Ulugbek Samigjonov

Video davomida AI Code Editor haqida ham aytib o'tib, Cursor bo'yicha qisqa demo qilib ketganman.

O'zi umuman AI Code Editor'lar haqida gaplashadigan bo'lsak. Taxminan 8 oycha oldin Cursor'ni ishlatishni boshladim. Kod yozishda samadorligimni oshirishda yordam berdi. Lekin darajamni oshirib bergani yo'q. Faqatgina oldin Google, Stackoverflow, yokida ishlatayotgan texnologiyamni dokumentatsiyasiga o'tib, uni o'qishga ketkazadigan vaqtimni ancha tejab berdi.

Hudda shunaqa sizni ham junior'dan middle, yoki middle'dan senior darajasiga chiqarib qo'ymaydi. Eng qizig'i AI Code Editor'lar darajasi yuqoriroq bo'lgan dasturchilarga ko'proq foydasi tegadi. Chunki ularda tajriba bor, nimani izlashni bilishadi, faqatgina shu izlagan narsalarini tezroq topishga yordam berish kerak. Undan tashqari "o'tlab" ketgan holatlarda, ya'ni kontekstga aloqador bo'lmagan yokida noto'g'ri javob chiqarib berayotgan payti, to'xtatishni bilish ham tajriba orqali keladi.

Shuning uchun fundamental bilimlarga ko'proq e'tibor berish kerak. Qancha tajribangiz va bilimingiz ko'p bo'lsa, AI Code Editor'lardan shuncha ko'p foyda olasiz.

Bu haqda yaqinda The Pragmatic Engineer blogida ham maqola chiqdi (ingliz tilida). O'qishni tavsiya qilaman.

#ai #cursor

Javascriptni o'rganish orqali siz:

✔️ Interaktiv veb sahifalar
✔️ Veb-ilovalar (Angular, ReactJS, VueJS va boshqalar)
✔️ Server tomonda dasturlash (NodeJS)
✔️ Mobil ilovalar (React Native)
✔️ Brauzerda o'yinlar (Three.js)
✔️ Ma'lumotlar bilan ishlash va ularni vizualizatsiya qilish (D3.js, Chart.js)
✔️ Sun'iy intellektga asoslangan loyihalar (Tensorflow.js, OpenAI API)
✔️ Chrome kengaytmalar (extensions)

yuqorida keltirilgan dasturlarni ishlab chiqishingiz mumkin. Menimcha bular Javascriptni o'rganish uchun yetarli sabablar bo'lsa kerak 🙂

P.S: Desktop dasturlash ya'ni MacOS, Windows, va Linux operatsion tizimlarga ilova qilish qolib ketibdi. Electron orqali siz buni amalga oshirishingiz mumkin.

Manda faqatgina bitta kanal bor, ya'ni hozir xabar o'qib turganingiz: @ulugbeksamigjonov

Youtube sahifamda va har bir videoni oxirida shu kanalga havola qoldirib ketganman. Qolgan hamma kanallar mani nomimdan yuritilayotgan (manga tegishli bo'lmagan) kanallar hisoblanadi.

Youtube'da yangi Javascript kursini boshlab oldik. Agar siz Javascript asoslari kursini tugatgan bo'lsangiz, boshida qaytarish bo'lishi mumkin. Lekin shunda ham yuklangan videolarni ko'rib ketishingizni tavsiya qilaman. Yangi kursda oldingi kursdagi kamchiliklar to'g'irlangan, qolib ketgan mavzular qo'shilgan va undan tashqari darslarni oxirida suhbatda uchraydigan savollar keltirib o'tilgan.

#javascript

Assalomu alaykum,

Uzoq muddatli tanaffusdan so'ng Telegram va Youtube kanallarimni yuritishni yana boshladim.

Bundan keyin Telegram kanalimda dasturlash bo'yicha tavsiyalar, o'zimni tajribalarim, fikr-mulohazalarim va foydali resurslarni ulashib boraman. Youtube kanalda esa yangi kursni boshlab olamiz.

Agar Youtube kanalimga hali obuna bo'lmagan bo'lsangiz, quyidagi havola orqali obuna bo'lishingiz mumkin. Hozirgacha Youtube kanalimda quyidagi mavzularda kurslarni topishingiz mumkin:

- HTML (29ta dars)
- CSS (63ta dars)
- Bootstrap (42ta dars)
- SAAS (18ta dars)
- Javascript asoslari (30ta dars)

Shu paytgacha kuzatib, qo'llab-quvvatlab kelganingiz uchun rahmat.