4 محرم 1440 هـ.
في مرکز الزهراء ـ رومانیا
--------------------
الکوفه و مسلم بیها انقدّم
هالأبحاث و هالأسرار
حق و باطل صارن فاصل
بین الجنّه و بین النار
ــــــــــــــــــــ
تاریخ انطالع صفحاته و انحلّل نفس الإنسان
ابکل الأدوار اللي مرّت بالدنیا و کل الأدیان
کل أب یورث دینه لإبنه و ینقل جینات الإیمان
نادر مَن بالدین ایآمِن ناتج تفکیر و عرفان
إدرس کافح و الحق واضح
وجّه للکوفه الأنظار
احفظ درسك و اجعل نفسك
بین الجنّه و بین النار
ــــــــــــــــــــ
خل ناخذ تاریخ الکوفه و نحسب للأحداث احساب
لیش اتوجّه حیدر إلها لابُد عن غایه و أسباب
لو ما یعرف هاي البقعه موطن للناس الأطیاب
ما چان إلها اتوجّه حیدر و تصبح موطن داحي الباب
بیها الصفوه التملك نخوه
بالکوفه الناس الأخیار
و بیها المِنحَط و الیِتخَبط
بین الجنّه و بین النار
ــــــــــــــــــــ
کل بقعه من هذا العالم لا شك بیها المؤمن و الدجّال
لیش اعله الأشرار اترکّز، رکّز عالصفوه الأبطال
مالك و المقداد و میثم و حِجر الکِندي و البکّال
و عبدالله الأزدي اللي زلزل بالکوفه اعروش الأنذال
بیها الطاهر و بیها الفاجر
هالحاله ابکل الأقطار
من اترکّز لازم تِفرِز
بین الجنّه و بین النار
ــــــــــــــــــــ
لو ما یدري حسین الکوفه حُره و تملك طیب الذات
ما چان إلهم یبعث مسلم و یحمل هالمسئولیّات
و لو تسئل عن ناس الخانوا لیش اتّخذوا هالخطوات
ابگدهم بالآلاف الظالم خلّاهم بالزنزانات
وضع الکوفه حین اتشوفه
تستغرب تطلع محتار
فتنه و شاعت و الکل ضاعت
بین الجنّه و بین النار
ــــــــــــــــــــ
لو ما چانوا أهل الکوفه ابحب حیدر إلهم أبعاد
ما چان إلهم یدخل خایف و لا یتلثّم إبن ازیاد
هاي الکوفه کوفة حیدر بیها الأشراف العُبّاد
هالموطن رادوا تشویهه ناتج عدوان و أحقاد
هذا الواقع و احنه انتابع
ناس اللي سلّوا أشفار
وادم تجهل ما تتأمّل
بین الجنّه و بین النار
ــــــــــــــــــــ
عن تفکیر إدرسنه الواقع و احچینه ابحکمه و انصاف
الناس اللي حشّدها الظالم ضد مسلم وادم أجلاف
بین اللي طامع بأمواله و بین اللي یخشه السیّاف
و بین اللي عایش بالدنیه ابلا تفکیر و لا أهداف
بین المطمع و بین المصرع
و الأکثر مطمع یختار
موقف حازم خلّه الوادم
بین الجنّه و بین النار
ــــــــــــــــــــ
طلعوا ضد مسلم سیّافه بین الطامع و المعتوه
نقضوا عهده و صاروا ضدّه و محتار المسلم خلّوه
لإبن ازیاد أخذوه امیسّر مچتوف المسلم ودّوه
ذبّوا جثمانه امن العالي و الدمّه الطاهر سفکوه
ابدمه السایح مسلم طایح
بین اید الناس الأشرار
أهل المنکر محد فکّر
بین الجنّه و بین النار
#جابر_الكاظمي#محرم1440-------------------
💠⚜قناة القصائد الملحنه
⚜💠🔰⚜عشاق ام ابيها
⚜🔰👇👇👇👇👇https://telegram.me/Amabeha5533💠⚜قناة المواليد
⚜💠 🔰⚜عشاق ام ابيها
⚜🔰👇👇👇👇https://telegram.me/Alhseean💠⚜منبريون عشاق ام ابيها
⚜💠 👇👇👇👇 https://t.me/joinchat/CApOYURwqL2iw16sbbtBOg