View in Telegram
ياأم البنين مولاتي مدد...
دولبني الوكت وبحالتي اشسوه
اطلع من مصــــيبه وادخل ابلوه
أصبّر بالگلب والـــــروح بالـگوه
راح الحــــيل مني وبيش اتگوه
بيش اتكوه ــــــــ راح رباي مني
ــــــــــــــــــــــــــــــــــــــــ
عافوني بحسرتي وما شفت راحه
ضاگت دنيتي وصـــاحبت النياحه
گلبـــي من يدگ دگـــــاته ذبــاحه
أشبه مــــــنكسر يتچـــه بصفاحه
ابيوم وابليله ــــــ راحو خمسه مني
ـــــــــــــــــــــــــــــــــــــــــــــــــ
أنه ام اربعه مــا رايده امجازه
بس حگ الگلب مشتاگ لعزازه
وعازتها الولد لليــــحتظر عازه
غربه لو مشو مو هيبه الجنازه
كومو شيعيوني ـــــ حك رباي اريده
ــــــــــــــــــــــــــــــــــــــــــــــــــ
من يوم المشو والغالي فارگته
ما لحضه غفيت وجفني طـابگته
من گد البـــــواچي دربي تيهتـــــه
ويهظم حيل والله يا بچي السكته
راحت اعيوني ــــــــ على اغياب الأحبهم
ــــــــــــــــــــــــــــــــــــــــــــــــــ
حگهن بالبواچي ذبلن اعيوني
مكسورة گلب ولوحدي خلوني
ضيّعهم زماني وهدل امتــوني
حگي من أنوحن لا تـــلوموني
لاتلوموني ــــــــــــ آنه الخمسه فكدت
ــــــــــــــــــــــــــــــــــــــــــــــــــ
تمت بفضلهم ص
ياسر الزيادي
Love Center
Find friends or serious relationships easily