الشاعرة والمله ام مصطفى العمارچيه

لطميه السيدة رقية عليها السلام

#_ديوان _جروح_ العقيله _الجزء _الرابع_


امش بهداي يادفان البنيه
شالت من وكت من غير ودعيه
🏴🏴💔🏴🏴
امش بهداي يدفان الزغيرونه
بالك عالمتن خافن تلجمونه
مايدري ابوها خل يخبرونه
وانه من الهضم يحسين مابيه
🏴🏴💔🏴🏴
امش بهداي خل نتوادع وياها
مثل الموت ماينحمل فركاها
ابوها حسين ليش اليوم ماجاها
شالت الكبر والوكت ضهريه
🏴🏴💔🏴🏴
شالت الكبر مني المهضومه
ماتدري الكبر ماينحمل يومه
ابوها عالتراب مسلبه هدومه
ميت منذبح ماضايك ميه
🏴🏴💔🏴🏴
شالت والمحنه اليوم شالتها
على راس العزيز تصير موتتها
كل عشره رقيه اليوم فلتها
عشرتها كضت ويه الوداعيه
🏴🏴💔🏴🏴
مشتاكه على ابوها تنوح مهضومه
عليج تنوح زينب ويه معصومه
ودار الوالي هليوم مهدومه
خلصت كل عمرها وهاي تاليه
🏴🏴💔🏴🏴
مشتاكه تراها الكلمه الحلوه
الدنيه بلا ابو لا والله ماتسوه
نامت من زغرها وخلصت العشره
وركان الشهاده اليوم مثنيه
🏴🏴💔🏴🏴
*تـــمت والـــــفضـــ🤲ـــل لله تعالى*
*بقلم✍ الشاعره ام مصطفى العمارچيه
*صاحبه ديوان📚جروح العقيله
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
https://t.center/zllzll22

فزاعيه الامام العباس عليه السلام

#من _ديوان _الدموع_ الساكبه _الجزء _الثاني



ياخويه الاخو لو راح مايتعوض فراكه
مابياش ياعباس حيل اصعد عالناكه
🏴🏴💔🏴🏴
انا اختك واريدك تكعد وياي
ياعباس اجيتك فاجده الراي
عوف الماي ماني بعازت الماي
ياجمرات مصاب حسين حراكه
🏴🏴💔🏴🏴
ياجمرات مصاب حسين حركتني
ريتك عالهزل انته تصعدني
ماترضاش عالغربان تشمرني
تراني الشوفتك عباس تدري هواي مشتاكه
🏴🏴💔🏴🏴
تعبني الدهر ياصاحب الجود
ياخويه المصايب مالها حدود
وشكد بالخيم ياريتك تعود
عني يالمشيت بعيد ماضن بعد نتلاكه
🏴🏴💔🏴🏴
عليك من البجي وشلت العيون
ياعباس اكعد شوف المتون
شلون اصبر وعيش بدونك شلون
ناديت الزمن ياحيف من عدي الفرح باكه
🏴🏴💔🏴🏴
بحبال اليسر مجتوفه اديه
يخوي منين جتني الغاضريه
وكت الضيج ليش كطعت بيه
باليل الضعن حادي الحرم ساكه
🏴🏴💔🏴🏴

*تـــمت والـــــفضـــ🤲ـــل لله تعالى*
*بقلم✍ الشاعره ام مصطفى العمارچيه
*صاحبه ديوان📚جروح العقيله
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
https://t.center/zllzll22

حصريا

لطميه فزاعيه الامام الكاظم عليه السلام
#من _ديوان_جروح_معصومه_الجزء _الاول _



تابوت مرمي عالجسر
وين اليوم معصومه
🏴🏴💔🏴🏴
تابوت مرمي شافته
تصعب عليها فركته
شافت ابوها ومحنته
ومغيرات رسومه
🏴🏴💔🏴🏴
وين اليشيل جنازته
وليده هوه بحاجته
معصومه ابد ماشافته
ضلت تون محرومه
🏴🏴💔🏴🏴
محرومه من يمه بقت
ويلي عليهم هل بجت
عالجسر بنيته رتجت
وتنادي يالجيدومه
🏴🏴💔🏴🏴
ضل موسى وحده بالسجن
لا اهل يمه بس يون
الفراكهم روحي تحن
احا يموسى ويومه
🏴🏴💔🏴🏴
جنازته ضلت عالجسر
بلكي يجي ابنه ويمر
بالسجن خلص هل عمر
روح البطل معدومه
🏴🏴💔🏴🏴
روح البطل معدمه
عازن ليله فاطمه
بالسجن واليها نوله
عازن المهضومه
🏴🏴💔🏴🏴

*تـــمت والـــــفضـــ🤲ـــل لله تعالى*
*بقلم✍ الشاعره ام مصطفى العمارچيه
*صاحبه ديوان📚جروح العقيله
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.center/zllzll22

سيصدر قريباً 🔥🔥

ديوان ميدان الشيعه ج١

لشاعره اهل البيت ام هجران العمارجيه
والشاعره اهل البيت ام غصون العمارجيه

مكتبة دار الأمير النجف الاشرف سوق الحويش

نوحيه للاربعين
///////////////////

لوما ريحتك يحسين بيها
لجزي كربله ومامر عليها

اجيت الخاطرك كوم
نايم بسك النوم

مهضومه الحرم واسمع بجيها
اجزي كربله ومامر عليها
///////////////////

خويه الخاطرك يحسين تدري
اجيت الكربله ومكسور ضهري
اذكر يامصيبه ودمعي يجري
شفت النار بالصيوان تسري

واكبالي يعطشان
يدوسونك العدوان

واهل الخيل ماترحم شبيها
اجزي كربله ومامر عليها
///////////////////

اهل الخيل ماترحم يملفاي
محد جابلك وكت الذبح ماي
شذكر والمصايب كلش اهواي
اجيتك ناحله والراس وياي

عفتني ابين طلام
اكعد شوف الايتام

امن احبال اليسر مهشومه اديها
اجزي كربلا ومامر عليها
///////////////////

ماخله الحبل بيهم وبيه
واشوف الناس تتشاور عليه
زينب هاي كالو شو سبيه
جدها المصطفى وامها الزجيه

وين حسين اخوها
والكرار ابوها

وشمعطلله البطل ماكام ليها
اجزي كربله ومامر عليها
///////////////////

شمعطل البطل عنها يكولون
وللجلسات زينب تدخل شلون
حجيهم من اسمعه يبز العيون
واجيتك ناحله وامغير اللون

عكب الخدر والكيف
اسيره اصبحت ياحيف

خويه التنهضم تشكي الوليها
اجزي كربله ومامر عليها
///////////////////

خويه التنهضم تشكي لهلهه
وتهد ابساع شيالت حملهه
وزينب ليش محد يكعد الهه
والملعون بالمجلس يكلهه

اخوتج ليش عافوج
وتحشمين ماجوج

تبجي ولاولي يلتفت ليها
لجزي كربله ومامر عليها
///////////////////

شاعرة اهل البيت عليهم السلام
المله ام هجران العمارجيه

https://t.center/zllzll22

#من_ديوان_فاجعه_رمضان_الجزء_الاول_


لطميه للأمام علي عليه السلام


اليله عيني اشبيها
ما نشف جاريها
صدگ هاي اليله
انضرب حامي دخيله
ريت لا صار الفجر
ولا طلع حاميها
🏴🏴💔🏴🏴
اليله ليلة فاجعه
ودموع وهموم وحزن
كلها تصرخ ياعلي
ودموعنه لجلك جرن
صدگ دم راسك جره
بمسجدك يابه الحسن
مو براسك هالجرح
سيدي بگلبي صبح
واشلون عد زينب صبر
من انضرب واليها
🏴🏴💔🏴🏴
جرح راسك ياعلي
بكل گلب خله جرح
الروح تنعه للمصاب
والجفن دمه سفح
آه من جور الزمان
الصوب گليبي برمح
ابرمح چتال انصبت
اه ياحيدر صحت
چبدي وارم وانفطر
جروحي شيداويها
🏴🏴💔🏴🏴
زينب وچلثومه
اعله المصيبه شگالن
سمعن الوالي يلوج
للصبح ما نامن
بعد عايزنه يتم
ياولينه صاحن
يالابو تمنينه
تضل خيمه اعلينه
مادرينه بهلشهر
عشرتك تنهيها
🏴🏴💔🏴🏴
بويه والله الصوابك
صابني بدلالي
الروح من عندي تروح
من تون اگبالي
ريت هالنومه الي
موش الك يالوالي
بويه ارحم حالنه
لا تون اگبالنه
ليش ناوي هالسفر
هاي شلك بيها
🏴🏴💔🏴🏴
چنك تريد الرحيل
يالابو بهاي الايام
چني اشوف الدار بويه
مخيم اعلها الضلام
وادري يوم العيد نصبح
مالنه واهس ايتام
واليتم چاويني
امن الزغر تدريني
الاه والون والقهر
مهجتي گاضيها
🏴🏴💔🏴🏴
لا تيتمني يبوي
انه ملوعني اليتم
لا احمل كثر الاهموم
لا احمل ذل وهضم
من حنانك من رباك
ليش من هسه انحرم
بويه روحي فدوه الك
منين اجاني هالفلك
ياعلي وسفه الدهر
ايغييبك تاليها
🏴🏴💔🏴🏴



*تـــمت والـــــفضـــ🤲ـــل لله تعالى*
*بقلم✍ الشاعره أم شيماء فرج الله*
*صاحبه ديوان📚أحزان كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.center/zllzll22

#الطميه_بديوان_فاجعة_رمضان_الجزء_١_

فزاعيه للأمام علي عليه السلام


بيه الفاجعه والنوح
هذا العيد ماريده
🏴🏴😔🏴🏴
عيد الضيع الكرار
مر واگشر علينه صار
وين المرتضى يادار
لينه يرجع انريده
🏴🏴😔🏴🏴
هذا العيد ماردته
بگباله الابو افگدته
والذل والهضم شفته
حگي امن الزم البيده
🏴🏴😔🏴🏴
هذا العيد ذللنه
بيه الحزن والونه
بيه افراگ والدنه
عليه الگلب شيهيده
🏴🏴😔🏴🏴
احا يابوي يافگده
شفنه الضيم من بعده
بعد للدار شيرده
ولا واحد حزن عيده
🏴🏴😔🏴🏴
كون الي يدفنونه
يرجع من يحشمونه
محد هلن اعيونه
وفصله الچفن بيده
🏴🏴😔🏴🏴
الميت سيرته وطبعه
يمشي ومااله رجعه
واهله تضل عليه تنعه
وحزنه لو بطه تزيده
🏴🏴😔🏴🏴


*تـــمت والـــــفضـــ🤲ـــل لله تعالى*
*بقلم✍ الشاعره أم شيماء فرج الله*
*صاحبه ديوان📚أحزان كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.center/zllzll22

#الطميه_بديوان_فاجعة_رمضان_الجزء_١_.


لطميه للأمام علي عليه السلام


الليله ابمسجده كالوا علي طاح
ابصوت حزين هاتف بالسمه ناح
😭😭😭🩸😭😭😭
صاح الهاتف الليله او سمعناه
ركضنه اولن علي مطروح شفناه
والمحراب فايض دم لكيناه
عسه ياريت فجر الشوم لا لااح
😭😭😭🩸😭😭😭
الينشدنه يبويه اعليك شنكول
هظيمه انكول ابونه ابسيف مجتول
ابن ملجم عسه امن ازمان مشلول
او عسا امن ازمان ميت وانسه اوراح
😭😭😭🩸😭😭😭
ابن ملجم يبويه ايصير جتال
الك هالفاجعه ماهي على البال
يالمنك تهاب اسباع وابطال
والمعاديك ما يغفه او يرتاح
😭😭😭🩸😭😭😭
سيف الصوبك ماخاف منك
عجيبه مارجف واشتمر عنك
والناس اشحجت من سال دمك
المسجد من هويت او طحت ماطاح
😭😭😭🩸😭😭😭
المسجد ماهوه هايه عجيبه
او ماطاحت اركانه الهالمصيبه
الحد هاليوم جمرتها لهيبه
او بعده اصوابها بالكلب ماراح
😭😭😭🩸😭😭😭
بعدنه جرح حيدر مانسيناه
او بعدنه انهل دمعنه لو ذكرناه
كل رمضان ننصب عزه وننعاه
او نكضي هالليالي ابلطم وانياح
😭😭😭🩸😭😭😭

*تـــمت والـــــفضـــ🤲ـــل لله تعالى*
*بقلم✍ الشاعره أم شيماء فرج الله*
*صاحبه ديوان📚أحزان كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.center/zllzll22

#الطميه_فزاعيه_بديوان_أحزان_كربلاء_الجزء_٢_.


الطمية فزاعيه للأمام علي عليه السلام


ماجت الدنيه واظلمت
علی امصاب مولانه
😭😭😭🩸😭😭😭
ظلمت الدنيه من انفگد
كل نور مابيها بعد
حتى العرش لاجله ارتعد
والأملاك حزنانه
😭😭😭🩸😭😭😭
اهتز العرش لمصابه
ومكدره طلابه
ياشيعته ويحبابه
هلوا ادموع غدرانه.
😭😭😭🩸😭😭😭
قيموا العزه ياشيعته
حیدر عظیمه امصيبته
انشلت ايد الضربته
وشمتت بينه اعدانه
😭😭😭🩸😭😭😭
بالعزه انشارك جينه
يوم الوصی آمأذينه
كل محب تهمل عينه
ومکدره دنیانه
😭😭😭🩸😭😭😭
هالليله كل احنه نون
وتتصارخ ابصوت الحزن
للنجف نشتاگ او نحن
والبلاء حيل اذانه
😭😭😭🩸😭😭😭
حگ زینب اتعازيها
على غياب واليها
انهظمت يويلي اعليها
والكدر بان ابيانه
😭😭😭🩸😭😭😭

*تـــمت والـــــفضـــ🤲ـــل لله تعالى*
*بقلم✍ الشاعره أم شيماء فرج الله*
*صاحبه ديوان📚أحزان كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.center/zllzll22

#المربوعه_بديوان_أحزان_كربلاء_الجزء_٢_.


مربوعه للأمام علي عليه السلام( ابو الحسنين طاح )


ابو الحسنين طاح او سالت ادمومه
والمنادي نده گعدي يچلثومه
😭😭😭🩸😭😭😭
وگع والدم خذاه وفيض المحراب
اوصارت ضغبره من طاح داحي الباب
وجبريل بسماها نعى اوصاح انصاب
حامي الدين ياوسفه وگرب يومه
😭😭😭🩸😭😭😭
طاح المرتضى والكون كله أظلم
وجبريل بسماها صاح يا چلثم
اوفزت خايفه وعلى الوجه تلطم
ويلي اشحالها فزت من النومه
😭😭😭🩸😭😭😭
مدري شلون لاحك سيف طاغيها
يسد ياطود ياداهي دواهيها
وانته الّي فنيت اجيوش اعاديها
يافارس مضر ماهي الك هالنومه
😭😭😭🩸😭😭😭
ياليث الوغه ياحامل الفقار
يسمونك علي اوحيدر حامي الجار
والمرتضى وداحي الباب والكرار
اوماتنكّر صولاتك المعلومه
😭😭😭🩸😭😭😭
يحامي ادخيلها يلعنك ايگولون
يالعندك وناسه وعيد يوم الكون
يل حتى اعداك بفضلك ايشهدون
تگلب كونها من تطب للحومه
😭😭😭🩸😭😭😭
ياراعي المعاجز يلحچوا عنك
آدم من عصه ربه نجه بسمك
يالگل الخلائق بالعرش رسمك
عد رب البشر صورتك مرسومه
😭😭😭🩸😭😭😭
الك ياسيدي اجاهد واممنونه
وعلى امصيبتك ابچي وامحزونه
وكل مخلص الليله تهمل اعيونه
واليبجي اعله حيدر لحّد ايلومه
😭😭😭🩸😭😭😭
اريد ابجي ويه زينب وارد اواسيها
واگلهاصاب گلبي اصواب واليها
اون الحالها وانعى النواعيها
وأنه ادري اعله ابوها صبحت مهضومه
😭😭😭🩸😭😭😭

*تـــمت والـــــفضـــ🤲ـــل لله تعالى*
*بقلم✍ الشاعره أم شيماء فرج الله*
*صاحبه ديوان📚أحزان كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://t.center/zllzll22

#من_ديوان_احزان_وانين_في_رثاء_المعصومين_الجزء_الأول_


فزاعيه للامام علي عليه السلام (من شاف دم اصوابه)



أيس طبيب المرتضى
من شاف دم اصوابه
🏴🏴💔🏴🏴
أيس وتهمل دمعته
من شاف طبرت هامته
حد المنيه ودته
باجر ايعوف احبابه
🏴🏴💔🏴🏴
باجر ايعوف العيله
اوياهم سواد الليله
خل زينب اتجيله
وتگله ها يايابه
🏴🏴💔🏴🏴
خل العقيله اتناشده
والجرح كلش ضاهده
عالجبله اخوها ماده
ونار الولي لهابه
🏴🏴💔🏴🏴
لهابه ناره ابروحها
واجروحه تاذي اجروحها
اشلون تگطع نوحها
ماتگدر اعله اغيابه
🏴🏴💔🏴🏴
ماتگدر اعله ابعاده
حال الصميده اتراده
ايودع الليله اولاده
وادموعهم سجابه
🏴🏴💔🏴🏴
شتگول مدري الطاهره
لو راح عنها حيدره
وايريد سبع الگنطره
ايوصيه بالحبابه
🏴🏴💔🏴🏴
حط ايد زينب بيده
وصه البطل بعضيده
للطف ابوه ايريده
يدري الاعادي اتهابه
🏴🏴💔🏴🏴
ضماه لعملت كربله
وادموع زينب هامله
راح اليحل المشكله
خالي ويون محرابه
🏴🏴💔🏴🏴

✍بقلم عندليب الشعر الحُسيني رائِدةُ المنبر الشاعره المُله ام ريام دخيل الركابي // الناصريه // الرفاعي .
غير مبري الذمه من يغير النصوص او يحذف اسم الشاعره وينسب الرثاء لنفسه .

https://t.center/zllzll22

نوحيه للاربعين
///////////////////

لوما ريحتك يحسين بيها
لجزي كربله ومامر عليها

اجيت الخاطرك كوم
نايم بسك النوم

مهضومه الحرم واسمع بجيها
اجزي كربله ومامر عليها
///////////////////

خويه الخاطرك يحسين تدري
اجيت الكربله ومكسور ضهري
اذكر يامصيبه ودمعي يجري
شفت النار بالصيوان تسري

واكبالي يعطشان
يدوسونك العدوان

واهل الخيل ماترحم شبيها
اجزي كربله ومامر عليها
///////////////////

اهل الخيل ماترحم يملفاي
محد جابلك وكت الذبح ماي
شذكر والمصايب كلش اهواي
اجيتك ناحله والراس وياي

عفتني ابين طلام
اكعد شوف الايتام

امن احبال اليسر مهشومه اديها
اجزي كربلا ومامر عليها
///////////////////

ماخله الحبل بيهم وبيه
واشوف الناس تتشاور عليه
زينب هاي كالو شو سبيه
جدها المصطفى وامها الزجيه

وين حسين اخوها
والكرار ابوها

وشمعطلله البطل ماكام ليها
اجزي كربله ومامر عليها
///////////////////

شمعطل البطل عنها يكولون
وللجلسات زينب تدخل شلون
حجيهم من اسمعه يبز العيون
واجيتك ناحله وامغير اللون

عكب الخدر والكيف
اسيره اصبحت ياحيف

خويه التنهضم تشكي الوليها
اجزي كربله ومامر عليها
///////////////////

خويه التنهضم تشكي لهلهه
وتهد ابساع شيالت حملهه
وزينب ليش محد يكعد الهه
والملعون بالمجلس يكلهه

اخوتج ليش عافوج
وتحشمين ماجوج

تبجي ولاولي يلتفت ليها
لجزي كربله ومامر عليها
///////////////////

شاعرة اهل البيت عليهم السلام
المله ام هجران العمارجيه

https://t.center/zllzll22

قصيده ل ام البنين عليها السلام
تقرا بطور الثفيل والمربعه
==============

ياحضن المحنه . بعد ماترجعنه

ماتت ام البنين . وتطشر شملنه

===============

ياحضن المحنه
يلربيتي الاولاد

ونوحج على الطيبين
لحد اليوم ماهاد

حزنج على المذبوح
بعده بنص الافاد

تكول على المرحلين
خلص كل صبرنه

🌴🌴🌴🌴🌴🌴

تعالج طلعت الروح
وتنادي يلبنين

لاضل كمر عباس
لاضل يمي لحسين

ضلو برض الطفوف
علغبره مطاعين

بيوم الغربيتو
اجر ونه على ونه

🌴🌴🌴🌴🌴🌴

بله يلتشيعون
حط بالك عليها

كلبها بسهم مزروف
على غيبة وليها

ماتت قهر وحزان
وبهم تدري بيها

راحو منها الاقمار
خاين يادهرنه

🌴🌴🌴🌴🌴🌴

ماتت ام البنين
هليوم المصيبه

وعنها الكمر غايب
للدار شيجيبه

تصرخ يمه عباس
تعوف امك غريبه

عفتوني يلحباب
بعد ياهو اليمرنه

🌴🌴🌴🌴🌴🌴

ماتت من حزنه
وتصرخ يبني يحسين

ريتك كون سالم
وفدوه تروح البنين

كون يصح بديه
افدي الكلب والعين

من رحتو يطيبين
ايسنه وكعدنه

==============
خادمة ال البيت وخادمتكم الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

حصريا
لطميه حال السان ام البنين عندما رحل الحسين الكربلاء

#من _ديوان _دمع_المفجوعات_في _بلاد _الغريبات _الجزء الاول


☆☆☆ ☆☆☆ ☆☆☆
جينه اليوم اجينه _ جيناها الحنينه
نعازيها على الحسين _ من عاف المدينه
☆☆☆ ☆☆☆ ☆☆☆
بأيام الوداع اليوم اجيناها
نواسيها المصاب ونبجي وياها
من احبابها والالم اذاها
نشكي اهمومنه وعدها بجينه
☆☆☆ ☆☆☆ ☆☆☆
ساعد هل كلب وشلون ودعتهم
ولاجل الزاجيه وحسين نذرتهم
ياطول العمر ماتمل ونتهم
نواسيها يمولاتي الحزينه
☆☆☆ ☆☆☆ ☆☆☆
راحو هل الولد والدار وحشتهه
ولبو السجاد والله الونه علتهه
توحش هل الديار الدار مردتهه
ولجل ام البنين اليوم ونينه
☆☆☆ ☆☆☆ ☆☆☆
علي ونتج يلي تواسيني
مو للولد شو الحسين عازيني
فديت الاربعه لجله بعد عيني
وعمري بخدمته منذور وسنينه
☆☆☆ ☆☆☆ ☆☆☆
ولاج لام البنين الونه علينه
ونشكي اهمومنه ونريد تنطينه
خذت هيه الشفاعه وماتخلينه
وكفنه ابابها واليوم ندبينه
☆☆☆ ☆☆☆ ☆☆☆

بسم الله الرحمن الرحيم


اللهم صل على محمد وال محمد

سيصدر قريبأ ان شاء الله تعالى ديوان (( ميدان الشيعه )) يختص بالهوسات والطميات الميدانيه والتي تشمل المربعه والموشح والفزاعي الجنوبي والفزاعي السريع الجزء الاول خاص للفواتح يتضمن لطميات المذكوره اعلاه وهوسات لكل مجالس الفواتح اضافه الى اللطميات التي تختص باهل البيت ووجوب ذكرهم في عزاء الفواتح سائلين المولى عز وجل الاجر والثواب وحسن العاقبه والتوفيق لجميع خدام اهل البيت عليهم السلام

منين ما مالت اميل وياهة
انة عباس واعرف ادواهة


والله مالتنة الحرب هاي والي
صحت يازينب ابشري ادللي
انة بالحملات جن حيدر علي
ناذر جفوفي الج بيهن شلي

من زغر سني ربيت وياهة
***
كل جيوش الكون متهزني ابد
لو صحت بالكوم الله احد
انة ميهمني كثرهم لا عدد
هناك باخر خيمة تاركلي وعد

اطفال عطشانة واريد ضماهة
***
انة ترباتك علي وام البنين
وينة وشحدة اليصل يم الحسين
بسيفي لو لحتة اشطرنة ثنين
وحاشة لو فديوم غلطان الأمين

ذيب سيفي والغنم شماهة
***
اليمنة واليسرى اصفيهة الضحة
وهيج اديرنهم مثل دور الرحة
وية اول نافلة الجيش انمحمة
اقسم بحيدر علي وجفة الدحة

يا حلات المعركة شمحلاهة
***
انة عباس وابن هاي الحرب
ولو تشد عيوني اندلة الدرب
لمي اقرأ الفاتحة تزيل الكرب
بجفي ذو الفقار يشربهم شرب

اقسم برب الارض وسماهة
***
انة بدوي وهاشمي وما انقهر
عيوني تجدح بالوغة زنودي سمر
عندي واجب لو يطل وكت الظهر
كون ماي المشرعة أمرة امررررر

بجفي اطم المشرعة ولواهة
***

هوسات لنهضة الحسين ع

نهض نهضه ابو السجاد نهضة شرف معروفه
وضحى بجاسم العريس واخوه الكطعوا جغوفه
والاكبر وابن عمه مسلم طاح بالكوفه
ثابت عنوانه حسين الطف يشهدله

معروفه نهضة حسين ابد مابيها كل انكار
يريد الدين يتعله وينهي زمرة الكفار
وعليه مسجله باللوح من الله الواحد الجبار
برض الطف يذبحونه حسين عليه مسجل

يشيعي راجع التاريخ وأقره وللقصص افهم
قصة حسين موجوده قبل ماينخلق ادم
وجن وانس تبجي عليه تصب دموعها من دم
الدنيه اهتزة يوم الذبحوا مولانه

حسين يكول
هايه ماتريد نكار نهضتنه
نريد نخلص من الظلم امتنه
وين الي محب يمشي بمسيرتنه
وللظالم ميدنك راسه
تمت بقلم الشاعره ام صفاء السلمي
ديوان جمرات الحزن الجزء الخامس لانجيز حذف الاسم
الفاتحه للامام الحسين ثم الى والديه ولكم قبول الاعمال

لطميه وفاء ام البنين للزهراء (ع)

يازهراء يازهراء
الج وفيت العهد
قدمت اربع ولد
يازهراء يازهراء

انه ام وبالربه شفت الاذيه
ولجل ابنج قدمتهم يالزجيه
بالقيامه اريد مرضاتج عليه
هناك وبيوم الحشر
انه بيهم افتخر
يازهراء يازهراء

ابموتهم ولدي المشوا هدوا كياني
افراكهم ماينجرع سم وسكاني
اريد بيهم يم حسن يتعله شاني
منج انريد الرضه
بيج احس امقصره
يازهراء يازهراء

يم حسن اتمنه لو عشره جنيني
بالطفوف افديهم وماتهل عيني
مقصره وياج خافن سامحيني
غيرهم ماكو بعد
عندي بس ذوله الولد
يازهراء يازهراء

ذوله ولدي الاربعه يافاطمه
ظامتهم من تصير الموزمه
لجل اخوهم خل يرخصون الدمه
تشهد الهم كربله
بالشجاعه مسجله
يازهراء يازهراء

بالقيامه فاطمه توكف تصيح
بصوت عالي وشذنب هذا الذبيح
للموالي والبجه يصبح شفيع
هذا محزور النحر
يشفع بيوم الحشر
يازهراء يازهراء

فاطمه يوم الحشر وسط الصفوف
طبك شايلته بديهه بي جفوف
تكول ذني تكطعن يوم الطفوف
جفوف عباس الحنين
تكطعن لجل الحسين
يازهراء يازهراء

بالحشر من انسأل شنهي اكول
شنهي قدمتي لجل ولد البتول
انه اكلها قدمت اربع فحول
اعز عندي قدمت
مابجيت استبشرت
يازهراء يازهراء
تمت والحمد لله
الشاعره ام صفاء السلمي اهدي ثوابها الى والديه ولانجيز حذف الاسم وغير مبري الذمه من ينسب الكلام له

لطميه شده على صبر زينب ع عندما جاء اليها المهر ووقوفها بمجلس يزيد لعنه الله وعندما رأت رأس الحسين امامه

ارد اسولفلك يشيعي زينب بجلسة يزيد
صابره عالصار كله وبالطشت راس الشهيد

اخذ عبره من العقيله يلي ماعندك صبر
تصور الحاله الاليمه من اجه ليه المهر
تعنت وشافت وليها ذابحينه من الظهر
ينزف عالكاع دمه ونايم بحر الصعيد

ارد اسولفلك مواقف منه يحتار العقل
زينب وتدخل الجلسه وهيه بت خير العمل
تنظر عله الراس يمه ويظرب عليه النذل
ياصبر كلبج يزينب ذاب كونه من حديد

عفيه صبرج يالعقيله يوم طبيتي القصر
محمله هموم ورزايه وتنظر عليج الكفر
مسلبه ولاستر عندج صارت جفوفج ستر
والاعادي عليج لمه وللنظر كله تريد

من مثل صبر العقيله يوم بالجلسه اوكفت
ولن يزيد بصوت عالي صاح وعليه التفت
راد يهظمها بخوها
جاب راسه بالطشت
السوط بيده ابن اللعينه ويضرب براس العميد

حسين علمها الشجاعه وخذت عبره من الحسين
بمجلس الكوفه بشجاعه جاوبت ابن اللعين
على المنبر يوم كام يسب امير المؤمنين
تكله مايقصر لسانك تسب حيدر يايزيد

هاي معروفه بصبرها هاي بت حامي الحمه
والصبر عنوان الهه مثل امها فاطمه
شاهدة من بعد ابوها شكد مصايب مؤلمه
ظلت تنوح وتنادي من البواجي ماتهيد
تمت بقلم خادمة وشاعرة الحسين ام صفاء السلمي
غير مبري الذمه من يحذف الاسم

سارقته من ديوان الحنين في رثاء الطاهرين
الشاعرة ام مصطفى الخاقاني