- فِكرة إنك تكلمني وتحاول تعتذرلي عن حاجة إنتَ عملتها وضايقتني ، فدي كبيرة أوي عندي ، ومُستحيل أتعامل معاك على إنّك مُخطأ ، أنا الموضوع بالنسبة ليا اتنسى وانتهى في اللحظة اللي حسيت فيها منك إن زعلي فارق معاك وإنك مقدّرني بشكل كافي ، أنا شخصية بسيطه جدًا ويكفيني إن اللي قُدامي يطمني ❤️ >>> .
أنا لما بغير علي حد بحس ان قلبي بيتخلع من مكانه ، مبطقش اشوفه بيكلم حد ولا بيضحك مع حد ، ولا بيحكي حاجه لحد غيري انا ممكن اعيط من الغيره والله ، مش حب امتلاك بس حاجه شبه اني اعيش كل تفاصيله لوحدي ومحدش يشاركني فيه .
كل ماهتكبر أكتر وتفهم هتتأكد إنك مش لازم تكون محور الكون وأشطر واهم شخص في الدنيا ، والأهم فعلاً إنك تكون بتحب نفسك صح وعارف قيمتها ومش فارق معاك خالص رأي حد فيك ، كل ماهتنضج هتعرف إنك مش لازم خالص تكون بطل الروايه اللي كل الناس مبهوره بيه وبتحكي عنه 🥰❤️❤️❤️❤️❤️❤️❤️❤️❤️ >>> .
في المستقبل هعلم ابني يحترم أخته ويعتمد على نفسه ، مش نبقى قاعدين كلنا ويقومها تعمله ساندوتش أو شاي وهو في مقدرته يعمل ده بس مكسل ويساعد في نضافة البيت كمان ، ما هو بيتنا كلنا في الأخر
وياريت نعتمد الأسلوب ده ، ونبطل نعامل الولد على إنّه مشلول .
