الشاعرة زينب الفياض

#الخدمة

Channel

@zainab_alfayaad Promote

1.96K

subscribers

312

photos

videos

327

links

قناة مختصة بنشر جميع القصائد الحُسينية لخادمة آل البيت (عليهم السلام) الشاعرة زينب الفياض. إصداراتي: -قصة وداع الروح. -ديوان المغسل بدمِ الجراح ج١ و٢. -ديوان المنحور في الورى ج٢. السلام على سيد قلبي الحُسين. للتواصل: @zainab_313bot

الشاعرة زينب الفياض

#حصرياً
#من_ديوان_المغسل_بدم_الجراح_الجزء_الثاني

قصيدة بعنوان (الخدمة نور)

الخدمه نور وكلشي بالدنيا ظلام
الماخدم معناها ماراده الامام
•———•———•———•
بيها عشنه وارتوينه ... بالدمع لاجل الحسين
احنه مانكدر نعوفه... وللأبد تبجيله عين
والله لو ما حبه النه...جان ضعنه ويه السنين

و اليعوفك يعني كل عمره حطام
الماخدم معناها ماراده الامام
•———•———•———•
الخدمه هي اشكال بيها ... لا تخليها بحدود
الينطي شربة ماي... والله يعله شانه بالوجود
ابقه اخدم لا تگف ... الوكت النه مايعود

طول عمرك فكر بذيج السهام
الماخدم معناها ماراده الامام
•———•———•———•
لا تعدد بالخدآمه ...وابقه اخدم باليجون
قدمت هيج انه وانه... لاجل كل هاي الظعون
لا تغركم دنيا هاي ... وبالحجي لتكثرون

باجر من تموت ترتاح بسلام
الماخدم معناها ماراده الامام
•———•———•———•
حسين تاريخ وعقيدة .... ومبدئ لكل الحياة
حسين ثورة حسين ذكرة خالدة بوجه الطغات
اليخدم حسين بحياته ... هو يكفله بالممات

الما يحب حسين بيمن كلبه هام
الما خدم معناها ما راد الامام
•———•———•———•
نبقى نلطم نبقى نخدم … يا دهرنه شما تطول
ياهو يستاهل عشكنه … غير ابن بنت الرسول
هذا توفيق ومحبة ورزق من امه البتول

حسين كلشي وهذا عدنا اخر كلام
الما خدم معناها ما راد الامام
•———•———•———•
لخادمات العليلة وأبيها
ضُحى سالم و زينب الفياض.
#الخدمة
#حصرياً
#ضحى_سالم
#زينب_الفياض
-ديوان المغسل بدم الجراح الجزء الثاني
https://t.center/zainab_alfayaad

الشاعرة زينب الفياض

قناة مختصة بنشر جميع القصائد الحُسينية لخادمة آل البيت (عليهم السلام)
الشاعرة زينب الفياض.
إصداراتي:
-قصة وداع الروح.
-ديوان المغسل بدمِ الجراح ج١ و٢.
-ديوان المنحور في الورى ج٢.

السلام على سيد قلبي الحُسين.
للتواصل: @zainab_313bot

1.1K viewsحُـــسين الروح, 16:29