قصيدة السيدة زينب عليها السلام انه وحدي بديره غربه. وبس دمع عيني اصبه وين اخوتي... حان موتي انه وحدي بديره غربه ♾️💔♾️💔♾️💔♾️ خويه ياعباس. وينك ماتجيلي نارك ونار الوكت حرگت دليلي وخلصت بالون نهاري ويه ليلي افراكم كلش صعب هدملي حيلي زاد وني،... هذا حزني من اهد فكد الاحبه انه وحدي بديره غربه ♾️💔♾️💔♾️💔♾️ حيلي مارد يالولي، وياك اخذته والاخوصعبه يخويه يترك اخته جم سنه عباس، طولك مالمحته عگلي، يالغالي ابعجل مني، سلبته وحشه ليلي، ماتجيلي ودنيتي ياخويه صعبه انه وحدي بديره غربه ♾️💔♾️💔♾️💔♾️ وحشه ليلي وسهرت خويه الليالي بديرة غربه ومايمر. اعليه والي واه ياحزن. البعدكم و الجرالي وحدي بالشام اون وهذا حالي تعنه روحي. زاد نوحي ياحزن ياضيم اكتبه انه وحدي بديره غربه ♾️💔♾️💔♾️💔♾️ ياحزن ياضيم اسولف يافجيعة وضاگت اعليه بعدكم هالوسيعة وتشتري دنياي بالهم وتبيعة وتالي اموت بديرة اصحاب الخديعة حسرة والام. ديرة الشام ياالم ياضيم. اجربه انه وحدي بديره غربه ♾️💔♾️💔♾️💔♾️ اه ياديرة الشام. وبيها شلكة وانه سطرت الحزن حركة اعله حركة يااحبابي. بالغرب تكتل الفركه وادري عكب الشام ابد مابعد ملكه الهم كتلني. محد حضرني وعمري كله ضاع تعبه انه وحدي بديره. غربه ♾️💔♾️💔♾️💔♾️ انت وي روحي اسكنت من الطفوله وعندي جم عباس والبيهم بطوله عندي يتوقف كلامي، من اكوله هسه وحدي بالغرب بنت الحموله وحدي انوحن. وين اروحن و ياعذاب وضيم احسبه انه وحدي بديره. غربه ♾️💔♾️💔♾️💔♾️ تمت بأقلام خادمات اهل البيت عليهم السلام ✍🏻الشاعرة ام إبراهيم الحلفي ✍🏻ام زهراء الزيداويه البصراويه 🤲🏻نسالكم الدعاء 🤲🏻