نعي لسيّده زينب عليها السلام وحيده ومحد مر عليه من اخوتي ماشفت جيه لفتني يبو الغيره المنيه محد حضرني، ايسبل اديه ويشوف شنهي الصار ببه 💔💔💔💔 ناديتكم محد سمعني وعباس، بيده مارفعني وبكبري بيده ما وضعني بخواني دهري ماجمعني خادمة اهل البيت ام ابراهيم الحلفي 💔♾️💔♾️💔♾️💔 ماجمعني الدهر بيهم احنان اخوتي وعتب عليهم يسمعوني وانه اسمع حجيهم ياهو ليوصل الخبر ليهم يفزعون اويدفنوني بديهم ام ازهر نجف 💔♾️💔♾️💔♾️ عازتكم عازه يالاخوان تشيلوني وتقرولي قران يوسدني بيده كمر عدنان شعطلكم عليه يوليان ✍️طيبة محمد 💔♾️💔♾️💔♾️ انه الغاليه اوعمت ولدكم لفاني الموت ياخويه اوردتكم موبالماي غسلوني ابدمعكم ام ازهر نجف 💔♾️💔♾️💔♾️💔 كون اخوتي يمي يحضرون شمحلاتهه لنعشي يشيلون وللكبر بيديهم يزتــــون يصيحون ياخيتي وينحون احو يناركم التسعر خادمه الزهراء ✍️ام علي الزيدي ♾️💔♾️💔♾️💔♾️ يا عازت الخوان عازه محلاتهم يم الجنـــــازه منگب اخوی او شاد راسه او مگطعه علی اخته انفاسه خادمة اهل البيت عليهم السلام العلويه ام سيد مهدي الموسوي ♾️💔♾️💔♾️💔♾️ اشمحله الجنازه بيد الخوان مثل احسين والعباس الاحنان يدرون ابعلي السجاد وجعان عد راسي يون والدمع غدران ام ازهر نجف ♾️💔♾️💔♾️💔♾️ اريدة اليوم خالابني يحضرني ومااريد غربة التشيعني ويحفر الكبر وبيدة ودفني خادمة الزهراء عليها السلام ام عباس ♾️💔♾️💔♾️💔♾️ تمت بحمد الله باقلام خادمات رابطة خدام ام الحسن عليها السلام لانجيز حذف الاسم ولاتغيير الكلمات ونسالكم الدعاء https://t.center/zartyo