Masihulloh

Ёшлар кунига энг яхши совға бўлди! Бир гуруҳ ака-опаларимиз қатори Уюшма аъзолигига қабул қилиндик! Ишонч ва эътибор учун Ўзбекистон Ёзувчилар уюшмасига катта раҳмат! Илоҳим ишончни оқлаш насиб қилсин!

@Masihulloh

Дадахон Ҳасанов – Туркистон булбули. Эрк ва озодлик жарчиси, элимиз орасида хит бўлган лирик қўшиқлар муаллифи. Шоир ва журналист. 1990 йиллар халқ сўровномасига асосан Ўзбекистоннинг энг машҳур кишиси. 1988 йили озодлик йўлида ташкил этилган "Бирлик" халқ ҳаракати асосчиси. Миллий истиқлол йўлида қизил рус империясига қарши курашган қўрбоши боболаримиз куйчиси. Халқаро Аҳмад Яссавий мукофоти соҳиби. Бир сўз билан айтганда миллат фарзанди.

Дадахон Ҳасанов номи қарийиб 26 йил давомида қора рўйхатда эди. Шукрки, янги сиёсат, янгича дунёқараш шарофати билан 2017 йилда бир қатор таъқиқда бўлган маданият ва санъат вакиллари қатори у ҳам оқланди. Ҳофизга 2021 йилда 1-даражали "Меҳнат фахрийси" кўкрак нишони топширилди. Ижодий фаолияти яна эфир ва рўзномалар юзини кўрди. Ўзбекистон Ёзувчилар уюшмаси томонидан "Дарди борнинг доди бор" номли шеърий китоби чоп этилди. Қайтадан туғилгандек бўлди.

P/s. Ёнимиздаги афсоналарни қадрлайлик...

@Masihulloh

Бир неча йил аввал, озодлик куйчиси, халқимизнинг севимли ҳофизи Дадахон Ҳасанов билан суҳбат қилган эдим. Бу суҳбатни чоп этиш илинжида бир-неча нашрларга мурожаат қилдим. Уларнинг рад жавобини олаверганимдан суҳбат газета юзини кўрмаса керак деган фикрга ҳам бориб улгургандим.
Аммо эрта хулоса қилган эканман. "Адабиёт зиёси" газетасининг янги сони орзуларимдан бирини ушалтирди. Газета таҳририятидан, айниқса, Зоҳиджон Оловдан чексиз миннатдорман. "Адабиёт зиёси"га РАҲМАТ!

@Masihulloh

"Тошкент" телеканалига раҳмат! "Сиз нима дейсиз" кўрсатувида жамоамиз билан қатнашдик.

@Masihulloh