قیبلەی ھەیە و، نە ئاسمان خاوەنێکی!.

(٢)
برسێتی نە چارەنووسە و نە تاقیکردنەوەیەکی ئیلاھی. برسێتی پلانە، پڕۆژەیەک بە ناوی؛ " ھی خۆم دەخۆم، ھی تۆش دەخۆم"ە!.

(٣)
ئەرێ زەوی مڵکی باوکی کاممان بوو؟!

(٤)
نیچە ڕاستی دەوت کە: "ئومێد تەنیا ماوەی ڕەنج و ئازار درێژ دەکا!".
لەم زەڵکاوەی ئێستامان، ئومێد بە یەکسانی و ڕزگاری، عاقڵانەیە یا گەمژانە؟!

(٥)
چۆنە یان خۆمان لەناوببەین یان ئەوان؟! ئەمە چ یاریێکە بەردەوام دۆڕاو ئێمەین و براوە ئەوان!.

(٦)
ئەگەر خێر چاکەیە و شەڕ خراپە، ئەی بۆ بەردەوام شەڕ خێرە و چاکە خراپە!؟

(٧)
باشە "شەڕ" ڕوالەتێکی سروشتیە یا بەرھەمێکی مرۆیی؟!

(٨)
ـ ژیانی بەبێ شەڕ؟
ـ ئەی بژێوی کرێکاری کارگاکانی چەک‌سازی؟!

(٩)
یاساکان؛ تەنیا و تەنیا پردێک بۆ لکاندنی درۆ بە پاساوەکانن!
یاساکان بۆ ئێمە نەنووسراون!.

(١٠)
مرۆڤ لە گشت ئەو بوونەوەرانە کە لەسەر ئەم گەردوونە ژیاون دڕەندەترە، ئەمە تەنھا ھۆکاری زیندوومانەوەیەتی. جا ئەم بوونەوەوەرە دڕندەیە باسی سۆز و خۆشەویستی و بەزەیی و میھرەبانی و بەخشەندەیش دەکا، ھیچ جێگای باوەڕ نییە، ھیچ!.
ــــــــــــــــــ
ن: #ئەمیر_سیراجەدین
#مینیماڵ #ڕاوێژیسم
🎨نیگارکێش: #Salvador_Dali

✅@Rawezhism
https://t.me/joinchat/AAAAADvfdFVQoncrY0XPxA

«عەشق، ژنێکی کوژراوە!»

منی دەوێ و من دەمھەوێ،
نایانھەوێ و نامدەنێ.
دەیانھەوێ و دەمدەنێ.
من نامھەوێ و دەمکوژن!...
ــــــــــــــــــ
#ئەمیر_سیراجەدین #مینیماڵ
@Rawezhism | #ڕاوێژیسم

شیعر: #ئەمیر_سیراجەدین
خوێندنەوە و ئامادەکردنی دەنگ: #مێھرداد_ئەحمەدزادە

@Rawezhism | #ڕاوێژیسم

من ئەتوانم
ڕۆژێ دڵی سەد ژن ڕاو،
لە مەیخانەی دڵمدا مەستیان...
ھەر ڕۆژ سینگی یەکێکیان بکەم بە دوگوردی نوێژم
بە نیگایێک ڕووتیان و
بەنێویانا بمەلێم.

ئەتوانم
تێنویێتیم بە لێویان
برسێتیم بە سنگیان و
غڕوورم بۆ گشتیان بشکێنم.

ئەتوانم و ئەتوانم و ئەتوانم...

بەڵام ئەی یار
بێ تۆ ھەنگاوەکانم سڕ،
لێوەکانم وشک،
چاوەکانم کوێر و
خەیاڵم پووچە.

بگەڕێوە،
با ئەمە تەنیا شیعرێک بێ و
ڕاستیی شیرینم تۆ.
ــــــــــــــــــ
#ئەمیر_سیراجەدین #ڕاوێژیسم
Me bişopînin: @rawezhism

باپیرم
پیاوێکی ئازادی‌خواز بوو
بەر لەوەی گوللەبارانی کەن،
تەواوی شیعرەکانی
لەژێر درەختی ھەناری باخچەکە شاردەوە.

من ھیچ‌کات شیعرەکانیم نەخوێندەوە،
بەڵام لە ھەنارەکانی باخچە دەشێ بزانرێت،
“ئازادی”
دەبێ سوور و شیرین بێت!.
ــــــــــــــــــ
#دۆستۆیڤسکی #ڕاوێژیسم
و: #ئەمیر_سیراجەدین
me Bişopînin: @rawezhism