دموع الندبة 🕊

ليلة علي الأكبر.. ( سنديني ).. 🏴🏴


سنديني سنديني.. ياختي راح امدللي
سنديني سنديني.. ماتسمعي صوته علي

°°°°°°°°°°°°°°°°

ياختي زينب قومي هالساع
رِجع لج اخيج مكسور قلبه
يالحنونه سنديني كثره اهات
ضميني ماقدرت اظل قربه
تركت ابني وجيت يمج
اخيج يالحنونه مايدل دربه

اقسم إعليج وحق اخر انفاسه
ماقدرت احمل ابني الخيل داسه
ابحنيني ابحنيني... راح مني وماظل إلي
سنديني سنديني.. ياختي راح امدللي


°°°°°°°°°°°°°°°°

بوسط الجراح من سمعته
يقلي يا بويا مع السلامه
اركضت للصوت كبر همي
رماح شكثر ماتنعد اسهامه
بوسط قلبه لو تشوفين
جرح وجرح بوسط العمامه

شفته يختي اعلى الارض راسه
اظن ابني قبل موته شكثر قاسى
انظريني انظريني .. ياختي بس اتحملي
سنديني سنديني.. ياختي راح امدللي

°°°°°°°°°°°°°°°°

ياختي زينب قلبي مرتاع
اسمعي فيه اخر انفاس الولد
من حضنته وقلي بويا
ما شبعت من وجهك بعد
حضني حضنة اوداع
واخذ صبري قلبي انمرد

اخذْ انفاس قلبي ويا احساسه
ضَمني بصعوبه والراس باسه
صبريني صبريني.. ليته قبله مقتلي
سنديني سنديني.. ياختي راح امدللي

°°°°°°°°°°°°°°°°

عِشت حاله ياختي هَدت كياني
ارفع صوب من الولد يوقع الثاني
يختي والخيل من وصلته
يعتفر من الجراح شفته يعاني
ينزف ابني من كل الجراح
ليت الصاب ابني بسهمه رماني

راحت ياختي من اخيج ناسه
والنِعم بوليدي بروحه واسى
ساعديني ساعديني .. انذبح أول هلي
سنديني سنديني.. ياختي راح امدللي

فاطمه العليله.... ( ياغالي ) 🏴🏴


بسفركم احس أنا المسبيه
كنه بقلبي جرح غربة رقيه
ومن جفوفي كنه طاح الماي
وعلى صدري الخيل رايح جاي
آه آه آه ياغالي

°°°°°°°°°°°

شويه تاني يالمصابك تارس الدنيا دمع
بين حضنك ضمني بويا ونبضك استمع
خل اشوف بروحتك وحدي يا هم اجترع
ضمني قوه يا غالي حزني بعدك يتسع

خل اشم عطر نحرك
واخر ابتسامه بثغرك
ابتسم يابويا ولا تهتم ابد لبجاي
وعلى صدري الخيل رايح جاي
اه اه اه ياغالي

°°°°°°°°°°°

أحس بشفافي بويا من العطش ذبلانه
وبصدري جرح و بسهم المثلث حيرانه
وكنه يا بويا من ايدي فاقده خنصر انا
و على راسك بقد رقيه ابنيتك ولهانه
اموت اعلى راسك اتمنى
واتلاقى انا وياك بالجنه
واخبرك بالشوق شقد جواي
وعلى صدري الخيل رايح جاي
اه اه اه ياغالي
°°°°°°°°°°°


عليله شقد اتحمل جرح شقد اتصطبر
كن سيف الشمر يتهبر بويا بوسط منحر
وباثنعش ضربه قوه يالغالي النحر يتطبر
من ابعيد كنه حجر بجبيني دماه تتفجر
واعلى صدري طفل منذبح
وراسي ويا راسه عالرمح
تنزف من الجسد والراس ادماي
وعلى صدري الخيل رايح جاي
آه آه آه ياغالي
°°°°°°°°°°°


من هسه احس بأوجاع السبي والغربه
وكنه من ايدي يابويا طايح ماي القربه
كن اشوف اجساد مذبوحه اعلى التربه
احس بوحدتك بويا ونتك اشقد صعبه
الخيمه محروقه يتراولي
اركض وياهم اتخيل حالي

يرتفع مثل صيحة سكينه انداي
وعلى صدري الخيل رايح جاي
آه آه آه ياغالي
°°°°°°°°°°°

الشمس غابت وجرح عاشر ابد مايغيب
مثل زينب عمتي بالغربه راسي يشيب
والماي بعد موتك بالعطش شلون يطيب
والجرح اكبر واكبر كن احجابي سليب
واعلى ناقه مهزله
طالعه من كربلا
ضعن الحرم بالضرب يحدي الحداي
وعلى صدري الخيل رايح جاي
آه آه آه ياغالي

ليلة الثامن من محرم.. القاسم عليه السلام.. 🏴🏴

( صعبه عمه ينكسر )


صعبه عمه ينكسر
لاحق على سيف الشمر
°°°°°°°°°°

طلع عني وقلبي هوى.. صعبه عمه ينكسر
وضاع من عيني الضوا.. صعب عمه ينكسر
مشى وخذ وياه الهوا.. صعبه عمه ينكسر
دمع وفراق شكثر

°°°°°°°°°°°°


دعيت لله يحرسه.. صعبه عمه ينكسر
وهدوم الزفه البسه.. صعبه عمه ينكسر
ولا سيف العدو يلمسه.. صعبه عمه ينكسر
يرجع وليدي منتصر

°°°°°°°°°°°


عمه من الحزن بسه.. صعبه عمه ينكسر
للموت رايح احسه .. صعبه عمه ينكسر
ربي نفس الحسن نفسه. صعبه عمه ينكسر
هو الامل هو الذخر

°°°°°°°°°°°°

رايح بثياب الكفن.. صعبه عمه ينكسر
وعين عمه بالحزن.. صعبه عمه ينكسر
وليدي يرجع مااظن.. صعبه عمه ينكسر
روحته روحة قبر

°°°°°°°°°°°

ودعني ابني بابتسام.. صعبه عمه ينكسر
قَلي ما ينفع كلام.. صعبه عمه ينكسر
وقت الرمح وياالحسام.. صعبه عمه ينكسر
قلبج بقاسم يسر

°°°°°°°°°

صحت قومي يازينب.. صعبه عمه ينكسر
موقفي صار يصعب.. صعبه عمه ينكسر
الحزن بالراس شيّب.. صعبه عمه ينكسر
يرجع الغالي انتظر

°°°°°°°°


قلبي خايف عالحسين.. صعبه عمه ينكسر
اسمعت بوداعه ونين.. صعبه عمه ينكسر
يصيح صاحبني الحنين..صعبه عمه ينكسر
كل شبابي تعتفر

°°°°°°°°


قوليله يفداك ابني .. صعبه عمه ينكسر
وعليه مايستمع وني.. صعبه عمه ينكسر
وبقلبي يصير حزني.. صعبه عمه ينكسر
واشعل بقلبي جمر

°°°°°°°°

همنا كله للحسين.. صعبه عمه ينكسر
ويرضا عنا امقصرين.. صعبه عمه ينكسر
لو عندي غيره بنين.. صعبه عمه ينكسر
فدوا له كل العمر
°°°°°°°°°°°

بس لانشوفه منكسر.. صعبه عمه ينكسر
وعلينا خايف باليسر.. صعبه عمه ينكسر
قوليله عنده العذر.. صعبه عمه ينكسر
لاحق على سيف الشمر

الليلة الاخيرة
.. ليلة عاشر من محرم

🏴🏴🏴🏴🏴

الليلة النظرة حيرة
ليلة حزن ليلة مدامع
بصلاة الجرح كلا يصلي
صلاة فراق وموادع
التمن اعلى خيمة زينب الهواشم
وبحال قلوبهم بس الله عالم

………………

حيرة وبجي ووداع
وفيها الفقد يصفن
اجا خيمة الحوراء
اعلى بابها يستأذن
احسين وبني عدنان
عيونهم بالالم يبجن
ها يامدلله تأذنين
يالبيج الصبر يسكن
نسهر سوى وياج
وقلوبنا بس يحجن

فزت زينب وبهمها قلب لهفان
اهلا عزوتي اهلا يابني عدنان
يالبيهم رافعة راسي بين العوالم
………………

هلا بننظير الروح
ياكل ايامي وسنيني
وين ماالتفت بالنبض
القاها يم احسيني
انت الذخر وكل ناسي
وانت ضيا عيني
جَيتك جية قلب
فزة شوق بشراييني
حياك يابن امي
يالبعيونك مخليني
شلون احتمل فرقاك وفقدك يابن امي
يالتجلي همومي وباجر ذبحتك همي
ماريد طاري فراق عسا بس تظل سالم

………………

ضمها الاخو الحاني
احسين والدمع هامل
دام انا حي موجود
عن دمعج فلا غافل
واخوانج فلا يقصرون
كلنا لج حمى وكافل
ظهر وسند لج خيه
لو شفنا الحمل مايل
تدللي يااخت الروح
لاشوف الدمع سايل
ماريد بخدج تجري ياختي الدمعه
دمعتج منها احسينج يختلف وضعه
هذا القدر جاري واشوف لمقتلي راسم


………………
التفتت للقمر زينب
ياهلا برفعة راسي
هلا بكافلي الحاني
هلا بروحي عباسي
مادام حي موجود
ماينجرح احساسي
بعدك يااخو الروح
شلون اتحمل واقاسي
وانت العهد وواعدني
تظل لي اعز ناسي
شلون اتحمل نتفرق يانبضه بوسط قلبي
وانت الواعدني تبقى ظل إلي بدربي
ترضاها ياخو زينب دمعي اعلى الحزن ساجم

…………………


مسك ايدها العباس
وتلاقت النظرة بالنظرة
سكته بقلب لهفان
وبالصدر بقت حسرة
انا كافلج نادى
وانا الواعد الزهرا
ادللي اخت عباس
لاتُكسر بصدرج العبرة
فدوى الج العيون
وتفداج اليمنى واليسرى
مايمس قلبج خوف وانا من علي كافل
من يرتاع القلب صيحي ها ياابو فاضل
وانا لجل عيونج افني الارض والوادم


………………
زينب بقلب لهفان
التفتت لشبيه الجد
هلا بجمالك علي
هلا بخد الورد
ياوراث صفات اهلي
اهل الشيم اهل الود
انا ادري بوجودك
لروحي سلام وبرد
خوفي من اتروح
يوصل عدونا الحد
يفرح قلبي بشوفتك ياشبيه المصطفى
وانت من الخمسة ياعلي وارث كل صفه
عسى بشوفتك حبيبي النظر دايم

…………………

قبل ايدها الاكبر
ياعمه امدللة حيدر
قلبي على خوفج
لا ترتاعي من العسكر
كلنا فدوى لعيونج
قلبج لا يمسه الضر
يامعلمه الصبر صبره
وانتي له أم والسر
اطلبي ياعمه وامُرينا
ونادي ياعلي الاكبر
لا تخافين لا تنجرحين وعندج الاكبر علي
ياعمه احنا همنا مايتبدل دلالج الاولي
بس المعذرة منج لو وصللج عدو ظالم

….………………
نظرت بعين جاسم
وعيونها تلالي
هلا بروح الحسن
هلا يريحة الغالي
ياغصن وردة
ومن الحسن والي
يالبسمتك حلوه
راسي بيك عالي
من اتروح عني
يبني تتغير احوالي
روحي انت ياذكرياتي من الحسن
وادري بوجودك مايوصلني الحزن
بس شلوني من اشوفك للمنيه عازم


…………………

حضنها القاسم العريس
لا تخافين ابد ياعمه
من الحسن مذخور
كل حزنج انضمه
وعندي بس حلم واحد
الله لايحرمنا هالبسمه
لو يحصل حلم ثاني
الله لا يضيع منا هاللمه
بس انكتبت الاقدار
عمنا و نجلي له همه
اتدللي ولا تخافين عمتنا يالحنونه
ووجهج بوجودي ابد لاينخطف لونه
عندج بني عمي واعمامي والقاسم

……………………
دارت عينها زينب
بعيون اخوتها واهلها
نظرت واحد لواحد
وبس الدمعه تهلها
محلكم هنا كربلا
هذي الباري فضلها
الوعد لروحي والذخر
يروح مني كافلها
عني تروح الغوالي
عزوتي هذا محلها
ادري بيكم ياخوتي ياا هلي وبنيني
غالي اعليكم حزني واهاتي وونيني
بعد افراقكم بس انتظر طلعة القائم
بعد افراقكم بس انتظر طلعة القائم

علي الاكبر عليه السلام 🏴... ( يابني )

يابني.. وين رايح ياعلي.. يابني
ابقى لي يامدللي .. يابني
يميل بعدك محملي.. يابني

°°°°°°°
طلعتك من خيمتك بقلبي حسره
صارت اسرع من رجوعك
ظليت بخيمتي كل ساع انادي
علي يابني اشعل شموعك!؟
احسب مرات احساب الزفافك
وينمزج دمعي بدموعك
عرسك... مايهنا لي اشوف... عرسك
بالطف تبدل بالسيوف... عرسك
بس ذكرياتك ظلت إلي .. يابني
°°°°°°°


كانت اسرع لحظه مرت بحياتي
لمن قلت لي مع السلامه
واركضت خلفك اناديك بحسرتي
فدوى لابني ينصر امامه
بس يبني وين القى ذكرياتك
من يشقوا الك هامه
وينك.. يالرايح بقلبي جرح.. وينك
وليدي رايح ينذبح ..وينك
ليته قبلك مقتلي.. يابني
°°°°°°°


ابجمالك رحت مني ورده عطره
محلا الولد ابني طوله
وعوذتك بطه النبي وعلي جدك
العدو مراده ماينوله
قلت يرجع الغالي واشم لعطره
بس شفت العمام حوله
شفتك ...وردة بجرحك ذابله ...شفتك
ليت امك راحله... شفتك
لاتاخذ ياموت الولي.. يابني
°°°°°°°°°


شفتك على اكتاف العمام وياعودك
وافرشت دمعي بالبشاره
قلت متصوب و راجعلي نظر عيني
يا هلا بوجه الغياره
لوليدي صد الحسين ابدموعه وبانت
للحزن اول اشاره
شفته... ينظر عيوني بحزن ...شفته
احسينه بهدوه يون ...شفته
كنه يقلي استقبلي.. يابني

°°°°°°°°

حوله اعمامه والغريب يبجي سكته
صار ضجه بخيمة ابني
اسمعت كلمه ارجع ابني بقلب ذايب
رِد عليا حيرتني
صحت ياعمته قومي هالساع
كنه ابني كَتَب حزني
قومي... خايفه على ابني بعد ..قومي
وعايني حال الولد... قومي

ولو حي ابني هللي.. يابني

°°°°°°°°

اترخصي من والده ادخل خيمة ابني
وبعيني انظر لاحواله
اشوفن كم جرح صايب طوله حبيبي
وكم سهم زينب اجاله
خلوني ويا الغالي اداوي جروح منه
عسن لا الموت ابني غاله
مرتاع .. قلبي اعلى الشباب .. مرتاع
الله لا يكتب غياب .. مرتاع
نشد جرحه اتحملي .. يابني

°°°°°°°°°°


من قربت لخيمة ابني قلبي ذايب
وشفت يا وسفه منظر
من ابعيد اشوفن بالمدامع والنوايح
ابو السجاد حاضن بلقمر
ويصيح الله يعظم اجرك ياحبيبي
راح منا علي الاكبر
ظليت.. ماكملتها خطوتي.. ظليت
صحت لا ياحسرتي.. ظليت
بس صرخه مني تعتلي..يابني



القصيدة بطور : دنيا

https://youtu.be/qZYVK8KMML0

ليلة الحادي عشر.. 🏴 ( فرت الأيتام )


اطلعت من الخيام.. من فرت الايتام
وانا اعلى ممشاهم يجري دمع العين

°°°°°°°°°

انا بعصر عاشر من حركن خيامي
دارت خيول وزلم والجدم دامي
اطلعت ألمن بالنسا واجمع ايتامي
أدورن بالشرد وبالمنسحق ضامي
فرت بدهشه.. وبالقلب رعشه
تسبق اعداهم.. يجري دمع العين

°°°°°°°°

اشوفن سكينه ورباب وتضيعن ارقيه
ومن سحق الخيل ماتت كم ضحيه
اشوفنهم من ابعيد وادماهم جريه
مات من الضما بالارض صارت عزيه
الدما تتقاطر.. من صبح عاشر
الله يادماهم.. تجري دمع العين

°°°°°°°°

رديتهم بخيمه وحده ياعظم الرزيه
بس ايدي على خدي و دمعاتي جريه
اخافن منهم ضايعه ووافتها المنيه
عددت بيهم وحده وحده ونَفَس مابيه
وينه الوالي.. هامت اطفالي
مااحد جاهم.. تجري دمع العين
°°°°°°°


من َهدت صوت الزلم صوت الحوافر
قمت من الخيمه ادور على ضوى الناظر
اعتذر منه واقله ظل القلب حاير
قوم ياخويا بعجل ماخلص يوم العاشر

دمعه مجريه .. ونة مخفيه
مابقى راحم .. تجري دمع العين

°°°°°°°°°°°

من امشي اخافن باجسادكم اتعثر
خايفه الجم جروح الغايره دمها يتفجر
بس على هونكم ياهلي منكم اتعذر
لو سمعتوا صوتي ادري بالجرح اكبر
لو ارتفع صوتي .. عذروني ياخوتي
وين القاهم .. تجري دمع العين

°°°°°°°°°°


اريد اتودع منكم واصيحن قبل الوداع
اعذروني اخوتي لو جيتكم قلبي مرتاع
ماحضرت ليكم ياهلي بوقت النزاع
بيدي اضمد جرحكم جيتكم هالساع
خويا مايسمح .. وداعكم يجرح
الله وياهم .. تجري دمع العين

°°°°°°°°


بطور قصيدة : فاطمه كل عام

https://youtu.be/2TbYtmnhO7k

ليلة الأنصار 🏴... ( لبيك)


لبيك لبيك لبيك لحد قطع النحر
لبيك لبيك لبيك لحد قطع النحر

°°°°°°°°°°

انصارك احنا ياحبيبي ياحسين
لو ننفنى لجلك نبقى مقصرين
نحيا لجل عيناك ولجلك ميتين
مانقبل الذله احنا لك ناصرين
انصار انصار انصار و الراس منا ينبتر
لبيك لبيك لبيك لحد قطع النحر

°°°°°°°°

نموت سبعين مره مانترك حماك
ننصر اطفالك ونصبح لك سماك
نموت اعلى نهجك ونتبع هداك
ونستقبل الظالم لو بسيوفه جاك
نفداك نفداك نفداك والعدو لا ماينتصر
لبيك لبيك لبيك لحد قطع النحر

°°°°°°°°°
نروي بدمانا اراضي كربلا
وغير الفدا لجلك ابد مانقبله
ونصيح بلموت يامرحبا فيك وهلا
بس اعذرنا لو اجت اخيول امنعله
ميتين ميتين ميتين على الغبره نعتفر
لبيك لبيك لبيك لحد قطع النحر

°°°°°°°°°

الشمر عالارض ترتاح لا يلمحك
يجيك مغضب رايد مذبحك
بسيفه يهبر نحرك يجرحك
وتالي خيول عشره تسحقك

غضبان غضبان غضبان ... ويقلب منك الظهر
لبيك لبيك لبيك .. لحد قطع النحر
‏
°°°°°°°°°

لو يصير بعد مذبحنا لك نعود
نبعد عن مقتلك كل ظالم حقود
وكلاً منا لجلك بروحه يجود
وهذا اقل شي نقدمه لجل الخلود
لحماك لحماك لحماك.. بالحشر انت الذخر

°°°°°°°°°°°

ومتن زينب مايوصل له زجر
قبل يضربها نشق له الصدر
وماتروح امخدرتكم لليسر
والعبايه الشمر ليها مايجر
زينب زينب زينب.. امدللتنا ام الخدر
لبيك لبيك لبيك لحد قطع النحر



بطور قصيدة : خدام نبقى لفاطمه

فاطمه العليله 🏴... ( صعب يافراق )



صعب يافراق انتظر وانا عليله
و تدري بالشوق ايامه طويله
يطول بيا الوكت.. وللباب بس التفت
وانا الحبابي بس دمعي اسيله
وانا الحبابي بس دمعي اسيله


°°°°°°°°°°°°°

صعبه صعبه مااصبح بنظرة عيونك
احسبني يا والدي من باقي سنينك
من يجي السهم وبحَجرهم يرمونك
اموت على الرمل وبجرحي يغطونك
من تلعب خيلهم خل اضلاعي يفدونك
خل اصير لك كفن.. يالكلك ليا وطن
ومن يجري شمر مغتاظ اجيله
وانا الحبابي بس دمعي اسيله

°°°°°°°°°°°°

خلني قربه بإ يد عمي المّن الماي
من يجي السهم بويا اصده بيمناي
ومن يجي سهم العين اسرعله بعيناي
من يطيح العمد واشوفن عليه جاي
احط روحي فوق عمامته واقله يسقاي
عمي بخير انتَ .. عمي لا تظل سكته
وللنهر ما اخلي ابد يعتنيله
وانا الحبابي بس دمعي اسيله

°°°°°°°°°°°

خلني بويا درع على قلبه حبيبي
اناديه يظل بخيمته روحي ياغريبي
من تجيه اسيوف اخليهم نصيبي
خل ينترس على حب الاخو شيبي
واصيحن للشمس اترجاج غيبي
لا توصله الخيل.. دم اخويا لايسيل
وحصان الاخو اصير انا دليله
وانا الحبابي بس دمعي اسيله

°°°°°°°°°

رايح مودع الله يابو النفس الحنونه
رايح وقلبي على نزف الدمع تخلونه
رايح واحسّن هسه عمري انخطف لونه
رايح يا نبض بكل العمر ياضوى عيونه
رايح وقلي من توصل سفركم شلونه
عمري من الصغر محروق..يسموني طفلة الشوق
ويحجي لي الحزن وانا احجيله
وانا الحبابي بس دمعي اسيله

°°°°°°°°°°°°


تروح يالغالي ويظل بس الحزن عندي
اشكي غربتي واروح اعلى قبر جدي
واقول يا جدي بموطنك ظليت وحدي
غربتي مثل غربة يتيم دمعي على خدي
واصيحن يا لمة احبابي اترجاج ردي
ظليت ماعندي احد.. اخذني لقبرك ياجد
لو ياخذني الابو اموت بسبيله
وانا الحبابي بس دمعي اسيله

ندعي بالسلامه

ليالي استشهاد امير المؤمنين..


🏴🏴


ندعي بالسلامه
احنا وهاليتامى

يتمم علي اصيامه
وتقر لنا هالعين وتقرلنا هالعين
🏴🏴🏴🏴

من عزم ابويا وراد يطلع.. كنها روحي فيها نار
اسمعت من انغلق بابه... اسرعت عند عتبة الدار
قلت بويا لحظه لحظه.. قلبي ماعنده اصطبار
من طلعتك قلبي خايف.. مدري ياروحي اشصار

بويا شويا اوقف.. اسمع قلبي يرجف
دمعي اعليك يذرف.. رايح بويا لاوين

🏴🏴🏴🏴
ضمني الغالي بحنانه... واسمعت انفاس الدلال..
قلت خلك بويا هالساع . قلبي عنده كم سؤال
هذي روحه وبيها رجعه.. لو روحة المابيها وصال..
اوقف اتانيك اعلى بابك .. لو اجر للخيبه اذيال

جاوبني بحنانك .. ياخذني امانك ..
دموعي اعلشانك .. تجري بويا صوبين

🏴🏴🏴🏴

قلي بنتي لدار رجعي .. وتسمعي صوت النداء
جبريل بصوته من ينادي .. انهدت اركان السماء
لا يرتاع بنيتي قلبج ... بعد الفرض عندنا لقاء
صبري يازينب اصبري .. بنتي استعدي للعزاء

لدار بنتي عودي .. وادعي ياربي عودي
انذبح بنتي بسجودي .. تصير الهامه نصين
🏴🏴🏴🏴

من طلع عني ابويا .. قلبي احسّن منكسر
هدأت نبضي بصعوبه.. راح ابويا وانتظر
قلت يصلي وليا يرجع.. يسلم الله له العمر
صوته ياربي اسمعه.. بقلبي نبضه يستقر

اذان الله اسمعه.. ونزلت مني دمعه
قلبي بحزن ينعى.. خايف على حمى الدين

🏴🏴🏴🏴

اول ركعاتي اركعتها .. حسيت بدمعي يسيل
الثانيه وحزني على قلبي .. اسمع صوته بعويل
صيحة من السما كنها .. بدى يصّوت جبرائيل
انهدت اركان السلامه... حيدر بمحرابه قتيل
فزيت بصلاتي .. دمعاتي تحاتي
ياربي امنياتي .. يرجع لي الغالي الحين

🏴🏴🏴🏴

ساعه وانا اعلى بابه ... ماظل بقلبي صبر
من ابعيد الاخوه اشوف.. حاملين ابويا اعلى الصدر
شلون اوقفت على طولي .. قلبي شلون بيا مستقر
هوت امن عيوني دمعه .. وبقوه اسمع انفاسه يجر
ناشدت الحسن عنه .. من هالشايلنّه ..
قلبي خيّبلي ظنه .. لا يكون ابو احسين

🏴🏴🏴🏴

اجاني العباس يبجي.. ياختي للدار دخلي
مسك ايدي وضمني.. دمع عينج هسه هملي
هذا فارسنا الحاملينه.. هذا ابونا حيدر علي
ادعي يازينب بالسلامه.. همنا بابونا ينجلي

هذا فارسنا حيدر.. راسه يختي مطبر..
ادعي الله يستر.. منشقه الهامه شطرين

🏴🏴🏴🏴
قلت ياخويه خل اشوفه... واشد للوالد هالجرح
شفت متغير منه اللون.. كنه ابويي قوه منذبح
شلون هالجرح ياخواني.. متغير ابو وجه السمح
وجهه اصفر والدما تجري.. صعبه شلون طلعة هالصبح
فاله فال السلامه.. صعب شقة الهامه
اخواني وين العمامه...خل نشد الجرح زين

١٩ شهر رمضان

حيدر لا طاح... 🏴

بدموع موجوع قلبي من حيدر راح
صليت ادعيت يارب حيدر لا طاح
دمعي يجري... ربي تدري .. بويا عمري يارب حيدر لاطاح



🏴🏴🏴

ربي روحي موجوعة من حيدر طلع عني
متحزم كنه للموت فتح بابه لمنبره متعني
مشى الوالي وقلبي احسنه مشى مني
بقلبي دعوات السحر والدمعة تخنقني

رديت.. بالبيت... وقلبي حاسس بفراق
هالروح.. وتنوح.. من هسة احس مشتاق

وينه صبري.. وكلته امري.. بويا عمري.. يارب حيدر لا طاح

🏴🏴🏴


عيوني على بابه شابحة من عني الأبو راح
سمعت اذانه الفجر وقلبي صفن مرتاح
يعني والدي سالم من كل وجع وجراح
يامؤنس الروح الخايفة ياوجه الصباح
حنيت .. اترجيت يارب يرجع حيدر
محتار ... بالدار قلبي ظل يتنطر
لله نذري ..اوفي يدري .. بويا عمري يارب حيدر لاطاح

🏴🏴🏴

ابصلاتي وقلبي ودعائي ياعلي يردد سوى
و احسّن بالسجدة الاخيرة اختنق مني الهوا
عمت عيني كنه غاب عن عيني الضوى
شوفي من محياه و جماله بعده مارتوى

اشتاقيت ..للبيت..اشوفه ويستر قلبي
ايعود ..العود.. اترجى سالم ياربي
وجوده سري ..ظلي ستري .. بويا عمري .. يارب حيدر لاطاح

٨/١٥
١١٨٨ ربيع من الانتظار


بسم الغياب المضيع الصابر..
إلى الضوء الساكن خلف حجب الجمال..

سيدي المولود في الخامس عشر من شعبان.. الموعود بالغياب
أما بعد :
بين ملامحك يسكن الربيع
وبين وجنتيك زرع الورد
وعلى شفتيك مرآة الضوء
ترقب الطلعه
وتسكن البعيد
بين يديك سبحات الحب
وياسمينات اللقاء..
فيتساقط الأمل في خريف انتظارك ..

أيها المخّلص
جُد على اشتياقي بنظرة
وخُذ بقلبي على باب السلام
بين حنان ندبتك وجوار خدمتك ..
صاحب زماني أيها السيد الحاني *تقبلني*

وسلامٌ على غيابك ورحمة الانتظار وبركاته..

سجنك قاسي .. استشهاد الامام موسى الكاظم عليه السلام 🏴

ضايق صدري ... امن سجوني
وعني الهوى ... يحرموني

سجنك قاسي وباحساسي قيود العليل
جفني ذابل .. بدموعه
وقلبي كاسر ... له اضلوعه
وذايب عظمي من قيدي الثقيل
من قيدي الثقيل

■■■■■

سجين وقلبي مهموم وقت الفرح يايوم

مطول قلبي بجراحه
اظلم سجني مصباحه
بعد مابيه ابد أي راحة
وين القى السلام وين القى السلام
قلبي يدور النور ضايع كني ببرور
جلد ماظلت بقوتي
باح من الدمع صوتي
كلامي اصبح اسكوتي
أاشر بالكلام أاشر بالكلام

جرحي ينزف .. دمعي يذرف .. ماعندي دواء
ردتك حاني .. صدري يعاني ..مخنوق الهواء

خفف قيدك .. وادعيلك
عاين ساقي .. يحجيلك

ينزف دمي وامتوني تميل وامتوني تميل

■■■■

حاير وصدري مكتوم تنزف بكثرة الدموم
بسجني ومايرخي سجانه
قاسي ويسبني بمجانه
يذكر كل ساعة سلطانه
يهدد بالضرب يهدد بالضرب
اقول الله وياي وعلي يجي عناي
اشكيله وجع قيدي
وحباله الحزت وريدي
كافي ياأرض بيدي
وضعي هالصعب وضعي هالصعب
بحباله يجرني .. قصده يذلني واوقع بالأرض
قوة ضربني .. خدي صفعني
اضلاعي ترض ..
سمعت حجاية .. آذاني
يشتم فاطم .. بجاني
شتمها وبس دمعي يسيل وبس دمعي يسيل

■■■■
وقوفي كل بركوع اخفف مني الروع
صلاتي كلها حنيه
اشكي لله وش بيا
كن طامورة وقعت عليّا
احس بالشتات احس بالشتات

ادعو بسجني بقنوت عجّل بيا ياموت
لو للأهل خذ روحي
كافي طالت جروحي
يمنعني حتى من نوحي
قربني الممات قربني الممات

ردتك ياموت .. خذني بتابوت .. يرتاح الجسد
محروم النوم .. قيدي مسموم ..مافيه ضمد

سجني قاتل .. احلامي
تموت بطاموره .. ايامي
ذبل غصني وعذابي طويل وعذابي طويل

■■■■

شهور وتتبع شهور وقلبي يظل مكسور
بالغربة واشتاق لاحبابي
ادري وياك ماينفع اعتابي
بس هسة الشوق دق بابي
واحس بقلبي نار واحس بقلبي نار
شوق ويحرق قلوب شمعة بصدري تذوب
بيدي كن ماسك الجمرة
وعيوني من البعد حمرة
والحياة بلا أهل مرة
عايش بالحصار عايش بالحصار
شوقي الأهلي .. صوت يقلي .. يالمسافر تعال
بنتي اتاني .. وروحي تعاني ..غاب الوصال

شوقي يذبح .. واتصبر
بالغربة ابجي .. واتصور
زيارة شوق بقلبي ودنيايا ليل ودنيايا ليل

■■■■


بطور شفتك مقتل


https://youtu.be/UJbEMflB1Q8

الليلة الاخيرة
.. ليلة عاشر من محرم

🏴🏴🏴🏴🏴

الليلة النظرة حيرة
ليلة حزن ليلة مدامع
بصلاة الجرح كلا يصلي
صلاة فراق وموادع
التمن اعلى خيمة زينب الهواشم
وبحال قلوبهم بس الله عالم

………………

حيرة وبجي ووداع
وفيها الفقد يصفن
اجا خيمة الحوراء
اعلى بابها يستأذن
احسين وبني عدنان
عيونهم بالالم يبجن
ها يامدلله تأذنين
يالبيج الصبر يسكن
نسهر سوى وياج
وقلوبنا بس يحجن

فزت زينب وبهمها قلب لهفان
اهلا عزوتي اهلا يابني عدنان
يالبيهم رافعة راسي بين العوالم
………………

هلا بننظير الروح
ياكل ايامي وسنيني
وين ماالتفت بالنبض
القاها يم احسيني
انت الذخر وكل ناسي
وانت ضيا عيني
جَيتك جية قلب
فزة شوق بشراييني
حياك يابن امي
يالبعيونك مخليني
شلون احتمل فرقاك وفقدك يابن امي
يالتجلي همومي وباجر ذبحتك همي
ماريد طاري فراق عسا بس تظل سالم

………………

ضمها الاخو الحاني
احسين والدمع هامل
دام انا حي موجود
عن دمعج فلا غافل
واخوانج فلا يقصرون
كلنا لج حمى وكافل
ظهر وسند لج خيه
لو شفنا الحمل مايل
تدللي يااخت الروح
لاشوف الدمع سايل
ماريد بخدج تجري ياختي الدمعه
دمعتج منها احسينج يختلف وضعه
هذا القدر جاري واشوف لمقتلي راسم


………………
التفتت للقمر زينب
ياهلا برفعة راسي
هلا بكافلي الحاني
هلا بروحي عباسي
مادام حي موجود
ماينجرح احساسي
بعدك يااخو الروح
شلون اتحمل واقاسي
وانت العهد وواعدني
تظل لي اعز ناسي
شلون اتحمل نتفرق يانبضه بوسط قلبي
وانت الواعدني تبقى ظل إلي بدربي
ترضاها ياخو زينب دمعي اعلى الحزن ساجم

…………………


مسك ايدها العباس
وتلاقت النظرة بالنظرة
سكته بقلب لهفان
وبالصدر بقت حسرة
انا كافلج نادى
وانا الواعد الزهرا
ادللي اخت عباس
لاتُكسر بصدرج العبرة
فدوى الج العيون
وتفداج اليمنى واليسرى
مايمس قلبج خوف وانا من علي كافل
من يرتاع القلب صيحي ها ياابو فاضل
وانا لجل عيونج افني الارض والوادم


………………
زينب بقلب لهفان
التفتت لشبيه الجد
هلا بجمالك علي
هلا بخد الورد
ياوراث صفات اهلي
اهل الشيم اهل الود
انا ادري بوجودك
لروحي سلام وبرد
خوفي من اتروح
يوصل عدونا الحد
يفرح قلبي بشوفتك ياشبيه المصطفى
وانت من الخمسة ياعلي وارث كل صفه
عسى بشوفتك حبيبي النظر دايم

…………………

قبل ايدها الاكبر
ياعمه امدللة حيدر
قلبي على خوفج
لا ترتاعي من العسكر
كلنا فدوى لعيونج
قلبج لا يمسه الضر
يامعلمه الصبر صبره
وانتي له أم والسر
اطلبي ياعمه وامُرينا
ونادي ياعلي الاكبر
لا تخافين لا تنجرحين وعندج الاكبر علي
ياعمه احنا همنا مايتبدل دلالج الاولي
بس المعذرة منج لو وصللج عدو ظالم

….………………
نظرت بعين جاسم
وعيونها تلالي
هلا بروح الحسن
هلا يريحة الغالي
ياغصن وردة
ومن الحسن والي
يالبسمتك حلوه
راسي بيك عالي
من اتروح عني
يبني تتغير احوالي
روحي انت ياذكرياتي من الحسن
وادري بوجودك مايوصلني الحزن
بس شلوني من اشوفك للمنيه عازم


…………………

حضنها القاسم العريس
لا تخافين ابد ياعمه
من الحسن مذخور
كل حزنج انضمه
وعندي بس حلم واحد
الله لايحرمنا هالبسمه
لو يحصل حلم ثاني
الله لا يضيع منا هاللمه
بس انكتبت الاقدار
عمنا و نجلي له همه
اتدللي ولا تخافين عمتنا يالحنونه
ووجهج بوجودي ابد لاينخطف لونه
عندج بني عمي واعمامي والقاسم

……………………
دارت عينها زينب
بعيون اخوتها واهلها
نظرت واحد لواحد
وبس الدمعه تهلها
محلكم هنا كربلا
هذي الباري فضلها
الوعد لروحي والذخر
يروح مني كافلها
عني تروح الغوالي
عزوتي هذا محلها
ادري بيكم ياخوتي ياا هلي وبنيني
غالي اعليكم حزني واهاتي وونيني
بعد افراقكم بس انتظر طلعة القائم
بعد افراقكم بس انتظر طلعة القائم

صدق ماتت .. شهادة الحوراء زينب عليها السلام

صدق ماتت زينبنا واستراحت
صدق يعني ام الصبر راحت
دخيلك يا خويا وينك
ادريها مشتاقه لحنينك
انهض ها يا ابوفاضل انهض ها ياابو فاضل

■■■■■■


جرح فز هالليله بشرايني
احس سهم الفرقة ماذيني
كن اسمع بصدري صوت
الك مشتاقة الليله ياحسيني
هالصوت غالي وادري بيه
عاشق وبس عيونه تربيني
صوت ابد مافارق اذاني
من عاشر محرم اخر سنيني
اظن هالصوت يتنطر
يناديني يا بو الاكبر
ودمعي عليه ظل هامل انهض ها ياابو فاضل

■■■■■■
غالي الصوت كنه امن الشام
غفى اعلى الحزن ليله ونام
يفصل كم جرح كم احزان
فيه من الفقد كثرة اسهام
مصاحب الوجع وادري فيه
مبحوح من كثر ما منضام
فيه ونة وصرخة شوق
من الشوق وخِذلته الايام
مشتاق اسمع هالصوت
و ألحق قبل لا يموت
انا للشام خويا راحل .. انهض ها يا ابو فاضل

■■■■■■
نتعنى سوى ياسند ظهري
ولو منحري بدمومه يجري
اريد الحق صوت المشتاقة
قبل لا يذبل يابعد عمري
يتانينا قبل لاتغمض العين
واذا ماوصلت شنو عذري
بلهفة المشتاق خويا نتعنى
تارك طفلي وحده ابقبري
ماريد عليها نتأخر
صوتها بالحزن يسهر
حِملها من كربلا مايل .. انهض ها يا ابو فاضل

■■■■■■
ارد الحقها بساعتها الاخيرة
ننهض سوى يابدر العشيرة
وحشة لا تصبح جنازتها
غريبة اختنا محتارة حيره
كنت انا وياها قلب بنبض
فرقتنا كربلا وراحت اسيره
لا تظل وحيدة الغالية
بلا اخوة جنازة هالاميرة
محتاجتنا زينبنا هالليله
المدلله تموت بلا عيله

نسرع بالمشي يالكافل... انهض ها يا ابو فاضل

■■■■■■

غريبه اختنا والاجل منها حان
بترحل عنا المدلله ام الحنان
اخاف ينكسر خاطرها اختنا
من تمشي الجنازة بلا اخوان
نوصلها سريع يتبسم قلبها
قبل تغمض عينها تختم الاحزان
تأمن من تشوفنا ام المحنة
ويستر خاطرها شكثر وجعان
لا تبقى اختنا وحدها
نوسد عالترب خدها
لو دمنا لهسه خويا سايل .. انهض ها يابو فاضل

ألتقيك ..( فاطمه المعصومه ) 🏴




راح اخوج .. وغابت احلامي ياخويا من اسمعتها
راح اخوج .. بقلب دامي ياغالي ابد ماصدقتها
وانا بهالسفر .. واسمع هالخبر
وقلت اعلى الاثر .. ألتقيك ألتقيك
●●●●●

خويا من أخر وداع وانا لجيتك منتظره
احسب ليالي الفرقى وتخنقني العبرة
يالمامر عليا خويا افارق خيالك ولا مرة
يتعبني الحنين وذكرياتي وأخر العشرة
ذكريات ... شكثر بيني وبينك يالرؤوف
ذكريات ... لو تجي وتنظر اشواقي وتشوف
ذكرى ذكرى .. بصوتي عبرة
وين هالسفرة .. خويا واجيك
التقيك .. التقيك
●●●●●
اخر نظرة يا خويا تصورتها أنا بخيالي
عني من دِرت وجهك صورتها ظلت ابالي
وقلت لك انتظر بعد هاللحظة ياغالي
وسألتك وين اللقاء وشفت دمعك يلالي
الملتقى وين ... ياخويا دليني بمكانك
الملتقى وين.... ويمتى القى حنانك
وين أشوفك .. من أعوفك
مد لي جفوفك .. ارتجيك
والتقيك والتقيك

●●●●●
النظرة الأخيرة ياخويا ظلت بقلبي آه
وين التقيك يالما يحتمل قلبي جفاه
تدري بقلبي معلق بشوفتك وإنت سماه
ومن يحس قلبي بألم شوفتك هي دواه
على صوتك... معودة أنا صبح ومسا
على صوتك... حنيني وعشق الأتنفسه
صوتك دواي .. أرضي وسماي
ياعزي ورجاي .. دليني عليك
التقيك التقيك

●●●●●
خانقني الهوا من رحت والهوا إنتَ
اتاني جيتك وانتظارك بقلبي شلته
شلون المثلك رؤوف و يترك اخته
وأنا بعدك ياخليصي كل العمر عفته
أتاني شوفتك.. وبقلبي حسرة حسرة
أتاني شوفتك.. و لك خويا منتظرة
روحي بوجل .. كلي أمل
لايجي الاجل .. يالروحي بيك
والتقيك والتقيك

*'*
قلت اشوفك وتروح مني كلمات العتاب
واضم قلبك واقلك ياهلا بكل الأحباب
من رحت عني الهوا والنور سّوّد وغاب
وضاع الفرح والقلب من فرقاك شاب
ارجع وياك .. خويا يابو الروح الحنينة
ارجع وياك .. ايدي بيدك لارض المدينة
وارفع الراس.. واخبر الناس..
قلبي لا باس.. وايدي بايديك
والتقيك والتقيك
****'**
روحي ماتت خيو من قالوا مات
رحل واعلام سود لموته علامات
وقضى الوالي وراح اللقاء وفات
ومن الدهشة يبسن بعيني الدمعات
الرضا مات.. قلبي ماصدق هالخبر
الرضا مات.. وجمر شوقي استعر
لا ماصدقت.. من قالوا متت
ياغربة هالوكت.. ظلمة لياليك
والتقيك .. والتقيك
.******

سافرت أحلامي بعيدة وشوقي انهدم
نبضة نبضة يموت بقلبي باقي هالحلم
شلون ترضاها خليصي بعدك انهضم
وكنه موتي يالرضا بأشواقي منرسم
حان الأجل .. وماساعدني حلمي
حان الأجل .. ميته وأنا اعلى هضمي
غاب حزني .. وخفى وني
وخاب ظني .. ماجيت اليك
والتقيك .. والتقيك