الحمدالله رب العالمين ماعمري حطيت عيني ع حاجه مش ليا ولا حنحطها حتى حاجتي لما كثرث عليها الزحمة سيبتها انا حاجتي يابروحها ومفيش زيها اما متاعت الكل ويعرفوها الكل لالا متلزمنيش وان شاء الله ربي يفرق بيناتنا ولا يقربها ليا حتى ولو كانت خير ليا منبيهاش .
الي كان يشوف فيا بوجهي الطيب وبمعاملتي الكويسه وماقدرش شي هدا متزعلش يوم الي تشبح الوجه الثاني متزعلوش لان فعلا حيجي نهار وبتشوفو الوجه تاني حتى الطيب را عنده عنده طاقه، عنده صبر،عنده حدود لانه هو كان كويس بافعال ناس ثانيه ولا شخص مش كويس فاتعذر وتلوم والصبر ليه حدود .
عارف عيبنا في هالزمان اي انسان تقوله كلمة الحق في وجهة يكرهك ومايقبل الحق عليه ومايشكركش يقولك فعلا انت كلامك حق يقول هدا كارهني وهدا حاسدني ويشوه سمعتك قدام الناس لانه تنقصه الشجاعه ان يقول كلمة الحق .
انا عن نفسي منيش نادم على اي بصمه واثر خليته في حياه بني آدم عرفته في حياتي هدا شخص طيب واثر طيب وخلينا له اثر الطيب حتى لو مشينا من حياته والي كان سيء خلينا له حاجه يستحقها ومن قيمته الي دار معايا الباهيه جازيته بِالباهيه حتى بعد فراق والي دار معايا العافنه جازيته بالعافنه وخليتلا اثر السيء .
هو طبع ويغلب فِ صاحبه ومافيش حد يقدر يتغلب ع طبع متاعه حتى لو تغلب وحاول ان يعدله حايرجعله بنفس الطبع لكن فيا طبع الحاجه لو مجتنيش مانمشيلهاش الحاجه نبدا نبيها وواقف نتفرج عليها لكن نستنا فيها اتجيني كان مجتنيش بروحها واللهِ مانمشيلها جتني اللهم بارك مجتنيش سلامتها ولاعاد نبيها .
نصيحه مني ليك مدورش فضيحة غيرك وقعمز من باب الفضول تتفرج عليها ومن باب شماته دنيا دواره والكاس لِ شربه غيرك يجي يوم وتشربه را احني كلنا خطائين وجلى من لايخطئ والبني آدم خطاء اتقي الله فِ نفسك ومعاش تهدرز في اعراض الناس معاش تهدرز ع اعراض غيرك ومعاش تشوف لمصايب غيرك مصيبه من عند الله ابتلاء ربي عاطيك ستر اليوم را بكرا يرتفع منك ف اي وقت وبذوق من نفس الكاس .
في ناس بجديات الي هيا تستخدم ف الخساسه والخبث بطرق غير مباشره الناس هدي في حياتك متقدرش تواجها لان تعاملهم غير مباشر ومفيش حاجه ثابثه عليهم ولكن انت بأفعالهم هدي حاس بيها وواثق منها فأكثر ناس تقدر تعالجهم بطرقهم الخسيسه والخبيثه هدي بِأنك انت تتجاهلهم شبعه تجاهل حسسه بأن هو مش موجود حسسه بانه ولا حاجه .
الحياه فرصه وحتى معارف الناس فرصه فخلي نفسك الفرصه الي لو راحت معاش تتعوض تاني ديما عامل نفسك زي المرش ومن سابع مستحيلات المرش الي يتكسر ان يرجع فسامحني هدا كياني باللهِ انت كان مقدرتش نفسك الناس كيف بتقدرك .
