🇮🇳 Vidya Prabodhini MPSC

🔰 आलोक आराधे मुंबई उच्च न्यायालयाच्या मुख्य न्यायमूर्तीपदी 🔰

◾️ मुंबई उच्च न्यायालयाचे नवनियुक्त मुख्य न्यायमूर्ती म्हणून आलोक आराधे यांना राजभवन येथे राज्यपाल सी. पी. राधाकृष्णन शपथ दिली.
◾️ सर्वोच्च न्यायालयाच्या न्यायवृंदाने 7 जानेवारी 2025 रोजी तेलंगणाच्या मुख्य न्यायमूर्तीपदी कार्यरत असलेल्या आराधे यांची मुंबई उच्च न्यायालयाच्या मुख्य न्यायमर्तीपदी नियुक्तीची शिफारस करण्यात आली होती.
◾️ मुंबई उच्च न्यायालयाचे मुख्य न्यायमूर्ती देवेंद्र कुमार उपाध्याय यांची दिल्ली उच्च न्यायालयाचे मुख्य न्यायमूर्ती म्हणून बदली करण्यात आली.

✍ संकलन: अमित लव्हटे सर
(संचालक, विद्या प्रबोधिनी कोल्हापूर)

Join - https://t.center/VidyaPrabodhiniMPSC
➖➖➖➖➖➖➖➖➖➖➖➖➖➖➖➖➖

🔰 राज्य निवडणूक आयुक्तपदी दिनेश वाघमारे 🔰

◾️ सनदी अधिकारी दिनेश वाघमारे यांची राज्य निवडणूक आयुक्तपदी नियुक्ती करण्यात आली. आगामी महानगरपालिका, नगरपालिका, जिल्हा परिषदांच्या निवडणुका घेण्याची जबाबदारी नवीन आयुक्तांवर असेल.
◾️ यू.पी.एस. मदान यांची मुदत गेल्या सप्टेंबरमध्ये संपल्यापासून निवडणूक आयुक्तपद रिक्त होते. राज्यपाल राधाकृष्णन यांनी सरकारची शिफारस मान्य करीत दिनेश वाघमारे यांची राज्य निवडणूक आयुक्तपदी नियुक्ती केली आहे.
◾️ वाघमारे यांनी नवी मुंबई व पिंपरी- चिंचवड महानगरपालिका आयुक्त, ऊर्जा, सामाजिक न्याय विभागांचे सचिव, विभागीय आयुक्त, विदर्भ वैधानिक विकास मंडळाचे सदस्य सचिव अशा विविध पदांवर काम केले आहे.

✍ संकलन: अमित लव्हटे सर
(संचालक, विद्या प्रबोधिनी कोल्हापूर)

Join - https://t.center/VidyaPrabodhiniMPSC

➖➖➖➖➖➖➖➖➖➖➖➖➖➖➖➖➖

🔰 व्ही. नारायणन 'इस्रो'च्या प्रमुखपदी 🔰

◾️ केंद्र सरकारने डॉ. व्ही. नारायणन यांची भारतीय अंतराळ संशोधन संस्था (इस्रो) चे नवीन अध्यक्ष आणि अवकाश विभागाचे सचिव म्हणून नियुक्ती केली.
◾️ अवकाश विभागाचे सध्याचे सचिव आणि 'इस्रो' चे प्रमुख एस. सोमनाथ यांची जागा नारायणन घेतील. अवकाश विभागाच्या सचिवांकडेच 'इस्रो'चे प्रमुखपदही असते.

⚫️ कोण आहेत व्ही. नारायणन?
डॉ. व्ही. नारायणन हे एक प्रतिष्ठित शास्त्रज्ञ आहेत, ज्यांना रॉकेट आणि स्पेसक्राफ्ट प्रोपल्शनमध्ये जवळपास चार दशकांचा अनुभव आहे. त्यांनी‌ 1984 मध्ये इस्रोमध्ये काम करण्यास सुरुवात केली आणि विविध पदे हाताळली.
2018 मध्ये त्यांची लिक्विड प्रोपल्शन सिस्टीम सेंटर (एलपीएससी) चे संचालक म्हणून नियुक्ती करण्यात आली होती, जे इस्रोच्या प्रमुख केंद्रांपैकी एक आहे.

✍ संकलन: अमित लव्हटे सर
(संचालक, विद्या प्रबोधिनी कोल्हापूर)

Join - https://t.center/VidyaPrabodhiniMPSC
➖➖➖➖➖➖➖➖➖➖➖➖➖➖➖➖➖

🔰 इंडोनेशिया BRICS चा नवा सदस्य 🔰

◾️ ब्रिक्स या संघटनेमध्ये आता आणखी एका देशाचा समावेश झाला आहे. इंडोनेशिया BRICS गटाचा पूर्ण सदस्य झाल्याची घोषणा 2025 मध्ये ब्रिक्सचे अध्यक्षपद भूषविणाऱ्या ब्राझीलने केली आहे.
◾️ BRICS मध्ये सहभागी होणारा इंडोनेशिया हा जगातील 11वा तर आग्नेय आशियातील पहिलाच देश ठरला आहे. इंडोनेशिया हे आग्नेय आशियातील सर्वात मोठी अर्थव्यवस्था आणि सर्वाधिक लोकसंख्या असलेले राष्ट्र आहे.
◾️ ब्रिक्स परिषद यावर्षी जुलै महिन्यात ब्राझीलमधील रिओ दि जानेरो येथे होणार आहे. यावेळी ब्रिक्सची थीम ग्लोबल साउथ आहे. सदस्य देशांमधील व्यापार सुलभ करण्यासाठी पेमेंट गेटवे विकसित करणे हे त्याचे उद्दिष्ट आहे.
◾️ BRICS ची स्थापना 2009 मध्ये ब्राझील, चीन, रशिया आणि भारत यांनी केली होती. त्यांची पहिली शिखर परिषद रशियातील येकातेरिनबर्ग येथे झाली. 2010 मध्ये दक्षिण आफ्रिकेचा या संघटनेत समावेश करण्यात आला. 2024 मध्ये इजिप्त, इथिओपिया, इराण, सौदी अरेबिया आणि यूएई हे ब्रिक्सचे पूर्णकालीन सदस्य बनले.

✍ संकलन: अमित लव्हटे सर
(संचालक, विद्या प्रबोधिनी कोल्हापूर)

Join - https://t.center/VidyaPrabodhiniMPSC

➖➖➖➖➖➖➖➖➖➖➖➖➖➖➖➖➖