#شوية_حكي.. من بداية أحداث 7 أكتوبر وقلبي بيوجعني ع الشي اللي وصار واللي عم يصير بقلبي (غزَّة) في ألنا هناك أخوة وأصدقاء وأحباب.. بصفن كتير بالليل مين ح يموت ومين ح يشهد ع النصر.. بمين رح نعزّي وبمين رح نبارك.. أصوات أهل غزّة ما حسنت طالعها من رأسي.. صراخ وبكاء وكلمات وجمل وعبارات.. وكل هالشي ما فكرت بلحظة أتخطاه، لأن الوجع وجعنا والألم ألمنا.. تلقيت نبأ استشهاد عائلة آل مخيمر وانصعقت وكانت الصعقة صعبة لدرجة ما حسنت أتخطىٰ كلمات وحروف.. بعدها كل يوم نسمع خبر فلان وفلان وفلان.. هي الأسماء كانت مع كل اسم جزء عم ينبتر مني.. بخاف أسمع خبر.. بدور بأسماء الشهداء! بعرفه أو لأ وكل اسم اقرأه أحسّ إني بعرفه.. شعور الفقد صعب، فلسطين قضيتنا قضية أمّة، ما بعرف كيف تشجعت أكتب وأحكي.. بس جوّاتي حكي كتير.. غزّة انتصرت بكل شيء وصلوا صوتهم للعالم ورصاصاتهم حكولنا إنو المقاومة هي المنتصرة دائمًا.. اليوم وبكرا واللي بعدو ولبعد مليون سنة ح أحكي هالكلمة غزَّة هي اللي انتصرت وشهداء غزّة حكايات أبطال رح تتوارث جيل بعد جيل.. غزّة ما بتموت.. وأهل غزّة تيجان عزّة في منارة الإسلام.. الله يرحم الشهداء ويشفي الجرحىٰ وينصر المقاومة..💔"!