زَينب عاصم.

رجعت ع هذا النص الي كتبته قبل سنة، دلالة ع إني مستمرة بعدني ع نفس المبدأ سنة بعد سنة ❤️

وفي نهاية اكتوبر ..
اشكرك يا الله
لأنك جَعلتني مِمن يَستشعرون
بمُتعة ما هو حولي
و ما بالوجود
في الهواء ونعمةِ تَنفسه
بالارض وما ينبت منها
بسماءك ، وانهاراً تجري بأمرك
اللهم لكَ الحمد
وأن اعماني يأسي
فأنا عَبدك المحدود
وانتَ ربٌ بعطائكَ مَحمود
آللهي هِب لي مزيداً
لأني من الشاكرين
ولأنك تقول ﴿لَئِن شَكَرتُم لَأَزيدَنَّكُم﴾
فحمداً كثيرأ وأن لم تَزدني
لأنه يَكفيني
ان احمدكَ الآن
وانتَ بما في الصدور تعلم
انكَ خيرُ أنيس .

١١:٣٠ /٣١/١٠/٢٠٢٣

اتذكر مرة بدرس الاسلامية جان الدرس بي اية‏ لقوله تعالى ﴿لَئِنْ شَكَرْتُمْ لَأَزِيدَنَّكُمْ﴾
والشكر يكون بالتحميد (الحمدالله)
فسألت المعلمة بعفوية كتلها ست زين اذا صار ويانة مشكلة وحمدنا الله وشكرناه هل هذا يعني راح يزيد علينا المشاكل ؟

ضحكت وكالت مراح يزيد بالمشكلة راح يزيد بالحل ، ويا الله هل حجاية شلون نبتت بداخلي مبدأ قوي للحمد والشكر اثناء اوقات السوء .

بلحظات اليأس والتعب دائماً اتذكر الآية
‏﴿وَإِن تَعُدُّوا نِعْمَةَ اللَّهِ لَا تُحْصُوهَا ۗ﴾
تذكيراً إلي بأن رغم الاشياء السيئة
لكن رب العالمين يغدق عليه بنعم اذا اعدهن ححس بالخجل من الاشتكاء حتى بيني وبين نفسي

‏مُحاولة إسترخاء طويل
بعدَ يقين أكيد
بأنَّ الأمر - لا يستحق -

كلما اروح للمتنبي افتقد عمو ابو علاء
الله يرحمه مكانه خالي

هسة بغض النظر عن الاسباب الشخصية الي تكون ممكن ادت للانفصال وممكن يكون سبب تافه بالحقيقة ..
لكن العلاقات بصورة عامة تنتهي اذا جانت مو بنفس المستوى من النضج والوعي بيها
ممكن تنتهي لأن جانت مرحلة استكشافية ، الي تكتشف بيها من خلال هل علاقة شنو يناسبك .

- الرساله ؛ لما تنتهي العلاقات ، برأيج شنو ممكن تكون الأسباب؟

على كل إنسان أن يتحلى بقدر كاف من البجاحة والجرأة على إحراج الآخر كي يحمي حدوده وخصوصيته وصحته النفسية .

حتى لو كان قويًّا ‏يحبُّ الإنسان ‏شعور أنّ شخصًا ما ‏مشغولٌ بحمايته.

‏- سعود الحمد

وقابلتك انتَ لقيتَك بتغير كُل حياتي ..

هاي فعلاً حركات ..

لكن حركات بيها رحمة ورأفة بالحيوان و مو نفس الحركات الي انتِ تقصديها

النبي محمد (ص) بحديث قال؛ (في كل كبدٍ رطبة اجر) يعني الاحسان لازم يكون لكل كائن حي سواء انسان او حيوان ، لكل كائن له (كبد ، عضو حيوي) ورطب( يقوم بوظيفته) حناخذ اجر بالاحسان اله
وهذاك اجر وهذا اجر وعمل احد الاجرين لا ينفي احدهما ، يعني ممكن اني اليوم اكون سويت هيج وحجيت بي هم حتى الناس تنتبه لهل شغلة واحتمال تسويها مثل ماسويتها اني ، لكن لمن اتصدق لأنسان مراح اجي وانشر هذا حيبقى بيني وبين الله فمنو انتِ يا بشر حتى تدخلين بأعمالي وشنو اسوي وشنو ما اسوي ؟

معقول واصلة لهذا المستوى من التدخل والانحشار ؟

- الرساله ؛ لو متصدقة بيهن للفقرة بدل هلحركات 🙂‍↕️

واخيرا ، وكيند ومو ويكند عادي
ويكند ويا الراتب ، و اول شي صرفته من الراتب اشتريت اكل للبزازين الي كل يوم اشوفهن يبحوشن ع اكل بس ما جان عندي غير الكروة الي ارجع بيها للبيت ..

الحمدالله ❤️

صح عندي هواي مكياج بس ما استعمل بروتيني اليومي اكثر من الاساسيات😆

وبما انُ الجامعة دوام روتيني ويومي ف هم لازم تسوون هلشي ، واساسيات المكياج هي

مرطب او برايمر قبل المكياج
فودنيشن / cc او BB لأن تغطيته خفيفة ومناسبة للبشرة وبي نسبة ترطيب
كونسيلر / فيتمي او note
لوس باودر اي نوع
ومسكارا انسس وبس هيج

وهذا بيج بالانستا عدهم عروض البوكس مال ميكب كامل بـ ٢٠ الف بس وبي كلشي ، صح مو الاصلي بس مجربته وميفرق شي عن الاصلي . هذا حسابهم هنا