​“Uzbekistan Airports” AJda 11-noyabr – O‘zbekiston Kasaba uyushmalari kuni keng nishonlandi “Uzbekistan Airports” kompaniyasida O‘zbekiston Kasaba uyushmalari kuniga bag‘ishlangan madaniy-ma’rifiy tadbir tashkil etildi. Unda aviatsiya sohasi kasaba uyushmasi yetakchilari, Respublika Kasaba uyushmalari Kengashi mutaxassislari va soha xodimlari ishtirok etdi. Tadbirni kompaniya boshqaruvi raisi maslahatchisi S. Fayzullayev ochib berdi hamda barcha yig‘ilganlarni ushbu sana bilan qutladi. Aksiyadorlik kompaniyasi tuzilmalari rahbarlari – katta jamoada mehnat qilib kelayotgan hab bir xodimning qonuniy manfaatlarini himoya qilishda, ularga qulay ishlash muhitini yaratishda Kasaba uyushmasi katta tayanch kuchga aylanganini e’tirof etdilar. Bayramga tashrif buyurgan O‘zbekiston Kasaba uyushmalari Federatsiyasining malaka oshirish instituti rektori Erkin Umarxunov yig‘ilganlarga yaqin yillarda xodimlar huquqlarini himoya qilish yo‘nalishida amalga oshirilgan ishlar haqida batafsil so‘zlab berdi. Bayram so‘nggida madaniy dastur doirasida kuy-qo‘shiq va raqs, mumtoz musiqalar yangradi. Tadbirning ikkinchi qismida aviatsiya sohasida uzoq yillar ishlab kelgan faxriylar va pensionerlar uchun dasturxon yozildi va sovg‘a-salomlar ulashildi. Web-site | Facebook | Instagram | Telegram | X | IOS/Android