#olis_yaqin_ovozlar ★ ★ ★ Tomosha haqida e’lon berildi, Kurashga to‘plandi butun olomon. Boshlandi! Birinchi soniyadayoq Yuztuban yiqildi tuproqqa polvon! — Halol!!! Chapaklar portladi sotqin qo‘llarda, Burungi zafarlar eslanmadi ham. Mag‘lub bo‘lgan polvon yaktakni olib Chiqib ketdi davradan. Ketdi-yu kosaga to‘la may quydi, Sipqordi, har kuni to‘xtatmay quydi. Oradan vaqt o‘tib, odamlar uni Polvonga ham o‘xshatmay qo‘ydi. Qachon tomoshadan to‘ygan olomon?! Polvon o‘zgartirdi eski mashqini. Qishloq kuzatardi endi u har shom Ichib xotinini do‘pposlashini. Jonibek ALIJONOV Yoshlikjurnali.uz @yoshlikjurnali