Bugun Sport vaziri Adkham Ikramov huzurida oʻtkazilgan taqdimot davomida poytaxtimizning Yashnobod tumanida barpo etilayotgan Olimpiya shaharchasi hududidagi maʼmuriy bino loyihasi bilan tanishilib, mazkur binodan samarali foydalanishni yoʻlga qoʻyish maqsadida vazirlikning boshqarma va boʻlimlari hamda tegishli tashkilotlarni joylashtirilish masalalari muhokama qilindi. Shuningdek, Sport vaziri Oʻzbekiston Respublikasi Prezidentining 2024-yil 4-noyabrdagi “Oʻq otish sport turlarini yanada rivojlantirish va ommalashtirish chora-tadbirlari toʻgʻrisida”gi PQ–381-son qaroriga asosan Chirchiq shahridagi “Qibray sport majmuasi” negizida tashkil etilishi belgilangan oʻq otish, stenddan oʻq otish va para oʻq otish boʻyicha Terma jamoalar markazi loyihasi bilan tanishdi. Mazkur markaz faoliyatini yoʻlga qoʻyishni tashkil etish boʻyicha soha rahbarlari va mutaxassislariga tegishli topshiriqlar berildi. Web-Sayt | Telegram | Facebook | Instagram | Youtube