#yoshlar_ovozi Ozod qushga Osmon, sen yashagan moviy tushlardir – Endi kezmoq mumkin somon yo‘lini. Qo‘shningga aylangan charloq qushlardek Jim qarab turmaysan ruhiy o‘limga. Mansabi eng oliy zotlilarining Tilla patlariga oshno ayyorlar. Tushimda yaltiroq qanotlilarning Go‘shtidan bir oqqush ovqat tayyorlar... Alhazar, tushlarga suv sepgin, qaqnus, Tunlari bog‘ingni asra, boyo‘g‘li. Yeyishdan tolmagan ul kalxatlarning Yayrab yashayotgan makoni – tog‘li. Sen esa uchaver erkni his etib, Ozodlikni istab, bahorni xushlab. Bir kun o‘z ko‘kidan qattiq yiqilar “Balandparvoz” qushlar, “havoyi” qushlar... Nilufar ERGASHEVA “Yoshlik” / 2023 / 6 @yoshlikjurnali yoshlikjurnali.uz