Qaytma... Qaytma – aqidangga to‘kiladi dog‘, Kelmoqlik sha‘ningga to‘g‘ri kelmaydi. Qaytma – qayta gullab ketmasin bu bog‘, Bemahalgi gulda xayr bo‘lmaydi. Seni asraydilar unda beayov, Kimsa yuragingni tushunay demas. Qaytma – tuygʻularning tuynugi qirov: Endi biz ko‘ngilning odami emas. Boshin egib qo‘ygan bo‘lsa sochlari, Kessin... majnuntol ham yuragimga yot. Umr bot berilmas, tushungin, pari! Qaytma, evaziga kutay umrbod... Rashid Xo‘jamov 28.04.2020-yil