قصيدة المولاتنا فاطمة الزهراء (ع) وزن تجليبه ┄┅═✧❁★❁✧═┅┄ حـــــزنـان الحسين اينـوح هالليله والمدمـع دمــه عالطاهــره ايسيله ┄┅═✧❁★❁✧═┅┄ الفگـد ام الحسن مرجـــونه دنيانه وظـــل حسين ينعئ بروح حزنانه يلطـم عالصدر محـــــزون مولانه ومـــن كثر البچي مهدود کل حیله *✍🏻إسراء الواسطي* ┄┅═✧❁★❁✧═┅┄ عليهــا الحيـل راكــد والدمع مدرار يبجي اعـله الحنينه والگلب محتار بعــد عيـن الزجيه مــوحشه هالدار احسين يـــون عليهــــا ونته ثجيله *✍🏻مريم الحجيمي* ┄┅═✧❁★❁✧═┅┄ ونـــــاته ثجيله الــــــوالي عالزهره وسط روحه بقت مستعـــره الجمره دليله ملتهـــب عالفــــرگه شيصبره حــــزن البلگلب يانـــــاس شیشیله *✍🏻ام زهراء الزيداويه البصراويه* ┄┅═✧❁★❁✧═┅┄ حــــزنان ويــــون والگلب مالوم بألـم يبجي وهظم والحيــل مهدوم تجـري دمعتـه اعـله امصابها ادموم الحنینــــه افـــــراگها عـذب دليله *✍🏻سهام المالکي* ┄┅═✧❁★❁✧═┅┄ گعــد وينــــوح وبگلبه تشــب ناره يـــــون ونت حـزن ودموعه تجاره مـــايگـــدر يطـــب حسين لادياره بعـــد امـــــه الزجيه الهـــم يتچيله *✍🏻زهراء ام حسين لزيداويه* ┄┅═✧❁★❁✧═┅┄ تــــمت بقــــ✍🏻ـلم خادمات أهل البيت عليهم السلام لا أجيز حذف أسماء الشاعرات نسالكم الدعاء لتعجيل الفرج لصاحب الزمان(( عج )) https://t.center/youoo25