عالم الطب والادوية

👈ما الفرق بين فيتامين D2 و D3؟

👈باختصار فيتامين D عموما هو الكالسيفيديول calcifediol وده مركب مهم جدا للجسم وخصوصا العظام لأنه بيعلى من نسبة الكالسيوم فيها وبيرسبها جواها وده الصورة النهائية اللي بيستفاد بيها جسمنا..طيب أمال إيه موضوع D2 و D3 ده ؟

👈فيتامين D2 اللي هو الإرجوكالسيفيرول وده بصفة خاصة بيتصنع جوة النباتات ومش بيتصنع جوة الجسم وبالتالي بنحصل عليه من مصدر خارجي اللي عادة بيبقى مصدر نباتي زي الفطر أو المشروم يعني والمكملات الغذائية .

👈إنما فيتامين D3 اللي هو الكوليكالسيفيرول وده بيبقى مصدره حيواني بناخده من الزبدة مثلا زيوت السمك الدهنية وصفار الببض وبعض أنواع الحبن وغيره وده .

وسواء كان فيتامين D2 أو D3 فهو في الآخر بيخش الجسم ويتنشط في الآخر للصورة الفعالة من فيتامين D اللي هو 25 hydroxy calcifediol اللي قلناها فوق خالص.

👈يعني هتفرق معايا يا دكتور أخد أي نوع فيهم؟

👈بص يا سيدي هي مش هتفرق كتير وإن كان بعض الدراسات بتحبذ الفيتامين D3 أكتر من D2 وده لأنه بيتنشط أسهل جوة الجسم وأكثر استقرارا يعني بيقعد فترة اكتر جوة الجسم من أخوه D2 لأنهم لقيوا إن الناس اللي بتاخده ال D3 عندهم كالسيفيديول calcifediol اللي هو الصورة النهائية لفيتامين D أكتر من اللي خدوا D2.

👈في فرق تاني وإن كان مش هيفرق لو بتاخد حضرتك المكملات من بره الجسم ..وهو إن فيتامين D3 ممكن يتنشط بالتعرض لأشعة الشمس على الجلد لأن أشعة الشمس بتحول مركب 7-dihydrocholesterol اللي موجود في طبقات الجلد لفيتامين D3 .

@Medical1world1
قروب القناه للنقاش

👈ليه بندي فيتامين د vitamin D للرضع أول ما يتولدوا على طول؟

أشهر حاجة ممكن تتاخد للرضع هى ال ڤي دروب نقط vidrop وديه بنديها من أول يوم لسببين رئيسيين هما :

☝️ الأول هو حماية الطفل من الكساح rickets أو لين العظام osteomalacia وده لأن الطفل مع الوقت بيفقد مخزونه من فيتامين د ويبدأ يستهلك من اللي في العظام وإن كان ده في المراحل المتأخرة ..فبندي فيتامين د عشان نحافظ على كمية الكالسيوم في العضم ثابتة وبتبقى بجرعة ٤٠٠ وحدة دولية من أول الولادة يعني حوالى ٤ نقط وممكن يزيدوا بعد سنة ل ٦ نقط مع التنبيه بتعرض الطفل للشمس على الأقل ١٠ دقايق ٣ مرات في الأسبوع عشان فيتامين د يتنشط وهشرح البوست الجاى يعني إيه يتنشط.

☝️☝️السبب التاني هو إنه في بعض الأبحاث بتربط بين نقصه وبين الإصابة بالنوع الأول من مرض السكري Diabetes mellitus type 1 لأنهم لقيوا عند أغلب الأطفال اللي اتصابوا بالسكر نقص في فيتامين د..ده غير إن بعض الأبحاث بتربط بين مستوي فيتامين د عندهم وفرصة تعرضهم للاكتئاب والأمراض النفسية مع السن..يعني كل ما قل كل ما زادت الفرصة.

👈لو حضرتك بتعاني من ارتفاع في الضغط ..سكر ..ارتفاع في دهون الدم ..في دهون بطن موجودة (شكل البطن هو شكل التفاحة وليس الكمثرى) ..نهجان مع المجهود ..بقع بني في منطقة الرقبة من الخلف ..في تكيس مبايض لو حضرتك أنثى ونمو شعر بكثافة في مناطقة حساسة وخشونة الصوت ..بيطلعلنا حبوب دهنية في منطقة الجفون او في باقي الجسم عموما..فمرحبا بك في المتلازمة الأيضية metabolic syndrome.

👈إيه حكاية ال metabolic syndrome ديه ؟ ..بص يا سيدي الموضوع كله بيبدأ بلغبطة في نظام الأكل بتاع حضرتك وفي أسلوب حياتك بصفة عامة..يعني عادات صحية خاطئة بصورة مزمنة زي الأكل الكتير اللي مليان سكر ..الدهون المتمثلة في الأكل بتاع الشارع والمقليات اللي بتكون في الدهون المشبعة وغيره..الأكل الزايد عن حاجة الجسم ..الأكل والنوم على طول عملا بالمثل المصري الشهير اتغدى واتمدى 😀..طبعا التدخين برضه عامل مهم منقدرش نتغافل عنه...كل ده مع الوقت بيبدأ يعملنا حاجة مشهورة جدا بنسميها #مقاومة_الأنسولين ..يعني الأنسولين اللي وظيفته إنه يروح الخلية يجبلنا حاجة بنسميها Glut أو الترانسبورتر وده اللي بيمسك في الجلوكوز ويدخله الخلية عشان يطلع طاقة..مع الوقت العملية ديه مبتبقاش بنفس كفاءة الأول ونلاقي إن الجسم بدأت احتياجاته من الأنسولين تزيد عشان يقدر يعمل نفس اللي كان بيعمله الأول يعني أصبح هناك ما يعوق شغل الأنسولين ويقاومه.

👈باختصار نقدر نقول عليه metabolic syndrome أو insulin resistance أو ندلعها بال syndrome X..وكل ده أساساها طبعا دهون البطن visceral obesity اللي بتكون أول علامة معانا(وهي ماشاءالله عندنا كلنا 😂😭) وديه بتكون حاجة بتساهم في تشويه شكل الترانسبورتر او الناقل بتاع الجلوكوز اللي قلنا عليه (واللي بالمناسبة عندنا منه بتاع ١٣ نوع أهم نوع هو رقم ٤ Glut type 4) وبالتالي تبدأ مقاومة الأنسولين.


👈 دلوقتي كتر الدهون اللي اتكونت ديه بتبدأ مع الوقت تمنع شغل الأنسولين على الخلايا وبالتالي تبدا تبوظلي في دورة ال Krebs cycle أو مايسمى بدورة حمض الستريك..المهم وباختصار إن الجلوكوز مدام مش عارفين نخلص منه ونحرقه في سكة الأنسولين نتيجة إنه مبقاش يعرف يشتغل زي الأول يروح السكر ماشي في سكة تانية.. فهنلاقي إن ال acetyl CoA اللي بيطلعيلي في Krebs cycle مقدامهوش غير سكة تصنيع الدهون واللي هنسميه cholesterol and ketones pathway وبالتالي نلاقي الدهون بتاعة الدم بدأت تزيد فنلاقي ال LDL أو الدهون الضارة اللي هي منخفضة الكثافة تصنيعها زاد..الدهون الثلاثية زادت أوي TGS والليبوبروتين A ليباز اللي هو الإنزيم اللي كان بيكسرهم مبقاش شغال كويس..وفي المقابل ال HDL أو الدهون عالية الكثافة اللي بنحبها واللي بتكنس كل ده في الدم قلت خالص ونزلت تحت ال ٤٠ ..وعلى المدى البعيد تبدأ الدهون في الدم تترسب من غير ما تتكنس ..ولو شمت ريحة أيونات كالسيوم تبدأ تعملي plaque أو ما يسمى بال atherosclerosis أو تصلب الشرايين..وديه خطوة لو وصلنالها خلاص مفيهاش رجوع irreversible وبالتالي الريسك للجلطات والذبحات ومشاكل القلب هيزيد
Increases risk of coronary insufficiency and cerebral stroke.


👈 التصلب ده ممكن يعملي ضغط مرتفع أو يظهر ضغط مرتفع الأول ويزود التصلب ونخش في دايرة جهنمية مقفولة vicious circle والضغط اللي بنسميه القاتل الصامت بيزود التصلب لأنه بيحاول يعمل proliferation لجدار الوعاء والتصلب بدوره يعلى الضغط..ويزيد الريسك لأمراض القلب والسكتات الدماغية.

👈في الغالب هتلاقي اليوريك أسيد عالي كمان وداخلين في نقرس ..لو في مقاومة أنسولين وحضرتك واحدة ست ..ممكن تسببلي بنسبة ٧٠٪ تكيس مبايض PCOs وطبعا هيعقبه مشاكل في الحمل والانجاب ..نمو شعر كثيف في منطاق حساسة hirsutism نتيجة لنشاط الأندروچينات ..خشونة في الصوت كمان..هنلاقي acanthosis nigricans أو مناطق بني داكنة أشبه بالطين الجاف المشقق ومدرجة على مناطق في الجلد أشهرها الرقبة من الخلف وعند الكوع ومابين الفخذين ..ممكن نلاقي حبوب دهنية صفرا بتطلع في الجلد بتاع الجسم عند الكوع برضه وما بين الفخذين والأوتار والركبتين وديه هنسميها xanthoma ولوطلعت على جفون العين هنسميها xanthelasma..وهسيبلك صور الحاجات ديه في التعليقات تحت.

👈الحل باختصار هو رقم واحد life style modification أو تعديل أسلوب الحياة بعادات غذائية صحية مع الرياضة طبعا والنزول في الوزن وتخسيس منطقة دهون البطن بحيث يكون محيط الخصر Waist circumference لا يزيد عن ١٠٢ سم في الرجال و ٨٨ سم في النساء.

☝️ #خلي_بالك الجرعة القصوى من
👈👈 #الباراسيتامول 𝗽𝗮𝗿𝗮𝗰𝗲𝘁𝗮𝗺𝗼𝗹👉👉
بتكون في حدود 3.25 جم وفي بعض الأماكن بتوصلها ل 4جم غير كمان لو كان العيان عنده مشاكل في الكبد فبتكون الجرعة القصوى 2.5 جم وديه جرعة قصوى مش معنى كدة نوصلها عادي ..وده عشان حاجة زي #الدوليبران أقراص القرص فيه 1 جم وممكن تلاقي العيان بياخده كل شوية زي البونبوني عادي ويسأل أي حد هيقوله عادي متقلقش خد منه براحتك..طبعا غير انتشار الباراسيتامول في أدوية كتير جدا فتلاقي العيان بياخد كذا نوع داخل جواه الباراسيتامول مع الدوليبران وهو مش داري.

👈 فالخلاصة كفاية أوي قرصين بحد أقصى منه أو تاخد من البنادول واللي تركيز القرص من ده 0.5 جم من ٣ ل ٤ مرات يوميا.


👈الباراسيتامول أو الأسيتامينوفين القرص منه بيحصله امتصاص كامل وده في خلال ساعة تقريبا.

👈 ليس مضاد للالتهاب وإنما هو خافض حرارة ومسكن فقط ..لو كان بيتوصف مثلا مع حالات فيها التهابات كخشونة المفاصل مثلا فهنا دورة مجرد مسكن أمن فقط.

👈 ممكن وجوده مع بعض الأدوية الأخرى تكون حاجة كويسة بحيث إنه يزود من شغلها ويحبسها وقت أطول جوة الجسم زي التينيدازول اللي هو البروتوزول والترايميبيوتين اللي هو الجاست ريج وغيره..وممكن تكون حاجة لازم تخلي بالك منها كويس مع العيان لو كان بياخد #ماريڤان .

👈لو عاوز تأثيره يكون أقوى خده بشاى أخضر بدل مية 😀
Pharmacodynamic synergism.

👈 طبعا مشاكله بتكون في الجرعات التوكسيك زي مثلا ١٥ جم مرة واحدة منه وده طبعا بيعمل hepatic centrolobular necrosis وفي الغالب لو متلحقش بدري بالجلوتاثيون بيكون irreversible لأنه الباراسيتامول بيرتبط ب Covalent bond على ال hepatic vien من برة في ال hepatocytes..وطبعا الروابط اللي بتكون covalent بتكون قوية بعكس ال ionic اللي سهل تكسيرها..وطبعا ال antidote بتاعه بيكون ال ACC و as soon as possible مع gastric lavage ولو عدى وقت ممكن hemodialysis كمان.

☝️لو حضرتك مريض بمشاكل غدة درقية فحضرتك محتاج تتابع البوست ده كويس بس قبل ما تقرى لازم تفهم إن ده الكلام العام وقد يكون له بعض الاستثناءات اللي ممكن يشوفها طبيبك المختص بالغدد الصماء وده طبعا مش تخصصي إنما أنا بوجهك بصفة عامة عن الكلام العلمي اللي المفروض يتعمل وإنك تراجع طبيبك المختص مرة أخرى.

⛔ ومن فضلك تفاعل على البوست عشان يوصل لعدد أكبر جايز حد يستفيد منه.


👈١- لو حضرتك بتاخد #التروكسين #eltroxin او #إيثيروكس أو الهرمون التعويضي عموما والدكتور المختص كتبهولك ففيه شوية قواعد حضرتك محتاج تعرفها هتلاقيني حططهالك في أول كومنت..اقراها كويس هتفرق معاك جدا وفوق ما تتخيل.

👈-٢ الأجسام المضادة زي Anti-TG و anti-TPO واللي بيزيدوا في حالات #هاشيموتو ملهمش أي قيمة في المتابعة ..بمعني ممكن يكونوا بيتعملوا مرة واحدة فقط بس ميتكرروش تاني..هبسطهالك لنفترض عندي جيش بيحارب نفسه ..هنا الاجسام المضادة هي الجيش نفسه لكن احنا ميهمناش الجيش ده أد إيه احنا يهمنا مقدار الضرر اللي حصل في الحرب ديه وده هو اللي هيتعالج وليس عدد الجيش ده ..وبالتالي تكون مية تكون ألف تكون مليون كبر دماغك منها.

👈٣- السونار لا يشخص نوع التورم أو التضخم اللي في الغدة..أبسيلوتلي😀..السونار يا فندم بيحددلك حضرتك محتاج تعمل الخذعة FNA biopsy ولا لا وده بيتحدد بنظام ال TI-RADS وده له ٥ درجات على أساسها وحسب حجم الغدة الطبيب المختص هيحددلك هتسحب عينة ولا لا..إنما السونار ميقولش أبدا حضرتك هتشيل الغدة ولا لا.

👈٤- السونار مش هيقولك نوع الورم إيه ..السونار بيوجهك لسحب العينة ولا لا..السونار مش هيقولك الغدة شغالة ولا لا، لأنه مش بيحدد الوظيفة وأنما هو بيحدد الحجم والشكل والنمو..يبقي بالنسبة للسؤال الأعظم اللي مغرق عندي الإنبوكس بتاع الدكتور قاللي نشيل الغدة والدكتور التاني قاللي بلاش هتكون اجابته طبعا طبيبك المختص هو الأدري بالحالة مش أنا وقد يرى استثناءات احنا مش شايفينها بس في العموم الغدة مش هتتشال بناءا على سونار أو تحاليل فقط.



👈٥- الخذعة FNA biopsy لما بتتعمل ليها ٦ درجات بسكور اسمه #bethesda وده على أساسه بيتحدد نوع الورم هل هو خبيث أم حميد..هل محتاج تعيد الخذعة ولا لا..هل محتاج فقط متابعة دورية بالسونار ولا لا وغيره.

👈٦- بنسبة من ٩٥ ل ٨٨ ٪ من حالات عقد الغدة بتكون حميدة ولا داعي للقلق..والنسبة الباقية هي اللي بتحتاج عملية استئصال.

👈٧- المسح الذري هيتعمل في حالات فرط نشاط الغدة وليس في الخمول.

👈٨- تقييم وظيفة الغدة بيكون بناءا على التحاليل ولو كان الخمول أولي من الغدة الدرقية بيتقيم بال TSH وإنما لو كان ثانوي من النخامية وده نسبته قليلة بيتقيم بال T4.

👈٩- هل بنبدأ بالالتروكسين ولا لا في حالات الخمول غير السريري #subclinical_hypothyroidism ده بيتحدد بناءا على عدة عوامل قلتها في بوست سابق هتلاقيني سايبلك لينك البوست في تاني كومنت.

👈١٠- هل ينفع تغير من نوع لنوع تاني مثلا من أدوية الغدة ؟ بص الإجابة عن السؤال ده ليها شقين..الأول في حالة توفر كل البدايل والدوا أو البراند بتاعك موجود هتكون الإجابة لا ..متغيرش من نوع لتاني خالص نتيجة لاختلاف امتصاص كل براند عن التاني bioavailability ..الشق التاني لو النوع بتاع حضرتك ناقص ولقيت بديل له فأكيد مش من المنطقي هنوقف الدوا بتاعنا لمجرد إننا مش لاقيينه..لا يا فندم نص العمى ولا العمى كله.. هنا هناخد اللي اتوفر قدامنا مع شرط هام وهو إننا نحلل TSH كمان ٦ أسابيع وحاول متبدلش من نوع للتاني قدر امكانك.

👈١١- نقول تاني هل السونار والتحاليل بيقولولك تشيل الغدة ولا لا؟ ..السونار هيقولك هتعمل الخذعة ولا لا..والتحاليل بتقيم وظيفة الغدة فقط.

👈١٢- لو ال TSH بيعلي وحضرتك حامل فلازم ينزل (ال TSH مش العيل 😀) عشان نتجنب خطر الإجهاض.

👈١٣- لو هتحلل تحاليل الغدة خصوصا ال TSH وبتاخد أي مكملات غذائية خصوصا حاجات الشعر اللي فيها #بيوتين فلازم توقفها قبل التحليل بيومين على الأقل لأنها بتأثر على نتايجها...في العموم وقف اللي تقدر توقفه من الأدوية.




👈١- لينك بوست فيه ٢٠ قاعدة مهمة للزم تخلي بالك منها لو حضرتك ماشي على البديل الهرموني للغدة سواء التروكسين أو إيثيروكس وغيره من الحاجات اللي فيها ليڤوثيروكسين.

👈٢- لينك بوست فيه امتى يتاخد الالتروكسين وبدايله في حالات خمول الغدة تحت السريري subclinical hypothyroidism يعني TSH عالي بس ال T4 نورمال.

👈١- كل ما تود معرفته عن #الفلاچيل أقراص...تابع معايا البوست للآخر هتلاقي فيه معلومات أول مرة تعرفها عن الميترونيدازول واللي بينزل تحت اسمه التجاري #فلاچيل...

👈 الفلاچيل يعتبر مضاد حيوي ومش مضاد حيوي في نفس الوقت ..يعني هو عشان يشتغل محتاج شروط معينه تتوافرله ..لو محصلتش مش هيتشغل..وقبل ما نعرف الشرط ..خلينا نفهم الأول إن الميترونيدازول ده عبارة عن جزيء حجمه صغير خالص وده اللي بيديله ميزة إنه يقدر يعدي في كل أنسجة الجسم بمنتهى السهولة بما فيها المخ BBB وال placenta وال body fluids..وفي المقابل هياخد في طريقة البكتريا..بس للاسف مش أي بكتريا ..لازم تكون لاهوائية anaerobic..طيب ليه؟

👈الفكرة كلها إن البكتريا بيتم جواها سلسلة من التفاعلات لعملية الأيض بتاعتها بتكون فيها الكترونات رايحة جاية ومن هنا هنلاقي بتحصل عملية أكسدة واختزال متبادلة..أكسدة بفقد الكترونات واختزال باكتسابها(عشان متقوليش ازاي اكسدة واختزال برغم عدم وجود الأكسچين لأن ديه بكتريا لا هوائية anaerobic).. وده هو المفهوم الأشمل للأكسدة والاختزال..وده عشان يتم بيحصل بإنزيم اسمه PFOR ..مش لازم احكيلك اختصار لإيه ..المهم افتكر اسمه ده كويس..يجي بقى يا سيدي عمنا الفلأجيل يروح ماسك فيه ميحلوش وينتج عنه إن يكسر الروابط التساهمية في الفلاجيل نفسه بنفس ذات نفسه 😀..هنا الفلاچيل مبقاش فلاچيل واتحول ل free radical (عشان الأكسجين بتاع الفلاجيل اللي في تركيبه اتحرر نتيجه كسر الروابط التساهميه بتاعته بينه وبين النيتروجين..تقدر تفهم ده أكتر لما تبص على تركيبه اللي هحطلك صورته في الكومنتات)..الfree radical ده يسكت؟؛..لا ميسكتش ويفضل قاعد مش على بعضه يدور على أي حاجة جوة الخلية يشبك فيها فميلاقيش قدامه غير مين؟!..براڤو..الDNA ..فيمسك فيه ميحلوش..ومن هنا جت تسمية الميكانزم بتاعه بإنه nucleic acid inhibitor.يعني هيوقف تصنيع ال DNA في البكتريا ..بس ده هيحصل لو في انزيم ال PFOR من غيره انسي ولا له أي عازة أصلا..والإنزيم ده مش هنلاقيه غير في البكتريا اللاهوائية anaerobic والبروتوزوا زي الأميبا والتريكوموناس والچيارديا.

👈هنستخدمه في علاج ال anaerobic bacterial infection بأنواعها والأفضل يكون في صورة IV ..زي حالات ال peritonitis وال colorectal infection..حالات ال pouchitis وده نوع من العمليات بيتحط فيه بطانة للأمعاء مثلا لو في حالات التقرحات UC وبيحصل التهاب للبطانة ديه..ممكن مع ال pseudomembranous colitisنتيجة لاستخدام حاجة زي الكلينداميسين مثلا ..يعني بصفة عامة التهابات القولون البكتيرية..هتلاقيه كمان في بروتوكول ال H pylori في ال triple وال quadriple therapy.

👈هتلاقيه مع البروتوزوا زي ال entamoeba histolytica بجرعة ٥٠٠ مجم ٣ مرات لمدة ١٠ أيام ولو كانت cyst استخدم الديلوكسانيد معاها أفضل.

👈هتلاقيه مع ال bacterial vaginosis ومع ال trichomoniasis ..بحرعة من ٥ ل ٧ أيام.

👈مع ال giardiasis بجرعة من ٥ ل ٧ أيام برضه.

👈ممكن نستخدمه لبعض الحالات اللي عندها Alcohol abuse لأنه له تأثير disulfiram like action..فمتستغربش لو لقيته مكتوب من غير أي indication أنت متعود عليه.

👈ممكن نستخدمه توبيكال مع حالات perioal dermatitis وحالات ال rosacea.
👈له بعض الاستخدامات ال off label الأخري بس مش شائعة خالص ومتهمش كتير.

👈بلاش تستخدمه مع حد عنده كهربا أو بيجيله seizures كتير عشان البيه هيزود ال neurological manifestation بتاعته نتيجة إنه حجمه صغير وبيعدي ال BBB بمنتهى السهولة.

👈بلاش مع الميبندازول ..عالج الديدان الأول أو الأميبا الأول بلاش مع بعض..تجنبا لل Steven Johnson syndrome وال necrotic dermatitis..صحيح نادرة الحدوث لكن خطيرة.

👈له شوية git upset يعني هيزود الاحساس بالقيء والغثيان شويه..هيعمل طبعا هو وأخوه التينيدازول والسكنيدازول شوية metallic taste..يعني احساس بطعم معدني في الفم خصوصا لما تشرب مية يبان أو وأنت صاحي الصبح..ممكن يغير لون ال urine ل dark brown وده كله عادي متقلقش منه.

👈بعض الحالات النادرة ممكن شوية Bone marrow suppression

. 👈يعتبر نسبيا هو safe في الحمل بس طبعا للضرورة القصوى يتكتب برضه Cat. B

👈١٢- يعتبر bactericidal طبعا مش static وده لأنه بيمنع الduplication لل DNA من الأول ولو حابب تعرف أكتر هو بيمنع شغل ال topoisomerase 2 و4 في الباكتريا ودول انزيمات بيرخوا ال DNA عشان يسهل من عملية التضاعف..منع الإنزيمات ديه بيسبب تلف جامد في ال DNA بتاع البكتريا ..طبعا مش بيأثر أوي على الإنسان عشان الجرعات بتكون على أد البكتريا.

👈١٣- راجع القاعدة رقم ٧ كويس وأوعى تنساها.

👈١٤- خيار ممتاز معايا في في حالات ال plaque وال anthrax وال epididymitis وال osteomyelitis لأنه بيروح مخصوص يتمركز في الأماكن ديه.

👈١٥- بيزود من ال QT interval وديه أنا حكيت عنها كتير قبل كدة ..يعني المسافة في رسم القلب بين ال Q و ال T هتزيد عن ٤٥٠ m/s يعني لو مريض بمشاكل في كهربا القلب أو بياخد علاج لكهربا القلب أو بياخد دوا تاني بيزود من المسافة بين ال Q وال T فبلاش نستخدمه معاهم ..أو على الأقل يكون بحذر..عشان منخشش في torsade de pointes او ما يعرف بال polymorphic ventricular tachycardia..وديه حالة fatal لو متلحقتش.

👈١٦- في حالة لو في أي مشاكل في الكلى any grade of CKD ياريت نعمل modification للجرعة على حسب الgrade بس في الغالب هيكون قرص ٥٠٠ كل ٤٨ ساعة ..فمتستغربش لو لقيته مع مريض كلى مزمن مكتوبله كل ٤٨ ساعة.

👈١٧- ممكن يعمل شوية photosensitivity والمسئول عن كدة هو ذرة الفلور الموجودة في تركيبه..فيعني بلاش نتعرض للشمس كتير وإحنا واخدينه..طبعا هو مش بنفس غتاتة التيتراسيكلين في الموضوع ده بس أهو نخلي بالنا.

👈١٨- طبعا بيعمل chelation مع ال secondary and tertiary cations زي الكالسيوم والماغنسيوم والزنك والحديد وغيره برضه مش بنفس غتاتة التيتراسيكلين لكن بتحصل..فبلاش ناخده معاهم في نفس الوقت..يعني بلاش ناخد معاه فوارات الحموضة والمكملات الغذائة في نفس الوقت..وبلاش ناخده بلبن أو زبادي..المية حلوة أوي.

👈١٩- ممكن نستخدمه ك off label في حالات ال acni vulgaris .

👈٢٠- خلي بالك له minimum CYP 450 inhibitor effect يعني هيزود من شغل الأدوية التانية اللي بتتاخد معاه ..هي ميزة وعيب..ميزة لو أنا عاوزه مع دوا يدي تأثير أقوي ..وعيب لو معاه حاجة زي الديجوكسين ولا الثيوفيللين مثلا وده وارد جدا في حالات ال pneumonia وال bronchitis فنخلي بالنا من الثيوفيللين لأنه ال therapeutic index بتاعته بعافية شوية 😀.

👈لو وصلك البوست ده فمن فضلك تفاعل معاه عشان بجد تعبت في كتابته وحرام ميوصلش لحد وميستفادش منه.
------------------------------------------------------------------------------------
⛔كل ما ينبغى أن تعرفه عن #التاڤانيك ..لو حضرتك دكتور أيا كان تخصصك تابع معايا البوست للأخر لأنه أكيد من الأدوية المهمة اللي هتعدي عليها.

☝️التاڤانيك واللي تركيبته #ليڤوفلوكساسين يعتبر من عيلة الفلوروكينولونز وده يعتبر من أقوى وأشطر المضادات الحيوية اللي بتخلص على البكتريا..وهنا هنقول حوالي ٢٠ معلومة مهمة عنه لازم تكون عارفها قبل ما تكتبه في روشتتك أو تصرفه لعيان...يلا بينا:

👈 ١-جرعته كده مبدأيا مرة واحدة في اليوم تكفي ..حضرتك ال T1/2 بتاعته من ٦ل٨ ساعات..هتقوللي إيه ده يا دكتور طب ما كده نديه كل ٨ ساعات ..ما يا حبي ال duration يختلف عن ال T1/2..يعني المعلم ده بينزل الدم ينط على ال neutrophils يركب عليها يطلع على مكان ال infection يستقر هناك ..يعني تسحب عينه متلاقيهوش في الدم ..لكن هو موجود وشغال في مكان ال infection وبالتالي ال duration بتاعه بيوصل ل ١٢ و١٤ ساعة..والحركة ديه بنسميها post antibiotic effect أو post therapeutic effect.

👈٢- بنعتبره من الجيل التالت من عيلة ال flouroquinlones ..بعض الكتب بتصنفه كجيل تاني وده عشان هو l-isomer لأخوه وحبيبه الأوفلوكساسين اللي هو جيل تاني لكن هو ربنا كرمه وفتح عليه وخلاه طلع جيل تالت.

👈٣- لأنه جيل تالت فبالتالي ال spectrum بتاعه بيكون أحسن في حالات ال gram Positive bacteria لأننا كل ما بنعلى في الجيل بتاع المجموعة ديه كل ما بيزيد ال spectrum ناحية الجرام بوزتف وبيقل ناحية الجرام نيجاتيف..وكمان له تأثير حلو جدا على ال atypical bacteria.بعكس الجيل التاني زي السيبرو ملوش.

👈٤- عشان هو بيقدر ينشن على ال gram positive bacteria وال atypical فبنلاقيه في حالات ال respiratory infection بيكون ممتاز جدا هو وأخوه الموكسيفلوكساسين ومن هنا بنسميهم respiratory quinolones...لأنع في الغالب حالات ال respiratory infection بتكون بوزتف أو atypical زي Legionella pneumophila اللي بتيجي من التكييفات في الغالب.

👈٥- له قدرة ممتازة على اختراق أنسجة كتير زي البروستاتا والتمركز فيها..وال CSF وال sinus والsaliva وبيعدي ال placenta وبينزل كمان في ال breast milk وبالتالي هيكون خيار ممتاز جدا في حالات ال prostatic infection وال meningitis وال UTI وال sinusitis ...وخصوصا مع البروستاتا زي حالات ال prostatic diverticulum او جيوب المثانة واللي كل شوية تعبي infection ونلاقي pus في ال urine..وبرضه مع ال UTI لأنه highly concentrated in urine.

👈٦- بلاش تكتبه لحد عنده neuritis جامدة خصوصا من السكر ..هتلاقيها زادت معاه أكتر وده لأن البيه له تأثير GABA inhibitory يعني لما يقفل ال GABA اللي مرخياك أصلا هيخليك تتنطط.

👈٧- من أشهر الأعراض الجانبية لليڤوفلوكساسين على وجه الخصوص هي اصابات الأوتار وده لأنهم كلهم من عيلة الفلوروكينولونز ودول كلهم ليهم تأثير tendonopathic effect يعني بيتعبوا الأوتار أكتر وتحديدا وتر أكيليس أو العرقوب واللي في بعض الحالات ممكن توصل معانا لقطع فيه achilles tendon rupture.

👈٨- في العموم العيلة ديه كلها ليها تأثيرها musculoskeletal خصوصا على ال grown cartridge للي تحت ال ١٨ سنة يعني هيضعف نمو الغضاريف ويحصلها تآكل.. بصفة عامة هو بيحب ال connective tissueجدا وبيروح يتمركز فيها وبرضه يبوظ فيها ..وبالتالي مش محبذة للأطفال ولا الحوامل أو المرضعات وإن كان الكلام الجديد بدأ يسمح بالسيبرو للأطفال في بعض حالات ال meningitis أو التهاب السحايا لأنه حتى الآن ده مثبت على الفئران فقط مش على البني أدمين.

👈٩- نقول تاني استخدامه بيكون له تأثيرات على الجهاز العصبي CNS .. يعني لو عندي مريض بمشاكل الجهاز العصبي يفضل تجنب العيلة ديه خالص مش التاڤانيك بس وده عشان ليها تأثير في قفل بعض النواقل العصبية المهمة في الدماغ زي ال GABA ومعروف إن ال GABA ديه من أقوى النواقل العصبية اللي بتعمل ارتخاء inhibitory وبالتالي قفلها هينشط الدنيا أكتر ..فلو مريض صرع وكهربا زايدة ممكن التشنجات تزيد معاه..لو مريض أرق مش هيعرف ينام كويس(وعشان كدة بلاش ناخد العيلة ديه خالص مساءا..خليها الصبح أحسن) ..لو مريض سكر وعنده peripheral neuropathy او اعتلال في الأعصاب الطرفية..فهنلاقي الحرقان والتنميل والشعوطة بتاعة الأطراف زادت..فيفضل تجنبهم ما لم يكن قدامنا سواهم.

👈١٠- خليه الصبح عشان ممكن مينيمكش كويس بليل ويكون قبل الاكل بساعة أو بعد الأكل بساعتين.

👈١١- بلاش قهوة وكافيينات كتير معاه وده مراعاة للقاعدتين رقم ٩ و ١٠.

النوبات المخية:-
عادة ما تحدث نتيجة تمزق ذاتي لاحد الاوعيه الدمويه التي تغذي المخ او تكون جلطه تعوق الدورة الدموية بالمخ.
وهذة النوبات من الممكن حدوثها لاول مرة وبدون سابق انذار او تكون مسبوقه بصداع شديده بالراس وتكون مصحوبه بارتفاع ضغط دم او غير مصحوبه كذلك يمكن ان تكون مسبوقه بزغلله بالعينان وتشويش الافكار والذاكرة وهذه النوبات ممكن حدوثها ف اي عمر ولكن الاكثر حدوثها ف سن الخمسين واكثر...

العلامات والأعراض

1 - الصداع.
2 - فقدان الوعي.
3 - الدوخة والتوهان.
4 - عدم القدرة علي الكلام وأحيانا صوت شخير.
-5 سرعة التنفس مع العمق في أخذ آل نفس وأحيانا توقف التنفس نهائيا..
-6 شلل أو وهن (ضعف) في أحد جانبي الجسم.
-7 تساقط اللعاب من الفم .
-8 ممكن حدوث عدم تحكم في إخراج البول والبراز.
-9 عند فحص حدقتي العينان يتبين عدم تساويهما.
-10 حدوث التشنجات.

الإسعافات الأولية

1 - ضع المريض في وضع الإفاقة.
2 - سرعة الاطمئنان على أن الممرات الهوائية مفتوحة تماماً ولذلك بالطرق المعروفة والمشروحة
بالتفصيل في جزء الإنعاش القلب رئوي.
3 - حافظ على تدفئة المصاب بوضع أغطية مناسبة على جسمه بدون الضغط على الصدر وإعاقة تنفس المريض.
5 - في حالة توقف التنفس باشر فوراً عملية الإنعاش القلب رئوي.
6 - إذا لاحظت خروج أي إفرازات من أنف أو فم المصاب فبادر فوراً بوضع المريض على جانبه القريب لمكانك بحيث أن وجهه يكون مواجها لوجهك لسهولة تنظيف الممرات الهوائية وعدم اختناق المصاب ، وكذلك إذا كان المريض يستعمل طاقم أسنان جزئي فيجب إخراجه من فمه ، أما إذا كان يستعمل طاقم أسنان كلي فيجب تركه في مكانه لأن ذلك يساعده على إجراء عملية التنفس الصناعي
إذا كان هناك حاجة لعملها.
1 - ممنوع منعاً باتاً إعطاء المريض أي سوائل بالفم أن لم يكن واعياً تماماً.
2 - سرعة نقل المريض إلي المستشفي الملائم.

من اهم فوائد فيتامين K هو منع النزيف والمساهمه في التئام الجروح...

مكان تصنيع هذا الفيتامين بالجسم هو داخل الأمعاء من قبل البكتريا النافعة (نورمال فلورا)
الطفل المولود حديثاً تكون امعائه خالية من البكتيريا النافعة لانه لم يتناول الطعام ...
لذلك يُعطى الطفل حديث الولادة هذا الفيتامين لحمايته من الخطر☑️

#علامات ضعف النظر :

👈🏻 من علامات ضعف النظر، التي يجب على الوالديَن الإنتباه لها :

|👀| انحراف عين الطفل الذي يبلغ عمره أربعة شهور أو أكثر للداخل، أو للخارج، بينما يكون انحراف العين خلال الشهور الثلاثة الأولى من العمر طبيعياً .

|👀| عدم قدرة الرضيع على تثبيت عينيه على الأجسام ومُتابعتها بعينيه عند تحريكها .
|👀| الفرك المُتكرّر للعين .

|👀| كثرة الدموع، ورمش العين بأستمرار .
|👀| إمالة الرأس عند محاولة التركيز .

|👀ا حمرار وتورّم العيون .
|👀| حساسية للضوء، أي عدم القدرة على النظر للضوء .

|👀| عدم تماثل العينين .
|👀| الإغلاق المُتكرّر لعين واحدة .

|👀| عدم القدرة على تتبع الأجسام في مجال الرؤية .
|👀| الشكوى من صعوبة الرؤية، أو الضبابية في الرؤية .

|👀| تقريب الأجسام للتمكّن من رؤيتها .
|👀| احمرار الجفون وتورمها .

‏#معلومة_اليوم
🤔هل ارتفاع اليوريا يدل ع فشل كلوي⁉️
خذ المعلومة ☺️🙏🏻
ليس كل ارتفاع يعطي دلالة لفشل كلوي
فهناك زيادة نتيجة :
تناول كمية كبيرة من البروتينات
وفي حالات الجفاف كالنزلات المعوية
ونزيف الجهاز المعوي
وفي الأشخاص الذين يتناولون الكورتيزون

* إيقاف العلاج بمجرد تحسن الحالة الصحية العامة للطفل وعدم استمرار العلاج طوال المدة المحددة من الطبيب المعالج مع الإحتفاظ ببواقى الدواء لإستخدامه مستقبلا .

* معظم الأمهات يمكنهن التعرف على سرعة التنفس (النهجان ) أو صعوبة التنفس وهى العلامات التى تدل على إحتمال إصابة الطفل بإلتهاب رئوى ولكن الكثير من الأمهات لا تدركن أنها علامات خطيرة تستدعى الذهاب فورا الى الطبيب .

* تأخير بعض الأمهات فى عرض أطفالهن حديثى الولادة (أقل من شهرين من العمر) على الطبيب بأى من أعراض أو علامات إلتهاب الجهاز التنفسى ، إعتقادا منهن أنه لايوجد علاج لهؤلاء الرضع فى هذا السن وهذا عكس ما أثبتته الدراسات من أن نسبة كبيرة من حالات الوفاة تحدث بين الرضع والتى تصل إلى 25% من إجمالى الوفيات وتكون بسبب الإلتهاب الرئوى .( عافانا الله واياكم)

يوجد إعتقاد بين فئة من الأمهات بأن الإلتهابات الرئوية فى الأطفال حديثى الولادة ليست بسبب العدوى بالميكروب المسبب للمرض ولكن السبب يرجع إلى بعض المعتقدات مثل:

عدم التخلص من الإفرازات الموجودة بالأنف والصدر فور الولادة.
تعرض الطفل لتيار هواء بارد خاصة بعد الإستحمام.
إيقاف الرضاعة أو تقليل كميات الغذاء أثناء المرض والعكس هو المفروض حدوثه وهو الإستمرار فى الرضاعة والتغذية الجيدة وزيادة كمية السوائل أثناء المرض وفى فترة النقاهة.

إنتشار عادة تقبيل الأطفال من الفم تساعد على سرعة إنتشار المرض .

تابعونا،،،،، ، من اجل صحه افضل لاطفالكم ،،،

امراض الجهاز التنفسي ،،، نتكلم شوية بالتفصيل

التهابات الجهاز التنفسى الحادة هى مجموعة من الإلتهابات يسببها عدد كبير من المكروبات سواء بكتيرية أو فيروسية أو غيرها من الكائنات الحية الدقيقة وقد تصيب هذه الميكروبات أى جزء من أجزاء الجهاز التنفسى بداية من الأنف الى الرئتين ومايتصل بهما من أجزاء الجسم الأخرى مثل الحلق واللوزتين أو الأذن .

طيب ما هي أهم الأمراض التى تصيب الجهاز التنفسى؟؟؟

تتراوح إصابات الجهاز التنفسى من إصابات بسيطة مثل نزلات البرد إلى إصابات شديدة مثل الإلتهابات الرئوية .
وتنتشر إلتهابات الجهاز التنفسى الحادة بين الأطفال أقل من خمس سنوات من العمر بصورة كبيرة حيث أن الطفل يصاب بعدد من هذه الإلتهابات ما بين 5-8 مرات فى السنة الواحدة .
لحسن الحظ أن معظم هذه الإصابات ، إصابات فيروسية تصيب الجزء العلوى من الجهاز التنفسى مثل نزلات البرد ، والسعال وإلتهابات الحلق .

اعراضها ؟؟؟

* الكحة.
* رشح.
* إرتفاع درجة الحرارة .
* آلام وإفرازات صديدية من الأذن .
* زيادة فى سرعة التنفس (النهجان).
* صعوبة فى التنفس .

وتتراوح مدة الإصابة بهذه الإلتهابات ما بين يومين إلى خمسة أيام وتتحسن معظمها تلقائيا بدون أى تدخل علاجى أو إستخدام أى أدوية غير أنه فى حالة إهمالها قد تحدث بعض المضاعفات .

المضاعفات ؟؟؟ ؟؟؟؟

# الإصابة بالإلتهاب الرئوى ، الذى يتسبب فى وفاة الكثير من الأطفال أقل من 5 سنوات خاصة السن الصغيرة أقل من سنة .
# الحمى الروماتيزمية
# إلتهاب الأذن الوسطى المزمن الذى قد يصل إلى فقدان السمع .

العدوى ؟؟؟

تحدث العدوى عن طريق إستنشاق الرذاذ المحمل بالميكروبات المسببة للمرض من شخص مصاب (مريض) لشخص سليم وخصوصا فى الأماكن المغلقة المزدحمة سيئة التهوية ويجب ملاحظة الطفل المصاب بأى عرض من أعراض إلتهابات الجهاز التنفسى خاصة الكحة حتى يمكن إكتشاف المضاعفات مبكرا .

وأهم ما يمكن ملاحظته ( اخطر الاعراض )

# سرعة التنفس (النهجان).
# صعوبة التنفس .

إذا إكتشفت ذلك يجب سرعة عرض الطفل على الطبيب حيث أن الإلتهابات الرئوية من أخطر التهابات الجهاز التنفسى والإهمال فى سرعة العلاج قد تؤدى إلى وفاة الطفل.

كيفية رعاية الطفل المصاب !!!!

ماذا تفعل الأم عندما يصاب طفلها بنزلة برد أو كحة ؟

واظبى على :

** إرضاع طفلك رضاعه طبيعيه .
** تغذيته تغذية سليمة .
** إعطائه كميات وفيرة من السوائل (مثل النعناع المغلي ، ورق الجوافة ، الينسون ، والعصائر لأن الإكثارمن السوائل الدافئة يلطف الحلق ويساعد على طرد البلغم .
** إهتمى بنظافة أنف طفلك بإستمرار لأن ذلك يساعدة على التنفس الصحى و السهولة فى الرضاعة ( خاصة قبل الرضاعة وعند النوم ).

أسرعى بعرض طفلك على الطبيب إذا لاحظتى ::::::::

* وجود سرعة فى تنفسة أو نهجان .
* صعوبة فى تنفسه.
* إمتناعه عن الرضاعة أو نقص كمية ما يتناوله عن نصف الكمية المعتادة .
* تدهور حالة الطفل العامة .

إتبعى تعليمات الطبيب بالنسبة لإستخدام العلاج الموصوف من حيث :

** طريقة تحضير الدواء .
** مواعيد إعطاء الدواء .
** مدة إعطاء الدواء .
** عدم إيقاف إعطاء الدواء إذا تحسنت الحالة بل يجب الإستمرار طوال مدة العلاج التى يحددها الطبيب .
** عدم إستخدام بقايا أدوية سابقة بالمنزل .
** العودة إلى الطبيب للإستشارة فى خلال يومين لمتابعة الحالة .

** الإهتمام بالتهوية السليمة لغرفه الطفل المريض لأن المكان المغلق سىء التهوية يؤدى إلى تدهور الحالة .
** تجنب التدخين داخل المنزل خاصة فى حجرة الطفل المريض .

إبعاد الطفل (خاصة الطفل الرضيع ) عن الأشخاص أو الأطفال الآخرين المصابين بالسعال أو بنزلات البرد أو إلتهاب الحلق وذلك لمنع إنتقال العدوى إليه.

تجنب تعريض الطفل الصغير للهواء الملوث بسبب التدخين أو بالعادم الناتج من مواقد الكيروسين .

تجديد هواء المنزل بصورة مستمرة خاصة الحجرات التى ينام بها الأطفال مع مراعاة عدم تعرض الطفل للتيارات الهوائية الباردة .

الإهتمام بالتطعيمات فى مواعيدها المقررة لما لها من دور أساسى فى حماية الطفل من أمراض كثيرة معظمها خاص بالجهاز التنفسى مثل الدرن (السل) الحصبة ، السعال الديكى ، الدفتيريا .

فبتطعيم الطفل تطعيما كاملا خلال العام الأول يمكن الحد من هذه الأمراض ومنع مضاعفاتها الخطيرة والتى من أهمها الإلتهاب الرئوى .

الإهتمام بالرضاعة الطبيعية المطلقة خلال الشهور الستة الأولى من عمر الطفل لما لها من فائدة كبيرة فى حماية الطفل من معظم إلتهابات الجهاز التنفسى .

** بعض الممارسات الخاطئة التى تساعد على تدهور حالة الطفل المصاب بإلتهابات الجهاز التنفسى :

* إستعمال المضادات الحيوية وأدوية الكحة دون إستشارة الطبيب .

* إستخدام بواقى الأدوية الموجودة بالمنزل والتى إستخدمت فى علاج طفل آخر من قبل خاصة المضادات الحيوية وأدوية الكحة .

*️⃣ الأملاح والمغص الكلوي

⬅️ من أكتر الحالات إللي هتقابلك كتير عشان كده لازم تبقي فاهم الدنيا كويس.

⬅️ هيجيلك المريض وعنده وجع ف جنبه مكان الكلية كده ومسمع ف الضهر لو سالته هيقولك عندي حرقان ف البول وتعنية ( يعني هيبقي حاسس أنه عاوز يعمل حمام بس مفيش حمام أو كميته قليلة مقارنة بالاحساس إللي عنده )

⬅️ ممكن الوجع يبقي أسفل البطن وممكن يوصل للأعضاء التناسلية ودا ع حسب مكان تركز الحصوات

⬅️ دا بسبب إرتفاع أملاح البول وإللي أدت لتكوين الحصوات وممكن تؤدي أنها تعمل إلتهابات ف مجري البول.

⬅️ فهتلاقي الشخص حرارته مرتفعة بجانب الأعراض وممكن يلاقي دم ف البول
⬅️ الشخص دا لازم لازم يعمل تحليل دم عشان نعرف نوع البكتريا وندي المضاد الحيوي المناسب

💢وكمان هنطلب من المريض يعمل تحليل بول عشان نحدد نوع الأملاح إللي سببتله المشاكل دي وع أساسها هنديله العلاج .

💢أملاح البول بقه ٣ أنواع :

♦️النوع الأول : أملاح phosphate :
⬅️ ودي علاجها فيتامين سي زي
Cevarol tab / c-retard cap / vitacid c eff
مرة أو مرتين يومياً

♦️النوع التاني : أملاح oxalate :
⬅️ علاجها سترات الماغنسيوم زي
Citrocid magnessium eff / epimag eff / xenomag eff
كيس فوار ع نص كوب ماء ٣ مرات يومياً بعد الأكل

⬅️ نخلي بالنا لو في عدوي وصديد و الدكتور لو كتب مضاد حيوي سيبروفلوكساسين يبقي لازم تنبه ع المريض يفصل ما بينهم بساعتين .

♦️النوع التالت : أملاح uric acid
⬅️ دي أشهر الحالات وإرتفاع نسبته تؤدي لمشاكل مرض النقرس وإلتهابات المفاصل والكعبين.

💢ركز كده معايا ف الأدوية والفرق بينهم

⬅️مجموعة الأدوية دي

Urivin eff / urosolvine eff / uri_aid eff / uricol plus eff
‎ نفس المواد الفعالة ، هيقلل المغص والألم الناتج
وهيفتت الحصوات
فيه مادة colchicine ودي لعلاج إلتهابات النقرس

⬅️مجموعة أدوية دي تحتوي ع مادة hexamine وتستخدم كقاتل للبكتريا وهيستخدم كمطهر لإلتهابات المسالك البولية
آمنه للحوامل ومش هتجيب نتيجة مع مريض النقرص عشان مش هتعالج إلتهابات الناتجة عن النقرص

Coli_urinal eff / renal_s eff / uricol eff

الأدوية دي تتاخد كيس ع نص كوب ماء ٣ مرات يومياً قبل الأكل

💢الخلاصة كده

⬅️ يبقي كده لو جالك تحليل بول ولقيت نسبة uric acid عالية والمريض عنده النقرس هديله أول مجموعة .

⬅️ طيب نسبة ال uric acid عالية والمريض معندهوش نقرس وعنده إلتهابات يبقي الأفضل ليه المجموعة التانية.
⬅️عشان مادة ال Hexamine تعمل كقاتل للبكتريا ومطهر لإلتهابات وعدوي المسالك البولية

💢ف أدوية تانية هتلاقيها مكتوبة ف روشتة دكاترة أمراض الكلي والمسالك البولية :

♦️Urinex cap
♦️Alka_ur
♦️Cystone tab/syrup
♦️Rowatinex cap
⬅️علاج المغص الكلوي والحصوات وعدوي المسالك
⬅️يمنع ف الحمل أو أثناء الرضاعة

Proximol tab/syrup/eff
⬅️يحتوي ع خلاصة أوراق الحلفا بار مادة (proximadiol ) توسع الحالب وبتزود حركة العضلات الملساء للحالب وتسهل طرد الحصوات
يمنع ف الحمل و الرضاعه
♦️Kellagon eff
⬅️علاج الحصوات والمغص الكلوي

ممكن نديله مسكن ومضادات للمغص و التقلصات ودا هنعرف أدويته ف posts الجاية.
#كبسولة_إسعافية الإسعافات الأولية Shââbân Atââ

🔵ليه يفضل إعطاء الحقنة العضلية في الربع الخارجي الأعلى من العضلة ؟؟

يفضل إعطاء الحقن في المنطقة دي لسببين :
_الأول : لأن المكان دا بعيد عن تجمع الأعصاب وبكدا هنتفادى ان يكون هناك خطر إصابة العصب وبرده تكون الإبرة أقل ف الالم لأنها بتخترق الجلد في مكان بعيد عن الأعصاب الحسية.
_ الثاني : ان المكان دا غني بالشعيرات الدموية اللى بتسرع عملية امتصاص الدواء
-----------------------------------------
🟠ليه بيتم إعطاء بعض الأدوية بالوريد و ليس الشريان ؟

_ الوريد سطحي و أقرب للجلد من الشريان.
_ الوريد ضغطه منخفض و الشريان ضغطه مرتفع.
_ لو وضعنا الكانيولا بالشريان هيحصل نزيف وخروج الدم للخارج.
_لو عطينا الدواء عبر الشريان هيروح للعضو المجهز بالشريان ولكن لو عطيناه للوريد هيروح للقلب وبعدها يتم توزيعه لكل الجسم.
____
متنساش تصلي على النبي ﷺ♥️♥️