🎧 Премьера: Артур Конан Дойл, “Маллалар уюшмаси” “Маллалар уюшмаси” Артур Конан Дойлнинг машҳур Шерлок Холмс ва Доктор Уотсон ҳақидаги ажойиб ҳикояларидан бири бўлиб, 1891 йилда нашр этилган 12 қисмли “Шерлок Холмс саргузаштлари” тўпламига киритилган. Қизиғи шундаки, муаллиф ушбу ҳикояни ўзининг Шерлок Холмс ҳақидаги энг яхши ҳикояларидан деб ҳисоблаган. Ҳикоя ҳақида яна бир ғайриоддий факт: унинг пухта сюжети шу қадар таъсирли бўлганки, 1971 йилда Лондоннинг Бейкер кўчасида содир бўлган ҳақиқий жиноятга илҳом берган. Айтганча, бу ҳикоя янги адабиёт дарсликларидан ҳам жой олган, шу сабабли уни фарзандларингиз билан бирга тинглашингиз ёки ўқишингиз мумкин. Мен анча вақтдан бери адабиёт дарсликларидан жой олган машҳур ҳикояларни аудиокитобга айлантириб келмоқдаман ва уларнинг барчасини мана шу ердаги тўпламдан топишингиз мумкин. Аъзо бўлиб, яқинларингиз билан бўлишинг! 👉@madnifique👈