مؤسسة بني هاشم " للقصائد "

فزاعيه جنوبيه  مزدوجه بهوسات
موسي ابن جعفر الكاظم  (ع)

{كضاي الكلافات }

شلون يشيل كضاي الكلافات
خلصو بالقتل اهل الديانات

بسموم وقتل هلخلصو الساده
ابن موسي يون ابلايا اوساده
وسم ويلي الاعادي شالع افاده

(( مسموم يون.//  ابن الساده))

ميت بالسجن ابن النشامه
مايدرن بيه اهله وعمامه
من ضيم السجن بادن عضامه

(( ايحضرونه//   واجب خلانه ))

هذا ابن النشامه واهل العلوم
حيف يموت منه الجبد مسموم
من يخبر عمامه تلفي هليوم

((  يحضرونه // ابساع الحيد   ))

ابنكم علجسر حضرو يسادات
ثلث تيام باقي اعله الترابات
احضروله ابعجل يااهل المروات

(( تشيلونه. //وبهيبه الحيد ))

نحلان الولي من ضيم السجون
فوك الجسر يبقى شلون ترضون
يحك اعليه بني هاشم ينوحون

(( يشيعونه.//  وبعلام وهيبه   ))

تمت قلم الشاعرة المهدويه رهف الكعبي
عمل اهداء ظهور القائم الامين صاحب الروح و الزمان( عج)
https://t.center/vigivubu

هوسات شجاعة الامام العباس(ع)



ياشيال نعش ام عون ريضو ولا تدفنونه
خلي يحضر أبو فاضل ويحمله على متونه
ترا يغتاض من يسمع عليها ماتخبرونه
ومن يغتاض اخو زينب فنكم ماتهدونه
(( لاتغيضونه//.   الكافل عالعقيلة ))

تدرون الكمر لو زعل عنده فنون موصوفه
حتى الموت يتكتر وابد مايكدر يحوفه
هذا الخله العلكمي تتراجف.  اجروفه
ولجل عين العقيلة قدم.     جفوفه
(( والزينب//.   ضحاها اجفوفه ))

اسمعو وحفضو العباس خافن ماتعرفو زين
زينب غاليه عنده لجلها يكلب الكونين
مو بس جفه وراسه وقدم للعقيله العين
الشام بجفه يكلبهااذا من اخته متكربين

(( يفنيها.   //   الشام اعليكم))

شسولف عن زعل عباس نزل غضبان للحومه
خله الخصم من الخوف ضل يشمر  اهدومه
مو غريبه اعليه اخو زينب اله هدات معلومه
اخذ من حيدر الكرار شجاعه و فوكها ارسومه
((يوصفونه//.مثل الكرار ))


تمت قلم الشاعرة المهدويه رهف الكعبي
عمل اهداء ظهور القائم الامين صاحب الروح و الزمان (عج)
https://t.center/vigivubu

قصيدة
للزهراء  عليهه السلام

🪬🪬🪬
ماينراد   يفراك   الحنينات
ظلمه بيوتهن وسفه وحرامات


🪬🪬🪬🪬🪬🪬
ماينحمل يفراك الحنينات
من يوم المشن نجري الدمعات
على  الكلهن محنه وحيل طيبات
شيعود الزمان وياهن الفات
🪬🪬🪬🪬🪬
الهن لو نروح شمحله ملكاهن
نكضي الليل كله مسامر او ياهن
ماتنمل أبد حلوه حجاياهن
راحن بلعجل وسفه الحنينات
🪬🪬🪬🪬🪬
حنينات وأبد ماكو مثلهن
لو ذبنا الزمان انبات يمهن
وهموم الكلب نشكيها عدهن
وسفه ابساع راحن للمظلمات
🪬
بساع بساع خلصت ويلي العشره
خله  افراكجن وسط الكلب جمره
الدليل اعله البعد يحبابي شيصبره
يريت انموت وياجن يشفجات

🪬🪬🪬🪬🪬
اموت اوياج يايمه تمنيت
مااكدر اطبن مظلم البيت
اعتب عل الزمان شعندي خليت
أحاجي بالصور وأجري الحسرات
🪬🪬🪬
✍ ام حيدر الزاملي

https://t.center/mal_hama

قصيده جديده لسيده زينب (س)
{اختك ها يعباس}

تريد تشيل اختك ها يعباس
وتريدك تجيها اباخر الانفاس

كوه تجر نفسها ام عون وتريدك
تجيها كون شايل بيرغك بيدك
تشم ابيرغك ريحت مواعيدك
وتغمض عينها بيدك ينوماس

تحضر بيرغك وتهوس اعليها
وتشيل النعش بيدك يواليها
وتوافي الخوه يالولي.  ليها
من يومك تراها امشيب الراس

شلون تشيل وانته بعيد عنها
وهيه الشوفتك ماخمد ونها
دوم.   الكربله ادير ابجفنها
تعال الحك عليها ها يفراس

ونين الموت اختك ونت اليوم
والروح اعله جيتك يالولي اتحوم
اوياك الكربله خذها يجيدوم
حيف الدللتها  ابدون حراس

يمك كوم  وجيب العقيله
حزن افراكم مابيهه حيله
سلاها البعد والغربه ثجيله
ماترحم بختكم غربه الناس

تمت قلم الشاعرة المهدويه رهف الكعبي عمل اهداء ظهور القائم الامين صاحب الروح و الزمان (عج)
https://t.center/vigivubu

قصيده ثقيله
الي سيدة زينب( س)

{مشتاكه شكثر}

مشتاكه شكثر يخواني ليكم
مرة اتمنه اسمعنه  حجيكم

يا عباس وحسين
ليكم تربي العين

يلفي الموت ريته بين اديكم
..
اجاني الموت روحي رايدتكم
تحله الموته الي يخواني يمكم
شكثر مشتاكه للنومه ابكتركم

احن الذيج الايام
البيكم رافعة الهام

تحن روحي ومحتامه تجيكم
..
اتنام ابينكم  ياريت روحي
بلكي اشوي يكف يخواني نوحي
من امصابكم تنزف اجروحي

مصايبكم سلني
يخواني وعمني


  صبت دمعتي من دم عليكم
...
بعدكم روحي عاشت بلمنيه
تخلص الليل والدمعه جريه
تحن وتريد لأرض الغاضريه

عجيبة الروح بيه
وانتم  بالوطيه

جنت اشتم هوئ دنياي بيكم
...
جنت يخواني اتنفس هواكم
وسافة البين من عندي خذاكم
عجيبه عشت هالدنيه بلاكم

كون اوياكم اتروح
ياخواني هالروح

تعب روحي يعزازي   بجيكم
...
بعدكم خلصيت الليل ونات
وتذكرت الخرابه البيها انبات
بيها الضيم شفنه والمهضمات

اذكرها و ونن
واعليكم احنن
موتي يمته يلفيني واجيكم

تمت قلم الشاعرة المهدويه رهف الكعبي
عمل اهداء ظهور القائم الامين صاحب الروح و الزمان (عج)
https://t.center/vigivubu

هوسات لمولود سيدة نساء العالمين عليها السلام

اليوم السمه  والأرض امنوره بهالولاده
َوفرحان الكون  وفرحت هالمسه الساده
طشو اورود وهنوا.    الوالي.     وولاده
رسول الله فرح بيها وهلت فرحت اعياده

لورود طشوها  /  البنت المصطفى

صلو عليها صلو ب الاخره هي شفيعتنه
الدره العظيمه فاطمه يامحله زهرتنه
مبتهج كلب المصطفى بجيت حبيبتنه
ابمولد الحره ام الحسن طشينه فرحتنه


فرحان الكون  /  ابهليله

✍الخادمة ام زين العابدين الدفاعي

هوسات لولادة سيدة نساء العالمين
💐💐💐💐💐💐💐💐

فرحان النبي ابهليوم نولدت فاطمة

وبهاي الولادة فرحت املاك السمه

وشع عالارض هاليوم نور العالمه

(اليله فاطمة/ نورت دنيانه)
💐💐💐💐💐💐💐💐💐

بيها اليله الدنيه.   امنوره

وكل شيعة محمد هنت الزهره

بمولدها الأرض والسمه مبتشره

(المايفرحلج / مانهواه)
💐💐💐💐💐💐💐💐
الي مايحب ام الحسن لا مانريده

عود يصير منه لا هاي.   ابعيده

وباجر بالولاية ما احط أيدي بيده

(لا مانريده/ المايحبج فاطمه )

💐💐💐💐💐💐💐💐💐💐💐

مانريده الي مايوالي ام الحسن

وراح يكضي كل حياته بالحزن

كل الفاطميات بصوت وأحدرددن

(ماردنا /احنه المارادج)
💐💐💐💐💐💐💐💐💐💐💐
شاعرة اهل البيت ع/زهراء حميد

غير مبري الذمه من يحذف الاسم وينسب القصيدة باسمه
https://t.center/zzzz313e

قصيدة الامام الحسين( ع) لسان حال عشاق الامام 💔
{امنياتي}

امنياتي .   من تجي ساعت وفاتي
امنياتي .   حسين يختمها حياتي
امنياتي.    يحضر ويضمن نجاتي
امنياتي 2
يا حبيبي ياحسين 

شكثر شايل عطف كلبك سيدي انت وحنون
بذنبي لو مره اعتنيلك مسامح اتكلي وتهون
وكل ذنب يمك يزول كبل لاتبجي العيون

كون لجلك.   مو دمع دم تبجي عيني
كون لجلك.   بالبجي تخلص سنيني
كون لجلك.   او بالمنيه انته تجيني
امنياتي 2
ياحبيبي ياحسين

انته المفضل عليه وخيرك التارس الجيب
سيدي جيت انه اطلبك من عليه يا غريب
بكبري اتمنه تجيني.  وتكر  عيني يالحبيب

يا رجائي.   امنيتي اشوفك ولو مره
يا رجائي.   بشوفتك كلبي تسره
يا رجائي.   بكبره الخادم تحضره
امنياتي 2
ياحبيبي ياحسين

كون بحضورك  تغمض عيني وانهيهه الحيات
وحق زينب من عشكتك كلبي من الدنيا مات
دنيا و مابيها انته. ليله.    ماتسوة.   ابات

يمك ارتاح.     لو شفت وجهك يغالي
يمك ارتاح.    بكبري انام ولا ابالي
يمك ارتاح     والاجل أشعر حلالي
امنياتي 2
ياحبيبي ياحسين

سيدي عايش بحبك.    وعاشكك من الزغر
وصرت اتأمل     تجيني لو نزلت انه الكبر
ياحلات المحب بسمك يبدي ويخلص العمر

من اشوفك.      ياغريب ابغربتك
من اشوفك.      كبالك انعي مصيبتك
من اشوفك.   بدمعي اروي جبدتك
امنياتي 2
ياحبيبي ياحسين

منيتي شوفك ياحبيبي لحضه لو جاني الاجل
الموت لو مر يوصفونه بشوفتك طعمه عسل
دنيا الما بيها اشوفك كون تكضي ابلا مهل

خذني يمك.    يابو روح الحنينه
خذني يمك.    بحق عبدالله وونينه
خذني يمك.   العمر لو خلص اسنينه
امنياتي 2
ياحبيبي ياحسين

تمت قلم الشاعرة المهدويه رهف الكعبي

عمل اهداء ظهور القائم الامين صاحب الروح و الزمان( عج)
#اللهم_عجل_لوليك_الفرج
https://t.center/vigivubu

ابيات  ابوذيه لمولاتي فاطمةالزهراءع

للشاعرة ام احمد ألحميداوي خادمة العقيله الهاشميه ///
،،،،، ـــــــــــــــــــــــــــــــــــــــــــــــــــــ،،،،،


يرب عوداليه ///// ليالي الفاطميه

♡♡♡♡♡♡♡♡♡♡♡♡

نبت بالضلع يا الكرار بس  مار

دفع بابي وعليه اجه  بس.  مار

رفسني بصدري خله لريج بس مار

وابنك  وگع  مني عله   الوطيه

♡♡♡♡♡♡♡♡♡♡♡

اناشد علي عله الزهرأ صحت وين،،

من وگعت عله الغبره صحت وين

وين  الغيره يالوادم  صحت وين

والزهرأ     تشاگف       بالدعيه


♡♡♡♡♡♡♡♡♡♡♡♡

اجه مسرع علي من سمع ونها

تنادي بصوت فضه  الي ونها

يشايل نعش  بنت  النبي ونها

معاتب ألي ويه  امي الزجيه

♡♡♡♡♡♡♡♡♡♡♡♡

اريد اخسف ضلع صدري عليها

من  ماتت   بجه  حيدر  عليها

يناعي صرختك ب الون عليها

ونادي اه يبت سيد البريه

♡♡♡♡♡♡♡♡♡♡♡♡

گلب زينب عله الزهرأ علمها

تضل طول الدهر تبجي علمها

ماترفع.  بني هاشم      علمها

وتطلب ثار وي حامي الحميه

♡♡♡♡♡♡♡♡♡♡♡♡

الزهرأ الما ابد شافو حسنها

يبجي حسين والطاهرحسنها

لاذت لمن الطاغي حس نها

وره الباب وكسر ضلع الزحيه

♡♡♡♡♡♡♡♡♡♡♡♡


الأ روح والدي ووالدتي وألا سيدتي ومولاتي السيدة الزهراء عليهاالسلام  ولسلامة سيدي ومولاي ألأمام المهدي المنتضر عجل الله تعالى فرجه الشريف 
ولسلامة اطفالي وحفضهم من كل شراً ومكروه قربةً ألا الله تعالى

꧁꧁꧁꧁꧂꧂꧂꧂


... تمت بعون الله وفضله 🙏🏻  2024/12/5 م
بقلم خادمة اهل البيت (عليهم السلام) ✍🏻 #الشاعرة_والملة #ام احمد_الحميداوي،،من كربلاءالمقدسة ،، الملقبة ب خادمة العقيله الهاشميه،،،،

لا اجيز لهُ وغير مبري الذمة من يحذف اسمي او يتلاعب بالكلام وينسب الرثاء له او لشخص اخر، واسألكم الدعاء ،، اذكرو والدي ووالدتي ب الرحمة جزاكم الله خيراً

https://t.center/kbrwpp552y

قصيده لمولانا الحجه عجل الله فرجه الشريف

أتمنى اشوفك ولو طيف بمنامي
ويمك اكعد واحجي.  عن هيامي
وانعه عالحره واخوها.    الضامي
بشوفتك تدري يامولاي تحله أيامي
              ✨✨✨✨✨✨✨✨
ياغريب مثل حسين وبذنوبنه نرميك
الذنب مثل السهم بالگلب يجويك
انت الرؤوف والحنين ابونه انسميك
يمته يمهدي اشوفك واكعد احاجيك
            ✨✨✨✨✨✨✨✨
ماالنه غيرك انت الأمل والرجاء
باب الخير أنت والكرم والعطاء
يالجدك محمد خاتم الرسل والأنبياء
و ابوك حسين خامس أصحاب الكساء
               ✨✨✨✨✨✨✨✨
خادمة الحجه اميره الكربلائيه

((موشح ندبه للامام المهدي عج))

تقرا بعدة اطوار

،،،،،،،،،،/////////////////////////////////،،،،،،،،

الغوث يامهدينا عجل  بالضهور
لدنيا ظلمة صارت ومابيها نور

//////////////////////////////////////////////

الدنيا ضلمه كوم انقذ شيعتك
هاي  ناس تريد طلعت  غرتك
سيدي  هاذي  الشيعه   نختك
ندري  بيك اعلينا  يلقأئم غيور

،،،،،،،،،/////////////////////////////////////،،،،

العجل يامولاي احضر يالغريب
كافي من البعد طول هل مغيب
سيدي  ننتضرك ابنوح ونحيب
خلصت الوادم يبو صالح دثور

،،،،،،،،،///////////////////////////////////،،،،،،،

ياملاذ  الأمه   ياشبه  الرسول
عله هذا الصار يلمهدي اشتگول
طحنا مابين المنافق والعذول
هذا ميت هذا  مولانه مغدور

،،،،،،،،،،،///////////////////////////////////،،

گوم عجل وحمي بنت الطاهره
هاي زينب يا ابوصالح حايره
بلغرب.  لساتها.   اتون   صابره
تريد  فزعتكم  يهلها   يابدور

،،،،،،،،،//////////////////////////////،،،،،،،،،
ننتظر ملگاك وبفارغ صبر
عجل النا بطلعتك يالمنتضر
ياصبح يايوم تطلع ياضهر
ليش ع الي صاريلغايب صبور

،،،،،،،،/////////////////////////////////،،،،،،،،،،

ماكو حيله ولا بعد باقي سند
والبقت ب الشام تنتظرك بعد
لاأخو  عدها   ولا    عدها ولد
وبالغرب مرقدها يتنطر الضهور

ـــــــــــــــــــــــــــــــــــــــــــــــــــــــــــــــــ♕♕♕♕♕♕♕♕♕♕♕♕♕♕♕♕



... تمت بعون الله وفضله 🙏🏻
بقلم خادمة اهل البيت (عليهم السلام) ✍🏻 #الشاعرة_والملة #ام احمد_الحميداوي،،من كربلاءالمقدسة ،، الملقبة ب خادمة العقيله الهاشميه،،،،
لا اجيز لهُ وغير مبري الذمة من يحذف اسمي او يتلاعب بالكلام وينسب الرثاء له او لشخص اخر، واسألكم الدعاء ،، اذكرو والدي ووالدتي ب الرحمة جزاكم الله خيراً

https://t.center/kbrwpp552y

لطميه للسيدة زينب عليها السلام

اسم القصيده :نجمة السماء

كلمات:ام زينب الحسيني

🪞🪞🪞🪞🪞🪞🪞🪞🪞

يانجمة بخدود السمه
ويلي  يبضعة فاطــمه

رادوج تهوين.... رادوج تهوين

من السبي لحد موتتج
شكد الهضايم اذتــــج

عمرج تونين... عمرج تونين

🪞🪞🪞🪞🪞🪞

يانجمه بخدود السمه والله القسم بالنجمه
خالقج ربي مكمله ســـبحانه ربي و إســـمه
نورج يضوي كل كلب يانور وسط العتــــمه
رادوه نورج يختفي ونورج صعب ياضـــمه

بعد السبي وذاك الالم
ردَو يويلي عله الحرم

المو مسلمين 

رادوج تهوين.. رادوج تهوين
🪞🪞🪞🪞🪞🪞


بعد السبي وذاك الالم الموت جالج رحمه
ردوا عليج لمرقدج مو بشر جنهم نقمــــه
يانعمه انتي وحضرتج ماقدروا هل النعـمه
جيوش الكفر يانجمتي بنص الكبر ملـــتمه

يالحره طـــــبوا بابج
وبعيده عنه احبابج

تبجيلج العين

رادوج تهوين.... رادوج تهوين

🪞🪞🪞🪞🪞🪞

تبجيلچ اعيون المحب وبشوگ راده الملگه
يباوع ضريحج منترس ناس الي نكرت حگه
احفاد اللعين ابن الرجس ايزيد الله ايحرگه
و احبابج ابعيده ابحزن  تتمنه مره اتشبگه

تشبگ ضريحج مره
احبابج يبت الزهره

يااخت الحسين

رادوج تهوين..... رادوج تهوين

🪞🪞🪞🪞🪞🪞

يااخت الحسين الذي روحج صفت يم روحه
و بعينه ينظر حظرتج والحزن گلبه ايلوحـــه
حسرة اطلعت من گبته ومهيجتهه اجروحه
و حزنانه يطيور الحرم گامت ِتون مــن نوحه

اخته الگظت مسمومه
ميته و بقت مـــظلومه

كل ذيج السنين

رادوج تهوين.... رادوج تهوين

🪞🪞🪞🪞🪞🪞

ميته يزينب والرجس ردولج انتي احفاده
مسبيه انتي بكل زمن احا يعمت السـاده
وين النشامه يخوتج ويلفون الج هــداده
و  الظالم بنص حضرتج يتفاخر بأحـــقاده

بالحقد ظالم يفخر
والناس يمه اتكـبر

ماعدهم اي دين

رادوج تهوين.... رادوج تهوين

🪞🪞🪞🪞🪞🪞🪞

https://t.center/zainxvybcxvhxxa

لطمية لوفاة ام البنين عليها السلام

ميمر (ليلة الوفاة)



🫧🍃🫧🫧🫧🍃🫧🫧🫧🍃🫧

وين الولد خيحضرون

امهم تموت الليله
🫧🍃🫧🍃🫧🍃🫧🍃

ويـن الولد والــصوت من الحره
تندبهم وتبــــًجي تراهه بعـــبره
حضرولي يمه وياكم ابن الزهره

وملايه جيبوهه ام عون
  تنعالي يالعقيله
🫧🍃🫧🍃🫧🍃🫧🍃🫧

مــن كربله مـــروا ييمــه لزينب
جيبوها خل تبجي عليه وتنحب
وكلـــولهه امنه وعلـــينه تعتب

بهيبة قبل ياعباس
جيب اختك الجليله

🫧🍃🫧🍃🫧🍃🫧🍃🫧

بـــهيبة قبل يايمــه بت الزهـــره
خلهه تجي ومـوتي ييـمه تحضره
وطيب يچفهه وماكو اثر للجمره


ملجومه خافن يم عون
واللطم رايد حيله

🫧🍃🫧🍃🫧🍃🫧🍃🫧

ماعندي بت ولا ولد يبــجيلي
ردولي يايمه و علـــيكم ويلي
اخر نفس عندي ولا باقـــيلي

أيام اتاني وانتظر
والسفره حيل اطويله
🫧🍃🫧🍃🫧🍃🫧🍃🫧

سفرة حرب يالرحتو مـارديتــوا
بس اليتامه و   النــسه خلـيتوا
وابن السبط معلول بيه ادريتوا

خافن اموت ونعشي
گلولي ياهو يشيله
🫧🍃🫧🍃🫧🍃🫧

تعبان يولــــيدي علي و بوحده
من كربله ماظل يحيـل العنده
ياهو اليشيعني ويخدي يوسده

وتراب الكبر يالاولاد
منهو عليه ايهيله
🫧🍃🫧🍃🫧🍃🫧


🫧الشاعرة ام زينب الحسيني 🫧https://t.center/zainxvybcxvhxxa

#حصرياًً


نعي لتشيع ام البنين عليها السلام

ابوذيه

عكبهم عاشرت حزني... خلي صار
                                   (خليل)
وبيتي العامر بحسهم.....خلي صار

نعشي من الولد وسفه... خلي صار

🪞و غريبه  من سره الجناز بيه🪞

🪞🫧🫧🪞🫧🫧🪞
بالتابوت يا  روحي تــنادي
عله هونك و ريضلي يحادي
بلكت يحضــرولي اولادي

🪞🫧🫧🪞🫧🫧🪞
ريض بالنعش ســــاعه يجناز
بلكت لن يجون اليوم الاعزاز
تراني للولد ياكـــلبي معــــتاز

🪞🫧🫧🪞🫧🫧🪞
ريضوا   بالجنازه ولاتشيلون
بلكي الهواشم لن يحضرون
وحشه اجنازتي لا  مايخلون
🪞🫧🫧🪞🫧🫧🪞

مفرعين الولد لمن يجوني
يكون وبيدهم لو شيــعوني
ومايرضون غربه اليحملوني

🪞🫧🫧🪞🫧🫧🪞

يجون بساع فاتحتي ينصبون
الي عباس وي جعفر يحــضرون
ويذبون العمايم عبد وي عون

🪞🫧🫧🪞🫧🫧🪞

يذبوها العمايم كــون الاولاد
ظلت امنيه الحركتلي  الفاد
انه الحشمت والصوت مافاد

🪞🫧🫧🪞🫧🫧🪞

وديت العتب وانه اعله الجتاف
نعش الغـاليه جا ليش ينــعاف
وماظينتهه من حلو الاوصــاف

🪞🫧🫧🪞🫧🫧🪞
يرضه بهاي  ما ظنيت  عـــباس
غيور وعالنعش مايرضه  ينــجاس
ونعش الوالده يشيَلونه عالراس

🪞🫧🫧🪞🫧🫧🪞

ام زينب الحسينيhttps://t.center/zainxvybcxvhxxa

بسم الله الرحمن الرحيم
اللهم صل علئ محمد وال محمد

////////

قصيدة عن حال السيده زينب تخاطب ام البنين ع يوم وفاتها

(( فزاعيه مع هوسه ))

الج تحله العراضه ونگبت الزين
يا أم الأفاعي    يام        البنين

((لعبو جوله ابگاع الطف))

꧁꧁꧁꧂꧂꧂꧂

الج  يم  البنين اليوم  ونيت
على فرگاج ييمه اليوم لطميت
يم  عباس يمي  عليج  ناديت

((عباس اليوم اتمنيته))

꧁꧁꧁꧂꧂꧂꧂

تمنيت البطل هليوم  يتعنه
يجي للوالده اويحضر الونه
وعبدلله وجعفر خوي ريدنه

((ودعناها اليوم امكم))

꧁꧁꧁꧂꧂꧂꧂

الج تحله العراضه ودگ المتون
يا. أم  النشامه     الما   يثنون
هذا امصاب يمه ايروح العيون

((تستاهل ون المضلومه))

꧁꧁꧁꧂꧂꧂꧂

انا. برجاج   يمه   لا تطولين
سلميلي على العباس وحسين
زينبكم    تگلي     للميامين

((الدار اتون ضلت بيها ))

꧁꧁꧁꧂꧂꧂꧂

عليج النوح يم الزين المجنه
شخصج راح يمه وايست منه
بعد هيهات طولج ما أشوفنه

(( الشيله اتضل انعا عليها))

꧁꧁꧁꧁꧂꧂꧂꧂꧂


... تمت بعون الله وفضله 🙏🏻
بقلم خادمة اهل البيت (عليهم السلام) ✍🏻 #الشاعرة_والملة #ام احمد_الحميداوي،،من كربلاءالمقدسة ،، الملقبة ب خادمة العقيله الهاشميه،،

.       نعي. 
عندما ام البنين ع حضرتها الوفاة
كاني بلسانها

شتكول شتمنت
.     

ام البنين ابكلب محزون
اتصيح أهنأ يعبدالله يعون
وحسين ياضي هاي العيون


ردتكم يمه بساعة الشدة
  تعدلون راسي اعله المخده
إنه خلص العمر وهذا حده


خلص واجت ليه المنيه
و طبتكم ردت يمه عليه
اتجيبون تابوتي. اليه



ودفانه من تمشون  بيه
واتهيلون ترابي عليه
وتهدون الفاتحه اليه


انه ردت الولد وي اليدفنون
ويحط النعش فوگ المتون
ومنگب وتبجي.  العيون

اونن ودمعاتي.   تصب
وحسرة بقت وسط الكلب
ردت شوفتكم اخر طلب



ظلت تجرالروح حسرات
ومانشفت بعيني الدمعات
ماهده وني.   للممات




✍️-خادمَة الحُسين العلويَة: ام حَيدر الموسَوي.

فزاعيه لام البنين عليها السلام

🫧🫧🫧🫧🫧🫧🫧🫧🫧🫧🫧
ميتين الولد..... .. وتريد لطامه
ومحله دكت الحره على الهامه


🫧🫧🫧🫧🫧🫧🫧
ميتين الولد محد لطم يمهه
خالي يانعشها اليوم هاظمهه
وحشه الفاتحه وماكو اليلزمهه

وناموا باللحود.... اولاد  وهامه
ميتين الولد........ وتريد لطامه

🫧🫧🫧🫧🫧🫧🫧
ناموا باللحود وسكنوا الغبره
ميته اهيه وتون اليوم يالحره
خالي يا نعشها محد يحضره

ومحد من ولدهه يمشي جدامه
ميتين الولد........ وتريد لطامه
🫧🫧🫧🫧🫧🫧🫧
محد من ولدهه يمشي ملثم
ولا واحد عليهه منهم محزم
ماتوا من قبلها بعاشر محرم

وظلت بالحزن... والنوح تتحامه
ميتين الولد... ..... وتريد لطامه
🫧🫧🫧🫧🫧🫧🫧
ظلت بالحزن تتحامه والعبره
ويا نار الولد بالكلب مستعره
يوميه تون و    تعازي  الزهره

على حسين الشفيه وذيجه ايامه
ميتين الولد.... ... وتريد لطامه
🫧🫧🫧🫧🫧🫧🫧
عله حسين الشفيه دوم ونتهه
وعلى افراك الولد زادت يعلتهه
محد يمهه حاضر يوم موتتهه

وين الي عليهه يشده احزامه
ميتين الولد.. .. واتريد لطامه
🫧🫧🫧🫧🫧🫧🫧🫧🫧


ام زينب الحسيني
https://t.center/zainxvybcxvhxxa

في ذكرى وفاة نبع التضحية والفداء والوفاء ام البنين ع

كانت ام البنين معلمة العباس
واستاذة الوفاء في مدرسة الطف..
لم تدق جرس الفرصة كي يستريح ابنائها عن نصرة الحسين..!!
في درس #الرياضيات قدمت اربعة رجال وقمر وكفين..!!
في درس #الفيزياء جعلت العباس يصحح معادلة الخيانة إلى وفاء منقطع النظير..
في درس #الزراعة بينت واجبات الساقي وشروط سقايته..
في درس #الاسلامية قدمت المحامي ابدآ عن دينه
في درس #الادب قدمت شخص لم يلفظ كلمة اخي لأمامه حتى شهادته إذ كان يقول له سيدي..!!
في درس #اللغةالعربية قدمت كافل مرفوع للخيمة وعلامة رفعه القربة الظاهره على كتفه..!!

أم البنين تبرعت لمدرسة الطف ولم تطالب بالثمن ..
أم البنين اعطت درسآ خصوصيآ لزوجات الأب عندما صارت امآ للحسين ع وزوجة أب للعباس ع...!!
♥️ام البنين ع مدرسة بكل ماتعنيه الكلمة من معنى مدرسة بكل منهاجهاودروسها

عظم الله اجركم واحسن الله عزاكم

نعي ام البنين عليها السلام

تخاطب ولدها

🫧🪞🫧🪞🫧🪞🫧
عليكم يالولد اصفر يلوني

وفراكم هدل امتــــــوني

ولدروبكم يربن اعــــيوني

🫧🪞🫧🪞🫧🪞
محد صاحكم وانه مريضه

يــشيوخ ترباية فـــــريضه

بيكم كربله رايتها بيـــــضه

🫧🪞🫧🪞🫧🪞
فــــزعوا يــــيمه و جابلــوني

يشبعن شوف منكم ياعيوني

مريضه انه ولا تتــــعذرونــي

🫧🪞🫧🪞🫧🪞
بيكم اتنومس ها يل التـــراب

يحلوين المعاني والرجه خاب

عليكم هالكلب ياولدي انعاب

🫧🪞🫧🪞🫧🪞

🫧🪞🫧ام زينب الحسيني 🫧🪞🫧

https://t.center/zainxvybcxvhxxa

‏..❉..
حَتى لو غَيّم عمرنا
فاتحة لتسهيل امرنا
  عليج نْقره  .. يم البنين

إلهي بــ أم البنـيــــن

╭┈─────── ೄྀ
࿐ ˊˎ-