هو أنا فاكر ايه من سنين الدراسة الطويلة اللي قضيتها والمواد الكتير اللي عدت عليا!! بسأل نفسي السؤال ده حالياً وأنا لم يبق من هذه الكميات إلا القليل والقليل جداً واللّٰه المستعان!! لكن طلعت منها بحاجة والحمد للّٰه أني طلعت من دراستي بيها ولو مطلعتش إلا بيها لكفى واللّٰه! "حفظت القرآن" 🥺🤍 الحمد للّٰه ثم الحمد للّٰه ثم الحمد للّٰه من هنا إلى يوم القيامة ودايماً بقول واللّٰه إن القرآن صحح مفاهيمي ورباني وعلمني وكون شخصيتي وسبب كل فضل ربنا منّ به عليّ أنا بكتب الكلام ده عشان أقول لكل واحد في إعدادي وفي ثانوي وفي جامعة مش هيبقالك حاجة إلا القرآن! وأوعى تقول مفيش وقت!! أنا وأنت عارفين إن فيه وقت وفيه طاقة وقدرة واستيعاب ذهني للقرآن! غالباً بتظن إن حفظ القرآن هيأخرك دراسياً! طب ولو! إيه المشكلة! يكفي إنك حفظت كلام اللّٰه في صدرك حبيبي أنت قلبك بقى فيه آيات ربنا عزوجل!! أنت متخيل!! وعاوز أقولك إن ده صعب جداً لأن القرآن ما زاحم شيئاً إلا باركه وزينَّه واللّٰه بترتقي في كل شيء واللّٰه رسالة لكل أب وأم: أقسم بربي.. القرآن أصلح وأولى لولادكم من كل اللي بيدرسوه ده.. مع عدم تقليلي لقدر اللي بيدرسوه كان أحد مشايخنا بيقول: "من أوتي القرآن وأوتي أخوه مال قارون فظن أن أخاه أفضل منه فقد عظّم ما حقّر اللّٰه وحقّر ما عظّم اللّٰه" والحمد للّٰه رب العالمين🤍 د. #أحمد_العربي