*** Телефон... Бир лаҳза етмайди ҳаво, “Севаман” сўзини эшитдим симдан. Телефон! Бугундан ўлгунимча то — Майлими, абадий Сенга суянсам? Деразам ёпилган — қўриқлар парда, Ҳаяжон, бунча кўп ичасан қасам. Телефон, ҳеч кимим йўқ-у шаҳарда — Телефон, майлими сенга суянсам? Чақириб-чақириб чарчади эшик, Ҳавога учади хавотирлар ҳам. Телефон, қарагин бошларим эгик, Телефон, майлими, Сенга суянсам? Қара, севаяпман кўча — борлиқни, Қара, одамлардек яшаяпман ман. Телефон чинакам бахтиёрликни Биласан... Биласан... Сенга суянсам... Хосият РУСТАМОВА @Xosiyat_Rustamova