الخادم ذوالفقار جميـل الخفاجـي✍️

شاهد ابداع الشاعر كامل السعيدي


https://t.center/kamelAbdullah

علي ياعلي
#بناء_البقيع_حق

🎀 - نبارك لكم زواج النورين #علي و #فاطمة "عليهما السلام" واشرق من نورها نور الائمة الاثني عشر انوار الكون ..♥️

ما قيمتي إن لم أكُن لكَ خادماً
و أعيشَ بالدارين تحت لِواكا؟

أنتَ الـحـسينُ وكلُ من فوقَ الثرى
أعمالُهُ مرهونةٌ بِرضاكا

اللهم صل على محمد وآل محمد
أسعد الله أيامكم بعيد الفطر المبارك
كل عام وأنتم من المنتظرين لأمام زمانكم
كل عام وأنتم من خدام الحسين
(صلوات الله عليه)... ♥️

اسعد الله ايامكم بولادة مولانا كريم ال محمد (عليهم السلام) الحسن ابن علي ابن ابي طالب (عليه السلام)...

نهنئكم ونبارك لكم ولادة منقذ البشريه من الضياع
صاحب الغيبه الكبرى
صاحب الامان والزمان والمكان
امام العصر.. امام الانس والجان
الغياث أذا أغثناه
المجيب اذا دعوناه

ابن الحسن المهدي المنتضر روحي وارواح العالمين فداه

جعلنا الله واياكم تحت رعايتة وحفضه
صلوات ربي وسلامه عليه💐❤️

سافَر خيالي للطَف كَبل لا تغمض العين
سافَر خيالي لحرگ الخيم ولذبحة حسين
ودرب السبي وألامه...وللمنطبر بلهامه
سَافــَــــّـــرّ خـَــــــٰـياّلِيِْ
** .........................**
أنا أم الصبر زينب الهمي أجبال مَتحِمله
الخَلص عُمره بلصحراء أيتعثر لوصعد تَله
شلون أم الخدر والعز هسه بناگه ومحمله
الطريق اليفرِح الشيطان ناس هوايه تنَدله
ليلة وداعي وي أخوتي تشيبلها الرموش
ليلة وداعي بل خيمه وتحاوطنا الجيوش
وگلبي انمله بسهامه.. وللمنطبر بلهامه..
سَافــَــــّـــرّ خـَــــــٰـياّلِيِْ
- - - - - - - - - - - - - - - - -
أشذكر من حياتي ألام كلها تزيد بجروحي
وخصوصاً تذبح الخوه من تذكرها يم روحي
انه الودعت اخوتي اثنين العليهم مابطل نوحي
واذكر كل خيمنا هناك ورمزهن للحزن يوحي
وسكنه ورقيه شگد حشمن اگعد يعباس
وسكنه ورقيه من فرهدو بخيامنا الناس
راحنله ركض أيتامه.. للمنطبر بلهامه
سَافــَــــّـــرّ خـَــــــٰـياّلِيِْ
- - - - - - - - - - - - - - - - -
اه ياعمله الظِلام لمن حرگو الخيمات
تفرهد كلشي بخيمنا ركضن كل البنيات
علجمر الجدم تسحگ وطر الهيمه خذ ساعات
اليگطع راس ابواليمه عدل لاجن ضميره مات
الگطع تراجي هم ذمه عنده وينعد انسان
الگطع تراجي نسل الطبر حيدر علي جان
بس الفرق هندامه.. للمتطبر بلهامه..
سَافــَــــّـــرّ خـَــــــٰـياّلِيِْ
- - - - - - - - - - - - - - - - -
صوره ابالي ماضنها تروح وتنمحي منه
لمن نلتم اعلراس وخولي بسوطه يبعدنه
أبن ذا الجوشن جماله يبرز سيفه يرعبنه
أشوفن راس ابو اليمه دمه يصب ويألمنه
ولمن تگرب يم ناگتي دم الگمر فار
ولمن تگرب صار الرمح ماينلزم حار
وفاضت دمه لعمامه.. للمنطبر بلهامه..
سَافــَــــّـــرّ خـَــــــٰـياّلِيِْ
- - - - - - - - - - - - - - - - -
الأجل لمت يوافيني تمنيت اخوتي يمي
يحيطوني من الكتار كلها وينجلي همي
تمنيته القلع خيبر يمي ويمه كون امي
كل هذه تمنيته وماصح حته ابحلمي
تمنيته يمي ليث الطفوف ويمه عباس
اتمنيته يمي خيي الحسن ويعزي الناس
اعتاب الگلب واحلامه.. للمتطبر بلهامه..
سَافــَــــّـــرّ خـَــــــٰـياّلِيِْ
***- - - - - - - - - - - - - - - - -***
كلمات خادم لحسين 'ع' ذوالفقار جميل الخفاجي..

نعي استشهاد السيده زينب ع..

الميت عينه مفتوحه وترباه
عله اعزازه ومجان اهله وترباه
وخصوصاً لللحد ينضر وتراباه
ويشوف اهله لون راحوا سويه

فكيف بمولاتي وهي تنضر وابيها علي ع قد
دفن والزهراء امها أيضاً دفنت واخوتها
كذلك وكاني بلسان مولاتي تقول..

تمنيتك وياي يبويه ياعلي تمنيتك وياي
وتعزي الجاي تحضر دفنتي وتعزي الجاي
من دمع مبجاي بللت الترب من دمع مبجاي
والفاگده الرأي تضل محيره الفاگده الراي

همه اليشيعون تمنيت اخوتي همه اليشيعون
وطولي يشيلون هلي تمنيتهم طولي يشيلون
فؤگي يهيلون ياريته الترب فوگي يهيلون
وتشوف العيون ملامحهم وتبجي تشوف العيون

كلمات خادم الحسين (ع)..
'ذوالفقار جميل الخفاجي' ..

حسين راح شلون بيه...
مني خاف الغاضريه...
تاخذه روحي من اديه...
وهوه گلبي وكلشي بيه..

من دون الأيام گلبي منلچم من دون الايام
ما ادري شضام دهري مصيبته مادري شضام
يخلص بالف عام كل يوم اليمر يخلص بالف عام

متانيه اتنطر خبرهم...
الخطر ريته مايمرهم...
لهسه بداري عطرهم...
جويعده ابابي انتضرهم...

لن بشِر اليصِيح حزو منحره لن بشِر اليصيح
من مهره ويطيح من گد الآلم من مهره ويطيح
من فوگه ويسيح دمه اعللأرض من فوگه ويسيح

ماگدرت اوصل لعنده...
من سمعته يصيح خده...
الـرمل صايرلـه لحده...
فگده ياهوه اليسده...

وعرفته الحسين اليگصده بِشر واعرفته الحسين
من گال ميتين اخوته الاربعه من گال ميتين
بگليبي ثلثين مجانه ياخلگ بگليبي ثلثين
لاهمه عدلين واقنع بروحي اجو لاهمه عدلين
يلچمني البين با اعزاز الگلبي يلچمني البين
زينب والحسين روحي معلگه بـزينب والحسين
تاليها لاوَيـٓـن ترد ميسره تاليها لا وَيـٓـن
انا ام الـونين صار اسمي بعد انا ام الـونين...
------------------------------------
لخـادم الحسين(ع)..
ذوالفقـار جميل الخفاجي..

خبرني يابشر شجره وسولفلي بلطف شصار
يوميه آحلم بلخيم ومرعوبه افز من النار
هوايه محمل سوالف
خـــبـرنــي خـــبـرنــي
*** *** *** *** *** ***
يابشر احلفك متضم عليه
وتحجيلي عن ابنيني سويه
بردلي گلبي بجلمه جَويه .. تسر خاطري كون

گاللها من ياهي ابدي هوايه
حسينج جماله ونوره مرايه
المرسل اليهم حسين آيـه .. وكلهم يكفرون

نار الهجر قصة جرح والها گلب بس يراد
حاطني ماخلن عليْ وكلشي حزن ضل يزداد
طاح عمود المضايف؟
*** *** *** ***
سولفلي عنه وگلي شجراله
تخبرني اريدك عن احواله
يتراوه عيني ركاض خياله .. وعليه يدوسون

تدرين نحروا اعللغبره خـلوه
بسلابك الخيل گامو يدوسوه
نعمة الله ولا ماصـانوه .. النعمه يطشرون

فوگ الرمل بعد الدفن بلحر يضل ثلث تيام
ماصايره بواحد كبل شيخ ويسلوبنه عمام
ماصايره بكل الطوايف
*** *** *** ***
يابشر حيلي موته يمك
سولفلي كلشي احسبني امك
تبردلي گلبي وبنوحي اللجمك وبدمع العيون

گاللها زينب عافت خيمها
ومتعنيه لتل تنده زلمها
وتحشم الطاح كافل حرمها وعداه يشوفون

رادت تگله الماي الك خليه نريدك سالم
هاشم تضل ليل بدهر يبعد گمرهم هاشم
گلبي مامرتاح خايف
*** *** *** ***
ليله افزن من حلمي واگعد
والخيل احسن تلحگني واشرد
عطاب اشمن جن نار ارصد مافرزنت وين؟

گاللها يهضم حرگ المخيم
گاللها جرحه اهات غيم
واطفال طاحو من خنگه الشم وبلا عناوين

مارحمو الطاح وعدل ميدان بلطف سووه
واليرگض بحيله اوگع رگضو عليه هم سحگوه
ينقلي المنهم شايف
*** *** *** ***
لخـادم الـحسين(ع)..
ذوالـفقار جـميل الخفـاجي..

يوم الي تركتو الدار وعيني شابحه اعليكم
ضليت انضر لمحمل وتتركوني انه ادريكم

وبقيت انضر عله العباس لمن حمل اضعونه
وعله حسين وعلي الاكبر عليه جانت اعيونه
وعله اسكينه وعله رمله ولعبدلله تعرفونه
مصاب ابني الحسين آه آه بعده من يجبرونه

ولمن لم اهل بيته. صحتله ويمه وناديته.
.لتنسوني انه وصيته.

ناضرت لبنات حسين كلهن صعدن الناكه
وانه انضر عله العباس شيصبرني بفراكه
كلت عبدلله الي خلوه شمس لصحره حراكه
واشوفن بلوداع افراك اخاف ابقه نه مشتاكه

وأضل وحدي يخلوني. عليهم تعمه اعيوني.
.وبعدهم تسهر اجفوني. .

دارت عيني للقاسم واشوفه يصعد ابرمله
واشوفنه ابو اليمه العبايه وسيفه اشمحله
واشوفنهه لعقيله ويا وصعدن ليلى وخوله
صدت عيني لبنيني كلهم وعل لبو حمله

وبقيت انضر لعبدلله. ولجعفر ابني اسمالله
ولعون اوليدي حيالله.

يوم الي ضعنك سار كلبي وعيني مشبوحه
بعتاب ورسايل شوك وكل آمالي مجروحه
ماجنت احسب تردون ليه وروحي مذبوحه
وي كل موقف ابألي صوره ابذهني مسروحه

ضل ابالي كعدتكم. يمه وكل سوالفكم.
بس عفتوني انه امكم.

كسرتو خاطري بموقف ابد من عيني ماشيله
ضلت تبجي حته ادار وحته لباب والشيله
من عفتو عليلتكم ودمعها ضلت تسيله
ولي ايفارگ احبابه دهره يهدله كل حيله

ضليت بآلم دنياي. بعدكم هم عمت عيناي.
.مارديتوا يارجواي.

ماحسبت طف هناك ياخذكم غفل يبني
حسين الغالي والعباس منهم دهري يتمني
وجعفر وابني عبدلله وعون الراسمه حزني
وبناته رجعن اعل نوك أويلي ما يعرفني

وماشميته عطر الياس. ولا عطر الورد عباس .
جفاكم شيبالي الراس
__________________________________
لخادم الحسين ع.
(ذوالــــفقـــار جميل الخفاجــْْي)

يمه وينج بعتبة الباب انتضر هلبت ترجعين
يمه وينج صرنه مثل أورود وبلايا سنادين
الباب تتحسر اذا مادگها خطار
وأحنا نتحسر اذا ما أجيتي لدار
يمـــــــه وينــــــــج
- - - - - - - - - - - - - - - - - - - - -
يمه شعاجبج بلموت ورحتي وياه عن غفله
جنه من يمر طاريه علأسمج نذكر اسمالله
يم گلب الترافه شلون عنج هسه نتخله
كريمه وحته ملك لموت لوطب صحتي حيالله

بكل دموعي ما أطفي جمره من جمرات گلبي
بكل دموعي نگعييت اعبايتج وعيوني تربي
وعيني كلساع لغرفتج يمه تندار
واحنه نتحسر اذا ما أجيتي لدار
** ** ** ** ** *** ** ** ** ** **
تگابلنا انا وحسين يمه ولحسن يمنه
وتجمعنا بدمع سجاب عله المحسن يألمنه
برد والليل ضلمه وخوف والمغرب يرعبنه
موفوگ الوساد أنام يمه علترب نمنه

وينج انتي كلها ردت وانتي مارديتي لينه
وينج انتي انا مو زينب صرت هسه الحزينه
عفتي بكل بيت حرگ الباب تذكار
واحنه نتحسر اذا ما أجيتي لدار
** ** ** ** ** ** ** *** ** ** ** ** ** **
گبل دارج دفو البردان وعلاج الماينام الليل
شيفيد الدمع عل راح وشترد جلمة الياويل
مو هين البعد ياناس والفرگه تهد الحيل
وكت خله ذيال النار بعالي الغيم ناره اتعيل

شيرجع الراح أسئل بروحي واناشد بليالي
شيرجع الراح جلمه طاحت من لساني بفگد غالي
خذها ملج الموت عن ديارنا سار
واحنه نتحسر اذا ما جيتي لدار
** ** ** ** ** *** ** ** ** **
الفگد لوعه ومصاب وآه وعالم صامت ومكسور
يلم كل غالي كل محبوب لعالم ثاني اسمه گبور
يثلم بينه وين الزين و بيهم يهدملنا دور
صرنه كل أبو لطيب نعده للگبر منذور

ماننسه ذكراه الراح ضل بيناتنا ماننسه ذكراه
من تطلع الآه بيها جمره من الحزن من تطلع الآه
والهجر اذه دليلي جنه بسمار
واحنا نتحسر اذا ما أجيتي لدار
** ** ** ** ** *** ** ** ** **
تمنيته اليموت يعود بسنه تمر موته لوسنتين
مو فد مره يگطعها ويخلي احبابه متأذين
مسيت العافيه بهلليل علكل غالي خذاه البين
لاحول ولا قوة كلنا أبهل لدرب ماشين

وداعت الله اعلل مشو ولهسه رادو عنه يمشون
وداعت الله انكتبت ابكل دمعه طاحت من العيون
وگلبي لفراگج يضل بيه شابه النار
واحنا نتحسر اذا ما أجيتي لدار
** ** ** ** *** ** ** ** ** **
تقرأ بعد مقاصير البيت الرابع ⬇️..
بغيابج آه هم ضلت.. تلم آه
حزني ما أضن صحره..تلماه
فكدج بيه ضل يعله.. تل ماه
صغر ضل يكبر وضل يأذي بيه..
* ** ** ** ** ** ** ** ** ** ** *
لخادم الحسين(ع)..
ذوالــفـقــار جميـــل الخفــاجـي

الـلهـم صــل علّـىٰ محمـد وآل محمـد
** ** ** ** ** ** ** ** ** ** ** **
هــذه البـــاب ... شســوه البـــاب ... بلـزهـره الزجـية..
...
مـن داخلنا كثرة جروح متقيحـه
هذه الباب ابد ما يلتئم جرحـه
جـاشيصبره هوه الراحـله المهيوب
ذاك الجـان دمه يفور من رمحـه

آه يلصاحت بذيج الـليالي
تعـالي يم حسن ليه تعالي
بگيت بوحدي من غير والي
يـمه الشام ماخـله اعلحالي

تعآي وياي نتگابل سويه..
عله الرضته خيـل الأعوجيه..
طحنته طحن خيل آل آميه..

هـــــــذه الــبــــــاب..........
هــذه البـــاب ... شســوه البـــاب ... بلـزهـره الزجـية..
.....
هـاي النار الها حادثه وذكره
تضل طول العمر بگلوبنا موجره
آباب الزهره وگفت بس تدگ لباب
لطف آرجعت بس ضيف هلمـره

نفسه الضيف جواها لرقـيه
نفسه الضيف بجاها لصـفيه
نفسه الضيف ركضهن سويه
هذه الضيف مايعرف خطيه

يركضن والجمر يشبگ جدمهن..
خولي صاح ماضلت زلمـهن..
رفعو الروس خل بيهن نلمهن..

هـــــــذه الــبــــــاب..........
هــذه البـــاب ... شســوه البـــاب ... بلـزهـره الزجـية..
......
ويـلاه ياوكت ماترحم الزهـره
آبد لامو زلم نسوان هلـ زمره
على بيت النبي إلي تآمرو عشره
والمنفذيـن آلف حقاد للعـتره

صاحت يامحمد بويه شاهد
عصرتهم عُصب مومال واحد
ولـجان بوسط هلبيت گاعد
علىٰ بنيتك تآمر صار قائد

يگللهم وإن فاطمه البلباب..
عذبوها بجرح لافـاخ لاطاب..
واحرگو الدار بآهله ويصبح تراب..

هـــــــذه الــبــــــاب..........
هــذه البـــاب ... شســوه البـــاب ... بلـزهـره الزجـية..
.....
المحـسن وگع والآه تتبع آه
أول جلمه صاح النار واويلاه
بويه ياعلي أحضر صاح لوزهراه
زغير وعمره ورده أشاف من دنياه

عليهم لعنة الله بگد عددهم
براكين الجهنم تتنتضرهم
آلمني الحجي يتشامر اسهم

بـَرو من الشفاعه وحق لعنهم..
المن بعد النبي مـدو لسنهم..
باجـر بلقيامه انسمعه ونهم..

هـــــــذه الــبــــــاب..........
هــذه البـــاب ... شســوه البـــاب ... بلـزهـره الزجـية..

...........
لخادم الحـُسين (ع)..
ذوالفقار جميـل الخفاجـي..

اَلسَّلامُ عَلَيْكَ يا رَسُولَ اللهِ، اَلسَّلامُ عَلَيْكَ اَيُّهَا الْبَشيرُ النَّذيرُ، اَلسَّلامُ عَلَيْكَ اَيُّهَا السِّراجُ الْمُنيرُ، اَلسَّلامُ عَلَيْكَ اَيُّهَا السَّفيرُ بَيْنَ اللهِ وَبَيْنَ خَلْقِهِ، اَشْهَدُ يا رَسُولَ اللهِ اَنَّكَ كُنْتَ نُوراً فِي الاْصْلابِ الشّامِخَةِ، وَالاَْرْحامِ الْمُطَهَّرَةِ، لَمْ تُنَجِّسْكَ الْجاهِلِيَّةُ بِاَنْجاسِها، وَلَمْ تُلْبِسْكَ مِنْ مُدْلَهَمّاتِ ثِيابِها، واَشْهَدُ يا رَسُولَ اللهِ اَنّي مُؤْمِنٌ بِكَ وَبِالاْئِمَّةِ مِنْ اَهْلِ بَيْتِكَ مُوقِنٌ بِجَميعِ ما اَتَيْتَ بِهِ راض مُؤْمِنٌ، وَاَشْهَدُ اَنَّ الاْئِمَّةَ مِنْ اَهْلِ بَيْتِكَ اَعْلامُ الْهُدى، وَالْعُرْوَةُ الْوُثقى، وَالْحُجَّةُ عَلى اَهْلِ الدُّنْيا...

#عظم الله اجورنا واجوركم بذكرى استشهاد نبي الأمـه رسول الله صلى الله عليه وآله وسلم..

"يا رسول الله "
لقد أصبحنا من بعدڪ من المستضعفين💔.!

يلآكبر يا ييمـه يگـلبي وكل همه تروح لياضلمه
يشمس الشموس ٢
دخـيلك يمعدل يبـيرغ ومدلل لبوك أنته الآول
تطيب النفوس ٢
اخاف من اعدانه تحسدك يضوانه ويكلشي بدنيانه
يوحدك دروس ٢

ابني شمس ابني گمر
والينذبح بيده لسقر
من صولته صار المفر علي..

بدر من يضوي بدر وعيونه حمر طشرها سوه
بده بعده مابده والجيش ارعده وماخله هوه
...
ياعـــــــلي الآكبـــــر ياعـــــــلي الآكبـــــر
...
ارتجازه كلعاده بده وبيهم ناده انا شبل الساده
نجل حيدره ٢
يرهبكم سيفي واراويكم حيفي اطشركم كيفي
عله الگنطره ٢
شواربكم تنذل كبار الكم تجفل والمها بمصلصل
واردهم سره ٢
اني انا الاكبر علي
معروفه صولتهم هلي
واليوم ترجع مايلي علي..
عجب گالوله عجب والجيش ارتهب ضاكت وسعـِته
وگع قائدهم وگع من هول السمع ونكس رايـِته
...
ياعـــــــلي الآكبـــــر ياعـــــــلي الآكبـــــر
...
بلـ سيوف احتارو عليه هم مادارو مثل دود جن صارو
شـَب بوسطه نار ٢
يدرون گل نگره يموتون بيها احره ولا موت يتنضره
لجهنم فـــقار ٢
شمر دور خيمه عمر هج بلهيمه ولابيهم شيمه
سوابق فرار ٢

ياهيبه ومخوف الزلم
وبصولتك صار الردم
والحومه بيهم تزدحم علي..
هرب قائدهم هرب صار جن سرب قائدهم مره
سبع مايطره سبع بي ينگض ضلع شردهم سره
...
ياعـــــــلي الآكبـــــر ياعـــــــلي الآكبـــــر
...
رِوه بيهم سيفه واخذ منهم حيفه يطشر وبكيفه
يلمهم يرد ٢
بخزرته يگصيهم دموم يرويهم دوي حيل يدويهم
برگبهم بـَرد ٢
ولازلمه تخيل مگابيله ترجل يحارب مويحمل
ولاضل فرد ٢

ابن الشجاع ابن البطل
صولت محمد وارتجل
صاحو دخيلك من حمل علي..
لكد مهره من لكد غيم وارتعد العرج الهاشمي
مدد گالوله مدد وادخيلك بعد بيمن نحتمي
...
ياعـــــــلي الآكبـــــر ياعـــــــلي الآكبـــــر
...
ينورس بلساحه عطورك فواحه الجمال من اصفاحه
يمسج الطفوف ٢
صعدها الكحيله المعاره تناديله الكفر ضل يوميله
مشه وضل يطوف ٢
شحلاته علشگره آبـن أبن الزهره كفو حسين يآمره
وشموخه يشوف ٢

هوه الآسد شبله آسد
وهذه النسل يبقى ومدد
ما فرزنو صوت الرعد علي..
حمل من سمعو حمل شردو بلعجل ماصدله أحد
ونعم يازلمه ونعم وماضلت زلم وتواجه عـضد
...
ياعـــــــلي الآكبـــــر ياعـــــــلي الآكبـــــر
...
لــخادم الحـُسين (ع)..
ذوالفقـار جميـل الخفاجـي...

كل جرة نفس أذكر شبابك
وكل حنة عرس أذكر خضابك
يبني يهون كلشي
لفكدك شاب رمشي
(يمه يمه)
_________________________
كل جرة نفس أسحبهه وأبشهكه
بعدك يلولد شاب أنا وين الكه
يبوطول لحلو لرمضاء إليتحركه
شجاك أتآخرت يايمه عل ملكه

و إمصابك ييمه التعباني
أرجع يلولي موكافي اتاني

أحوبي صرت وأمشي
لفكدك شاب رمشي
..............
كل شاب الأشوفه بيك اشبهنه
و اصيحه يمه يالأكبر وأندبنه
ابد إبروحتك ماكاطعه الضنه
ترد ليه و أرد حبك اجمعنه

و ترد ليه اليالي إلفاكدتها
جن روح أمشت وردت جسدها

فكدك بيه يفشي
لفكدك شاب رمشي
.............
الورده بلايا ماي تموت ماتبقه
وانته الماي الي ونداوة الرقه
تبدي النار دوم بمطرف الورقه
انا بطرف لكبر ولشيب اخذ حقه

آخذ حقه ييمه و كبراني
لحد مامن كثر نوحي عماني

بيه مابقه أي شي
لفكدك شاب رمشي
.............
تمنيتك تلم كبرتي يا للاكبر
عكازي تصير من امشي مااعثر
تلم طولي وتلم عضاي ليه تبر
ييمه وبيك باجر بلقيامه افخر

غيرك ماكو والي عندي يمه
وعطرك يلولد كلساع اشمه

نضري صاري يعشي
لفكدك شاب رمشي
............
احسبلك جنت يا يمه ايام
واضل اكعد يحيلي لمن تنام
اخاف من الهوه ياذيك ضرغام
هسه مو هوه تمر بيك الاسهام

ولسيوف ورماح تمر وسطها
ولجيوش وعساكر موت طبها

صحت لاحزاني دشي
لفكدك شاب رمشي
..........
يشامخ طول ياحلو المحاسن
الك ابكلبي حب ابكد مدائن
شيردك بعد يبن الميامن
تطبر ضهرك بكثرة مطاعن

تمنيت الدموع ترجع المات
جانشفت انا بعيني الصبيات

وياك يروح نعشي
لفكدك شاب رمشي
..........
لخادم الحسين (ع)
ذوالفقار جميل الخفاجي..