جماعة بتوع 3 ثانوي بجد يجماعة اتعبوا شوية وعارفين والله انتو مضغوطين وكل حاجة جاية عليكو بس معلش ربنا خلق الإنسان ف كبد يعني محدش فينا الدنيا سهلة معاه حتى لو أنت شايف دة ف مش كل الصورة أنت شايفها يعني محدش جاية ليه بالساهل كلنا مضغوطين وكلنا بنعاني بس فرق فيه واحد بيتعب علشان عاوز يوصل للي عاوزه وواحد بيقول زي متيجي تيجي وأنا شايفة إن اللي سايبها تيجي زي متيجي أنت أكتر حد بيظلم نفسه وأهله لأن حقيقي السنة مش متعبة ليك لوحدك لأ أهلك برضو تعبو مصاريف ومتحملين ضغط مش لازم يجو يقولولك عليه ف انتو متقولوش هنلحق ولا لا مفيش حد بيسعى وبياخد صفر، وحاول واتعب علشان لما النتيجة تيجي متقولش ياريتني شديت أو ذاكرت شوية لو عامل اللي عليك والله لو النتيجة ايه مش هتفرق علشان أنت قدام ربنا وقدام نفسك عملت اللي عليك صدقوني الندم وحش ف اعملوا اللي عليكم وسيبوا النتيجة لربنا احنا علينا السعي والنتيجة بتاعت ربنا يجماعة
