قصائد زنجيل

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.

التواصل مع @ahmed_alziwar0

قناة خاصة بتلحين القصائد

https://t.me/+PZwpTt2HLXcvUQZh

------------------------------------------------------

ملازم جاهزة للمدرسين والمعلمين لكافة المراحل ادخل للقناة واخذ الي اعجبك

https://t.me/+ta8JrNDdU6UzMGJi

اذا تحب ترفع قصائدك على استوري الفيس والانستا توصل ويانة خاص
@ahmed_alziwar0
واتساب
07732320742

قصيدة رقم ٦
للاربعين


يا هـَلـَه إتفضــّل يزاير يا هـَلـَه
تمشي ويّاك الزﭼيّه الكربله
ـــــ
يا هـَلـَه إتفضـّل يزاير == إحنــــه خدّام الحـُسين
لا تظل مهموم حايــر == خدمتك ﻧﻠﮔـاها وين
إذكر الله وإنتَ ساير == وإلعن إيزيد اللعين
إسمع أصوات المنابر == وإتبــــــع إﻠﺣﮓ المـُبين
لا يـِهـِمّك جور ظالــم لا بـَلـَه === تمشي ويّاك الزﭼيّه الكربله
ــــــــ
يا هـَلـَه إتفضـّل حبيبي == آنــــــــــي خادم للحبيب
روحي أبو اليمّه إو طبيبي == والنعــــــــــم منـّه المـَهيب
سيـّدي إيطفـّي لهيبــــي == منـّه من أصبح قريب
دوم لحسيني نحيبــــي == وأذكر الخد التريب
وإنتَ يازاير تنــــال المنزله === تمشي ويّاك الزﭼيّه الكربله
ــــ
يا هـَلـَه إتفضـّل ﻳﮔـاصد == كربلـــــــه إبهمـّه إو ثبات
للولي المهدي تعاهد == تصنــع إبمشيك حياة
ﺗﮔصد الحومه إو تجاهد == ما تخـــاف إمن الطغاة
بس رضا المعبود رايد == حتــّى لو حــــل الممات
من أبو الزود الكفيل المرجله === تمشـــي ويّاك الزﭼيّه الكربله
ـــــــ
يا هـَلـَه إتفضـّل يغالي == شرّف الموكب تعــــــــــال
يا أعز قادم موالي == ما أعوفــــــك لا مـَحال
ترسم إبدربك معالــــي == هـِمـّه وإصرار إو نضال
ما تهاب إو ما تبالي == لو يحل يوم النـــــزال
جاهدت زمرة أميـّه الجاهله === تمشـي ويّاك الزﭼيّه الكربله
ــــــ
يا هـَلـَه إتفضـّل ينادي == إخوتــــك طول المسير
إلعن إﻠﮔـوم الأعــــــــــادي == كل وهابي إو كل حقير
إدخل إو حقــّق مـُرادي == إنتَ بالموكـــب أمير
وإهتف إبشوﮔك يهادي == آنـــي لحسينك أسير
واسي زينب وإمشي ويـّه العايله === تمشـــي ويّاك الزﭼيّه الكربله
ـــــ
يا هـَلـَه إتفضـّل أريدك == تغســـل إبداري الثياب
الله من خيره يزيــــــــدك == من تشاركني المـُصاب
هذا بالمحشر يفيــــــــدك == ما تـُمر بيك الصعاب
خلـّي بالممشه نشيدك == يالثــــــــــارات المـُهاب
خلـّي أخلاقك نقيّه إو فاضلــه === تمشي ويّاك الزﭼيّه الكربله
ــــ
الشاعر المرحوم جابر الخزرجي النجفي

قصيدة رقم ٥
موشح للاربعين

باربعينك هاي اجت زينب تون
والمواكب عامره ولبست حزن

احنه حضرنه اللطم طول الدرب
بصوت واحد باجر الصحنك نطب
ياحسين وانت بس انت العذب
وهيه حقهه اراواحنه ابحبك تجن

خادم ايصيح اعله خادم وباامر
لاتشيل الشوف زينب من تمر
حيل مكسوره باهلهه وهل كسر
هيه زينب هاي بيهه انت شتضن

هاي زينب يل كفلت اختك اجت
وهيه خل اتكلك اهناك اشحجت
اسعى سعيك يايزيد ومابجت
واليكلك باجيه گصهه اللسن

هيه دمعه ابعينهه ولازم تطيح
هذااخيهه حسين عل غبره ذبيح
بالونين الونه للفاكد تريح
والدرب هم يبجي وياهه ويحن

مو عبايه انشوف زينب بس سواد
وبضريحك حاضنه وتعلن حداد
كل عزاء اويانه واتصيح ابعناد
العن الطاغي اذا ليلك يجن

اسعى سعيك يايزيد وخل نشوف
هذا دم اخواني لا واهه السيوف
هسه كوم وشوف كل هاي الضيوف
تموت غيض وكلبك ابهم ينسحن

زينب من العاشر الهسه تصيح
ال يفكد اعزازه فلا اضن يستريح
الدنيه دارت وانه ماهزتني ريح
لاتصدك الكال ينطگ المتن

انلاكي زينب كل كلب ينزف دمه
وهذا صوت ويوصل اعنان السمه
قسم بحسين وعلي حامي الحمه
كلشي لحسين بخدمته ولا نمن



الشاعر حسين محمد الزهيري

قصيدة رقم ٤
موشح للاربعين


يابوفاضل گوم شيل الرايه
تلگه زواري الاجت مشايه
**
گوم ياعباس وافرشهه الجنان
تلگه زوار الاجت من كل مجان
شوفهه مجنونه جننهه الحنان
النه يالكافل اجت عنايه
**
النه ياعباس اجت ملهوفه
تواسي امنه وبالوفه معروفه
بحرگه توصل للضريح اطوفه
تصيح يابو سكينه الك وفايه
**
شوف شيعتنه اجت تزحف زحف
بيدهه الرايات ياخويه ترف
شعورها بحبنه ابد ماينوصف
توصلنه تريد عدها الغايه
**
جايه تزور وتواسي ام الخدر
الرجعت لطف كربله من اليسر
والدمع من عينهه ظل منهمر
من الجره وصار اعللمسناه
**
ضحتلنه الشيعه بجفوف وذهب
ومشت عالكلفات ماهمهه التعب
العدو من افعالهه انشوف ارعب
والـزمـن يشـهـد عـليـهه بهايه
**
خادم اهل البيت / ابومحمد العاشور

قصيدة رقم ٣
موشح للاربعين

كوم يحسين وتلكه ضيوفك
عالجدم جتك تزور طفوفك
*******
كوم يامولاي يبن الاتقاء
تلكه زوار الاجت الكربلاء
لجلك توقع يبواليمه بدماء
وتقسم ابامك ابد متعوفك
عالجدم جتك تزور طفوفك
*******
تقسم ابامك وعودك حيدره
تزورك شماصار يحسين وجرى
كلفه بالشدات تعرفها ترى
رحمة الله الواسعه اهي تشوفك
عالجدم جتك تزور طفوفك
*******
رحمة الله تشوفك ومالك مثيل
محبتك سكنت يغالي بالدليل
شما تقدملك تحس قدمت قليل
يللي غاطيها بكرم معروفك
عالجدم جتك تزور طفوفك
*******
غاطي الاحباب بكرم يابو الكرم
ياخو عباس البطل راعي العلم
بخدمتك مرفوعه هامات الخدم
يابحر رحمه والخير جروفك
عالجدم جتك تزور طفوفك
*******
يابحر رحمه وابد ماله حدود
ياهو مثلك بالنفس واهله يجود
وبقى دين الله حسيني الوجود
وبزغت شموس الهدى بكسوفك
عالجدم جتك تزور طفوفك
*******
ابنك المهدي يجي ويانه يزور
وعينه عالزوار كالساعه تدور
يسجل بدفتره كل هذا الحضور
ويدخل الحضره يقبل جفوفك
عالجدم جتك تزور طفوفك
*******
خادم اهل البيت / ابومحمد العاشور (07810010732)
Telegram: Contact @Ashour313

قصيدة رقم ٢

شوط كربلائي للاربعين


رجعت زينب بدمعات بيوم الاربعينيه
اميره ومن بعد عباس ردت هسه مسبيه

1

بعد ماراحو اخوتها بالطف وانتهت الاحلام
اسيره اخذوها بت حيدر الف ياوسفه لرض الشام
هذاك العز هذاك الجاه بعد اخوتها لا مادام
بقت ياوسفه محتاره
ودمع عالوجنه يتجاره
الاسر ماتنحمل ناره
هضيمه يصير بيها الصار بعد عزها ولياليه

2

مشت للشام مهضومه وياها حرم واطفال
الاميره شلون يادنيه سبيه وتنچتف بحبال
الدهر وياها مايرحم وسوه الما يمر عالبال
تمشي اعله الهزل وتروح
اسيره والگلب مجروح
واخوها اعله الترب مذبوح
ورقيه تشوفها تبچي من اخذو الترچيه
3

وصلت زينب بيا حال للشام ابدمه الناظر
تسمع بس حچي الشمات حزينه وتكسر الخاطر
ماچان اليصير يصير الكفيل وياها لو حاضر
الشماته صارو الحراس
وعليها تصيح كل الناس
تمشين وبلا عباس
يهضموني اخويه اهنا اذا ايجيبون طاريه

4

گعدو بالخرابه شلون منظر يصعب حسابه
وجابو راس اخوها حسين تنظره بنار لهابه
وصاحت بالخرابه بصوت آه يحسين ومصابه
لعد الراس وتنظره
ورقيه شمته بنحره
تراويه گامت السطره
متحملت وفوگ الراس تودع اول ابنيه

5

ورجعت بربعين حسين تنادي والگلب جمره
تسمعني اذا اناديك يخويه ومهجت الزهره
وهيه يم گبر لحسين گعدت شمته الگبره
تحچي بجمرت المدمع
ترضه بيا بخت اطلع
وحدي وللوطن ارجع
ويم ام البنين هناك اسوي بدمعي لطميه





لاتنسون والدي من الرحمه والغفران
خادمكم رياض الرسل الجابري

قصيدة رقم ١

موشح للاربعين
الشاعر مهيمن يوسف الموسوي


وين گبر حسين بس دلّوني
رايده بزيارته تعينوني
.........
يا علي السجاد دليني الگبر
كلبي لحسين انمله حزن و قهر
بربعينه يوم عشرين بصفر
رايده گبره تشوفه اعيوني
.........
وين كبر حسين يا ابن الشهيد
ندفنه راس الولي كلنه نريد
وذكر مصابي واذه من كل يزيد
عالگبر بس رايده تخلوني
.........
اشكي لحسين الاخو بدرب السبي
شلون كل هاي النسه وي اجنبي
وكلها تدري بالنسب جدنه النبي
جنهم الانذال ما عرفوني
.........
آه گلبي وشحمل نوح و مصاب
ارد اكلّه المنذبح صرت بعذاب
لاچن شبيده فلا عنده جواب
من اكله هالعده ياذوني
.........
يا علي السجاد يا زين العباد
رايده اشكي حياتي واضطهاد
يم اخويه المنذبح انشر حداد
حسره و بگلبي شكثر تدروني
.........
جيت من ذاك السبي و ذاك الألم
للولي اشكي الاذيه و انهضم
رحنه للشام وكثر احنه حرم
عالهزل حيف العده يسبوني
.........
بربعينه اليوم عندي اشجم كلام
ابدي وبونّي على حسين الإمام
و عالجرالي امن الاعادي الانتقام
بالاهل وبكربله قهروني
.........
جيت لحسين السبط باصعب وضع
ندفن الراسه و يهل مني الدمع
بهالرزيه زينب و عدها جزع
بموت الحسين بذبح فرقوني
.........
من بعد كل الاذيه باليسر
جيت وبدمعي السجب مني كثر
حسين مظلوم بمصابه و بغدر
وزينب الحره عجب يسروني
.........
هالنسه و اطفال كل العايله
ردّت بحسره وقهر ولكربله
عالگبور وكل دمعهم هامله
بهالقضيه وشكثر عذّبوني


مهيمن يوسف الموسوي

قصيدة رقم ٣
شوط كربلائي للسجاد عليه السلام


أهيم ابعالم السجاد واحرگ روحي چن شمعه
أحس ليل اهدعش عاشور وأسيل ويالحزن دمعه
...................
أسافر للبقيع أدموع وأفيض عله الگبر حسره
أغمض والگه روحي هناك أحس جدمي سحگ جمره
أتيه ابروجة الافكار واصليله فرض عبره
أسمع چن صهيل الخيل
أحس طف ونوايح ليل
جسد دامي وضعيف الحيل
عليل وتحدي بيه النوگ عله الصار ابهمس ينعى
...................
أحس ابگبره صوت أطفال وأسمع شهگة ايتيمه
تنشد گلي وين انروح يخويه احترگت الخيمه
نضل لو نمشي يالسجاد يتامه وكربله هيمه
شبت بالخيام النار
ضلينه نسه وازغار
گالو بالغري الكرار
بلكت يلحگ اعلينه يحظر بالشدد طبعه
.......................
أحسن بالبقيع اعيون لسه اتعاين الرايه
تناطر والنوايب نوگ ننصب يمهن اقرايه
مناره امصوبه ابعامود گبور اتاني مشايه
مواكب تنعى للمسموم
گبر من الحقد مهدوم
علي السجاد يا مظلوم
عله ابن الزهره ردنه انوح وابگبره الدمع يسعه
.....................
بقيعك لسه چن عاشور وابسيفه الشمر ردله
طف ابگبتك ينعاد واچفوف الحقد نبله
تناطر رفة الرايات وانصارك تجي اتعدله
قائمكم نريده ايعود
وانصير ابخدمته اجنود
وابچفه النصر معقود
ثارات الذبيح انريد نسل الناصبي انگطعه
.................
أنصارك صبحنه اهواي هاي الدنيه نگلبهه
عياله ونحب الموت سفره العركه نحسبهه
للوهابي هم انروح ذيچ الناس انأدبهه
بكل شيعي جمر وگاد
نطلب كربله تنعاد
بس نحظرها يالسجاد
نتمنه ترد اليوم وانته شاهد الفزعه

الشاعر علاء المياحي

الناشر رحيل القوافي الفاتحه إلى روح ابوي العزيز

قصيدة رقم ٢

نزلة ميمر بحق الامام السجاد "عليه السلام"
مهيمن يوسف الموسوي

خلّص حياته حزنان دمعه بكثر مسراها

*١*
شيحمل مصايب و المحن و الاشجان
تشهد على احزانه تظل انس و جان
يذكر مصاب المنذبح والوليان
بعد الامام المظلوم بروحه المصيبه اوياها

*٢*
گلبه ابو الباقر فلا مثله صار
شاف الرزايا و الاذه و الأخطار
بعينه يشاهد منذبح ابن اطهار
ذبحة ابوه اعلى الكاع بروحه و گلب حملاها

*٣*
الله يعينه بهالحدث من شافاه
فوك الثرى حسين الإمام و يلگاه
شمر النذل وسفه بغدر من ذبحاه
هاي المصييه السجاد بطول العمر ذكراها
*٤*
شاف الحسين اعلى الثرع متوذر
بوضعه عجب عنده الگلب من يصبر
وجثته تظل فوك الترايب بالحر
وبلا غسل لا دفان لجثته تره سوّاها

*٥*
رابع أمام أعلى البشر و الاكوان
الله يعينه من يشاهد نيران
بحرگ الخيم وبكل حقد من عدوان
لهاي النسه و الأطفال باصعب وضع يلگاها

*٦*
ام الخدر زينب يشاهدها شلون
لا كافل الظل لا اخوها اليحمون
والله صعب هذا الوضع لا ميهون
وبيا مصيبه السجاد بهذا الوضع حلّاها
*٧*
بكيد و سلاسل منسبي بهذا الحال
وهو عليل امن المرض دمعه سال
شبيده على هاي النسه و الاطفال
كلها تضدّه وما موجود ناصر اله يفداها
*٨*
بضعن العده وكل النسه للكوفه
شاف الاعادي بهالحدث و يشوفه
بيه الشماته و الغدر موصوفه
ذكرو علي بهذا الحال يامن لجلهم جاها

*٩*
وبكل قهر ظل ابو الأكبر حيل
من الخيانه امن الخلايق يا ويل
وكلهم درو عالحك تره لا ميميل
ولد الرسول المختار تالي فلا بحماها

*١٠*
لاخر حياته مضطهد من إعداه
قدم لجل دين النبي و السوّاه
لجل المبادئ والعمر من يفداه
ينصر شريعه والدين باحسن وضع خلّاها


مهيمن يوسف الموسوي

قصيدة رقم ١

موشح بحق الامام السجاد "عليه السلام"
مهيمن يوسف الموسوي

اظلمت هاي الأرض واكوانها
للولي السجاد كلّ احزانها

*١*
اليوم ارض المصطفى الهادي الأمين
كل موالي بيها مقهور و حزين
لمقتل السجاد زين العابدين
ولمصابه ونّت ابأشجانها

*٢*
غاب من دين النبي رابع عمد
جان للدين الامام أحسن سند
رابع انوار الائمه منفگد
والديانه اهتزت بأركانها

*٣*
اليوم كل علم ومعارف و الحكم
غابت وعن البشر عن الامم
من رحل عنه الولي بسم و ظلم
راح من كل شيعته و وليانها



*٤*
مظلمه اليوم المدينه بموتته
غاب عنها وما يرد ولسيرته
شيعة الكرار كلها فكدته
ظلّت تنوح وتون كل شانها

*٥*
آه واعلى هالمصيبه الفاجعه
كل موالي اليوم هلّت مدمعه
من اجت ليها الرزيه و سامعه
والمدينه محزنه بميدانها

*٦*
غاب زين عباد واحسن كل بشر
والملائك من درت بيها القهر
ملتحق بحسين من مات بغدر
محزنه لجله لانس وي جانها

*٧*
مات مسموم بحقد من العده
بفعلته وجرمه تره شكد حاقده
ضدّت العتره وفلا مو سانده
بالخيانه وشكثر الوانها


*٨*
هالمصاب اليوم لجله كل محب
يذكره بحسره و دمع عينه يصب
هالمصييه و الجرح بيها الگلب
هالرزيه بالگلب نيرانها

*٩*
كل موالي و كل محب جنّ و إنس
بهالرزيه يشعر بروحه و يحس
ذاكرينه نستمر گطع النفس
لو كثر شيعة علي عدوانها

*١٠*
نذكر السجاد كلنه بهالعمر
ذكره خالد و المصيبه بالدهر
بصوت عالي لو حجينه نفتخر
تلهج الشيعه يظل تبيانها



مهيمن يوسف الموسوي

https://t.center/mys_313


قناة الشاعر مهيمن الموسوي
اشتركوا لتحصلون على اجمل القصائد لمواكب الزنجيل و المنبر

قصيدة رقم ٥٣

شوط كربلائي للسبي
مهيمن يوسف الموسوي

يعباس الكمر تدري زينب من رحت عنها
شحالي بالسبي بعدك مصايب حيل اذنها

شحچيلك يخويه شلون على حالي بعد فكدك
زينب تنسبي عالنوك واعوفك عالترب وحدك
غيابك يصعب اعليه يأذيني بكثر بُعدك
غدر بيه الدهر و الناس
يخويه يالگمر عباس
سبيّه اوي العده الارجاس
ورزاية كربله بكثره يخويه بس يألمنها


جنت مهيوبه وياكم يبو الغيره يكافلني
لجن لمن متت بالطف كلشي مختلف مني
تقبلها بسبي زينب لعادي حيف ينظرني
لاجن باليسر هيهات
يذلّوني يبو الوكفات
رغم بيه كثر حسرات
وبطول الدرب زينب على كل الجره ونها


اشاهد روس ويايه موجوده على لرماح
ودمهن عالارض ينزف يعباس بكثر من ساح
شحالي من اشاهدهن شايلهن عده سفاح
اباوع راسك اكبالي
صعب يا خويه يا غالي
وبهذا الوضع حالي
راسك بالدمه تخضّب مصايب زينب اذّنها


ياخويه الكمر تدري لمن بعّدت و الصار
آنه ام الخدر اصبح يسبيني العده الاشرار
ولا جنهم يعرفوني ابويه حيدره الكرار
وخويه المنذبح لحسين
يكافل كلنه معروفين
نسه يا حيف مسبيين
ويشاهدنه العده الخاين رزايه والاذه جنها


شحامي يا گمر هاشم يخويه كل نسه واطفال
يأذوني و يقهروني كل هاي العده الانذال
وعلى حالك يبو فاضل دمعي اعلى الوجن همّال
بديه جم حبل صاير
يأذّيني العده الجاير
وعلى العيله العقل حاير
مسبيه العقليه شلون اذه هالجيش لوعنها


تمنيتك يخويه اليوم عدل يا كافي يمّي
فلا احد يصل ليّه ولا يبقه بگلب همّي
لاكن خويه و شبيدي جتيل أعلى الارض مدمي
بعدك موتك يبو الغيره
العقيله صارت بحيره
سبيه اوي العده اجبيره
وأنه جدي النبي الهادي سلاله طاهره منها


سبونه بكربله و شفنه رحنه كلنه للكوفه
وعدوّك يا گمر هاشم يريت انته تره تشوفه
يأذّونه و يعادونه بسّ احقاد معروفه
كلبي بهالوضع تدري
شحمل يا قهر بأمري
يعباس و نفذ صبري
العيله والنسه بشوگ للوليان كل حنها

شحجيلك يكافلني گلبي شاهد المأسات
يسرونه الف وسفه لاكن ما اذل هيهات
وروحي محزنه ليكم بيها يالگمر حسرات
تقبلها بلا كافل
صعب يا سيدي حاصل
يحدي هالضعن قاتل
كلها عيلتك بعدك مصايب حيل شافنها

يا كافل چنت تدري كفيلي يالگمر بحماك
وبخدري اظل يمكم يا خويه تره وياك
لاكن من متت بالطف يحديها الضعينه اعداك
بعد كل الخدر وشلون
امشي اوي العده الملعون
على زينب ابد ميهون بلايا وبس تعنّها

يا شبل الوصي حيدر وضعي باليسر صعبه
من أرض الطفوف هواي سبينه يا عسر دربه
كلها آل اميه أحقاد ضد المصطفى و ربّه
شنهو هالنسه و اطفال
سبي راحت مع الانذال
وصفينه باصعب الاحوال
كثر من الاذيه هواي الف يا حيف جربنها



مهيمن يوسف الموسوي

قصيدة رقم ٥٢
موشح للاكبر

علي الاكبر من طلع هز رايته
والجيوش اتبسمرت من شافته
١

جنه حيدر من طلع وسط الجمع
والسبع من عادته ايخلف سبع
كل مزايه المصطفى بي تنجمع
صوته واطباعه وكلامه ومشيته
٢

اتوكل اعله الباري وبعزمه نزل
والجيوش اتشوف بعيونه الزعل
على الحق ناده عليهم من وصل
ناده ضل اينادي كلها وسمعته
٣

احنه اهل الحق ينادي بكل يقين
نمشي احنه بنهج سيد المرسلين
حسين ابويه وجدي امير المؤمنين
صاح كل هذا الكلام بطلعته
٤

الحومه بيده وراد يكلبها كلب
وخله كل فرسانها اتيه الدرب
الكاع حدر الزلم كامت تلتهب
ادخيل ياستار كلها نادته
٥

صارت الحومه ظلام ابلا ضوه
وشبع سيفه من الدمه حد مرتوه
علي الاكبر من نزل سد الهوه
وتيهت المشراد كلها بصولته
٦

ضحه بالروح وفدائي الدينه جان
علي الاكبر يعرف الصار امتحان
بكل مكان احنه نكول وكل زمان
الله يلعن ال اميه الذبحته






لاتنسون والدي ووالدتي وابني عباس من الرحمه والمغفره
خادمكم رياض الرسل الجابري