View in Telegram
ЎТАР ДУНЁ...
Дерларки, бир аллома музлатиб қўймиш ўзин,
Юз йилдан сўнг, воажаб, очмоқ истармиш кўзин.
Авлодларнинг, водариғ, юрагини ёрмоқ не?
Кўксингдаги муз ила келажакка бормоқ не?
...Келар дунё экан бу, кетар дунё экан бу,
Одам Ато қолдирган ўшал эски дўкон бу.
Руҳим қуши тинглагай азалнинг бир хитобин,
Мудом ўқир Азроил кўҳна қисмат китобин.
Мен қалбимни қазога қайноғича тутгум бор,
Ўғлонларим бошида сўнгги йўлдан ўтгум бор.
Томиб тушай кўзлардан, лола бўлай бир қучоқ,
Гилам тўшай баҳорда ёлғиз қизим йўқлар чоғ.
Фақат музмас, отамдек тупроқ бўлиб ётайин,
Шулчун қолган умримни бир лолага сотайин.
© Рустамжон УММАТОВ
Telegram | Facebook | Wikipedia
Love Center - Dating, Friends & Matches, NY, LA, Dubai, Global
Find friends or serious relationships easily