#تراث ندبة للإمام الحجة ابن الحسن سلام الله تعالى عليه وعلى آبائه الطاهرين یمته يالغايب ترفرف رايتك بالنجف و عليك تلتم شيعتك ــــــــــــــــــــــــــــــــــــــ اعليك تلتم شيعتك يبن الحسن سيدي وترتاح من هاي الفتن والله يالمهدي شبعنه من المحن يمته نخلص واحنه ذمه ابرگبتك ــــــــــــــــــــــــــــــــــــــ يمته يالغايب نشوفك بالنجف تخطب اعلينه أو على المنبر تگف واحنه نَمّن بيك يا نعم الخَلف يابقية الله ونسمع خطبتك ــــــــــــــــــــــــــــــــــــــ يمته يالمحجوب يانسل الطهر من عگب ليل الظلم فجرك يطر تصبح او چفك يسل سيف النصر او تگلب أعروش الطغات ابنهضتك ــــــــــــــــــــــــــــــــــــــ يمته نسمع صوت المنادي ابتداه هذا غايبكم ظهر ويرف لواه ابمسجد الكوفه يهل شيعه الصلاه او تلتم الناس وتبارك جيتك ــــــــــــــــــــــــــــــــــــــ يوم المبارك سيدي انصلي وراك اوبيك نآمن سيدى وبظل لواك هاي منوه انعيش يا المهدي ابذراك من عگب ضيم الولانه أبغيبتك ــــــــــــــــــــــــــــــــــــــ سيدي أو ذاك الوكت بيك ايحله من تنادي أو صوتك ايسد الفله يالثارات الذبيح ابكربله أوتطوي جيتك للطفوف ابحملتك ــــــــــــــــــــــــــــــــــــــ اشلون حالك من تصل وادي الطفوف وللمصارع ذيچ بعيونك تشوف او لو شفت عباس مگطوع الچفوف او حاله يا المهدي يّذوب مهجتك ــــــــــــــــــــــــــــــــــــــ عمك العباس يا راعي الشيم على النهر مطروح وبعينه السهم اچفوفه يمه إمگطعه او يمه العلم والعمود ابراس ابو فاضل فتك ــــــــــــــــــــــــــــــــــــــ هاي صوره اتشوفها أو صوره بعد اکثر او اکثر يبو صالح واشد فوگ صدر حسین طفل البالمهد اتشوفه مذبوح او يزود ونتك ــــــــــــــــــــــــــــــــــــــ واليزيدك سيدي اهموم وقهر من تشوف حسين مگطوع النحر اوجالت الخيل اعلى صدره والظهر هالمصيبه اعليها تسچب دمعتك ــــــــــــــــــــــــــــــــــــــ والمصيبه المنها يلتاع الگلب من مشت زينب يسيره ويه الغرب ریت کون انشوفها بذاك الدرب ابولية العدوان راحت عمتك تمت الثلاثاء / ٧ / شوال ١٤٢٤هـ المرحوم السيد جاسم الطويرجاوي (330) #اللهم_عجل_لوليك_الفرج https://t.center/AL_Nay_and_Alrthaa