Har bir fermer zamonaviy texnologiyalarni keng qo‘llash orqali o‘z faoliyatini samarali ravishda tashkil etishi zarur. 📸Bu nafaqat mehnat unumdorligini oshirish, balki fermer xo‘jaliklarini raqobatbardosh qilishda ham muhim ahamiyatga ega. 🚜 Kuni kecha, “O’zagrolizing” aksiyadorlik jamiyati Boshqaruv raisi N. Otajonov mamlakatimizda faoliyat yuritayotgan Xitoyning “Tian Ye AGRO” kompaniyasining vakillari bilan uchrashuv o‘tkazdi. Ushbu kompaniya zamonaviy chigit ekish seyalkalarini ishlab chiqarish bo‘yicha yetakchi ishlab chiqaruvchilardan biridir. ⏺Ularning taklifiga ko‘ra, kompaniya "O’zagrolizing" AJ bilan hamkorlikda fermerlarga o‘z mahsulotlarini lizing asosida yetkazib berishni rejalashtirmoqda. Bu esa, o‘z navbatida, fermerlarga ilg‘or texnikalardan foydalanish imkoniyatini yaratadi va ularning yer ishlov berish jarayonini ancha yengillashtiradi, shu bilan birga, hosildorlikni ham sezilarli darajada oshirishga yordam beradi. ✔️Uchrashuvda tomonlar o‘zaro hamkorlikni yanada rivojlantirish, innovatsion texnologiyalarni joriy etish bo‘yicha bir qator aniq chora-tadbirlarni belgilab oldilar. Buning natijasida, fermerlarga zamonaviy texnika va uskunalarni yanada qulay shartlar asosida taqdim etish imkoniyati yaratiladi. #hamkorlik 🌎 www.uzal.uz 🕊Telegram | 📹Instagram | 📱Facebook | 📺YouTube