دموع الحوراء

قصيده للزهراء ع
الوزن موشح
ـــــــــــــــــــــــــــ

صاح جبرائيل دفــــــــــعو فاطمه
ابين باب الدار والـــــــــحايط دمه
ـــــــــــــــــــــ
صاح جبرائيل واظلم الفــــــــــضا
اهتزت الاكوان من هول الــــــقضا
يعينك الـله ياامام الرافضــــــــــــه
صوت للكرار اجاه من الســـــــــــمه
ـــــــــــــــ
يعينك الله ياعلي بهذا الـــــمـصاب
شلون فوگ الورد دفعو حيــل باب
وكسرو الها ضلوعها بعمر، الشباب
وابنك اعـــــله الگاع ياويلي انرمه
ـــــــــــــــــ
شگال گلـــبك من شفت واگف عمر،
وانت يابو حسين مــــجتوف بامر،
منين جبته سيـــــــــدي هذا الصبر،
وعينها ام حسين حـــــــمره مورمه
ــــــــــــــ
من شفت مســـــــــمار نابت بالضلع
تگوم گوه اعليك تخـــــفيه الوجع
وزينب تناظرها ويـــــــــــكت الدمع
تشوفها تصلي بوجـــــــــــــع متالمه
ـــــــــــــــــــ
شلون شلت الزاجيه بــــــهدوة الليل
ودمعك اعله الجفن ع الزهره يسيل
اطفـــالها تصرخ وصـــــــار الها عويل
وبيدك تهيل الـــــــــــــترب ع العالمه
ـــــــــــــــــــ
بيوم هلــــــــت اتراب والهــا ودعت
صوت من الگبر،شتـــــــوصي اسمعت
زينب المهظومه لگـــــــــليبي اوجعت
رد عليــــــــــــها اردود ياحامي الحمه
ــــــــــــــــــــــــــــــــــــــــ
تمت وبعون الله ورسوله بقلمي
ام عـــــــــ✍🏻ــــــــــلي البابلي
لااجيز شرعا حذف الاسم،،، نسالكم الدعاء


https://t.center/DmoaaAlhwraa

للزهراء ع
الوزن بحر طويل ـ
ـــــــــــــــــــــــــــــــــــــــــــــــ

هلي من دمه الدمـعات  عل عافت ابنـــيتها
زغيره اعله اليتم والنوح بهيده تجر ونـتها
ــــــــــــــــــــــ😭ـــــــــــــــ
فزت وبتوالي الليـــل تون و تصـــيح يايمه
مشتاگه وادير العين بيتچ يم حــسن ظلمه
جاساني البرد والخوف وثوبچ يمي اشتـمه
يل خذتي الدفو وياچ واضلوعي امصوبتها
ـــــــــــــــــــــــــ😭ـــــــــــــــــ
يل خذتي الامان وياچ وخلـيتيني بـحزاني
عگبـــج فارگاني النــــوم وكل الفرح جافاني
وحشه ومظلمه دنياي صار الحـــزن عنواني
اعد اهات فوگ اهات  يل طولت غيبتها
ــــــــــــــــــــــــ😭ــــــــــــــــــــ
اعد اهات يم حسين يـــــلرحتي وتركتيني
مابين الحزن والاه  ها يالزهـــــــره وونيني
وي امي اريد الموت   مااريدنها اســـــنيني
كتلني الشوگ لاحظانچ عَنٰ گلبي اعله ريحتها
ــــــــــــــــــــــــــــ😭ــــــــــــــــ
عن گلبي وكتلني الشوگ  يم حــــچاية الحلوه
 خذاچ المــوت من عندي چنتي للـــگلب سلوه
بس ادعيلي يم حسين روحي اعله البعد تگوه
زغيره بنيتچ اعله  الاه  شيحملها  مصيبتها
ــــــــــــــــــــــــــــــــ😭ـــــــــــــــ
گلبچ يالحنينه انطاچ ترحين وتيتــــــــمينه
مامرت الچ ايام من شــــلتي وهجــــــرتينه 
لو طال الغياب شلون مانحــــمله تـــــدرينه
يتراب اللــحد ردها   روحي اليـــــوم رادتها
ــــــــــــــــــــــــــــــــــ😭ـــــــــــــــــــــ
رد امي ولو ســــــــــاعه افل الشــــــوگ وياها
حنينه ولو لفاني الضيم يــــــــــمي هي  الگاها
بااشريان تمشي وياي  شـــــلون واگدر اسلاها
هاي امي وضوه عيناي وسفه الدنيا خانتها
ــــــــــــــــــــــــــــــــــــــــــــــــــــــــــــــ
تمت وبعون الله تعالى بقلمي ام علي البابلي
لااجيز شرعا حذف الاسم
اسالكم الدعاء
https://t.center/DmoaaAlhwraa

نعي ملائي لسان حال ام المصائب ع ترثي والدتها الزهراء ع
ـــــــــــــــــــــــــــــــــــــــــــــــــ

بويه خليني اشمها خليني اشمها شم الموادع ياعلي خليني اشمها
ولوگبر، ضمها ولو گبر، ضمها يصعب عليه شوفها لوگبر ضمها
يوجع المها يوجع المها راحت من ايدي الزاجيه يوجع المها
ـــــــــــــــــــــــــــــ
مشبعت منها. مشبعت منها،بويه عزيزه الوالده ومشبعت منها
سمعني ونها سمعني ونها لو بس تون كافي علي
سمعني ونها
والجفن عنها والجفن عنها شيله يبعد العافيه هالجفن عنها
ـــــــــــــــــــــــــــــ
لو هلت التراب لو هلت التراب بالك على ضلع ام حسن لو هلت التراب
ياداحي الباب ياداحي الباب يوجعهاا خافنه وتون ياداحي الباب
والگلب عطاب والگلب عطاب يلماخذ امي شمعجلك والگلب عطاب
صابتني اصواب صابتني اصواب شالت ولا ترجع بعد صابتني اصواب
ـــــــــــــــــــــــــــــــــــــــــــــــ
تمت بعون الله تعالى بقلمي
ام علي البابلي،،، لااجيز شرعا حذف الاسم،،، نسالكم الدعاء
https://t.center/DmoaaAlhwraa

قصيده لسان حال الزهراء عليها السلام ساعات الاحتضار
ــــــــــــــــــــــــــــــــــــــــــــــــــــــــــ


اوصيتي الك يابو الحسن  تصبر على الصار
ساعات واني مفــــــــــــــارگه ياحـيدر الدار
بالليل اريــــــدن دفنتي
ياعــــــلي هاي اوصيتي
ساعات واني مفـــــــــــــــــارگه ياحيدر الدار
ــــــــــــــــــــــــــــــــــــــــــــــــــــــ
شد حيلك بـــــــــحيل الصبر ياداحي الباب
مكسور ظهرك چن احس مو انت ابو اتراب
لاتنحني بيــــــــــــــك العزم ياكل الاحباب
ياهوه الريه و النفس
مكسور مااريدن احس
ساعات واني مـــــــــــــــفارگه ياحيدر الدار
ـــــــــــــــــــــــــــــــــــــــــــــــ
بيه ارد احلفك يالوصي كافي من الدموع
مابيه اشوفن دمعتك . مو گلبي موجوع
المهم سالم يالنـــــــــــظر تفـــــداك الضلوع
عينك عليها ام الخدر
ادري الكسر ماينجبر
ساعات واني مـــــــفارگه ياحيدر الدار
ـــــــــــــــــــــــــــــــــــــــــــــــــ

مهموم لتــــــــــــضل وتون ياسلوة الروح
هيهات ميــــــــرد الـــمضه وتلتام الجروح
مكتوب هـــــــذا الي جره  بسك امن النوح.
بيدك توسدني اللحد
انطيني ياروحي  وعد
ساعات واني مــــــــــــــفارگه ياحيدر الدار
ــــــــــــــــــــــــــــــــــــــــــــــــ
اشتاگ صــــــــــوتك بالقبر  اقـــــرالي قران
يا هل اتى وســــــــــورة احد يـــاكل الاديان
يصعب عليه امــــــــــــفارگك ياعالي الشـان
يالعشت مابين الجفن
اسم عليك  من الحزن
ساعات واني مـــــــــــــــفارگه ياحيدر الدار
ــــــــــــــــــــــــــــــــــــــــ
هاي العصابه الظـــــــــــــالمه بساعة التششيع
مااريد تمشي ياعلي وتحـــــــــــضر التوديع
عفر الــــــــــگبر بين الترب  خل گبري يضيع
ظلموني وانه فاطمه
خلوها بالگاع االدمه
ساعات واني مـــــــــــــــــفارگه ياحيدر الدار
ـــــــــــــــــــــــــــــــــــــــــــــــــــــ
تمت وبعون الله تعالى بقلمي ام علي البابلي
لااجيز شرعا حذف الاسم،،،،،،،
اسالكم الدعاء
https://t.center/DmoaaAlhwraa

للزهراء عليها السلام
لسان حال المحبين
ــــــــــــــــــــــــــــــــــــ

يمته نـــتعنه ونزور ام الحسن
ويم قبـــرها نهل مدامعنه مزن
ـــــــــــــ
نشيل رايات  بدمعــــنه مـطرزه
عالدرب ننصب مــــواكب للعزه
الملا والرادود يــمهـــــــا نجهزه
آيـــــمكسورة ضـلع يقره بحزن
ـــــــــــــــــــــــــ
نطلع بموكبه من طف كـربـله
نبجي لحد ما دمعــنه نوشـــله
شله الظالم علــــــه الحره شله
من سطرته تروح .محمر الجفن
ـــــــــــــــــــــــــــــــــــــــــــــــــــــ
نقيـــــم يم الگبر مجلس فاتحه
نصـــيح يازهره  ونعلي النايحه
يلمشيتي العين ضلت   شابحه
عل عقيله وعلى حسين وعل حسن
ـــــــــــــــــــــــــــــــ
نلطم اعله الراس ونوسم الصدور
نشم عبــــير الورد علمرقد   ندور
نلعن القاتل عــــــمر ثوره نثـــــور
والمناحه تصير بدمـــوع وشجن
ــــــــــــــــــــــــــــــــــــــ
صوت يصرخ بالجوامع بالدعاء
حي عالاضلاع حي اعله العزاء
نعزي سيد الرسل  خاتم الانبياء
الوديعه ســـــــــيدي ردت  تان.
ــــــــــــــــــــــــــــــــــ
عظم الله اجرك على  الزهره البتول
ندري بحزانك يبو الزهره  تطول
داسو الحد چتفو  فحل الفحول
اضلوعها ام حسين وسفه  تهشمن
ــــــــــــــــــــــــــــــــــــــــ
تمت وبعون الله تعالى بقلمي
ام علي البابلي
لااجيز شرعا حذف الاسم
اسالكم الدعاء
https://t.center/DmoaaAlhwraa

للزهراء عليها السلام لسان حال الامام الحسين  عليه السلام
ـــــــــــــــــــــــــــــــــــــــــــــ

شبيها امــــــي تون ومفارگه النوم
اضن طــــــير المنايه الليله  يحوم
ــــــــــــ
تغيــر لونــــها وثــــــــــلج جسمــــها
وذبلت كل مـــــــــــعانيها ورســــمها
مورمه العين والـــــــظالم وسمــــــها
احس  گلبي انلچم وعليها مهمــــوم
ــــــــــــــــــــ
مگابلها واون وعيــــــــوني حـــراس
 ساعه اركــض واراقب منها الانفاس
اخاف الموت.يــــــمها   يدك الاجراس
وتخليني وحـــــــــيد اوابچي ادموم
ــــــــــــــــــــــــــــــــــــ
ونتها التــــــــــــونها  ونة الـــــموت
واشوف الـــــليل  بيها يـروح زاتـوت
تصد ليه وتـــــــهل الدمـــــع بسكوت
احسها مــــــــــفارگتنه بليــله اويوم
ـــــــــــــــــــــــــ
چـــــــــــنها تودع اوداع المنــــــــيه
وتضل الدار عگـــــــــــــب امي خليه
يريت المــــــوت ياخــــــــذنه سويه
ولو يقبل يردها بعــــــــمري يســـوم
ـــــــــــــــــــــــ
شو گــــــلبي وجعني  ورفـــت العين
شمالچ غمضيتي يــــــــــم الحــسين
تعوفيني يزهـــــــــــره اويـــن تردين
ومن چلمه اليمه اضــــــــــل محروم
ــــــــــــــــــــــــــــــ
يبــــــــــــــــــــــعد العافيه يم المحنه
عگب نورج تره يظلـــــــــــــــــم نزلنه
شلنه بالعــــــمر يـــــــــــم حسن شلنه
ولو شلتي يزهره   ورحتي للدوم
ـــــــــــــــــــــــــــــــــــــــــ
تمت وبعون الله تعالى بقلمي
ام علي البابلي
لااجيز شرعا حذف الاسم
اسالكم الدعاء
https://t.center/DmoaaAlhwraa

لاربعين الامام الحسن عليه السلام
الوزن مفتون لسان حال السيده زينب عليها السلام
ـــــــــــــــــــــــــــــــــــــــــــــ

لاگعد واون يم الباب بلكت  تجيبه الدمعه
شايل  چبير الخوان بأسمه وصيحن وانعه
ــــــــــــــــــــــــــــــــــــــــــــــــــــــــــــــــ
بيتك يبو محمد ليش ظلمه صـفت اركانه
صار اربعين مـــتانين خالي ويـون ديوانه
شيخ الكرم شيخ الجود هسه الگبر عنوانه
علغافي بين التربان يانوحي  منهو يسمعه
ـــــــــــــــــــــــــــــــــــ
احسب على الفرگه ايام وگلبي بهظم يتچوه
شيردها ترجع هيهات   ذيچ الليالي الحــلوه
ماغمض جفني ولانام والنوح الـــــيه سـلوه
النام وغفه بين الحود   مامنــه زينب  رجعه
ــــــــــــــــــــــــــــــــــــــ
ايسي يروحي امتاناه  يم گبره خلي   نوحچ
واشكيله هــــم الايام حسبي يحره اجروحچ
هيچ وعله اترابه اهناك سهم المنيه يــلوحچ
هد حيلي مني  فرگاه ياحالي يصعب وضعه
ـــــــــــــــــــــــــــــــــــــ
يم الگبر علي الصوت كونه ويســمعه اونينچ
يلعشتي وياه سنيـــــــن وشحال بينه وبينچ
ياموت شلك يامـــــــوت گولولي  الله يعينچ
أبيت ابو محمد  ياحيف يادنيه تطفي الشمعه
ــــــــــــــــــــــــــــــــــــ
عشت العمر كله  اوداع يومــــــيه اودع غالي
من الزغر  ويه النوح و بــــــس الدمع يبرالي
شوفة مضيفك مســـــــــدود ينزف دمه دلالي
لو مو دمع ابچي ادموم  شينساك يبن البضعه
ـــــــــــــــــــــــــــــــ
تمت وبعون الله تعالى بقلمي
ام علي البابلي
لااجيز شرعا حذف الاسم
اسالكم الدعاء
https://t.center/DmoaaAlhwraa

قصيده للرسول ص على طور ضيفك يحيدر هالمسه ام المصيبه
ــــــــــــــــــــــــــــــــــــــــ

رب الاكوان بهالمسه  اشتاگ الحبيبه
استاذن الموت من النبي لربه يجيبه
ودموع الحزن،،،،، للغالي جرن
ـــــــــــــــــــــــــــــــــــــــــــــــــــ
تودعه ،،،،،گعدت فاطمه تنـــعيله وتنوح
تگله،،،،، عليك يهـــون وتخليني وتروح
يبويه ،،، عگب عينك يغالي شلي بالروح
محزون بطنان العرش معلن حداده
يصرخ اللوح ويه القلم سيد الساده  
والمشعر يون،،،،،، للغالي جرن
ام عـــــــ✍🏻ـــــــــلي البابلي
ــــــــــــــــــــــــــــــــــــــــــــــــــــ
يطه ،،، الك مولاي تنحب كلها الاكوان
بوداعك ،،حته العرش ناده ابصوت حزنان
حزانه ،،، مات ابهالمسيه النبي العدنان

نصبت عزيه فاطمه ابارض المدينه
واحـزانها ما تنطـوي بضـعـة نبينه

عيون ام الحسن ،،، للغالي جرن

ام ســ✍ــجاد العسكري

ــــــــــــــــــــــــــــــــــــــــــــــــــــ
نعتله،،،،، بنت بيت الاحزان تروح كل يوم
غيابه،،،، ماغمض جفنها وزاد الهموم
يغالي،،،،، مشتاگه تگله الذيج الرسوم

صاحت يحيدر راح ابوي الچان هيبه
وسفه يشيل ويبتعد عني عجيبه
احزاني بدن،،،،،للغالي جرن

آم صـــ✍️ــآدق آلمـنصـوري
ــــــــــــــــــــــــــــــــــــــــــــــــــــ
يبويه،،،تروح وماترد وهاي هيـــــه
سفرتك،،،بعيده يالابو تصعب عليـه
تجيني،،،بعد هيهات كعدتنه سويه
بويه يريت العين  عميه من جفوها
روحي تون  راحو اهلها الدللوها
آهات وشجن،،،،،للغالي جرن
✍️ام احمد الهاشمي
ــــــــــــــــــــــــــــــــــــــــــــــــــــ
ينادي.. طه لفاطمه وكعدت بكتره
يسولف..على قصة الحسن قبله ابثغره
والحسين.يگلها باجر ايحزون نحره

تگله يغالي غيبتك بويه شيسدهه
روحتك  عنه يالأبو ماهي وكتهه

فارگنه الزمن...للغالي جرن

✍️زينب الواسطية
ــــــــــــــــــــــــــــــــــــــــــــــــــــ
بعدني،، يبويه ابعازتك والشوف ملگاك
يوالي ،، تمنيت العمر اگظيه برباك
حسافه،، صار افراگنه بالعجل وياك
صعبه عليه يالحنين ابتعد عنك
مو تدري بحسين وحسن يردون يمك
والمنبر حزن،، للغالي جرن

✍️أم أحمد الساعدي
ـــــــــــــــــــــــــــــــــــــــ

محمد،، سد بابه يوسفه النبي الهادي
اريدن،،، منك يبو الزهره اخذ مرادي
نظرتك،،،تشوفون شعلي سيدي شسادي
ندري النخاك بشدته  يحصل مراده
ماتغفه عيني والدمع صاير وساده
وعيوني عمن،،، للغالي، جرن
ام وليــ✍️ــــــد الموسوي
ــــــــــــــــــــــــــــــــ

((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 22/ صفر / 1444هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العتره
https://t.center/DmoaaAlhwraa

#استشهاد_رسول_الله (ص)

حـيـنـما في لوحِ طه خُـطَّ مـيقاتُ المنايا
سـادَ في الكونِ ظـلامٌ أحدقت فيه البلايـا
بـيـن أطـبـاقِ التُّرابِ دفـنـوا خـيرَ البرايـا
رزءهُ أوّل رزءٍ بـــعـــده تــأتــي الــرزايـــا

#جابر_الكاظمي

#استشهاد_رسول_الله (ص)

كظيم الـهم واصـيحَن آه واراه
أصِـل دار النبي ابـيـا عين واراه
أناشد يا هو وسـط اللحد واراه
گالـوا حِـضَر بـس حيدر وصيّه

#جابر_الكاظمي
#ابوذية_جابر_الكاظمي

خطاب بين السيده زينب وام البنين عليهما السلام عند الرجوع للديار
الوزن بحر طويل
ــــ
مگابل واللطم عل راس زينب ويه ام عباس
هاي تصيح يامظلوم ذيج تصيــــح يالفراس
ــــــ
تكللها يبت حيـــــدر وتعلي اللطــــــــم و الـنوح
الله يساعدج  يمه وشفـــــتيه  السبــط  مذبـوح
شگلتي من صعد صدره شمر و الراس بيده يلوح
شلون تحمىليتي الصار
يبت المرتضى  الكـرار
ييمه جتنــــــي الاخبار
محنيه وصلتــيله  وچن عــــــمرچ بميه انقاس
ـــــــ
تكللها شسولفلج هدم حــــــيلي يــــــــبو  الاكبر
وصلته وماعرفته شلون بس مـــــن ونت المنحر
اجروحه الف وتسعـــــميه  و فوگ الترب وموذر
جسد فوگ الثره موزع
صحت حسـين مايسمع
حرت و شــلون  يتجمع
وكل اكتاره ممروده وصدره بخيــــلهم  منداس
ــــــــــــ
صاحت والدمـــــــــــــــع هالي ام المادنو فيه
يايمه يبعد العين  ريــت اليــــــــوجعك بيــه
شلون تنام عل تربان هم عــــــــطشان المـيه
وعاري ملسبه اهدومك.
لاماسده يايـــــــــومك
كتلتني تره اهــــمومك
ردت تنشد بز ـــــــينب چاوينه ابو   النوماس
ــــ
بس لاقصر اوليدي  وباجر استحي من امچ
شگللها يبت الحيد خافن  مافـــــــزع    يمج
ولا رد عايل اعله حسين عافج حايره بهمج
احرم درتي منــه
ولااارضه بعد عنه
لگبره.ابد متدنه
شسوه سولفي زينب من دگ العدو   الاجراس
ـــــــــــــــــــــــــــ
لطمت عينها وعلت  عقيلة هـــــــاشم   الونه
حاشا قصر المهيوب اخـــــــوي الحيد المچنه
شال النهر من جرفه وجــــابه بايده . لخيمنه
يوم السابع بعاشور
والجيمان يمه تدور
وگلبه ينزف ومجمور
سبع وتنومست باسمه رافع راسي يم الناس
ــــ
كله غيره ابو الكلفه وانــــتي هـم  تعرفينه
بس غدروه الف ياحيف  طفوها بسهم عينه
ووكع فوگ النهر مرمي وكطـــعو منه جفينه
بعمد  كسروها الهامه
يوسفه الوكت ماداومه
وراحـــــت. ذيج ايامه
ومشيت  وي العده وحدي وشماته عيونهم  حراس
ـــــــــــــــــــــــــــ
تمت وبعون الله تعالى بقلمي
ام علي البابلي
لااجيز شرعا حذف الاسم
اسالكم الدعاء
https://t.center/DmoaaAlhwraa

قصيده لسان حال السيده زينب ع
عند رجوعها للديار وهي تناشد الدار
الوزن خايف عليها ﷽
ـــــــــــــــــــــــــــــــــــــــــــــــــــــــــــــــ
يادار الحسين يادار الحسين راعيچ ضل بنينوى  يادار الحسين
مگطوع الوتين  مگطوع الوتين  عاري وموذر عل ترب مگطوع الوتين
. ــــــــــــــــــــــــــــــــــــــــــــــ
وني اعله وني  وني اعـــــــله وني صوب دليلي بفرگته وني اعله وني
همه كتلني.همه كتلني مالحگت لموادعه همه كتلني
والي هظمني والي هظمني بحبال شدوني ورحت والي هظمني
بين الملاعين.  بين الملاعين عل هزل والحادي حده بين الملاعين
ــــــــــــــــــــــــــــــــــــــــــــ
تتنازف ادماه.  تتنازف ادماه فوگ الرمل سبط النبي تتنازف ادماه
مامتت وياه.  مامتت وياه. شلون شفته بس وذر
مامتت وياه
خليني انعاه خليني انعاه. حرموني حتى من البچي خليني انعاه

واطفي ضوه العين  واطفي ضوه العين ابچي وانوحن وانتحب واطفي ضوه العين
ـــــــــــــــــــــــــــــــــــــــــــــــــــــــــــــــ

شمالچ مغبره شمالچ مغبره لاشوفه الچ لامن ضوه شمالچ مغبره
گولي شيجبره گولي شيجبره كسري وكسرچ عل ولي گولي شيجبره
وگلبي ويكسره وكلبي ويكسره مكسور ماله كل رجه گلبي ويكسره
خله نياشين خله نياشين طف كربله بنص الگلب خله نياشين
ـــــــــــــــــــــــــــــــــــــــــــــــــــــــــــــــ
يتشيب الراس يتشيب الراس لو بس اعد منهن تره يتشيب الراس
هم فرجه للناس هم فرجه للناس راحو اخوتي بكربله وهم فرجه للناس
حدي تره انداس  حدي تره انداس  جيتج  بالجدم حدي تره انداس
المن تتانين المن تتانين  راحو اهالي المرجله المن تتانين
ـــــــــــــــــــــــــــــــــ
حگج مظلمه حگج مظلمه من راح راعي المرجله حگج مظلمه
همي وي همه همي وي همه ماسدت مثل مصيبتي همي وي همه
اه شيلمه اه شيلمه جرح البقى ينزف دمه اه
شيلمه
بس الله المعين بس الله المعين دار الدهر باهل الشيم بس الله المعين
ــــــــــــــــــــــــــــــــــــــــــــ
تمت وبعون الله تعالى
بقلمي ام علي البابلي
لااجيز شرعا حذف الاسم
اسالكم الدعاء
https://t.center/DmoaaAlhwraa

قصيده تسرد وقفات لدروس  الاباء والشموخ والتضحيه
في عاشوراء
ــــــــــــــــــــــــــــــــــــــــــــ

مدرسه عاشور بـيها شچم درس
لو تريد تعــــــدهن لگـطع النفس
ــــــــــــــــــــــــــــ
الدروس البيــــــــها ماالها عدد
سجل التاريخ والشــــاهد شهد
شما ذكرنه وردنه   مانگدر نعد
شكثر ماعشنه العمر  بيها نحس

ــــــــــــــــــــــــــــ
درس واحد تاخذه من الـــــگمر 
بيده شـــــال المـــــاي رده للنهر
بالوفه لو ردت منــــــــــه اعتبر
العطش فت اجلاه ورياگه  يبس
ــــــــــــــــــــــــ
درس ثاني بيوم جاسم  حـنته
وعاف صيوانه واخذها لامته
ماسدت عل كون مثل .مصيبته
اشتره اخرته ابدمه وعاف العرس
ــــــــــــــــــــــــــــــــــــ
بعد عبد الله الطفل هاك استمع
مو عطش دلاله لا صابه الوجــــع
لمن شاف حسين وحده وي الفزع
حين  وكت النايبه دگ الجرس
ـــــــــــــــــــــــــــــــــ
يادرس اعظم الصــــــــــار بكربله
كبرياء وشيـــــــــــــم ذيج العايله
بعفه تمشي زينـــــب وي القافله
ابد مادنگــــــت حـــــاشا  للرجس
ـــــــــــــــــــــــــــــــــــــــ
طـــفلة حسين البچه الها العرش
بالخرابه ووالتـــــــــرابه تفترش
ضلت دمـوع الــحزن منـها ترش
الا فوگ الراس ماتت ماكو حس
ــــــــــــــــــــــــــــــــــــــــــــــــ
تمت وبعون الله تعالى بقلمي
ام علي البابلي لااجيز شرعا حذف الاسم،،
اسالكم الدعاء
https://t.center/DmoaaAlhwraa

قصيده لاربعينية ابا الاحرار عليه السلام ﷽
ـــــــــــــــــــــــــــــــــــــــــــــــــــــــــــــــ
يزينب وين سويتي اربعينه
وانتي بوليــــــة الناكر لدينه
ـــــــــــــــــــــــ😭ـــــــــــــــــــــــ
ويه العدوان اجيتي وكلچ اهموم
وگلبچ ع الحــنين حسين ملچوم
محومر جفنج وبس يگطر ادموم
وعلى گبره گعدتي وتندهينه
ــــــــــــــــــــــــ😭ـــــــــــــــــ
لامجلس نــــــــصبتي  ولاقرايه
ولاناعي النعه وكلـــــــچن سبايه
مامرت عــــــــــــلى الاكوان هايه
الفاگدله ولي مچــــــتفينه
ـــــــــــــــــــــــــــ😭ـــــــــــــــ
منهو الگابلت واللطــــــمت وياچ
وهايم عون وين الــــحضر عازاچ
وين الوزعــــــــــت بثواب ولياچ
وحدچ بالعزه هايلحنينه
ــــــــــــــــــــــــــــــ😭ـــــــــــــــــــــ
عفاچ شـــــگال گلبچ من وصلتي
وعلى كبره يـــــــحره من گعدتي
بس تربان شفتي وهم صبرتي
بنص الحود  اخييچ دافنينه
ـــــــــــــــــــــــــــــــ😭ـــــــــــــــــــ
وحيده بالعزه يخت السلاطين
ثلث تـــــــــيام فوگ الگبر تنعين
شسولفتي يحره  ويه الحنين
عن ضيم اليسر لو ع الضعينه
ـــــــــــــــــــــــــــــــــــــــــــــــ
لاام يـــــــــــــــمچ ولااكو حبايب
وابو الحملات عن الـــــــعزه غايب
الله يساعدچ شفـــــتي المصايب
گضه عمرج قهر كلهن سنينه
ــــــــــــــــــــــــــــــــــــــــــــــــ
تمت وبعون الله تعالى بقلمي
ام علي البابلي
لااجيز شرعا حذف الاسم
اسالكم الدعاء
https://t.center/DmoaaAlhwraa

📜قصيدة للاربعين
🎵على طور قصيدة "گواچن الله ويا هلا بهل جية"

محنية ردت بت علي محنية
بالـــشـام ميته عافتلها ابنية

ضيم الزغيرة ام عون ماهي اتحمله
والــــدها عنها لو سأل شتكله

ازرگ متنها لو رجل مچوية
بالـــشـام ميته عافتلها ابنية
-----------***-----------
ياقصة تحجي ويا هظم تشكيله
لـو كلها اريد اتراب گبري تهيـلـه
ذابحني يم عون وعلي سهم الشوگ
لن تسمع أخته الراس چن يحجيله

ماتت واخيتك ليك اجت تتعذر
من گبره فز حسين گام ويـعـثر

صعبة علي يا موتت العلوية
بالـــشـام ميته عافتلها ابنية


زيـ✍🏻ـنب الواسطي
-----------***-----------
من گبره فز وصاح يزغيرونه
يمدلله شــلون بترب مدفونه
رد ونشد ياظيم اشد يخت حسين
تگله اليفگدك خويه الله ابعونه

صح امشي بس يمك فكدته حيلي
من الوجــــــــــع يابو علي ادعيلي


علضيم صدگني بعد مابيه
بالـــشـام ميته عافتلها ابنية

ام عـ✍🏻ـلي البابلي
-----------***-----------
ياقصه تحجي لو اجت ليك ام عون
دخلت المجلس شيبت منها عيون
ويا نضرة الشمات چن ليها اسهام
وينه الكفيل اعليها گام ايصيحون

بنيتك يبـــــوها لجيتك تتنطر
مفجوعه يالوالي وكلبها اتفطر

ويه العقيلة اتمنت الهل جيه
بالشام ميته عافتلها بنــيه


ام ✍🏻زين العابدين لمحمداويه
-----------***-----------
ياضيم اجت تحجي اله يا حاله
شـــام الكدر فطر چبدها اوصاله
لو طبت ام عون القصر وي عدوان
ويا دمعت الحره صفت هماله

يادنيه ويه اهل البخت غداره
خليتي أميرة فاطمة محتارة

بحر الشمس ساعات وبضهريه
بــــالشــام ميـــته عافتلها بنيه

✍🏻ام رحمه الگاظميه
-----------***-----------
وين الابنيه يگلها يختي احجيلي
ماشوفها وي الضعن تربيلي
گلبي انخمش يابت علي شنهو الصار
ميــتــه اضنها وخــايفة اتگليلي

نار ابدليلي أعليها ابد ماتطفه
شوگي العزيزة روحي يصعب وصفه

اتسكتين ليش ودمعتج مجريه
بـــالــــشام ميته عافتلها ابنيه

✍️ام احمد الهاشمي
-----------***-----------
ماهي رقيه احچیلی يا مظلومه
يا نور عيني وين اجتها النـومه
اتنطر تجيني ويمي تذرف دمعات
گـــلبـي عليها زایــدات هــمــومه

وأعله الدرب للضعن شبحت عيني
بلكت اشوفنها ويهيد اونيني

خلونی اخليها أعله گلبی اشویه
بــــالشام ميته عافــتلهــا ابنــية

خادمة اهل البيت عليهم السلام العلويه ام سيد مهدي الموسوي
-----------***-----------

(( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ/13/صفر 1446هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة
https://t.center/DmoaaAlhwraa

قصيدة للإمام الحسين "عليه السلام" كإني بلسان حال مولاتنا زينب"عليها السلام"

الــوادم اتـــثوب لهلها وتعتني اتزور الگبر
وانه اثوبلك يخوية امتون محترگة وصبر
ــــــــــــــــــــــــــــــــــــــــ
هاي الك خطوات تعبي وضربتي وحرگ الجدَم
وامــشي للشام ابهزيلة طاعه الك خوية ونَعم
يــحــتـرگ لــيلـية گــلبـي مثل نيران الخيَم
ليش بس جسمك اشوفه امطشرينه ابكل كتر

✍🏻زينب الواسطي
ـــــــــــــــــــ①ـــــــــــــــــــ
كل سهر ليلي وعذابي لروحك اهديهن ثواب
حــرم وأطـفال وبـــناتك الك يفدون الرگاب
مـاكو خـيـمات وعزائك ننصبه فوگ التراب
هــذا كلـه مـقـصــريـن ومـنـك انـريد العذر

✍🏻زينب الواسطي
ــــــــــــــــــ②ــــــــــــــــــــ
امقصرين بيوم رحنه ومانصبنه الفاتحة
شلون روحي طاوعتني وگلت عنك رايحة
العدها ميت يوم دفنه تمشي ليه تصابحة
واني مصباحي  على جثتك گوطر الحادي ويمر

✍🏻ام وليد الموسوي
ــــــــــــــــــ③ــــــــــــــــــــ
گوطر الحادي  ومشينه هاي طعنات الزمن
شنهي حال السلبوهن  شربت المي مارون
الميت اتشيّعه أحبابه وهم يلفونه ابچفن
واني عالتربان اخوتي وننسبي ابوليت شمر

✍🏻ام وليد الموسوي
ــــــــــــــــــ④ــــــــــــــــــــ
روحي ابد ماطاوعتني رحت وحدي وانتحب
ضلت تحوم اعله جثتك لله تدعي وتحتسب
شلــــــــون وانت رحمة الله تـنذبح وبلا ذنب
موسد الگاع اعله نحرك   والدمه منك  يخر

✍🏻ام عـلي البابلي
ــــــــــــــــــ⑤ــــــــــــــــــــ
شلت ايدي وبدعائي صحت يارب النجاة
اقبل القربان  مني لاجل تثبيت الصلاة
ينذبح سبط النبـــــوه وتبتدي بيه الحياة
حتى ترضى يااللهي اخذ كل هذا الذخر

✍🏻ام علي البابلي
ــــــــــــــــــ⓺ــــــــــــــــــــ
تمت بعون الله وتوفيقه بأقلام الخادمات
✍🏻ام علي البابلي
✍🏻ام وليد الموسوي
✍🏻زينب الواسطي
لانجيز حذف الاسماء نسألكم الدعاء

https://t.center/DmoaaAlhwraa

وقفه //لبعض الشعراء
الشيخ الأزري يكتب قصيدة يصل فيها لبيت كتبه (يومٌ أبو الفضل أستجار به الهدى) فيعمد على القصيدة ويمزقها لأنه يقول رأيتُ بذلك إساءة أدب فكيف للحسين السبط عليه السلام أن يستجير بأبي الفضل العباس ع ..الى أن جاءه سيد الشهداء بعالم الرؤيا وقال له أكمل القصيدة يأُزري فالكون كله قد استجار بي في يوم عاشوراء وأنا أستجرت بأبي الفضل ...أين نحن من الأداب عندما نتكلم مع المعصوم أو عندما نكتب للمعصوم ..