الشاعرة زينب الفياض

نعي لأولاد مسلم

اولاد اثنين بالطف ضيعتهم
بكل خيام اهلنا دورتهم
من هجمت الخيل آنه افگدتهم
•———•———•———•
من ضاعوا طفت شمعة زماني
وفگدهم حيل والله عذباني
ضلت عيني تربيهم واتاني
•———•———•———•
اتنطر اولادي عليه يلفون
اذا چل الظلام تحير العيون
مدري بيا خرابة وبيت يغفون
•———•———•———•
اخاف من العدة بيهم يغدرون
هلبت من يجوني الهم يشيلون
بشوفتهم الحلوه نكحل العيون
•———•———•———•
اخافن عليهم و بس لا نسوني
افگدت فكري ترى بيوم السبوني
من راحوا بروحتهم عموني
•———•———•———•
ادعيك ياربي لحضني ردهم
حته لو خبر يوصلني منهم
اخذ من عمري وطول عمرهم
•———•———•———•
لخادمات العليلة وأبيها
ضُحى سالم و زينب الفياض.
#اولاد_مسلم
#حصرياً
#زينب_الفياض

https://t.center/zainab_alfayaad

قصيدة لأولاد مسلم على طور الميمر
بعنوان (ما من خبر)
فرفحت بالهيمه فگدت ويلادي
ما من خبر منهم يبرد افادي
•———•———•———•
مامن خبر يلفي وتهود روحي
اثنيناتهم من مشوا زيدوا نوحي
وليداتي صاروا سبب كل جروحي
ضاعوا و ما ظل هم عليّ ما سادي
•———•———•———•
ضيعت طفلين وبقيت اتعذب
مامش خبر يطفي دليلي اليلهب
و الخوف يلتم من يچل المغرب
و ما ادري وين بهيمه لو بالوادي
•———•———•———•
جابوا خبر منكم واجيت اتعثر
من سمعت طاريكم شلون اتصبر
گالولي مكتولين بديار الشر
ارض المسيب وين ها يالحادي
•———•———•———•
سل سيفه ما رفن برحمة عيونه
محمد و اخيه بقوا يتوّسلونه
كلمن يگله اذبحني آنه بدونه
وخليني اروح بگرب جدنا الهادي
•———•———•———•
لخادمات العليلة وأبيها
ضُحى سالم و زينب الفياض.
#اولاد_مسلم
#حصرياً
#زينب_الفياض

https://t.center/zainab_alfayaad

تم بعون الله وبركات مولانا الذبيح
إكمال نشر منهاج العشرة الأولى
من (قصائد ثگيلة و فزاعية ومربعة وأطوار أخرى ونعي وهوسات ومحاضرات)
مجرد ما تضغطون على أحد الهاشتاكات الي تردوها تطلعلكم القصائد والنعي وكلشي خاص بالمناسبة إن شاء الله
لسهولة البحث
#الهلال
#المسير
#النزول
#العليلة
#ام_البنين
#مسلم_بن_عقيل
#اولاد_مسلم
#الامام_العباس
#القاسم
#علي_الاكبر
#عبدالله_الرضيع
#العاشر
#نعي
#هوسات
#محاضرة

#تجمع_خادمات_الذبيح
الحمد لله على نعمته