عزيز الزهراء عليه السلام

بسم الله الرحمن الرحيم
اللهم صل علئ محمد وال محمد

((ابيات نصاري لعقيلة الهاشميين ع))


يخسه الگال لن زينب ذليله
رفعت راس اخوتها العقيله
بنت المرتظئ لا مو قليله
خلت طاغي اميه بليه انفاس


يخسه الگال بنت الطاهره تذل
وذلت. گوم اميه وذلت الكل
وخلت شامهم كله تزلزل
وگفت شامخه جن اخوها عباس


((ابيات ابوذيه))

قاسي الدهرصفعاته ولادار
خله الطاهره بلا اخ ولادار
ماريدن ذهب منكم ولادار
اريد اتشرف بخدمة رقيه



تراب الطف عيون الكل عماها
بجت طفله فگدت راية عماها
هاي المصرعه والهم عما::ها
رقيه تريد سبع لغاضريه


هاذي كربلا وحزني ولامي
لاعودي سمع صوتي ولامي
لا عباس رد ليه ولامي
ابرد جمرتي الضلت سريه



لاعباس ظلالي ولا حسين
اموت وياهم لافظل ولا حسين
لجمر حرگ جفوف يدي ولاحسين
وجع البل گلب اكثر عليه


محد من هلي عنده علاماي
فوگ المشرعه طايح علاماي
فگدت عباس يالتسئل علاماي
وصفيت بلا اخو بلغاظريه


تمت بحمد الله 18/12/2024

///


... تمت بعون الله وفضله 🙏🏻
بقلم خادمة اهل البيت (عليهم السلام) ✍🏻 #الشاعرة_والملة #ام احمد_الحميداوي،، كربلاءالمقدسة ،، خادمة العقيله الهاشميه،،،،
لا اجيز لهُ وغير مبري الذمة من يحذف اسمي او يتلاعب بالكلام وينسب الرثاء له او لشخص اخر، واسألكم الدعاء ،، اذكرو والدي ووالدتي ب الرحمة جزاكم الله خيراً

https://t.center/kbrwpp552y

بسم الله الرحمن الرحيم
اللهم صل علئ محمد وال محمد

(( نعي لمولاتي ام البنين ع))

✿⊱⊰✿ياحسين ✿⊱⊰✿

انا الوالده والگلب مكسور
من ودعوني اولادي لبدور
ضليت بس الگلب مجمور
♡♡♡♡♡♡♡♡♡♡♡♡

من ودعوني وراحو ابساع
يافرگت النامو عله الگاع
اويلاه يا مكسور الضلاع

✿⊱⊰✿ياحسين ✿⊱⊰✿

انا الوالده وروحي بحيره
لاولد ظلي ولا. عشيره
كلهم مشو عافو. الديره

✿⊱⊰✿ياحسين ✿⊱⊰✿

يحسين يبني ونور عيناي
يمحروم شربت گطرة لماي
اه ياضمد گلبي ورجواي

✿⊱⊰✿ياحسين ✿⊱⊰✿

ذبحوك ضامي والذبح حار
ولمصيبتك يمه الگلب نار
ابجي عليك الحان واطوار

✿⊱⊰✿ياحسين ✿⊱⊰✿

انا الوالده الماعدها اولاد
كسر گلبي وهدمني ابو السجاد
وعباس اخيه. ليه ماعاد

✿⊱⊰✿ياحسين ✿⊱⊰✿

انا الوالده المكسوره ياناس
من راح الحسين وراح عباس
خليه اديارهم طاحت من اساس

✿⊱⊰✿ياحسين ✿⊱⊰✿

اناالوالده الثكله الحزينه
لضلت وحدها ب المدينه
وعباس مارد ذابحينه

✿⊱⊰✿ياحسين ✿⊱⊰✿

انا لوالده الذبحو بنيها
وهموم الوكت كثرن عليها
عله البين يايمه اشبديها

✿⊱⊰✿ياحسين ✿⊱⊰✿

انا ام الغريبه الي سبوها
ومن بعد عزها سلبوها
وذبحو اهلها ويه اخوها

✿⊱⊰✿ياحسين ✿⊱⊰✿


... تمت بعون الله وفضله 🙏🏻 2024/12/17
بقلم خادمة اهل البيت (عليهم السلام) ✍🏻 #الشاعرة_والملة #ام احمد_الحميداوي،،من كربلاءالمقدسة ،، الملقبة ب خادمة العقيله الهاشميه،،،،
لا اجيز لهُ وغير مبري الذمة من يحذف اسمي او يتلاعب بالكلام وينسب الرثاء له او لشخص اخر، واسألكم الدعاء ،، اذكرو والدي ووالدتي ب الرحمة جزاكم الله خيراً

https://t.center/kbrwpp552y

بسم الله الرحمن الرحيم
اللهم صل علئ محمد وال محمد

////////

قصيدة فزاعي مع هوسه

لو كانت السيده زينب موجود تخاطب ام البنين ع يوم وفاتها،،،
لاكن ماكانت السيدة زينب موجوده ماكان الأمام الحسين ع موجود ماكان العباس ع موجود،، بقت لوحدها مولاتنا ام البنين ع بس انگول لوكانت الحوراء زينب ع موجوده هيج تلطم عله امها وتنعا وتبجي سلام الله عليها ،،،

تگلها يمه،،


الج تحله العراضه ونگبت الزين
يا أم الأفاعي يام البنين

((لعبو جوله ابگاع الطف))

꧁꧁꧁꧂꧂꧂꧂

الج يم البنين اليوم ونيت
على فرگاج يمه اليوم لطميت
يم عباس يمي عليج ناديت

((عباس اليوم اتمنيته))

꧁꧁꧁꧂꧂꧂꧂

تمنيت البطل هليوم يتعنه
يجي للوالده اويحضر الونه
وعبدلله وجعفر خوي ريدنه

((ودعناها اليوم امكم))

꧁꧁꧁꧂꧂꧂꧂

الج تحله العراضه ودگ المتون
يا. أم النشامه الما يثنون
هاذ امصاب يمه ايروح العيون

((تستاهل ون المضلومه))

꧁꧁꧁꧂꧂꧂꧂

انا. برجاج يمه لا تطولين
سلميني عله عباس وحسين
زينبكم تگلي للميامين

((الدار اتون ضلت بيها ))

꧁꧁꧁꧂꧂꧂꧂

عليج النوح يم الزين لامجنه
شخصج راح يمه وايست منه
بعد هيهات طولج ما أشوفنه

(( اشيله اتضل انعا عليها))

꧁꧁꧁꧁꧂꧂꧂꧂꧂


... تمت بعون الله وفضله 🙏🏻 2024/12/2
بقلم خادمة اهل البيت (عليهم السلام) ✍🏻 #الشاعرة_والملة #ام احمد_الحميداوي،،من كربلاءالمقدسة ،، الملقبة ب خادمة العقيله الهاشميه،،،،
لا اجيز لهُ وغير مبري الذمة من يحذف اسمي او يتلاعب بالكلام وينسب الرثاء له او لشخص اخر، واسألكم الدعاء ،، اذكرو والدي ووالدتي ب الرحمة جزاكم الله خيراً

https://t.center/kbrwpp552y

((موشح ندبه للامام المهدي عج))

تقرا بعدة اطوار

،،،،،،،،،،/////////////////////////////////،،،،،،،،

الغوث يامهدينا عجل بالضهور
لدنيا ظلمة صارت ومابيها نور

//////////////////////////////////////////////

الدنيا ضلمه كوم انقذ شيعتك
هاي ناس تريد طلعت غرتك
سيدي هاذي الشيعه نختك
ندري بيك اعلينا يلقأم غيور

،،،،،،،،،/////////////////////////////////////،،،،

العجل يامولاي احضر يالغريب
كافي من البعد طول هل مغيب
سيدي ننتضرك ابنوح ونحيب
خلصت الوادم يبو صالح دثور

،،،،،،،،،///////////////////////////////////،،،،،،،

ياملاذ الأمه ياشبه الرسول
عله هاذ الصار يلمهدي اشتگول
طحنا مابين المنافق والعذول
هاذ ميت هاذ يالمهدي مغدور

،،،،،،،،،،،///////////////////////////////////،،

گوم عجل وحمي بنت الطاهره
هاي زينب يا ابوصالح حايره
بلغرب. لساتها. اتون صابره
تريد فزعتكم يهلها يابدور

،،،،،،،،،//////////////////////////////،،،،،،،،،
ننتظر ملگاك وبفارغ صبر
عجل النا بطلعتك يالمنتضر
ياصبح يايوم تطلع ياضهر
ليش ع الي صاريلغايب صبور

،،،،،،،،/////////////////////////////////،،،،،،،،،،

ماكو حيله ولا بعد باقي سند
والبقت ب الشام تنتظرك بعد
لاأخو عدها ولا عدها ولد
وبالغرب مرقدها يتنطر الضهور

ـــــــــــــــــــــــــــــــــــــــــــــــــــــــــــــــــ♕♕♕♕♕♕♕♕♕♕♕♕♕♕♕♕



... تمت بعون الله وفضله 🙏🏻
بقلم خادمة اهل البيت (عليهم السلام) ✍🏻 #الشاعرة_والملة #ام احمد_الحميداوي،،من كربلاءالمقدسة ،، الملقبة ب خادمة العقيله الهاشميه،،،،
لا اجيز لهُ وغير مبري الذمة من يحذف اسمي او يتلاعب بالكلام وينسب الرثاء له او لشخص اخر، واسألكم الدعاء ،، اذكرو والدي ووالدتي ب الرحمة جزاكم الله خيراً

https://t.center/kbrwpp552y

بسم الله الرحمن الرحيم
اللهم صل علئ محمد وال محمد


(( قصيدة موشح تقرا بعدة اطوار))

////////ـــــــــــــــــــــــــــــــــــــ/////////


نوح ياناعي مصاب ابن الرسول

وبنواعيك اوصيك. اشتگول

ـــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــ
♕♕♕♕♕♕♕♕♕♕♕♕♕♕♕♕

صيح فوگ الگاع طاح ابن الطهر

والخيام. ابنار. وجوها. العصر

وابنحيب اونوح رد ينعه المهر

الضليمه. آه. يازينب يگول

ـــــــــــــــــــــــــــــــــــــــــــــــــــــــ
♕♕♕♕♕♕♕♕♕♕♕♕♕♕♕♕

يا مصاب الصار مثله ماجره

هاذ ابو السجاد جثه اموذره

وعل هزيله تروح اخته اميسره

حده حادي لنوگ مسراها يطول

ـــــــــــــــــــــــــــــــــــــــــــــــــــــــــــــــــ♕♕♕♕♕♕♕♕♕♕♕♕♕♕♕♕

وصت الحره بلبس كل العبي

حته لايطمع ابشوفه لاجنبي

ياخواتي شدن احزام السبي

راح اخونه والدمه منه سيول

ـــــــــــــــــــــــــــــــــــــــــــــــــــــــــــــــــ♕♕♕♕♕♕♕♕♕♕♕♕♕♕♕♕

طاح اخونا حسين طاح الضيغمي

انذبح عباس يم العلگمي

گومي يام كلثوم يختي تحزمي

نجمع لاطفال. يابنت. البتول

ـــــــــــــــــــــــــــــــــــــــــــــــــــــــــــــــــ♕♕♕♕♕♕♕♕♕♕♕♕♕♕♕♕

لمت النسوان وتعدهن غدت

هالمصيبه هاي عل حره. سدت

وانخطف لون العقيله تقيدت

فگدت ام الطفل يحسين شتگول

ـــــــــــــــــــــــــــــــــــــــــــــــــــــــــــــــــ♕♕♕♕♕♕♕♕♕♕♕♕♕♕♕♕



... تمت بعون الله وفضله 🙏🏻
بقلم خادمة اهل البيت (عليهم السلام) ✍🏻 #الشاعرة_والملة #ام احمد_الحميداوي،،من كربلاءالمقدسة ،، الملقبة ب خادمة العقيله الهاشميه،،،،
لا اجيز لهُ وغير مبري الذمة من يحذف اسمي او يتلاعب بالكلام وينسب الرثاء له او لشخص اخر، واسألكم الدعاء ،، اذكرو والدي ووالدتي ب الرحمة جزاكم الله خيراً

https://t.center/kbrwpp552y

ابيات ابوذيه لمولاتي فاطمةالزهراءع

للشاعرة ام احمد ألحميداوي خادمة العقيله الهاشميه ///
،،،،، ـــــــــــــــــــــــــــــــــــــــــــــــــــــ،،،،،


يرب عوداليه ///// ليالي الفاطميه

♡♡♡♡♡♡♡♡♡♡♡♡

نبت بالضلع يا الكرار بس مار

دفع بابي وعليه اجه بس. مار

رفسني بصدري خله لريج بس مار

وابنك وگع مني عله الوطيه

♡♡♡♡♡♡♡♡♡♡♡

اناشد علي عله الزهرأ صحت وين،،

من وگعت عله الغبره صحت وين

وين الغيره يالوادم صحت وين

والزهرأ تشاگف بالدعيه


♡♡♡♡♡♡♡♡♡♡♡♡

اجه مسرع علي من سمع ونها

تنادي بصوت فضه الي ونها

يشايل نعش بنت النبي ونها

معاتب ألي ويه امي الزجيه

♡♡♡♡♡♡♡♡♡♡♡♡

اريد اخسف ضلع صدري عليها

من ماتت بجه حيدر عليها

يناعي صرختك ب الون عليها

ونادي اه يبت سيد البريه

♡♡♡♡♡♡♡♡♡♡♡♡

گلب زينب عله الزهرأ علمها

تضل طول الدهر تبجي علمها

ماترفع. بني هاشم علمها

وتطلب ثار وي حامي الحميه

♡♡♡♡♡♡♡♡♡♡♡♡

الزهرأ الما ابد شافو حسنها

يبجي حسين والطاهرحسنها

لاذت لمن الطاغي حس نها

وره الباب وكسر ضلع الزحيه

♡♡♡♡♡♡♡♡♡♡♡♡


الأ روح والدي ووالدتي وألا سيدتي ومولاتي السيدة الزهراء عليهاالسلام ولسلامة سيدي ومولاي ألأمام المهدي المنتضر عجل الله تعالى فرجه الشريف
ولسلامة اطفالي وحفضهم من كل شراً ومكروه قربةً ألا الله تعالى

꧁꧁꧁꧁꧂꧂꧂꧂


... تمت بعون الله وفضله 🙏🏻 2024/12/5 م
بقلم خادمة اهل البيت (عليهم السلام) ✍🏻 #الشاعرة_والملة #ام احمد_الحميداوي،،من كربلاءالمقدسة ،، الملقبة ب خادمة العقيله الهاشميه،،،،

لا اجيز لهُ وغير مبري الذمة من يحذف اسمي او يتلاعب بالكلام وينسب الرثاء له او لشخص اخر، واسألكم الدعاء ،، اذكرو والدي ووالدتي ب الرحمة جزاكم الله خيراً

https://t.center/kbrwpp552y

الك يحسين ب الدلال،، بسمار
وماأهنأ بشرب والأكل بسمار
ريجي عليك ابد ماحله بسمار
وعله ذيج المشة حسره وسبيه

////
لشاعرة ام احمد كربلا خادمة العقيله الهاشميه