قصيده على طور 🦋دللول دللول يعبدالله دللول🦋 الامام علي عليه السلام يخاطب الزهراء عليها السلام يزهراء.... يزهراء.... صعب فكدج... يزهراء اه.. اه...... راحت ما ترد 💧💧💧💧💧💧 اجيتج والدمع راسم سواد الليل بجفوني يزهرة واخذ ذاك الحيل وعلى كبرج اطيح واصرخ الياويل واميل ويالهوه البترابج اهو يميل بالكبور.. بالكبور... صرت عايش... بالكبور اه... اه... راحت ما ترد يزهراء.... يزهراء.... صعب فكدج... يزهراء اه.. اه...... راحت ما ترد 💧💧💧💧💧💧 عكب عينج كرهت الدار انه ادخلها و عشت وسط الكبور وسلوتي يمها و يطگ كلبي على ارسومج وادورنها و بلهفه ارد الدار و بزينب اشوفــنها يالرسوم... يالرسوم.. بوجه زينب.. يالرسوم اه.. اه راحت ماترد يزهراء.... يزهراء.... صعب فكدج... يزهراء اه.. اه...... راحت ما ترد 💧💧💧💧💧💧💧 .اطب للدار ملهوف على زينب حيل وادور انه بوجهه كلشي لـيج ايميل تهظمني من اشوفنها بتوالي الليل ووسط الدار تفتر والدموع اتسيل وتكلي.. وتكلي.. اريد امي.. وتكلي اه.. اه.. راحت ما ترد يزهراء.... يزهراء.... صعب فكدج... يزهراء اه.. اه...... راحت ما ترد 💧💧💧💧💧💧 اريد امي تكلي والدموع اتصب اشبكها واظل وياها بس انحب وامج ماترد بطلي العتب زينب وتذبحيني بونينج والكلب يتعب الونين... الونين.. حرك كلبي ... الونين اه.. اه.. راحت ماترد يزهراء.... يزهراء.... صعب فكدج... يزهراء اه.. اه...... راحت ما ترد 💧💧💧💧💧💧 وحرك كلبي ونينج يالعقيله بـــنار امج ماتجي ولا توصل اهيه الـدار غمضي اعيونج وبلكت تجي خطار و خبريها بعلي ما خله اي بســـمار تردين ... تردين.. يمكن كونچ.. تردين اه... اه.. راحت ما ترد يزهراء...يزهراء... صعب فكدج..... يزهراء اه... اه.. راحت ما ترد 💧💧💧💧💧 ✍🦋الشاعرة ام زينب الحسيني🦋 https://t.center/zainxvybcxvhxxa