- خليك عارف أن مفيش حد حيجي في نهاية المَشوار يقولك شُكراً عَلى التنازُلات اللي درتها عَخاطري ، مَحد اصلاً حَيذكر شن درت ولو اذكروها حَيحسبُوها عليك بِمبدأ انت اللي اخترت انك تَدير هكي مَحد قالك دير شي عخطرنا ، فكر في هذا كله قبل مَ تتنازل زيادة عَن اللزوم عخاطر حد .
- كل التجارب في الحياة تأكد في حقيقه وحده ولي هي انَّك متتعشمش في حد لا لي صحاب ولا في قراب ولا في اي مخلوق على وجه الارض، عشمك في الله فقط…لان انا تعشمت بحد واتنين وتلاثه اش معنى ان كلهم موفوش سوا صحاب سوا قراب لدرجة قعدت نفكر ان الخلل مني، علاش طيب انا منستاهلش نتعشم ومنتكسرش، بس للاسف مفيش حد مستعد يتخطى مسافات وعقبات عخاطري ولا عخاطر انا منتعشمش وكلها تحط فيها على ظهر الظروف و منقدرش ومش بيدي .
في ناس مش مستوعبين فكرة إنهم ماعاش يهموك بعد ما طلعو من حياتك ، قاعد عندهم هاجس غبي يقوللهم إنك مش قادر تقدم خطوة من بعدهم ، و موقف حياتك ومستنيهم ، مش قادرين يستوعبو فكرة إن الشخص هذا اللي ضروه قادر يكمل حياته طبيعي ، ينجح ، ويفرح وقلبه سليم ، متخيلين إنهم ممكن يشكلو فرق كبير ، أو يكونو محور حياة ، والغائب المنتظر ، ما يعرفوش إنهم عدم .
