👉 УМР СОАТЛАРИ “Чиқ-чиқ” дейди соат “11”га имо қилиб мўйлови билан, тўн бичади ҳар ким умрга ўз қаричи – ўйлови билан. Осмон эса юм-юмалоқ вақт, ҳар соати унинг – бир мучал – давра қуриб, йиллар бетоқат аждар, асов от бўлиб учар. Узун ташлаб қўяди бирдай вақт арқонни. Кимга бахт кулар – осмонлардан мулойим қордай ёғади оқ-оппоқ орзулар; кимга эса акси омаднинг, тун қоп-қора томчи туйилар, ҳар лаҳзаси гарчи ҳаётнинг олтин ёмби бўлиб қуйилар. Умр отлиғ бу калавани чувалатиб, мен-ку қанд ейман, кўксимдаги от аравани қуруқ олиб қочмаса, дейман. Кўз ёнади. Юрак қалқинган... Майли, менинг юким бўлсин зил, бахт келтирсин фақат халқимга эшик қоқиб турган Янги йил. Шуҳрат АЗИЗОВ ✅ Jadid.uz’ga obuna bo‘ling