***
Кимнинг ҳузури деб ким сарсон бўлди,
Биров биров билан андармон бўлди.
Тарози палласи тенг келмади ҳеч,
Ким қиммат талашди, ким арзон бўлди.
***
Дерларки, жангдан сўнг ботир кўпаяр,
Иш осон кўринса, шотир кўпаяр,
Атрофда дарди йўқ талабгор бўлса,
Майдонда хашаки шоир кўпаяр.
***
Не учун ҳолимга ачинмайди тил,
Эртанги сўроқдан чўчимайди тил?
Оғзимга тош солиб, жим турай дейман –
Бекордан-бекорга қичимайди тил.
2009
© Беҳзод Фазлиддин
@Behzod_Fazliddin
#Кутмаган_кунларим_кутган_кунларим
