قصيدة لمولاتي الزهراء ( عليها السلام  ) وزن الدارمي ┈┉┅━━❀✦❀━━┉┉┈ زينب يبعـد العـين صـرتـي يتيمه وابدوني  اتعيشين يمه ابهظيمه ┈┉┅━━❀✦❀━━┉┉┈ فلـت العشره اويـاچ يحبيبه يمي شماله الدهر ويـاي بسهامه يرمي ولفرگت الشفجات يعـيوني تعمي چـنتـي يبعد الروح كلش رحيمه أم عــ✍🏻ــلــي الـحـلـفـي ┈┉┅━━❀✦❀━━┉┉┈ چنه  بحضنها  انام  صبح  ومسيه وين الدهر ودااج  من بين اديــــــــه شنهي العمر اگضيه تبجي البنيه راحت  بعد متعود وسف وحريمه ام وليـــ✍️ــــد الموسوي ┈┉┅━━❀✦❀━━┉┉┈ يمه العمر اگضيه حسبه اعله حسبه وتنحب علــى فرگاج  والدمع  اصبه اعليج اشــوف احسين منهظم گلبه ويذكــــر البيج وصار  يوم الجريمه سهـــــ✍🏻ـــــام المالكي ┈┉┅━━❀✦❀━━┉┉┈ يذكر البيج اشصار ويهل الدموع فاگد حنان اليوم وگليبه موجوع يگلي بعد شيفيد  مامنها مرجوع زهرتنه ها يم عون سكنت الهيمه ام عـ✍🏻ــــــــلي البابلي ┈┉┅━━❀✦❀━━┉┉┈ راحت بعد متــعود امي الحبــيبه وسفه الضلع مكسور والحگ سليبه ماغمض جفني او لا عيــوني سچـيبه امصاب الزجيه صار بالگلب أليــــمه أم صــــ✍️ـــــادق المنصوري ┈┉┅━━❀✦❀━━┉┉┈ امصاب امي يوجع حيل والله وهظمنه هم ترجع الايام ويرد شملنه رجعها يا هل موت وابعبرة صحنه اشبع بعدها اهموم كثرة وضليمه زيـ✍🏻ـنب الـواسطـي ــــــــــــــــــــــــــــــــــــــــــــــــــــــــ ((( رابط راثيات العتره ))) تـــمـ بعون الله تعالى ـــت باقـــ✍ـــلام خادمات اهل البيت ع (((رأّبِطّةّ رثّأّء أّلَعٌتّرهِ))) بتاریخ  /2/ جمادي الثاني / 1444هـ🌙 لانجيز حذف الاسماء 🙏🏻🙏🏻نسالكم الدعاء🙏🏻🙏🏻 قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العتره https://t.center/WAiomAill