Donat Donat — bu biror bloger yoki xizmat uchun foydalanuvchilar tomonidan ixtiyoriy ravishda qilingan xayriya turi. Misol uchun, siz kompyuter oʻyinlarini xush koʻrasiz va oʻyinlarni qanday oʻtish mumkinligini oʻrgatuvchi videoblogerning sahifasiga obuna boʻlgansiz. Oʻzingizga kerakli va foydali maʼlumotlarni olayotganingiz uchun blogerni xursand qilish maqsadida uning hisobiga pul oʻtkazasiz. U esa olingan mablagʻlarni yangi kamera va mikrofon xarid qilish, videolar sonini koʻpaytirish yoki boshqa yoʻllar bilan faoliyatini kengaytirish uchun ishlatishi mumkin. Agar siz bizning faoliyatimizdan mamnun boʻlsangiz, kanalimizda joylab borilayotgan maʼlumotlardan foyda olayotgan boʻlsangiz va bu uchun oz boʻlsa-da moddiy koʻmak berishga tayyor boʻlsangiz, biz bundan faqatgina xursand boʻlamiz. Olingan pullar nima uchun ishlatiladi? Umuman olganda, kanal taraqqiyoti uchun. Shu kungacha kelib tushgan pullar 200 ming soʻm atrofida boʻldi, ularni joʻnatgan insonlarga ulkan minnatdorchiligimizni bildiramiz. Lekin kanalni targʻib qilish uchun juda koʻplab Telegram-kanallarida reklamalar sotib olindi, kichik pulli tanlovlar uyushtirildi. Bularning asosiy qismi shaxsiy mablagʻlarim hisobidan boʻldi. Qadimdan insonlarga tomoshayu-hangomalar, oʻyin-kulgilar kerak boʻlib kelgan. Hozirgi kungacha deyarli hech narsa oʻzgargani yoʻq. Saviyasi minus cheksizlikka harakatlanib borayotgan kanallarni bir necha yuz ming obunachilar kuzatadi. Bizni esa — hozircha asosiy kanalimizda 25 ming va bu kanalimizda 800 kishi kuzatib bormoqda. Oʻzbek tili mavqeyini yuksaltirish va odamlarning savodxonlik darajasini oshirish maqsadimizni maʼqul topsangiz, bizni moddiy yoʻl bilan qoʻllab-quvvatlashingiz mumkin. Agar buning imkoni boʻlmasa, bizni yaqinlaringizga tavsiya qilish orqali ham kanal rivojiga oʻz hissangizni qoʻshishingiz mumkin. Donat uchun karta raqami: 8600 5729 0254 7798 Karta Rustamxoʻjayev A. nomiga ochilgan. @xatoliklar @xatoliklar_lotin