قناة قصائد والحان منبريه

#الناشر_الحاج_فلاح_حسن_ام_البنين_ع



ام البنين اتگول ..

من يوم ابرمح راسه......عله احسين
غدت ايامي بس ونّه .... على احسين
واغمض اعيوني بالگوه .. عل احسين
يجيني ابحلم ياخذني الرقيه ....

وتگول
اشفاي الدهر ما مره ... بسمهم
افراگ الوِلِد مايذبح ... بس امهم
وعلي لو مره نادوني ... باسمهم
اشوغ . وروحي تطلع للثريه


اللذي مايدري حگّه ... لو عتبني
شگلّه . ولوعه تهدم . لوعه تبني
خذت كل حيل بيه ... لوعة ابني
الغريب . المات بارض الغاضريه


يملچ الموت شمتاني .... علي مر
مهو حته الهوه ابدونه .. علي مُر
ابفراش الموت واعيوني .. ع اليمر
واگولن بلكي ويردون إليه ......


المشو مارد إليه ... بس علمهم
درو بالماي حنضل ... بسعله امهم
يطارش خبر موتي ... بس علمهم
اريد الفاتحه يقروها إليه


صرح من الحزن دهري ... بنيني
اون كل عمري من يسمع... بنيني
متت شو ماحظر منهم .... بنيني
ولا عباس شفته اشلون بيه.....


ابو فاطمة الطائي

💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇

https://telegram.me/Alhseean

💠⚜منبريون عشاق ام ابيها ⚜💠

👇👇👇👇
https://t.me/joinchat/CApOYURwqL2iw16sbbtBOg

#الناشر_الحاج_فلاح_حسن_ام_البنين_ع

كلمن يصفي نيته
لأم البنين بدمعته
ابمجلسهه لامترد بشر ،،،،كلش كريمه ام الگمر
كلمن يصفي نيته
،،،،،،،،،،،،،،،،،،،،،،،،،،،،،،،،،،،،،،،،،،
1
توكل علئ ام البنين الفالحه
بوب تلگه للحوائج فاتحه
وعلسراط الشغله صارت واضحه
يعبر الالهه يگول الفاتحه
انخاهه واتعرف الفرق،،،،،علبرزخ اتمر كلبرق
وانخاهه لو ضاگ الدهر ،،كلش كريمه ام الگمر
،،،،،،،،،،،،،،،،،،،،،،،،،،،،،،،،
2
مده ݘفك لا ابد مترجعه
وگلهه ياام الخمسه لا مواربعه
بدي علتك يمهه مثل المشرعه
خاطر العباس ليك اتفزعه
انخاهه والله ادللك،،،،،واتحشم الكافل الك
تلكاهه من تعطش نهر ،،كلش كريمه ام الگمر
،،،،،،،،،،،،،،،،،،،،،،،،،،،،،،،
3
يمهه خلي افكارك ولاتبتعد
واطلب الي اتريد خايب ماترد
ورده ويثوب تره بعطره الورد
بلمدينه وثوبت بلطف ولد
وياهه صفي نيتك،،،،،واخذ التريده بدنيتك
ماتدري لن خيرك كثر ،،،كلش كريمه ام الگمر

،،،،،،،،،،،،،،،،،،،،،،،،،،،،،،،
4
بس گبر بارض البقيع وبلصحيح
هيه يم حسين تخدم بلضريح
انت بس ياام الگمر حضريني صيح
ماتطيح ابشده والشده تطيح
لو روحك الهه اتوجهت،،،ماتحݘي وتگلك گضت
ݘفهه ولا يوم اعتذر ،،كلش كريمه ام الگمر


،،،،،،،،،،،،،،،،،،،،،،،،،،،،،،،،،،
5
غمض اعيونك اذا دمعك تزل
وأرد اسئلݘ گلهه لوگلبݘ قبل
بلمجالس هم تمر بنت الفحل
شلون مجلس يگدر يعزب جبل
بس صفي وياهه الگلب،،،كلش سهل يمهه الصعب
الينخاهه مكسور انجبر ،،كلش كريمه ام الگمر
،،،،،،،،،،،،،،،،،،،،،،،،،،،،،،،،،،،،،،،
الشاعر بشار السامي

#الناشر_الحاج_فلاح_حسن

#حلم_مذبوح





💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇

https://telegram.me/Alhseean

💠⚜منبريون عشاق ام ابيها ⚜💠

👇👇👇👇
https://t.me/joinchat/CApOYURwqL2iw16sbbtBOg

#الناشر_الحاج_فلاح_حسن_ام_البنين_ع


تمنّيت تمنّيت .. إذا گـرَّب رحيلي
تمنّيت تمنّيت .. أبو اليمّه يجيلي
أشـوفـه ابإحتظـاري عگب طول انتظاري
___________________________________

عشت كل عمري اتنطـّـر يوافيني
او مثِل جفني اللي ذايب ذابت اِسنيني
مثل كل أم أريدن لو گرب حِيني
يجي إبني يمد چفّه او يِسد عيني

عله العــيــن عله العــيــن .. أريـده ايمِد يمينه
يجي احسين يجي احسين .. من الطف للمدينه
يجي او يسكِن جِواري عگب طول انتظاري

____

تمنّيت ابرحيلي انظر أعز وُلدي
يجي و ابآخر انفاسي ايْحظر عندي
يريت ابإيد أبو اليمّه انحفر لِحدي
او يخلّي اتراب من گبره تحت خدّي

بالاحزان بالاحزان .. يـوسِّـد خــدّي بيده
والأچفان و الأچفان .. علَم راية عضيده
او إلي ايشِّيد مَزاري عگب طول انتظاري



_

أريد اطلب سماح ابني گبل دفني
عله اِخلاف القواعد و السُنن ذنِّي
مو آنه اللي لازم أرضه عن إبني
كون ابني عليْ يرضه او يسامحني

عليْ دين عليْ دين .. يظل دوم ابرگبتي
و اِلحْسين و اِلحْسين .. أريده يِبري ذمتي
يريته ايطفّي ناري عگب طول انتظاري
____

تمنّيته يعوف ابكربله گبره
أشوفه او مِنّه آخذ آخر النظره
حتى لو يجيني منگطع نحره
ردت أغمِض عُيوني او راسي ابحِجره

أنــاديــه أنــاديــه .. يجي گبل المنيّه
وأنا ادريه وأنا ادريه .. بعد ميْعود اِليّه
أريده ايْخِف مَراري عگب طول انتظاري


__

إلي ابگلبي أماني أجرَت اِلمدمع
تخلّي الموت بعْيوني و لا أروَع
ابحضور الأربعه جثماني يتشيَّع
او كل واحد طرَف من النَّعِش يرفع

يعـبّـــاس يعـبّـــاس .. ترُب گبري تِهيله
عله الرّاس عله الرّاس .. نعِش أمَّـك تشِيله
او تِحِف دُوري و مَداري عگب طول انتظاري

ميرزا عادل أشكناني
" البيّاع - بغداد "
13 / 4 / 2014 م

#الناشر_الحاج_فلاح_حسن

#حلم_مذبوح





💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇

https://telegram.me/Alhseean

💠⚜منبريون عشاق ام ابيها ⚜💠

👇👇👇👇
https://t.me/joinchat/CApOYURwqL2iw16sbbtBOg

#الناشر_الحاج_فلاح_حسن_ام_البنين_ع

حتى في یوم القیامه. نقیم ماتم للحسین
ندخل بموكب كرامه. احنه ولد ام البنین
كون بینه ام عباس هناك ترفع الراس
احنه ولد ام البنین
.......................****
ناذرین احنه العمر نجي نلطم عالصدر
ونبجي دم على الكضه بالغاضریه
علمتنه ام الكمر نخدمه بإخلاص وفخر
وهیه اول خادمه لابن الزجیه
علمتنه من نخدمه بصدق نیه ومعرفه
وعلمتنه حسین أغلى من الغوالي بكل صفه
والدلیل لأجله ضحت أبوفاظل بالوفه
واخوته ونذرت عمرهه والمدامع ذارفه
وعالتشابیه الوفیه علمتنه بالبقیع
كبور خمسه تسوي لیهه ترشهه من دمع النجیع
تعلمت منهه الناس هناك ترفع الراس
..................................
یا حسین بخدمتك من وصلنه لجنتك
شفنه في سجل الخدم مكتوب اسمنه
ویانه اجت ام البنین تقودنا بحسره أو أنین
وندخل الفردوس بالهوسات كلنه
توقف البال الزجیه التعرف البینه حظر
هذا یكتبلج قصاید عالمصایب والعبر
وهذا رادود القصیده وذاك ینعه على النحر
وهذا یلطم ذاك یطبخ ذاك بالعاشر طبر
كلمن اختص ابمهمه والخدامه سلوته
تجري بنفاسه ویه دمه وبالشعائر راحته
تجري ویه الانفاس هناك ترفع الراس
...………………………
والخلایق بالحشر. ..مروعه لمن تمر
والمراجع بیهم الصادق یتابع
فتوى فتوى یدققه وكل كتاب یحققه
وطوله ماینشاف طابور المراجع
الحسن ینطینه ایده واحنه اله نمد الادین
وعالسراط النه یعبر هوه حر اوعده دین
ونعبر المحشر بموكب نصرخ بدمع وحنین
واحسینا واحسینا واحسینا واحسین
الباب خدام الحسین الجنه من نوصل اله
النبي بینه یمرحب حیدر ینادي هله
وفاطمه بالاحساس هناك ترفع الراس
...…………………………
خلي ناخذ هالعهد. ...مانطب للجنه ابد
اله نتشرف بابو الیمه ونشوفه
ونطلب من ام البنین تنادي مقطوع الیمین
نقبله ارید احنه بعیونه وجفوفه
وحین یتجلى الحسین وشمس وجهه على الخدم
والكمر عباس خلفه علم وشایل علم
ننصعق من هیبة االله إلبیهم وذیج الهمم
واحنه نتسابق نبوس جفوفهم ویه القدم
واالله متعجبه زلیخه وقطعن (أیدیهن )
احنه قطعنه الرؤوس الشوفته ودم انزفن
والهدتله الانفاس هناك ترفع الراس
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
تمت بعون الله تعالى

ثامرالعارضي الكربلائي

💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇

https://telegram.me/Alhseean

💠⚜منبريون عشاق ام ابيها ⚜💠

👇👇👇👇
https://t.me/joinchat/CApOYURwqL2iw16sbbtBOg

#الناشر_الحاج_فلاح_حسن_ام_البنين_ع


ما أكدر أكول اعليچ بدويه
أگول الجابت العباس علويه

مو قصدي انتقص من البدو هيهات
وادم عدهه عفه وعدهه طيبة ذات
گلت علويه هاي الجابت العباس
لان اتحولت عد بيت علويات
والله اختارهه ومن دون هالدنيه
أگول الجابت العباس علويه

ضلت تفتخر بيهه العرب والناس
عدنه ام البنين اليوم رفعة راس
ماتت بالبقيع الناصبه ايصيحون
نگلهم ماتموت الخلفت عباس
والخدمة علي عند الله مرضيه
أگول الجابت العباس علويه

جابت كل عمرهه ابخدمة الحسنين
ابخدمتكم تگلهم ياضوه العينين
يايمه تعال اوصيك ياعباس
أريدك تنحني من تحچي ويه حسين
إبن الزهره اعز امن الهوه اعليه
أگول الجابت العباس علويه

صنعت بالوفه تاريخ هالحره
تتحير أولي الألباب من تقره
من گد ماتحب اولاد حامي الجار
سبحان الله چنهه فاطمه الزهره
نتعلم خدامه منهه يوميه
أگول الجابت العباس علويه

بس الله ابأجرهه هالمره يعلم
مدرسة العشگ من عدهه نتعلم
درسنه اهواي منهه واحنه ممنونين
وبيهه انسولف اشما نگعد ابمأتم
ممنون الهه كل بيت وحسينيه
أگول الجابت العباس علويه

حناجرنه ومجالسنه ومنابرنه
مآتمنه وشعائرنه وسواترنه
كلهه اتنادي واشگد تفرح ام عباس
من انصيح يحسين ابضمايرنه
وبسم ام البنين الحاجه مگضيه
أگول الجابت العباس علويه

سيد علي الموسوي

#الناشر_الحاج_فلاح_حسن

#حلم_مذبوح




💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇

https://telegram.me/Alhseean

💠⚜منبريون عشاق ام ابيها ⚜💠

👇👇👇👇
https://t.me/joinchat/CApOYURwqL2iw16sbbtBOg

#الناشر_الحاج_فلاح_حسن_ام_البنين_ع
انتظار ام البنين ((ع))


ليل وسهر وغياب *** واتنطر اعله الباب
بلكت تجي الاحباب
------------------------------------
انسه الدمــــع واشعل شمع لمـــن يجونــي
ظهري انكسر طال السفـــر وآنـــه بشجوني
انثـــــــر ورد وافــــرح ارد وامسح عيونـي
همـــــه الدوه همــــه الهوه بس لا نسونـــي

يوميه اكول اليوم هذا الحزن ميدوم
وآنه بدمع سچاب
------------------------------------
رغم الحزن روحي تحــن واخضر املهــم
نذرا علـــي تتحنـــه ادي لو اصد شملهم
ليل الغــرب فت الكلــــب واتنطـر الهـــــم
لهل الشيـم دمعاتــي دم ما اجوني كلهم

كلهم علي غالين اربع ولد وحسين
للغيبه اكول اسباب
------------------------------------
عمري انجرح غاب الفرح والليل اناطـر
دمع المقـــــل بالخد نـــزل ويايه شاطــر
غير الصبــــر ماكو جبــــر كسر الخواطر
بيش انسنـــد اربع ولـــــد بين المخاطــر

صارت حياتي ادموع ام وگلب مفجوع
جرح البعد ما طاب
------------------------------------
اجمل حلــــم عنـــدي المهم يرجــــع حبيبي
عمري الـــه نوحي اعتلـــه ولفراگــه شيبي
فـــدوه المشوا لو مــــــا اجوا أرضه بنصيبي
بعيني أحس وجهه الشمس ياشمسي غيبي

روح النبي المختار ضلمه بغيابه الدار
اسهر وابث اعتاب
------------------------------------
ابقى ارتجي زينب تجـــي وانظر عليهــــه
اذكر علــــي إتعنه الــــــي و وصاني بيهه
گلبي انشلع گلي وطلـــع يصعب بچيهـــه
دار الزمـــن يابو الحسـن ريتك تجيهــــــه

بعدت عليه بْليل لا ظل صبر لا حيل
گلبي بهجرهه انصاب
------------------------------------
اشگد كابرت شمعه صرت واسهر واتاني
مــــر الهجر وبكل فجــــر اتعذب آنـــــــي
دمعي يهـــل وأتني الشمل راح ونسانــــي
مثل الجمـــر ليلي يمـــــر يجرح حنانـــي

يمته الغوالي تعود وانزع ثياب السود
ليلية عندي احساب


✍ بقلم خادم الحسين ع
الشاعر رعد الچريخي

#الناشر_الحاج_فلاح_حسن

#حلم_مذبوح



💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇

https://telegram.me/Alhseean

💠⚜منبريون عشاق ام ابيها ⚜💠

👇👇👇👇
https://t.me/joinchat/CApOYURwqL2iw16sbbtBOg

#الناشر_الحاج_فلاح_حسن_ام_البنين_ع

( نعي ) أم البنين تخاطب العباس عندما قالوا لها أنه مقطع عالمشرعه

هنياله اليطيح ابحب الحسين
وهنياله التگطعه ابحبّه السيوف
المصايب هدّمن حيلي يعباس
وتمنّيتك لون بس عينك تشوف
اشحسبالك طحت من طحتوا عالگاع
طحت من شفت اخوتك عدهم چفوف
****
ولكن عندما دنت الوفاة منها تمنت أن يحمل ابو الفضل جنازتها فقالت :

اجاني الموت يمّه وانته ماجيت
اشعجب وآنه رضعتك وفه ونوماس
آنه امّك ييمه واعتب اعليك
وماظن غيرتك تقبل يعباس
يبني جنازتي مطروحة عالگاع
تجيني تشيلها لو احشّم الناس

فأجابها الامام العباس قائلاً :

اعتابچ يمه يوجع لاتعتبين
سهم ثاني واحسّن نبت بالعين
نعش الأم ثگيل ايريدله چفوف
وأنا يم البنين ابدون چفّين
لوّن بيدي اشيلنچ عالراس
بس تدرين راسي انجسم نصّين

وليد العكيلي

#الناشر_الحاج_فلاح_حسن

#حلم_مذبوح



💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇

https://telegram.me/Alhseean

💠⚜منبريون عشاق ام ابيها ⚜💠

👇👇👇👇
https://t.me/joinchat/CApOYURwqL2iw16sbbtBOg

#الناشر_الحاج_فلاح_حسن_ام_البنين_ع



⚫️ موشح

فدوه لجلك انطي كل ابنيني
ياحسين اهديك كل سنيني
/////////////////////////////////// ا
انت روحي ودنيتي وآمالي
وانت عندي اغلى من كل غالي
نور وجهك (جنه ) تتراوالي
من العطش بسماتك ترويني
/////////////////////////////////// ا
سافرت يحسين وي العايله
خلافك انه بگيت وحدي وذاهله
ردت طارش لو يمر حتى اسأله
تدري يحسين البعد يچويني
/////////////////////////////////// ا
حين سار الظعن وانه اتفكره
شاهدت عباس سبع الگنطره
شلون يحدي النوك وانه محيره
خوفي من يروح مايوافيني
///////////////////////////////////ا
حشميت اولادي مايعوفونك
بالنحور وبالدمه يفدونك
وابو فاضل گتله يوگف دونك
گلي ب ابن الزهره لتوصّيني
/////////////////////////////////// ا
خلافكم يهل الرحم انحب واون
بحيره اظلن باليتامه وامتحن
دياركم مابيهه بس لوعه وحزن
منهو الي ينشفلي دمعة عيني
/////////////////////////////////// ا
بكل مسيه أنخه واشچي غربتي
ياالهي تعلم انته بحالتي
رد علي احباب گلبي وهيبتي
وحيده عگب اولادي لاتخليني
/////////////////////////////////// ا
الناس تحسدني عليكم يالشباب
وسفه تالي رسومكم تحت التراب
ومن يجن الليل محلاته العتاب
عتابي وياكم تره يسلّيني
////////////////////////////////////ا
ما دريت فراگكم هم وقهر
اعله الدرب يايمه مشبوح النظر
بالنهار مناطره وليلي سهر
بينكم حال الدهر ما بيني
//////////////////////////////////// ا
چنت لمن اعتني واشتاگكم
افتخر بيكم واعيش بجالكم
بدور چنكم تضوي كل دياركم
تالي ظلمه وبيهه بس اونيني
//////////////////////////////////// ا
صحت يامعبود يانعم المجيب
حسين جرحي وهولجروحي طبيب
اخذ كل اولادي وردلي الحبيب
وانت تعلم فرگته تاذيني
//////////////////////////////////// ا
من سمعت الناعي يصرخ بالعويل
بيّه احس الگاع چن گامت تميل
الروح شاغت والدمع مني يسيل
بموت ابن عقد الوله يعزيني
//////////////////////////////////// ا
يمه ياعبد الله ياجعفر يعون
كلكم تغيبون عني وماتجون
خلاف ابوفاضل اطفيهه لعيون
واعله ابوسجاد انوح سنيني
//////////////////////////////// ا


#سميرالصالحي
#النجف الأشرف

#الناشر_الحاج_فلاح_حسن

#حلم_مذبوح





💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇

https://telegram.me/Alhseean

💠⚜منبريون عشاق ام ابيها ⚜💠

👇👇👇👇
https://t.me/joinchat/CApOYURwqL2iw16sbbtBOg

#الناشر_الحاج_فلاح_حسن_ام_البنين_ع

يمه عباس - دون شبل الطاهره ضحي بالراس – ها يضنوت حيدره
يمه ربيتــك فــده لابن الـــزچيه كــون ترفــــع راسي يوم الغاضريه
يمــــــــه عبـــــــاس
*
يمه يـــا زهرة حنانــي يامن لگلـــبي ثمــر
حلم شفتك يبني مــره طحت بحضاني گمـر
يمه صد عينك ابعيني گبل ساعـات السفـر
لو يغمض حسين عينه منـــه لتشيل النظـر
وسط العيون – تضمه اريدك يالولد بين الجفون – يمه ضم طير السعد
يمه وصيتك واريدن هالـــــوصيـــه كــون ترفع راسي يوم الغاضريــــه
يمـــــــــه عبـــــــاس

*
يمــه مــن درة حنانــي انــه غذيتك وفــه
يبني مـــن طاهــر حليبي ورثيتك هالصفـه
أرد أوصيك أبوصيـــه وأنــت كلك معــرفه
حسين لتكله يخويه الكُــون اسمــه يشرفه
يمه عباس -- الا يم المشـــرعــه گله بحساس -- وخلي صوتك يسمعه
طاح عباسك يخويه اعلى الوطيه كــــون ترفـــــع راسي يوم الغاضريه
يمـــــــــه عبـــــــاس

*

يمــــه بچفوفـك عــــلامه انطبعــت وعيني تشـــوف
مـــــن زغــــر حيدر طبعــها ابدمعه قبّــل هالچفــوف
گلـــي دون حسين بالطــــــف يمـــه تگطعهن سيــوف
يمه ضحي اچفوف دونه وضحي هامه وضحي شوف
يبني والجود – لا يطيح وي العلم وانت موجود – ما تشب نار الخيم
يبني نار اضماك خل تلهب سريه كون ترفع راسي يوم الغاضريــــه
يمــــــه عبـــــــاس
*



گبـــل ليغـــرب ضعنكم جفنــــي غـــرب مدمعــــه
يبنــــي وبهـــاي المسيره تنرسملــــي الفاجعــــه
علـــى حسين اگليبي خايف چنه يمشي لمصرعه
حسين سالــم خـــل يجيني وفــــدوه لجله الاربعه
فدوه لحسين – يبني ناذرتك الـــه مُنيــتْ العين – لــو يرد من كربلـه
يمه فدوه انت ويــــرد حسين اليه كـــون ترفع راســـي يوم الغاضريه
يمـــــــه عبــــاس

*
يمــــه رايح بالسلامـــــه وگاصد لطــف كربله
عندي طلبه يا ابو فاضـــل وي دمعتي السايله
يمـــه زينب هـــــاي زينب بت علـي المدللـــه
شــرد اگل امها الزچيــــه لـــون شافتها الملا
يمه يا حيد – هايه غيرة حيــدره ها يصنديد – لا تــروح اميسره
دون زينب خل تدوسك خيل اميه كون ترفع راسي يوم الغاضريه
يمـــــــه عبــــاس
*
الشاعر
موسى البديري

#الناشر_الحاج_فلاح_حسن

#حلم_مذبوح



💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇

https://telegram.me/Alhseean

💠⚜منبريون عشاق ام ابيها ⚜💠

👇👇👇👇
https://t.me/joinchat/CApOYURwqL2iw16sbbtBOg

:
#الناشر_الحاج_فلاح_حسن_ام_البنين_ع

تحيّر أوصاف عقلي وياچ يا حره
وفيتــي ابنينــچ والله للزهـــره
****
حگها أوصاف عقلي ويـاچ تتحّير
يـا قبلــة وفـه وإخــلاص للكوثــر
مضرب للفخر اصبحتي والمصـدر
ومن عندچ اخذ هذا الزمن عبـره

*
اخــذ عبــره الزمـان وخلّد امجادچ
يــــوم القدميتــي أربــــع اولادچ
يـــوم الطـــف تسجل يوم ميـلادچ
يالمّحيــره الزمـــان ودايخ أبفكره

*
دايخ هالــزمان أو حايــره أحــروفه
يـا أم الوفـــاء أوبيــه مــوصـوفـــه
قــدمتـــي گمــر قــدمهـن اچفــوفـه
على الشاطي وگــع لكن يشع بدره
*
يشـــع بــدر المـواقـــف منـــچ ومنــه
وعــذراً شكتــب انــه عنــچ وعــنّـــه
تــاريــخ المواقـــف بالــدمــه أتحنــه
بــأم عبــاس حگــه حايــر أبـــأمــره

*
بــأم عباس هـــذا الكــون ظل يلهـج
وعلى الدنيا أبفخر من حگه يتحجج
تــاج الباري يــوم الطــف الچ تـوج
بقمار أربعه الطاحوا علــى الغبــره

****
أقمــار أربعــه قدمتــي لجــل حسين
كـل هــذا وبعــد للــزهـــره تعتذرين
فــدوه كـــل بنيني وتجري دم العين
لــو عنــدي بعد چــا قــدمت عشره
*
الشاعر موسى البديري

#الناشر_الحاج_فلاح_حسن

#حلم_مذبوح






💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇

https://telegram.me/Alhseean

💠⚜منبريون عشاق ام ابيها ⚜💠

👇👇👇👇
https://t.me/joinchat/CApOYURwqL2iw16sbbtBOg

#الناشر_الحاج_فلاح_حسن_ام_البنين_ع



أم البنين عليها السلام تخاطب المهدي المنتظر عجل الله فرجه الشريف


يابو صالح. آنـه أم الاربـعــــــــه أم البنـيــن
يابو صالح. يمته شوفك تظهر لثار الحسين
طال انتظارك
جـرّد فقـــارك
يابو صالح. يابو صالح
........

آ يمهدي. شكثر سولفلي علي عنك مناقب
آ يمهدي. اندعيـلك بالظهـور وانت غـايـب
تدري ضحّيت اربعه واشعر قليل
ما بقه ويّـاي بس دمعـي اليسيل
يمتـه تـظـهـر تـاخـذ بثـار القتيل
رايتك تشـهـرها والسيف الصقيل
اندعيلك. كل صباح وكل مسه وقت الصلاة
اندعيلك. تظـهـر وتفنـي النواصـب والطّغـاة
ارفع شعارك
جـرّد فقـارك
يابو صالح يابو صالح
...........

تدري بيه. فاطمـة ام البنين وگلبي صافي
تدري بيه. شما اقدّم گلبي يشعر ما اوافي
ما بچـيـت عله البنيـن الأربعــه
ولا علـى الذبحـوه يم المشرعه
گلبـي بس لحسين يالمهدي نعه
ضامي وسيوف آل اميّة تگطّعه
مگطعينه. ظل على التربان مگطوع الوريد
مگطعينه. عالرمــح راسـه يودّونـه ليـزيــد
انت وقرارك
جـرّد فقـارك
يابو صالح. يابو صالح
................

اشفي صدره تدري بخيول انهشم يالمهدي صدره
اشفي صدره. بسيفك من الگطعوا عله الماي نحره
لا تـطـوّل غـيـبـتـك يالمـنـتـقــم
اشفي صدر حسين جدك ياشهم
عـمّــك العبّــاس شيّــــال العــلم
راسه بالعـامـود يالمـهـدي انهشم
ابقه ادعي. عجّل لمـهـدينـه ياربـي الأمـر
ابقه ادعي. حته لو ضمّاني يالمهدي الگبر
منتظره ثارك
جـرّد فقــارك
يابو صالح. يابو صالح
................

ما نسيتك والله كل ما ابچي عالمذبوح اذكـرك
ما نسيتك. من اشم عطر الحسين اشتمّه عطرك
تدري يالموعـود بالصار وجره
لكن الاصعب وشد وعظم تره
عـمّـتك زينـب خذوها ميسّره
من وگـع كافلـها سبع الگنطره
والله صعبه. عالهزل زينب خـذوها للسبي
والله صعبه. هالمصيبه عليك يانسل النبي
لا تطفه نارك
جـرّد فقــارك
يابو صالح. يابو صالح
..............

هالمسيه. من عگب آلامي وافتني المنيه
هالمسيه. شگد تمنّيت اندفـن بالغاضريـه
الليله يالمـهـدي ينـزلونـي الـگبـر
لا تظن انســاك راح ابقـه انتـظـر
عمري عگب حسين ماريده العمر
حيل ماظل عندي يالمهدي وصبر
آ يغايب. راح امـوت وگلبـي عاشگ كـربـلاء
آ يغايب. بيها ذبحوا خامس اصحاب الكساء
وبـأقـتـدارك
جـرّد فقـارك
يابو صالح. يابو صالح
................

يشفه جرحي. آنـه ام الاربعــه ســاعـة ظـهــورك
يشفه جرحي. من تجيني تزورني ويغمرني نورك
تبني گبري وتبني گبر امّك سوه
والأئـمّـه تشــع منـايـرهــم ضوه
وتـاخــذ بثـار الـذبيـــح بنيـنــوه
وثـار عباس الـگـمـر راعـي اللـوه
بنتقامك. تشفي كل جـروحنــه يالمنتظـر
بنتقامك. تشفي ضلع الزهره امّك والكسر
ثار الله ثارك
جـرّد فقـارك
يابو صالح. يابو صالح

خادم ام البنين عليها السلام
سيد زيد الفحام
_________________

#

💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇

https://telegram.me/Alhseean

💠⚜منبريون عشاق ام ابيها ⚜💠

👇👇👇👇
https://t.me/joinchat/CApOYURwqL2iw16sbbtBOg