​Poytaxt aeroportida dam olish uchun kapsulalar va bank-maslahat xizmatlari shoxobchalari tashkil etiladi “Uzbekistan Airports” kompaniyasi “E-auksion.uz” elektron platformasida Toshkent xalqaro aeroportining jo‘nab ketish terminali va qurilayotgan yuk terminalida joy ijarasi uchun bir nechta lotlarni joylashtirdi. Uchib ketish zalining uchinchi qavatida dam olish kapsulalarini o‘rnatish uchun 6 kv.m maydon kimoshdi savdosiga qo‘yiladi. Lotning boshlang‘ich bahosi – yiliga 72 million so‘mni tashkil etadi. Uchib ketish zalida bank-maslahat xizmatlarini ko‘rsatish uchun joy ham ijaraga beriladi. 10 kv.m maydonning yillik boshlang‘ich qiymati 180 million so‘m. Shuningdek, jo‘nash zalida xalqaro SIM-kartalarni sotish punktini tashkil etish uchun 3 kv.m maydon kim oshdi savdosiga qo‘yiladi. Lotning boshlang‘ich bahosi yiliga 360 million so‘m etib belgilandi. Bundan tashqari, E-auksion.uz elektron platformasida qurilayotgan yuk terminalida aviakompaniyalar va deklarant xizmatlarini ko‘rsatuvchi kompaniyalar uchun ofislarni ijaraga olish uchun bir nechta lotlar mavjud. Lotning boshlang‘ich bahosi 1 kv.m. uchun 800 ming so‘mni tashkil etadi. Web-site | Facebook | Instagram | Telegram | X | IOS/Android