قناة الشاعرة ام محمد باقر ال عبيد ✍️الحسين هويتي وشعاري

☘للمذبوح الرضيع ع☘


كاني  بلسان حال مولاتي  السيده الرباب ع
تودع ولدها الرضيع ع

وزن //الشموس 👇
فاعلاتن فاعلاتن فاعلن فعلن

ليش ذبحوه الرضيع وليدي بالحومه
ابيض اگماطه وغرگ ياحيف بدمومه

🏴🏴🏴🏴🏴

يصرخ بكل عالي صوته يريدله اميه
والشريعه ابعيده صارت كلهه محميه
تضحك وشمتانه بينه كل بني اميه

من العطش ذبلان ويلي مغيره ارسومه....
ليش ذبحوه الرضيع وليدي بالحومه

✍☘ام فراس الساعدي ☘
🏴🏴🏴🏴🏴

من العطش ذبلان لونه ياجرح گلبي
والسهم غافي بركبته
تيّهت دربي
يادللولي الدفنته شلون ياربي
زغير بعده چتافي ينشد تايهه علومه

ليش ذبحوه الرضيع اوليدي بالحومه....

✍️ام رقيه الموسوي
🏴🏴🏴🏴🏴

ازغير ما يحمل عطش والركبة ملويه
فرفحت روحه يدوّر گطرة اميّه
امنين اجيب الماي لبني والعطش بيّه

ناره تسعر بالدليل شكد صعب يومه....

✍🏻ام محمد باقر ال عبيد
🏴🏴🏴🏴🏴

صعب يومك يالوحيّد يسحن بروحي
سهم المثلث اشوفه
يزييد اجروحي
ابد ماانسه الجرالك اجهر بنوحي

بعدك بعمر الورود عوفها النومه....

✍️ ام احمد المنصوريه
🏴🏴🏴🏴🏴

شنو ذنبك يلرضيع بدمك مخضب
ليش مارحموا ونينك جيتني مصوب
يمه گلي شلون اصبر گلبي يتعذب
فرفرت روحه اوليدي غرك بدمومه

✍️ام جعفر الايرواني
🏴🏴🏴🏴🏴

تمت باقلام شاعرات ✍️✍️✍️رابطة ساقي عطاشا كربلاء ع
غير مبري الذمه لكل من يغيير الاسماء او ياخذ كلمات القصيده وينسبها اليه

#اقلام شاعرات رابطة ساقي عطاشا كربلا

اللهم صل على محمد وال محمد وعجل لوليك الفرج يالله قصيدة الى سيدتي ومولاتي فاطمة العليله عليها السلام
وزن بحر طويل
__________

محمل ضعن أبو السجاد وماخذ كل غواليه

بوسط داره بقت فاطم تصب دموع مجريه

بويه ماخذيتوني
عليله ليش عفتوني
تكتل فرگت أحبابي نزلهم يوحش عليه

😭😭😭😭

أفتر بالنزل ضليت وسولف ويه حيطانه

وأگله ليش عافوني وانه حيل تعبانه

ومتعلمه على أبوي حسين أغفه بدفو أحضانه
وهسه وحيده انه ضليت بس القهر شبعانه

والله يعمن عيوني
عليله ليش عفتوني
تكتل فرگت أحبابي نزلهم يوحش عليه

✍️إم حيدر العبادي ناصريه
🔥🔥🔥🔥🔥
من يوم المشو لليوم منهم خبر ماجاني

ماأحمل هضم وفراگ عليله ومرضي سلاني

خذه كل أهلي أبوي حسين وانه بداره خلاني

بعد ماضن أشوفنهم فگدهم حيل هضماني

أخوي وعمي ماجوني
عليله ليش عفتوني
تكتل فركت أحبابي نزلهم يوحش عليه

✍️عاشقة الحسين ع ختام الناصريه

🔥🔥🔥🔥🔥

أشتاگ لحضنك الدافي بويه الكله حنيه

يهزني الشوگ الوجهك يبويه أشتاگ يوميه

وراكم تذكر شخليت عليلة عفت البنيه

شخصك غاب يالوالي بياساعه يرد ليه

بليله ماذكرتوني
عليله ليش عفتوني

تكتل فركت أحبابي نزلهم يوحش عليه

✍️ إم محمد باقر آل عبيد🍃

🔥🔥🔥🔥🔥

كل يوم اليمر أشتاگ وبعتبت الباب أگعد

وأسال عنهم الركبان يطارش عني لاتبعد

تراني مفارگه الخلان ودربهم ياخلگ مبعد

لوجاني خبر منهم يرتاح الگلب وأسعد

يحبابي درحموني
عليله ليش عفتوني

تكتل فركت أحبابي نزلهم يوحش عليه

✍️أم جعفر الايرواني

🔥🔥🔥🔥🔥

يبويه موحشه أديارك ودموعي أهلنها

تچتل بالنفس والروح ماهيدت من ونها

فرگاكم صعب چايد وگلبي ماغفه منها

ديوانك يون يحسين درب الشوگ ملنها

منكم خابت أضنوني
عليله ليش عفتوني
تكتل فركت أحبابي نزلهم يوحش عليه

✍️هدى المطر أم محمد

🔥🔥🔥🔥🔥

تمت بعون الله تعالى بأقلام خادمات الحسين عليه السلام في رابطة ساقي عطاشه كربلاء


#اقلام شاعرات رابطة ساقي عطاشى ڪربلاء
https://t.center/sikyatishikrblaa