🎉مزگێنی🎉 💢هاوڕێیانی ڕێکخراوەی هۆژان و هۆگرانی زمانی کوردی؛ 🔻بەخۆشحاڵییەوە پێتان ڕادەگەیێنین کە پاش هەوڵ و ماندووبوونێکی بێبڕانەوەی تیمی وشەنامەی هۆژان، ئێستا وەشانی نوێی فەرهەنگی هۆژان بە شێوەی سەرهێڵ و لەڕێگەی ماڵپەڕێکی تایبەت بەردەستە. ئەم ماڵپەڕە وێڕای وشەنامەی زانستیی هۆژان، زیاتر لە ۲۰ فەرهەنگی ناسراو و بەناوبانگی زمانی کوردی لەخۆ دەگرێت و کۆمەڵێک بژاردەی باش دەخاتە بەردەستی خوێنەران و نووسەرانی زمانی کوردی. وشەنامەی هۆژان وەک خۆی نزیکەی دە هەزار وشەی زانستی لەخۆدەگرێت و ڕۆژ لەدوای ڕۆژ وشە و تێرمی زانستی نوێی لە بوارە جۆراوجۆرەکانی زانستەوە پێ زیاد دەکرێت. دیزاین و داڕشتنی ئەم ماڵپەڕە پاش ئەو پێشوازییە گەرمە دێت کە لە باتی تێلێگرامی وشەنامەی هۆژان کرا و لەو ڕێگەیەوە خزمەتێکی نوێ دەخرێتە بەردەستی هۆگرانی زمانی کوردی. هەروەها پێویستە دەستخۆشی و ماندوونەبوونی بکەین لە کاک دۆلان هێرش وەک پاڵپشت و دیزانەری ماڵپەڕ و باتی وشەنامەی هۆژان. تکایە لە تێبینی و ڕەخنەکانتان بێبەشمان مەکەن. ماڵپەڕی نوێی وشەنامە: https://hojandic.org/ باتی تێلێگرامی وشەنامە: @hojandic_bot #فەرهەنگ #وشەنامەی_سەرهێڵ @ZanisHojan