#الناشر_الحاج_فلاح_حسن_الليال_الفاطميهقصيدة اخرى للسيده الزهراء المضلومه صلوات الله عليها
(ساعات الموادع )
الزهره بچفنها...يتعلاّ ونّها
حين الي طاحت دمعة ابنها
:::::::::::::::::::::::::::::::::::::::::::
بساعات الموادع اجو لاكن يلوجون
بعيونهم جف الدمع گد ما يلوعون
لجثمانها الطاهر حچو بس گوه يحچون
لا وين يابعد الهوه يانور العيون
مو وكته موتچ.....سمعينه صوتچ
وصارت تلالي...... دمعة ابنها
:::::::::::::::::::::::::::::::::::::::::::
اولادها بذاك الچفن گاموا يشمون
منظرهم ايصوب الگلب لمّن يعتبون
اتيتمنه ليش من الزغر يالطاهره شلون
من عگبج احنه بياوضع بينا اشيسوون
يايمه اگعدي....وعلينا ردّي
منهو اللي يرحم...دمعة ابنها
:::::::::::::::::::::::::::::::::::::::::::
برجلينها ايشم السبط وبعبرته اينوح
آنه الحسين وسلوتچ يابلسم اجروح
حاچيني بس چلمه ولو مو طلعة الروح
عطشانه روحي لبسمتچ .لو راحت تروح
وينچ ييمّه ....حاچيني چلمه
وتاذي بيها ....دمعة ابنها
:::::::::::::::::::::::::::::::::::::::::::
لهالمنظر ايهل الدمع حامي الحميه
فتحت چفنها الطاهره الزهره الزچيه
ولمت ولدها اعله الحضن بونه الشجيه
تتألم ابنص الچفن من هالرزيه
تشوف الاميره باچر اسيره
محتاره ضلت دمعة ابنها
:::::::::::::::::::::::::::::::::::::::::::
لمتهم بحضن الالم ويزيد الاعتاب
يايمه ندري مصوبه من عصرة الباب
وضلوعچ البيهن كسر..من جور الاجناب
لاچنه مو وكت السفر يا كل الاحباب
لو تبقي يمنه...لو نمشي كلنه
وتنشف معاها دمعة ابنها
:::::::::::::::::::::::::::::::::::::::::::
يايمه ارحمي لدمعتي تحچي العقيله
وياي اريدنّج بعد بس ابقي ليله
علميني شنهو الكربلا عندچ وسيله
لو طاحت اهناك الزلم يا هم اشيله
بطيحة اخوتي اتمنه موتي
ومسبيه انظُر دمعة ابنها
:::::::::::::::::::::::::::::::::::::::::::
خادمكم الشاعر ابو فاطمة الطائي يسالكم الدعاء
________#الناشر_الحاج_فلاح_حسن #حلم_مذبوح #لايسمح_بتغير_اسم_الشاعر💠⚜قناة القصائد الملحنه
⚜💠🔰⚜عشاق ام ابيها
⚜🔰👇👇👇👇👇https://telegram.me/Amabeha5533💠⚜قناة المواليد
⚜💠 🔰⚜عشاق ام ابيها
⚜🔰👇👇👇👇https://telegram.me/Alhseean💠⚜قناة قصائد نسائيه
⚜💠🔰شاعرات ام ابيها
⚜🔰👇👇👇👇@ya_katealkafen 💠⚜منبر عشاق ام ابيها
⚜💠🔖¦رابـط الـمـجـمـوعه
💯🌿¦
🕋🕌منبر عشاق ام ابيها
🕌🕋 :
✋السلام على من خفي قبرها
https://t.me/joinchat/IsexPURwqL2j3rQz9lJVGA