IT Education Association

Jamoamizga xush kelibsiz!

IT ta’lim Uyushma tomonidan amalga oshirilayotgan “O‘zbekistonda IT va raqamli ta’lim landshaftini rivojlantirish” loyihasi doirasida jurnalist Fotima O‘ktamova bilan Mehnat shartnomasi imzolandi.

Fotima O‘ktamova — Buyrak yetishmovchiligi xastaligi tufayli doimiy ravishda gemodializ qabul qiladi (Gemodializ - bu Sun’iy buyrak apparati yordamida o‘tkir va surunkali buyrak yetishmovchiligini davolash).

Farg‘onada istiqomat qilayotgan Fotima O‘ktamova Loyiha doirasida masofadan ishlash imkoniyatini berib, ular bilan Mehnat shartnomasini imzoladik.

Fotima O‘ktamova 2-guruh nogironi bo‘lishiga qaramay juda harakatchan ekanliklarini ilk kunning o‘zida ko‘rsatdilar, o‘z hududlarida nogironligi bor AyTi bilan shug‘ullanayotgan shaxslarni topib, ular bilan IT soxasining imkoniyatlari haqida materiallar tayyorlashga kirishib ketdilar.

Xullas shunaqa qilib, Fotima O‘ktamova Shveysariya taraqqiyot va hamkorlik agentligi tomonidan IT ta’lim Uyushmasi NNTga ajratilgan O‘zbekistonda axborot texnologiyalari va raqamli ta’lim sohasini rivojlantirishga qaratilgan Grant loyihasining bir qismiga aylandi.

Mazkur Loyiha kelajakda yoshlarning IT savodxonligini oshirish, malaka oshirish imkoniyatlarini yaratish, shuningdek, qishloqlarda yashovchi yoshlar va ayollarni ish bilan ta’minlashni nazarda tutadi. Loyihaning dastlabki bosqichida hududlarda IT savodxonligi va ko‘nikmalari bo‘shliqlarini tahlil qilish, bunda maqsadli auditoriya sifatida yoshlar, qishloq aholisi, ayollar va qizlar, kam ta’minlangan oilalar, nogironlar qamrab olinadi.

Fotima O‘ktamova bilan hamkorlikdagi faoliyatimiz samarali va hamma uchun manfaatli bo‘ladi deb umid qilamiz.

Agar atrofingizda Fotima opaning qahramonlariga aylanishi mumkin bo‘lgan IT bilan shug‘ullanayotgan mutaxassislar bo‘lsa biz bilan bo‘lishing. Biz IT’ning cheksiz imkoniyatlari barcha uchunligini ko‘rsatmoqchimiz.

Hurmatli Vatanimiz himoyachilari!

IT ta'lim Uyushmasi Qurolli Kuchlarimiz tashkil etilganining 33-yilligi va Vatan himoyachilari kuni bilan muborakbod etadi.

Sizlarga har doim kuchli hamda qat’iyatli bo‘lib qolishingizni, o‘z kuchingizga ishonishingiz, har qanday vaziyatda barcha muammolarni mohirona hal eta olishingizni tilaymiz.

Mustahkam sog‘lik, uzoq umr hamda oilaviy hotirjamlik, boshlagan ishlaringizda omad va zafarlar yor bo‘lsin!

Siz bizning tayanchimiz, himoyamiz va g‘ururimiz ekanligingizni unutmang. Mardlik va jasorat bayrami sanalgan — Vatan himoyachilari kuni yana bir bor muborak bo‘lsin!

Kelajakda yaxshi daromad topish uchun Internetdagi vaqtingizni chet tili va zamonaviy kasblarni bepul o‘rganishga sarflang! Pulingizni ham birinchi navbatda ta’limga sarmoya sifatida kiritib, xalqaro IT sertifikatni olishgacha erishing va davlat tomonidan to‘liq IT ta’lim va sertifikatsiya xarajatlarini qoplab oling!

IT sohasidagi yuqori maoshli minglab vakansiyalar tahlilini onlayn Uzbekcoders.uz saytida ko‘rsa bo‘ladi.

Aynan shu sayt orqali bepul ta’lim olish, hamda sertifikatlar haqida va yoshlar uchun 100 imkoniyat haqida ham ma’lumotlarni o‘rganishingiz mumkin!

IT xizmatlari eksporti kompaniyalariga yaratilgan imkoniyatlarni ko‘rib oyiga 50 ta yangi chet ellik kompaniyalar yurtimizda o‘z ofislarini ochmoqdalar va ular so‘rayotgan asosiy talabi aynan chet tilini va zamonaviy kasblarni biladigan yoshlardir!

Ingliz tilidan tashqari Nemis, Koreys va Yapon tillarini biladigan mutaxassislarga ham talab juda yuqori.

IT ta’lim uyushmasi barchangizni kirib kelayotgan 2025-yil bilan muborakbod etadi.

Yangi yilda sizlarga va oilalaringizga mustahkam sog’lik, bitmas-tuganmas baxt va omad, baraka tilaymiz.

But yil amalga oshmagan orzu va maqsadlaringiz kelayotgan yilda albatta amalga oshsin!

Yangi va zamonaviy kasblarni o’rganishdan to’htamang!

Sizga cheksiz mehr va muhabbat bilan, IT ta’lim uyushmasi!

2024-yil IT ta’lim uyushmasi faoliyatida nimalar bilan yodda qoldi?

Eng yorqin voqealarni yodga olamiz.

✅Nodavlat IT o‘quv markazlarini reytinglash boshlandi

Ilk reytinglash jarayonida “Najot ta’lim” nodavlat o‘quv markazi hamda PDP Academy ishtirok etdi.

✅IT ta’lim uyushmasi CompTIA xalqaro tashkilotining platinum hamkori

May oyida IT ta’lim uyushmasi Markaziy Osiyoda birinchilardan bo‘lib CompTIA xalqaro tashkilotining platinum hamkoriga aylandi. IT ta’lim uyushmasi Buyuk Britaniyada bo‘lib o‘tayotgan Butunjahon ta’lim forumida Markaziy Osiyoda birinchilardan bo‘lib Computing Technology Industry Association (CompTIA) tashkilotining platinum hamkoriga aylandi.

✅Yaqin Sharq va Markaziy Osiyo taʼlim muassasalarining 150 dan ortiq talabalari “Seeds for the Future 2024” ta’lim loyihasi doirasida Oʻzbekistonda yig’ildi.

Bilim va tajriba almashish orqali ishtirokchilar 5G, sun'iy intellekt, bulut va Wi-Fi 7 texnologiyalari haqida yaxshiroq tushunchaga ega bo'ladilar, kelajakda o'sish uchun ko'proq imkoniyatlarni o’zlari ochadilar va mehnat bozorida raqobatbardoshligini oshirdilar.

✅Maktablarning 100 nafar informatika oʻqituvchilari IT texnologiyalarning yangi yo'nalishlariga o'qitildi.

Sentabr oyida Tashkent International University of Educationda IT taʼlim uyushmasi tomonidan umumtaʼlim maktablarining 100 nafar informatika oʻqituvchilariga sertifikatlar topshirildi. Toshkentdagi INHA universitetining professor o'qituvchilari JavaScript, sun'iy intellekt va Internet texnologiyalarini yaratish bo'yicha ixtisoslashtirilgan dastur bo'yicha dars berdilar.

✅IT taʼlim uyushmasi “ICTWEEK UZBEKISTAN 2024” haftaligi tashkilotchisi bo’ldi.

50 dan ortiq davlatdan 200 dan ortiq IT kompaniya, 20 000 nafar tashrif buyuruvchi, 300 dan ortiq yuqori martabali mehmon va investorlar “ICTWEEK UZBEKISTAN 2024” haftaligi doirasida birlashdilar.

✅IT taʼlim Uyushmasiga qariyb 2 mlrd so‘mlik grant mablag‘i ajratildi

Noyabr oyida O‘zbekistonda raqamli ta’limni rivojlantirish uchun IT taʼlim Uyushmasiga Shveytsariyaning taraqqiyot va hamkorlik agentligi tomonidan qariyb 2 mlrd so‘mlik grant mablag‘i ajratildi.

Mazkur loyiha doirasida yoshlarning IT savodxonligini oshirish, malaka oshirish imkoniyatlarini taqdim etish, shuningdek, qishloqlarda yashovchi yoshlar va ayollarni ish bilan ta’minlash ko‘zda tutilgan.

✅GDG DevFest 2024 IT Ta’lim Uyushmasi tomonidan o’tkazildi.

Google Developers Group (GDG)ning asosiy tadbirlaridan biri 15 dan ortiq vorkshop va treklarni o‘z ichiga oldi. 30 dan ortiq spikerlar texnologiyalari sohasidagi so‘nggi tendensiyalar bilan bo’lishdi.

✅IT ta’lim uyushmasi “Hikma” xayriya harakati bilan hamkorlikda bolajonlarga ko'ngilochar hayriya tadbirini tashkil qildi.

✅IT Ladies Community loyihasi borasidagi ishlar

IT sohasida ayollarni qo‘llab-quvvatlovchi - IT Ladies Community loyihasi doirasida IT sohasida faoliyat yuritayorgan xotin-qizlar bilan yil davomida ko‘plab tadbirlar, uchrashuvlar va intervyular tashkillashtirildi.к