O‘zbekistonda raqamli ta’limni rivojlantirish uchun IT taʼlim Uyushmasiga Shveytsariyaning taraqqiyot va hamkorlik agentligi tomonidan qariyb 2 mlrd so’mlik grant mablag’i ajratildi Bugun Raqamli texnologiyalar vazirligida Shveytsariyaning O'zbekistondagi elchixonasi - Shveytsariya taraqqiyot va hamkorlik agentligi (SDC) hamda IT taʼlim Uyushmasi o’rtasida “O‘zbekistonda IT va raqamli ta’lim landshaftini rivojlantirish inklyuziv o‘sish uchun manfaatdor tomonlarni bog‘lash” loyihasi doirasida kelishuv shartnomasi imzolandi. Tadbirda raqamli texnologiyalar vaziri Sherzod Shermatov va Shveytsariya hamkorlik va taraqqiyot agentligining O'zbekistondagi vakili Andrin Fink ishtirok etib, O‘zbekistonda IT ta’limni rivojlantirish, xalqaro hamkorlikni kengaytirish va yangi loyihalarni amalga oshirish masalalarini muhokama qildi. Mazkur loyiha doirasida yoshlarning IT savodxonligini oshirish, malaka oshirish imkoniyatlarini taqdim etish, shuningdek, qishloqlarda yashovchi yoshlar va ayollarni ish bilan ta’minlash ko‘zda tutilgan. Loyiha keng qamrovli tadqiqotlar hamda moslashtirilgan ta'lim dasturlarini qayta ko'rib chiqish va rivojlanayotgan soha talablarini qondirish uchun mutaxassislar uchun malaka oshirishni o'z ichiga oladi. Loyihaning birinchi bosqichi doirasida aholining raqamli ko‘nikmalari holati tahlil qilinadi, bozor ehtiyojlariga mos yangi kasblar aniqlanadi va IT ta’lim resurslarini birlashtiruvchi platforma ishlab chiqiladi. Tadqiqotga asoslangan ushbu yondashuv keyingi bosqichlar haqida ma'lumot berib, moslashtirilgan va ta'sirli aralashuvlarni ta'minlaydi. Ushbu maqsadlar uchun Shveytsariya taraqqiyot va hamkorlik agentligi tomonidan IT taʼlim Uyushmasi nodavlat notijorat tashkilotiga qariyb 2 mlrd so‘m (149 655 AQSH dollari) Grant mablag‘lari ajratildi. Loyiha doirasida hududlarda IT savodxonligi va ko'nikmalari bo'shliqlarini tahlil qilish, bunda maqsadli auditoriya sifatida yoshlar, qishloq aholisi, ayollar va qizlar, kam ta'minlangan oilalar, nogironlar qamrab olinadi.